風雲排檔

營業中

休息中

「麻辣風雲」最近改頭換面，名字改為「風雲排檔」就是大排檔的意思，主打各式各樣的港式小炒，更保留「麻辣風雲」的經典菜式，酸菜魚、水煮魚、霸氣出場的炸饅頭和荔枝造型的蝦球等等…▪️招牌脆皮BB鴿 $ 58乳鴿一點都唔BB，都算大隻多肉，外皮酥香香脆，肉嫩多汁，連骨都入哂味，就咁食已經好夠味，沾上椒鹽更加鹹香▪️菠蘿咕嚕肉 $ 88必點咕嚕肉，呢度亦做得相當唔錯，用上豬梅頭肉，外層仍然保持香脆，肉質半肥瘦鬆軟有咬口，咕嚕汁酸甜味剛好，配上菠蘿、青椒、紅椒、洋蔥，送飯一流▪️招牌水煮魚（2人份） $ 148水煮魚絕對有驚喜，麻辣鮮香集於一身，麻辣味香濃，魚肉鮮嫩，口味全對，夠麻夠辣又香，魚嘅質素一向保持水準夠滑溜，而且二人份量超多，除咗魚之外好鍾意食佢哋嘅配菜，有蓮藕、豆腐卜、香菇、萵筍、薯粉👍🏻👍🏻▪️金銀蛋菜心 $ 88食小炒點少得要食菜，個人很喜歡金銀蛋配任何菜，皮蛋鹹蛋配上清新嘅菜心，浸在濃湯內，清潤又美味▪️大大杯檸檬茶 $ 38招牌巨型檸檬茶，份量清甜，足夠兩個人享用

💠💠風雲排檔💠💠🔹招牌脆皮BB鴿 $58乳鴿肉質幾滑溜，就算唔蘸淮鹽都足夠入味，外皮再香脆啲會更正～🔹風雲小炒皇 $108小炒皇有魷魚、韭菜、腰果、蝦乾等，口感好豐富🥳，韭菜冇渣💕，夠鑊氣之餘又鹹香惹味，送飯佐酒一流🙌🏿🔹鑊氣頭椒炒蜆 $108幾乎每隻蜆都帶有蜆肉，份量十足，粒粒都漲卜卜，蜆肉完全冇炒過火變得老身韌口，索晒豉椒汁真係好惹味‼️🔹惹味椒鹽魷魚鬚 $108 每一條魷魚鬚都好粗壯😂，魷魚鬚外皮炸得好酥脆，炸漿唔會太硬或者太厚啱啱好，內裏嫩滑腍身，唔會炸過龍食完牙骹酸😆，撈埋啲椒鹽真係好好食🫶🏻𖤥 風雲排檔 𖤥🗺️ 旺角彌敦道628號瓊華中心10樓

🐟招牌酸菜魚 $148😭避風塘鮮魷 $118🐮孜然炒牛肉 $88🍋大大杯檸茶 $38🍚白飯 $13🔸行過旺角，發現之前推介過嘅麻辣風雲旺角店rebrand做風雲排檔，性價比好高下😁入去一試，佢嘅招牌酸菜魚二人份，魚肉嫩滑，加埋酸菜嘅酸香，簡直一絕，開胃又唔會太膩😎當中酸，麻，辣都可以自選程度，我揀咗中酸，中麻，小辣，我覺得層次好唔錯😙🔸然後嚟個避風塘鮮魷，蒜香撲鼻，特別在於佢唔係配炸魷，而係鮮魷，幾有特色同層次，真係食到停唔到口；至於孜然炒牛肉嘅牛肉夠晒入味，孜然香味十足，食落有小小似羊肉，配白飯一流😚🔸最後果杯大大杯檸茶原來係一杯大到根本係三人份，$38性價比好高，清新解渴，飲完即刻精神晒💨

平時食大排檔很怕熱，被我發現風雲排檔，可以食到港式小菜又可以坐得舒舒服服！成間餐廳以中式為主裝修，仲有個打卡位中式涼庭！今次揀咗幾個小菜菠蘿生炒骨，味道酸酸甜甜，而且份量都幾多，生炒骨有口感嚼勁！孜然炒牛肉，我本身好鐘意食孜然味，所以就揀咩呢個， 孜然味適中，冇蓋過牛嘅味道，食落嫩而滑！推薦！金牌炸大腸，炸得香酥，食落好有港式炸大腸feel, 菠蘿甜甜酸酸中和咗炸大腸嘅油膩感！而菜款都幾多揀，最鐘意當然揀咗腐乳炒通菜，鹹香又微辣，配飯一流！！

