飛鷹餐廳

營業中

休息中

第二次黎飛鷹，味道保持水準。裝修雖然陳舊，但帶有8-90年代感覺。今次叫左個牛扒意粉，有餐包，羅送湯同餐飲送，真係夠飽肚。意粉🍝唔會太硬太軟，入口岩岩好。牛肉份量足料，絕不欺場。Ps重要唔洗加一服務費翻食指數

完美地演繹何謂「不知所謂」；在「差」呢方面達到極致。如果閣下想與待應測試自己EQ忍耐能力，又想以食物質素感受一下直升機嘅澎湃引擎聲，敢於挑戰自己嘅你，值得一試！

小弟闖蕩江湖，路經此地，借 post一餐話說，天氣凍左，諗住出嚟批發店買幾斤肥牛番去，成個禮拜打邊爐點知，間凍肉舖摺埋左忽然諗起想食牛，所以近近地轉入嚟搵“飛鷹”羅宋湯+俄式牛肉飯+凍啡整體感覺跟晚上的鐵板扒餐差不多，都係正

🍔食物質素：👍🏻👍🏻👍🏻👍🏻  💵價錢性價：👍🏻👍🏻👍🏻👍🏻👍🏻   📸打卡指數：👍🏻👍🏻👍🏻       🪑環境衛生： 👍🏻👍🏻👍🏻👍🏻    🤵🏻店員服務：👍🏻👍🏻👍🏻 因為fai是肉食獸，所以fai.lok 經常會去鋸扒其實鋸扒除左西餐廳，香港仲有港式扒房佈置好像舊式茶餐廳，桌上佈了紅白色格仔枱布喜歡懷舊feel的朋友就岩晒，枱就好細，不過食扒餐都唔需要好多位置40幾年扒房好乾淨就未必得，但都起碼保持到衛生，主打廉價美味的扒餐T-Bone Steak Sizzling Plate T骨牛扒餐套餐 鐵板牛扒餐 ( $113 )餐包好鬆軟，又熱辣辣fai.lok對忌廉湯情有獨鍾，所以好有研究每間扒房白湯都好有自己style飛鷹就相對普通，不過飛鷹在忌廉湯加了濃郁雞湯，都算特別因為係鐵板，兩份都叫了5成熟，黎到枱都仲係出煙好食，裡面通紅冇血水 岩岩好，如果見到有血水，fai.lok建議放多唔出煙，應該都可以俾佢熟啲飛鷹啲扒都係好大份，男人食都夠飽肉味就唔會係好濃個種，但肉質好淋，百幾蚊一個套餐，超值!配菜椰菜同薯菜分量唔多，雖然配菜都重要，但我只會在西餐上有所要求超值扒餐最重要都

禮拜四 8點walkin都唔洗等位見入面都幾多客，仲有幾張留座環境就一向坐得迫，燈光都一向偏暗飛鷹既staff都出名服務態度一流習以為常，所以我地都係講返食物首先個餐包依舊係大件夾抵食仲大過拳頭如果唔想食餐包，打以轉白飯或者+$5轉意粉如果再加多份飯/意粉就+$10再上就係羅宋湯我一向都齋飲紅湯飛鷹既紅湯一向都咁出色，濃郁 該有既料都有，椰菜，紅蘿蔔，西芹跟餐兩杯普通飲品，唔洗加錢凍檸水普普通通，凍華田就係有少少既水汽水特飲都要加錢主菜到，洋蔥汁+$3 西冷牛扒 $98 +$3加蒜今次既洋蔥幾生，薯條都有5,6條我嗌5成，因為慶多兩慶塊朳就會變7成西冷牛扒好淋而且都好大份10分我比滿分另外再嗌左，黑椒汁新西蘭肉眼扒 $98+$3 加蒜 同樣要5成熟份量都係大件夾抵食肉眼都係一樣咁淋10分都係比滿分overall 飛鷹做左咁多年齋論食物質素，配埋呢個平民價錢十分抵食啦

心血來潮去左鋸扒以港式扒房黎講，算係不過不失，百幾蚊可以食到飽，不能要求太多😂環境黎講就預左唔多整潔，但見到上手既肉醬意粉仲有一條夾係餐墊中間，都唔太開胃。。。跟餐餐湯 羅宋湯好濃茄味，酸酸地好開胃，忌廉湯就無咩特別喇。。跟既餐包好鬆軟，又熱辣辣，真係好正，想再encore，不過食完都飽左2-3成，要留肚比主菜🥩！我同朋友叫左2樣，分別係鐵板肉眼扒同牛柳。分別係肉眼會肥啲，牛柳瘦啲。食落就一定比黑椒汁蓋晒啲味架喇，不過牛柳會仲有好少好少牛味。今次叫左5成熟，諗住會overcook，但又相反，我覺得似3成幾多啲，我係幾鍾意，但如果唔想太生，我諗可以叫7成。配菜既椰菜同薯菜分量唔多，略為可惜。最鍾意黑椒汁配菇類，不過無汁另上，覺得太多汁💦有啲咸最後杯凍檸茶，茶底就普通當係清清個口～買單：$227，間唔時食下都幾過癮。

