飛鷹餐廳

營業中

休息中

心血來潮去左鋸扒以港式扒房黎講，算係不過不失，百幾蚊可以食到飽，不能要求太多😂環境黎講就預左唔多整潔，但見到上手既肉醬意粉仲有一條夾係餐墊中間，都唔太開胃。。。跟餐餐湯 羅宋湯好濃茄味，酸酸地好開胃，忌廉湯就無咩特別喇。。跟既餐包好鬆軟，又熱辣辣，真係好正，想再encore，不過食完都飽左2-3成，要留肚比主菜🥩！我同朋友叫左2樣，分別係鐵板肉眼扒同牛柳。分別係肉眼會肥啲，牛柳瘦啲。食落就一定比黑椒汁蓋晒啲味架喇，不過牛柳會仲有好少好少牛味。今次叫左5成熟，諗住會overcook，但又相反，我覺得似3成幾多啲，我係幾鍾意，但如果唔想太生，我諗可以叫7成。配菜既椰菜同薯菜分量唔多，略為可惜。最鍾意黑椒汁配菇類，不過無汁另上，覺得太多汁💦有啲咸最後杯凍檸茶，茶底就普通當係清清個口～買單：$227，間唔時食下都幾過癮。