風車

營業中

休息中

我們一行三人叫了三個不同的套餐，我叫的是西班牙黑毛豬，因為看見相片賣相不錯，於是叫了這道菜。朋友叫了西冷牛扒及龍蝦意大利粉。當食物上枱後，與相片中的一樣，非常期待去嘗試這道黑毛豬。它是切了一大片的，當吃第一片時，全是肥豬肉，當吃第二片也是八成肥豬肉，到吃第三、四片時都是八成肥豬肉。於是我便叫了負責的侍應過來，反映給他這道黑毛豬大部份是肥豬肉不能吃下去。侍應只跟我說黑毛豬是這樣的，他只能反映給廚房知。我便跟他說太肥膩了不能再吃下去，他沒有再回應便轉頭走了。完全沒有給我作任何改善。這是我第一次遇到的對待，我只能吃了旁邊的薯菜，而我朋友的西冷亦都很多筋及較硬。於是我們草草吃了便結賬離去。全張單是900多元。這樣的收費給這樣劣質的食物，我們下次一定不會再光顧。

呢日放工黎到大圍都8點幾，搵下有咩好食，見到呢間評價都唔錯，行過嚟睇吓個餐牌都好似幾啱食，所以就入咗去。原來係間西餐廳加酒吧，有幾台客食緊野有幾台客飲緊酒。平日夜晚八點幾，食到九點幾埋單都仲有客入緊嚟。坐得幾舒服好啱同朋友傾偈。酒吧來講都幾多主菜同埋小食，我哋兩個人唔係好肚餓所以就淨係叫咗兩個主菜加一個小食。1️⃣白酒煮蜆配蒜蓉包$89真心呢個推介，啲蜆都算幾大隻，仲要粒粒都有顯肉，唔似其他餐廳有機會得返啲殼，而且洗得好乾淨，冇食到沙。個味道都唔錯，好似忌廉汁咁，幾creamy!!😋啱我口味！白酒煮蜆，仲配埋個蒜蓉包，都好香脆熱辣辣，好夠蒜蓉味，仲可以將個包點落啲白汁到食，仲正！2️⃣紐西蘭肉眼扒配焦糖菠蘿$199 一上菜，嘩，好大塊！首先講吓主角，塊牛扒都幾嫩滑，我哋叫咗七成，真係啱啱好唔會太熟。佢嘅配菜都好正，尤其是個焦糖菠蘿面頭真係會有一層焦糖，少少燶燶哋焦香，好Juicy！3️⃣法式燴羊膝$199又係超大份，我同朋友兩個女仔都食到好飽🤤🤤我好似第一次食羊膝，羊肉唔會好蘇，切開真係啖啖肉，同埋啲燒汁都幾入味。仲有啲配菜，車厘茄蘆筍，薯蓉，所以一定夠食。佢嘅酒精類飲品選擇好多，不過因為聽日返工

今日同朋友黎開大圍，就睇下附近有咩地方dinner, 因為平時都係尼頭食得多，想試吓新既餐廳，見到呢間OpenRice 幾好評價同埋價錢都還可以，就過嚟試吓啦！尼間Windmill Restaurants & Bar係食西班牙菜的，而且有酒飲添，不過而家咁既情況下，我哋都係冇叫到飲。🌐Caesar沙律 $69首先，我地叫左個沙律先，因為想食下啲菜，開開胃口，個沙律酸酸甜甜咁，好開胃🌐韓式芝麻雞球 $89啲雞球，每一件都沾滿左韓式辣醬，以為會好辣啦，但是又唔算辣，頂多叫做香辣，岩晒唔食得太辣既我，jengggggg🌐西班牙脆皮乳豬配彩淑汁 $219隆重期待既燒乳豬，尼個真係冇得彈，塊豬皮超脆，肉質好soft，薯角亦都好香口，好過配薯條埋單先$400蚊每人$200差唔多啦下次想翻黎試佢既一口牛

