風雲排檔

營業中

休息中

【油尖旺區】【風雲排檔】之前都同田慈仁佢哋試過麻辣風雲，覺得好正，而家佢哋仲做埋大牌檔嘢，更加吸引喎。呢啲有冷氣嘅大牌檔都係香港人至愛，我點都要帶呢方面嘅專家遇星哥去試一試佢。佢聽我講話有呢間新嘅大牌檔已經興奮到不要不要，當然就一齊殺上瓊華十樓啦。首先試 $88 嘅「菠蘿咕嚕肉」，大家都知我去得呢啲地方食飯就一定會叫咕嚕肉，冇計，始終佢喺我心裏面長期都佔有一個位置，而味道上佢都 okay 嘅。跟住試 $108 嘅「惹味椒鹽魷魚鬚」，都幾大份，個椒鹽都好有鑊氣，而魷魚鬚都好飽滿，係正嘅。試埋 $108 嘅「風雲小炒皇」同 $98 嘅「避風塘鮮蝦炒公仔麵」，前者係經典菜式，好食。後者勁邪惡，辣得嚟令人一啖接一啖咁食。點都要試埋啲嘢飲，我哋各飲 $38 嘅「雜果賓治」同「大大杯水蜜桃雜果茶」，都係又大杯又好飲，埋單 $526，可以嘅。。。（地址：旺角彌敦道628號瓊華中心10樓）@fengwanrestaurant#1amfoodie #foodie #hkfoodie #thatfoodiething #hkfood #food #instafood #yummy #foodlover #