飛鷹餐廳

營業中

休息中

番工時間黎食午餐lunch時間都等左陣位裝潢還不錯，舊式餐廳七八十年代裝修和餐牌設計，碞晒近年興既懷舊服務就一般般啦，唔算特別好又唔係特別差就係自己坐底食完起身走，唔好諗茶記會有咩服務湯無咩特別，唔會話好飲或難飲，唔飲都無損失那種餐包，都幾大個同鬆軟，暖暖地，幾ok，係邊位硬左d牛扒意粉餐，無伏位，但好味又說不上，但份量就大大份, 一定夠晒飽牛扒大款但薄，煎得邊位有少少脆無咩脂肪，係全熟，有少少un，肉質未算鞋口總說:環境尚可夠懷舊，服務正正常常食物無話特別好食或難食，但就一定夠晒飽肚，都抵食既

相信好多香港人同我一樣，好鍾意去舊式扒房鋸扒！！一排無去食就心掛掛～呢間食過幾次，第一次寫食評～我會叫肉眼7成～白湯～佢個餐包係好巨型既包，似係麥包，其實好多時食左個咁大既包同湯已經好飽，但暖暖既包揸左牛油，再配個湯，你就係永遠會忍唔住食晒～！！hahaaaa肉眼配左蒜蓉汁，黎到沙沙聲，聽到都開心～！！師傅每次都岩岩好煎得，唔會太生太熟，正正係我想要既熟度～！！仲有d薯菜吸晒d汁，好正～！！！每次都係抱住個肚仔離開～飽到傻呀

歷史餐廳平食牛扒，兩年多前食過一次，今日和友人再次光顧。😊😊約$98有湯、有包、鐵板牛扒和一杯飲品，三人埋單$323，價錢上是化算，但質素覺得開始下降....西冷牛扒 😋😋😋五成熟，牛扒軟，肉味都有，但無咗食扒滋滋聲....新西蘭肉眼扒 😋😋五成熟，愈食愈鹹....好多筋呀....牛柳 😋😋😋相對肉眼，牛柳最好食，又軟味道剛好！.總括想平食牛扒醫肚、食回憶和歷史都係一個選擇。😂🤫😂

一直都想試好耐，終於有機會食到，結果好難食！牛肉冇牛肉味！洋蔥汁好鹹，食完好頸渴，但是個餐包就不錯，餐湯，羅宋湯，忌廉湯都不錯，服務態度就一般啦，以上的內容，絕無虛構。

晚上约了人食饭，提前两小时去到，由于天气太热只可以随便找一间餐厅休息。看见这间餐厅应该有半世纪的历史。裏面的装修和摆设都很70年代feel。幸好空调非常强劲，作为一个短暂休息的地方实在没算错。随便点了一个下午茶餐。肠仔双蛋配多士加咖啡一杯才33三元。整体不过不失没有惊喜。服务也是传统西餐厅的服务中规中矩。看了一下餐牌价格亦不算很贵。100元吃一个铁板套餐绝对是正常街坊价。其他西式意粉或饭也是50~60元。这餐厅让我想起小时候爸爸带我去家裏楼下吃的西餐厅。实在值得怀念。

第一次來飛鷹，平時經過都見到好多人排隊今日終於第一次嚟試吓，帶埋我阿媽同埋女朋友一齊嚟食下，好啦一嚟到呢，見到門口又要等位，等左唔係好耐大概10分鐘到左右就有位啦，咁我就推住輪椅，準備叫阿媽起身摺埋張輪椅嘅時候！個四眼佬侍應指住張輪椅話唔入得， （我已經想爆）我話張輪椅可以摺埋㗎，佢話一係放出門口，（又準備爆之際）佢話可以放返入鋪裏邊，諗住開開心心食嘢就冇同佢講！其實期望都唔算高點知入到去真係瀨晒嘢？叫咗三個餐，肉眼牛扒餐，雜扒餐，焗海鮮飯！跟住我阿媽話想飲周打魚湯，就問個四眼老女侍應，可唔可以加錢轉周打魚湯，佢話可以咁就轉左啦，見佢個周打魚湯原價都要成40幾蚊，我諗都應該唔錯！點知.......先來左兩個湯，一個羅宋湯，一個忌廉湯，飲飲下見餐包未黎就問吓個侍應，講四眼女老侍應，問返我轉頭問我地未食包咩，（唔係諗住我貪你個包呀嘛？）佢又走番轉頭問吓人，先可能發覺真係未俾我哋，就攞返兩個包過嚟！嚟咗兩個餐包，可能諗住個周打魚湯俾你先俾咗兩個餐包你！點知我地飲完兩個湯之後，個周打魚湯都仲未嚟，又問吓佢，佢話個周打魚湯係要特別整嘅，所以要耐D，好等下你！個周打魚湯嚟到喇，問過女侍應仲爭一個餐