約左朋友嚟食飯，點知原來變左做大排檔，餐牌轉左，但食物質素依然高質👍🏻！落完單好快就食得食🥰，每樣野既份量都幾大碟！菠蘿咕嚕肉🍍豬肉肥瘦適中，咕嚕肉汁酸甜開胃，送飯一流！椒鹽九肚魚辣辣地好惹味！外層炸到好酥脆，入面既魚又唔會炸到乾晒！👍🏻招牌脆皮乳鴿乳鴿肉嫩，食落幾juic，而且唔會有羶味！金銀蛋唐生菜🥬 唐生菜唔會浸到淋哂/老哂，吸哂金銀蛋湯好正！大大杯水蜜桃🍑雜果茶大大杯🍋檸檬茶好大杯好抵飲！我地無飲啤酒🍻飲大大杯茶都好爽呀！BTW餐廳入面播既歌每首都係回憶殺😆！正！

聽聞之前去開既麻辣風雲轉變左大排檔風格 — 變做風雲排檔，即刻約埋啲食得辣既朋友去試試先，大排檔風味款式都好多，岩晒同知己飲杯酒食辣野吹水。🔴酸菜魚難得上到黎食辣野，邊度忍到手唔叫酸菜魚呢，話晒都係佢地既招牌菜，叫左多麻，真係食到咀都痺痺地，好爽！魚肉嫩滑唔腥，酸菜酸酸地夠爽口，味道都算辣，好開胃，加埋薯粉，勁粗勁大條，食到超飽😂🟡干煸四季豆香口夠辣，肉碎、四季豆再加上辣椒炒香，送多幾碗飯都仲得😍😍😍🔵麻婆豆腐辣味比較溫和，惹味多汁，好足料，勁多豆腐😂⚪️瑤柱蛋白菜粒炒飯炒飯最緊要爽口、粒粒分明，呢款有鑊氣但係唔會太濃味，口感豐富，好岩送其他濃味既餸。

上月始光顧過麻辣風雲，覺得食物水準高，想不到那麼快就變成了風雲排檔，店內“麻辣風雲”的牌匾還在呢！現在的風雲排檔推出了截然不同的全新菜單，價格比前親民，反正一場來到，就試試吧！惹味椒鹽魷魚鬚魷魚鬚外皮酥脆，椒鹽辛香。金沙黃金蝦蝦大隻爽口，鹹蛋黃濃郁味美，令人回味無窮。招牌紅燒原條鱸魚魚肉細膩嫩滑，醬汁滲透入味，完美地平衡了鹹甜。原條鱸魚的呈現方式更具可觀性，果然是招牌菜式。環境方面和之前沒兩樣，寬敞的卡位佔十分大的比例，不錯！

最近有間旺角川菜店轉型做大排檔食物，豬牛雞魚菜、煎炸烤焗蒸，基本上諗得到嘅呢度都有供應，見餐牌上亦有保留唔少特色四川菜，另外午餐時段有客飯可以叫，會話性價比甚高。私心推介涼瓜牛肉，份量唔少，涼瓜爽口帶咬口，牛肉大塊且煮至軟身，牛味突出，調味適中，唔覺唔覺就清曬～ 醬爆雞丁同樣出色，醬汁濃厚，雞肉嫩滑且入味，越食越上癮。如果撈飯嘅話會推介蕃茄蛋煮牛肉同干煸四季豆，前者夠濕潤，後者微微辣，炒得都唔算好油膩，所以食完都唔會覺得口渴。另外有菠蘿咕嚕肉，偏大塊，外脆內嫩，酸酸甜甜好開胃。清淡健康之選有蝦仁炒蛋，乾身又飽肚，絕對可以補充足夠嘅蛋白質。大碗盤花菜反而有驚喜，菜品新鮮，咬落多汁，肉就肥瘦均勻，兩者搭配都幾夾，整體用餐體驗唔錯，適合一家人聚餐。