前排想食港港式扒餐，於是走去試飛鷹餐廳啦，叫咗一份牛柳7成碟上，一份肉眼鐵板上。首先黎個湯同餐包，個餐包好鬼大個，碗紅湯都唔少嘢，大碗又夠熱，味道都幾好，飲完湯同食埋餐包都包咗一半🤣🤣到塊扒出場啦.....我嗰份牛柳係碟上走汁，7成，一上枱，我就發覺塊扒唔似係煎，似係炸....無錯，係炸扒！怕肥諗住走汁碟上，點知都係逃不過命運......味道方面呢，塊扒腌咗，無汁都唔會怕啖味，肉味就唔濃架啦，不過勝在夠晒淋，無牙力都食得，份量都ok, 幾大塊，食完好鬼飽！我杯餐飲加錢轉咗雪糕紅豆冰 （又話減肥？）我就覺得一般嘞，啲紅豆唔夠淋，好有咬口，下次唔會嘥錢叫！朋友嗰份係肉眼扒蒜蓉汁，鐵板夠熱既，淋汁上去 （炸炸）聲，同樣地份量夠大，男人都夠飽，塊扒望落都似係炸，食落都係腌過，無乜肉味咁啦！朋友杯餐飲轉咗做黑牛，但無晒朱古力味雪糕😣唯有雲呢拿味頂下檔先啦！整體食落會抵食過太子既金翠，但如果唔係炸扒，係煎既，感覺始終好啲，至少無咁油膩先吖！

呢排黐咗線好想飲羅宋湯連續第二日心血來潮要去懷舊扒房試羅宋湯扒餐今日就特登過嚟飛鷹試下佢嘅午餐, 我見佢午餐 要鋸扒就冇我琴日試嗰間咁平呀要$103, 咁我就嗌咗個西冷扒配黑椒汁, 呢個價錢就包一個餐包.個餐包熱辣辣好大個都幾好味, 西冷就叫五成熟, 都係煮到啱啱好 , 羅宋湯都好味, 但牛扒同羅宋湯, 凍檸茶都唔夠我琴日試嗰間好味, 特別係杯凍檸茶, 呢度 就唔係好掂啦! $103呢個價錢未計加一 , 要加一就應該畀番杯水人飲下, 服務態度可以, 唔算差, 可以接受。 整體嚟講cp值就唔夠我琴日去嗰間高喇, 不過唔鋸扒佢食個午餐都好平嘅.

$42 鴛鴦扒餐 有餐包 🍞湯 🍲餐飲☕️超抵食嘅鋸扒🥩lunch 🥳扒個到有一塊 牛 🐮同 豬🐷雖然扒 唔算厚 同好大塊但好夠一個人🧍🏼‍♀️食意粉🍝份量都算多 所以$42 好抵食🥳👍🏼👍🏼窮人恩物💋味道係中規中矩 都唔錯嘅🤪所以係值得去食🕺🏼💃🏽==============================

牛脷切條好小家，服務態度真係差。第一次食，雖然一入到去，環境好靜，但係佢直接比最唔舒適既 枱， 明明咁多位，係要揀張樓梯角嘅畀我哋， 頂住個頭。跟住落單既時候，落落下可以走左去，明明講要咩嘢飲講到口唇邊, 個侍應直接走左去，仲冇返來落。 之後叫另一個侍應先幫我落。之後我嗌嘅牛脷餐仲要切條，個觀感好差，顯得好小家， 整體體驗都唔好，劣評。

飛鷹餐廳已經喺深水埗屹立咗好多年，之前屋企人間公司喺佢附近，所以就成日去，而家搬咗，就少咗好多去食啦，今次黎食個普通午餐，覺得份量唔係好夠，但係$42來講都幾抵食😋 首先佢會拎個餐包同餐湯俾你，嗰個餐包仲要係熱嘅 過咗一陣就俾咗杯勁水嘅奶茶我我諗檸檬茶會好飲啲，我見好多人都係叫呢個。之後到主菜啦，我叫咗牛扒跟薯菜，主菜份量少，牛扒個汁太鹹，但係都幾好食😋 同埋估唔到入到去個姐姐都會即刻叫我scan QR code，有得坐卡位，都幾舒服😌