小弟鍾情懷舊西餐，久讓這隻「flying eagle 🦅」大名，終於有機會一試。到埗環境倒退到經典西餐場景，舊式擺設增添氣氛。坐低看餐牌價錢相宜，點了一百蚊內的西冷牛扒和雞扒餐。牛油餐包應該是自制，侍應即叫即加熱，包上枱是還燙手的，拳頭👊🏻般大，真材實料。紅湯較白湯好飲，紅湯帶點微辣，開胃。另外叫了小食蝦多士，小弟對此作出誠意推介一來特別，非隨便遇到、二來飛鷹蝦多士即叫即做，新鮮炸起，香脆可口，熱度剛好！到七成的西冷上場，黑椒汁的配搭不錯，師傅亦能掌握七成的熱度，不會過韌，讚。燒汁的雞扒，雞肉嫩口，兩扒餐份量十足！彈：眼見侍應沒有戴手套，就把包直接加熱，在微波爐（/小型焗爐？）隨手拿出拿入，衛生麻麻地。唯有本着大菌食細菌的精神無視！

今天突然想食豬手 即刻同朋友嚟以前鋸開扒嘅飛鷹 貪佢平靚正去圖先 漏咗影特寫抱歉份量勁足 一定食得飽 仲係好大機會食淨小編嚟食都係中意夠啖啖肉 所以頗滿足另外亦好中意佢隨餐嘅餐肉 熱辣辣 好食！朋友叫嘅係吉列豬扒 都係一樣 份量多到兩大塊 真係好多朋友話味道還好 但太多肥脂位小編即刻試食咗 事實三四成位係肥膏味道就普普通通啦係得個多字呢間店小編大學時期成日嚟食 充滿回憶之餘真係貪佢平同食物不過不失。總結：性價比中上，值得一試。

🤎飛鷹餐廳，全間餐廳都好有懷舊氣息。當日吃晚市，大概七點左右已排長龍，大約等了一小時左右先入座。🤎餐包，夠熱，都幾大個，一個牛油實在太少了，多一個會更好🤎叫左忌廉湯，冇咩特別，幾好飲，都快上既🤎扒餐叫左肉眼，本身唔鍾意食太熟，叫左7成熟，都幾有肉味，口感不錯，加上蒜蓉汁，絕配~薯條係幼身，不過不失~🤎晚市實在太多人，侍應都比較忙，點餐較需時，以及要有搭枱的心理準備，卡位的話二人要坐單邊~

中學時期已經成日黎食lunch，貪佢大件又抵食，今日又再返黎懷緬下舊日的「大」。個包上到枱係熱的，真係未必度度熱上比你搽牛油入去。再上湯，以前個湯係好多料，今日都有料，對比以前已經算失色左。再睇下，個包其實細個湯碗少少嫁炸，飲完湯，食埋個包，飽左六成，所以有d客個包係攞走的。今日我呢個牛扒係失色左d，但我依然欣賞佢個意粉並不是白烚完上碟，而係上過茄汁的。整個蒜蓉汁係夠味又好撈飯同意粉的，仲有凍檸檬茶唔記得留念。以$40蚊的價錢，有湯有包有主菜，凍飲又唔洗加錢，仲食到我咁飽，真係無乜地方有👍