之前已到過這間餐廳用餐，今晚和朋友再訪，發現餐廳改了名：「風雲排檔」。由麻辣川菜變成鑊氣排檔小炒，新菜式就更要試試。好久沒吃乳鴿了！BB鴿開邊斬件，進食方便。乳鴿皮炸至微脆；鴿肉滑溜，有滷水香氣。附有淮鹽和醬油供蘸點。香氣撲鼻的三杯雞煲，雞件與乾葱、九層塔、薑片等一起炒，充滿鑊氣。雞件肉質軟嫩，煮得非常入味，除了有九層塔獨有的香氣，還有少許麻油香。入喉後還有微微辣感滲出，用來下飯一流的小菜！好邪惡的黃金雞中翼！雞中翼先經炸香，再沾上鹹蛋黃碎。鹹蛋黃入口有起沙感，雞翼肉質嫩滑juicy。脆口又鹹香的味道令整道菜變得更惹味。不過就相對容易有膩感。萵筍切片，與蒜蓉粒一同炒香，份量都幾多。萵筍片入口清脆又有爽感，味道則帶有微微蒜香。炒飯粒粒分明，飯粒有彈牙感。配以瑤柱絲、蛋白、菜粒和葱粒同炒，每一口飯的味道、口感都十分豐富。

Weekend 節目，行街、睇戲、食飯！ 今日去咗旺角「風雲排檔 」食晚飯， 叫咗幾個特色小菜， 食物質素好好，而價錢合理。霸王別姬雞（$98 半隻）， 用黃油雞， 雞味特別香濃，脂肪亦唔算多， 肉質香嫩細滑 ， 配上芫茜、香蒜&辣椒一齊食，特別惹味。風雲排檔招牌菜必定係《招牌酸菜魚》，2人份$148 魚片鮮味十足， 用上多種香料製成湯底，令魚片吸滿湯汁精華，味道酸辣，開胃之外，亦有少少麻香，肉質保持得嫩滑， 配上萵筍、豆卜、寬薯粉等配料，口感豐富。《椒鹽九肚魚 $98》， 表層香口，炸得脆卜卜， 仲好熱添應該係即叫即炸，魚肉嫩滑，美味。 《黃金蘇炸脆蠔餅 $98》，蠔餅炸得香又脆，外脆內軟，包上粒粒飽滿蠔仔，蠔仔肥美鮮甜，沾魚露一齊享用，非常惹味！ Menu :

✨椒鹽魷魚鬚最鍾意呢個‼️魷魚煙韌同帶有彈性，外層酥脆可口 外皮薄薄地🦑椒鹽味十足、少少辣+鹹鹹地，夠惹味😚😚.✨招牌三杯雞煲食落大概有浸酒、醬汁、葉、洋蔥味，雞肉入到唔少味🐓🔥啲雞相對多骨🦴，質地嫩滑 唔嚡的👌🏻.✨瑤柱蛋白菜粒炒飯啲飯炒得粒粒分明，飯粒質地有啲彈牙🫢😋加埋蛋+菜粒作點綴🍳整體炒得幾乾身，鹹度好適中🍚。但瑤柱真係少咗啲😂細細條咁❔.✨蒜蓉炒菜心菜心有脆嘅咬感🥬蒜蓉の濃度唔太過分，只係帶有淡淡嘅蒜香 調一調味咁🧄.✨藍妹啤酒🍺 去大排檔同食炸嘢 習慣咗配beer😆🍻

星期五約咗兩個朋友食晚飯，幾個人又好耐冇食中菜，見到呢間前身係食麻辣嘢嘅轉型做咗大排檔小炒，一於嚟試吓。花多眼亂都好多餸菜選擇，其中避風塘小炒好多配搭，因為椒鹽九肚魚都幾難煮，見到佢有所以叫嚟試，調味啱啱好，九肚魚又唔炸到爛晒，好味呀。見到餐牌第一行係乳鴿，即刻叫嚟試。叫完海鮮叫咗個肉，梗係要叫個菜啦，佢有金銀蛋莧菜，鹹蛋黃都好足夠，正呀。即係港式小炒，京都豬扒，酸酸甜甜，豬扒份量好多。呢個薑蔥魚腩煲，足料，又夠薑，又夠蔥去爆，惹味。叫咗啤酒同埋菠蘿冰，菠蘿冰上枱勁大杯，飲品都多選擇。