同屋企人食左衣間飛鷹好多次，一直都覺得牛扒ok。琴日同屋企人一齊去食，我地係汁另上，牛扒黎到見到覺得咁乾既，完全唔同平時咁，好似係炸左既牛扒。跟住就問侍應，佢態度勁差加勁串既語氣話：「係呀，走油呀。」牛扒為左快就走油，不如直接寫炸牛扒啦，份量又細又貴仲要咁難食，質素仲衰過幾十蚊既快餐店牛扒價錢唔平，百幾蚊食塊咁乾同炸左既牛扒，服務態度仲要咁差。我地都唔會再去衣間咁既野，牛扒質素差，態度差，大家小心中伏

《 午餐只要$40蚊！！！！深水埗懷舊西餐廳🤩 》哩間平民懷舊西餐廳應該好多人有食過，雖然我唔係專誠黎但都被午餐嘅價錢震撼到！！🐤 雞扒飯 $40午餐配有大大大大牛油餐包，餐湯同主食，性價比十分高！！店員會即時翻熱餐包，非常鬆軟。味道甜甜嘅麵包配上牛油，非常開胃。🥘羅宋湯餐湯：紅湯❤️羅宋湯嘅蔬菜量比得十分慷慨，雖然平民但用料都唔手軟。羅宋湯味道酸酸甜甜十分好飲。白湯🤍拿破崙相對就麻麻地，是關一個正常餐湯，點解會出現三色豆...湯質亦未夠濃稠。主餐🍝拿破崙雞扒飯/意粉，醬汁有三色豆。飯同意粉份量唔算多，但享用過餐包同餐湯後應該夠食嘅。整體黎講，味道一般般，但以$40哩個組合黎講絕對係平民經濟實惠之選！！🥳 

聖誕節吃甚麼好？最應節當然是吃西餐，但稍為高檔一點的西餐廳在聖誕節紅日的幾天裡，聖誕餐的價錢一定不便宜，想實際一點的話，到老牌的港式扒房餐廳吃一個鐵板扒餐慶祝聖誕，也不失為一個好主意。這一天，我便與老婆仔一起來到這間「飛鷹餐廳」吃了一頓都算滿意的鐵板扒餐。因為已是聖誕期間，這間老牌港式扒房餐廳裡裡外外都已掛上紅紅綠綠的聖誕裝飾，滿有聖誕氣氛的，餐桌上的「聖誕大餐」餐牌，也在提醒客人聖誕節已經來到。不過我倆吃的卻不是「聖誕大餐」，而是各自點了一份「鐵板牛扒餐」。我吃的是三成熟的蒜蓉汁「新西蘭肉眼扒餐」（$98），她吃的則是五成熟的燒汁「西冷牛扒餐」（$98）。我的肉眼扒蠻不錯，夠嫩，也有肉味，加上惹味的蒜蓉汁，挺好吃。蘸了大量茄汁的薯條，我也喜歡。至於老婆仔的「西冷牛扒餐」，我雖沒吃，看來也不錯。到港式扒房餐廳必點的「羅宋湯」，這天的偏甜了點，酸度不足，也欠了點辣勁，有點失準。「凍檸茶」也不夠大杯和不夠凍，不過餐麥包可是夠大個的。如果不計加一的話，一百元還不到，便可吃到熱氣騰騰的鐵板牛扒，還有餐湯、餐包和凍飲，而且牛扒還要挺美味，這樣的聖誕大餐不是也不錯嗎？

香港復古懷舊餐廳@深水埗突發奇想想食鐵版餐，第一時間冧起懷舊餐廳。叫左一個肉眼鐵版一個雜扒餐， 等左大概20分鐘先上餐有啲耐， 冇得汁另上自己倒落去有啲sad。首先上左餐包，好大個，唔係出面普通個種牛油餐包 佢似提子包嘅色但冇提子， 食左呢個都飽左一半。鐵版餐冇跟飯/意粉但都夠飽，平時最期待就係薯條但係呢間嗰薯條好淋...好唔開心😫1️⃣雜扒餐間培根好硬...個豬扒好食過其他野😂 幾淋身 易咬，其他都係加工食品正常啦2️⃣而肉眼餐都一般般，舊肉本身腌過好淋 冇乜牛味， 叫左三成熟來到岩岩好 再慢慢熱熟佢，但都係唔腌既牛肉好食啲3️⃣杯雲呢拿奶昔 少似starxxxxks既 偏甜 重煉奶味 不錯 套餐加$20 2個餐都包餐飲，另一杯就叫左凍檸茶，正常唔講啦總括嚟講，如果忽發奇想想懷舊下，鐵板餐係一個唔錯嘅選擇，可以一試。😋