讀書年代個個星期都嚟食lunch，事隔XX年，又嚟懷緬一下，門口佈置基本上冇乜改變。入面嘅座位仍然係20年前嘅擺設模式，感覺仍然好親切。事隔多年，價錢仍然係咁相宜，以今時今日嘅物價而言，$40一份午餐真係好超值。最令人懷念的，當然是佢個大過拳頭嘅餐包，微溫嘅麵包再配牛油，簡直係人間極品！海龍皇湯其實係忌廉湯入面加咗蜆肉同埋少少三色豆，水準果然無乜變。蒜蓉牛扒飯嘅蒜蓉汁有明顯嘅蒜粒，牛扒都好淋，我仲問侍應加多啲蒜蓉汁撈飯添最後點左一杯熱飲，順帶一提，呢度叫凍飲係唔需要加錢㗎！你話去邊度搵吖！估唔到相隔咁多年，景物味道都冇變，呢一餐真係充滿美好嘅回憶

個侍應都犀飛利，唔知點解個個都好趕收工咁要收啲吉碟，之後個侍應手上面拎住幾碟野，過嚟收我女朋友隻碟，點知佢手上面啲碟跌咗條薯條落去我女朋友碟扒上面，之後仲拎我哋隻叉去叉走條唔屬於我哋嘅薯條走。最搞笑嘅係過咗幾個字之後佢拎返隻差俾我哋繼續食，大佬跌咗啲唔係屬於你嘅食物喺自己塊扒上面，點樣食呢？其實有無用過個腦去做野？點解可以咁樣做野？叫5成熟，佢一半係well  done，另一半係3成熟，仲可以話自己無問題？

呢間餐廳細妹介紹左幾次，終於同佢黎試左，以晚餐黎講好平，98蚊一個套餐，包埋餐包，湯同野飲，而且個牛扒都好大塊，肉質又淋，都ok ge，呢個價錢唔好搵出面啲高級餐廳牛扒比，幾百同98，冇得比，價錢十分平民，不過個位好逼，好彩冇帶小朋友過黎，唔係都唔知點坐好。另外啲野飲加左好多水😂😂好淡，總結黎講性價比都算高，想食平價扒可以黎呢間試下。

我平時都好多少出post , 今次真心忍唔住 。因為堅食到成肚氣，唔知食左咩。🤬老實講，我寧願食午餐肉。入到去間餐廳，第一印象係傳出嚟個種「噏」味，嘩...攞命！！坐低時留意到幅棗紅色絨牆加上一達達黑媽媽痴住的「東東」，感到被無限的霉菌包圍着個下呢......哎！山長水遠行到來，都係試下啦。 座位迫！兩pair 情侶坐同一張枱唔緊要，手踭膊頭係咁碰到隔離就唔係咁好囉😅講到服務態度，劣評！ 趕住投胎咁嘅款。連茶餐廳都好過佢，呢度就唔再多講啦。到主角出場，賣相第一眼唔錯。起刀切個下就知賴嘢。切落去果下完全feel 唔到把刀的阻力。肉質 ，太軟，無𡁻口。最慘係無牛肉味囉！！😭( 我無感冒，無鼻塞，鼻敏感...）哎！啦啦臨食完，飲埋杯一口氣就飲完的餐飲，立即閃人！總結： 氣氛環境，衛生程度扣晒分。 仲要一路食一路聞住噏味配食呢碟無牛味的扒，我接受唔到囉🤢👎堅無下次！食左$200幾，唔值！唔值同唔值！！上述所提供的是真人真事。 絕無虛假成份！

4個大人1小朋友大約（2歲）入去食個扒，落單叫左4個扒餐，轉頭就話小朋友都要計人頭要叫多份野食，又俾佢地話我地坐咁大張枱就要計多個人錢， 真心無服務到嚇親，想立即走人野食到左之後，我地叫五成就俾七成熟，叫七成就全熟咁，加生蒜又一份多啲，一份少啲，真心無左期望，煮野食失敗到不如自己系屋企整好過之後仲誇張，埋單一共收左差不多600蚊，睇番張單 收多我地8杯野飲錢 差不多成100蚊 （懇請各位睇單先俾錢）中伏！