以前在大圍讀書，一直都沒發現積存街那邊有很多餐廳中式、西式全部齊全，原來連酒吧也有！食物：4.3/5雖然我們今晚不沾酒精，但風車的食物都令我們十分滿意！▪️白酒煮蜆每一隻都乾淨無沙，酒味不濃，相反奶味較突岀。一邊配蒜蓉包吃不錯！▪️龍蝦意粉意粉配有半邊龍蝦，龍蝦以芝士及蒜蓉焗製，香口惹味肉質仍留有肉汁、非常鮮甜！▪️乳豬與中式乳豬味道相似，但脆皮再薄一點肉質較嫩、有點像雞肉般的口感。盤上有配中式乳豬醬及酸辣醬，仼君選擇。配菜薯角大加分！香脆不油膩，配上帶點辣味的茄汁，超美味下次再來和朋友來小酌幾杯

見近排疫情有啲好轉 所以今日就出黎食個靚飯同搵個地方撐吓枱腳 今次就揀左哩間位於大圍嘅西餐廳酒吧—風車一入到店 餐廳空間寛闊 每張枱唔會太逼 對宜家要保持社交距離非常之友好 😉 可以係圖中見到有吧枱位可以坐 可惜因為疫情封左 整體來講餐廳格調都幾舒服 適合同朋友摸住酒杯傾吓偈我地決定叫個二人餐食下 頭盤係意式田園沙律配煙燻鴨胸 沙律🥗拌以沙律醋 食落去酸酸地 很開胃 之後嚟到兩個例湯 我哋特登加咗$15將其中一碗轉成龍蝦湯 紅色嗰碗係蕃茄羅宋湯 新鮮美味非常之夠番茄味仲可以食到湯入邊有小小嘅薯仔 另一碗就係龍蝦湯啦 第一啖可以飲到非常之濃郁嘅龍蝦味而且係湯入邊仲有龍蝦肉紐西蘭肉眼扒配焦糖菠蘿 值得一讚嘅係佢嘅薯條炸得非常之脆 另外仲加上小小嘅辣味 好吊味 再者我非常鍾意佢嘅焦糖菠蘿你可以食到菠蘿嘅酸甜之外仲可以品嚐到絲絲嘅焦糖脆脆嘅味道

今日同朋友岀開大圍，平時少去呢個地方就睇下附近有咩地方dinner, 發覺呢頭岀面好多Bar restaurants! 見到呢間OpenRice 幾好評同價錢唔算好貴，就泥試下先！去開bar既地方點可以唔叫啤酒飲，叫左杯友同howgaarden 玫瑰味！之後要左個白酒煮蜆，蜆既數量好多，食極都仲有，白酒真係好香，之後仲叫左韓式雞球，沾滿韓式辣醬，岩哂重口味既我，雞球都幾滑，好味！再要左個黑松露意粉，上碟係好香黑松露味，不過就淡左少少，可以再濃味啲，不過整体質素都唔差，西餐泥講性價比算高！下次必定會再泥，岩哂一班人聚會！

意式田園沙律配煙燻鴨胸 🦆 🥬 雖然只係簡單嘅配搭、有齊羅馬生菜、沙律菜、小青瓜、蕃茄仔；再加上意大利配醋，味道一啲都唔輸蝕😋 消弭我鋸扒嘅罪惡感🤪紐西蘭肉眼配配焦糖菠蘿 🍍 🥩 基本上係呢個combination吸引我㨂二人套餐😂 果然不負所望，雖然菠蘿簡單，但焦糖燒完之後嘅sweetie juice 被肉眼扒吸收晒，盛價比急昇🤣 下次屋企煎牛扒可以拎嚟呃下人😏我地叫左medium 熟，廚師果然拿捏得準確，裏面啱啱好係Tender pink😍 牛肉冇好多嘅筋位，入口唔疾牙。配薯角一流，好熱好香脆！波士頓龍蝦配意大利粉 重點當然在於龍蝦身上，有足半隻龍蝦嘅肉，仲要連埋芝士一齊焗、惹味😋 朝鮮超細心，連鉗嘅殼都折埋出黎，啱晒懶人（我）食😛 雖然意大利粉就唔算話好突出，但係勝在乾身，唔太濕轆轆～ 但佢係因為同龍蝦一齊入過焗爐桑拿過先😂 我鍾意呢種嘅質地龍蝦湯🦞記得下次飲哂蘑菇湯先好再飲龍蝦湯，如果唔係返唔到轉頭😂龍蝦湯好味太多🙈（+$15係要嘅）濃郁同埋有肉食🤔唔知龍蝦湯啲肉，係咪come from above 隻龍蝦😂 甜品🍮再配水果茶食到最尾，胃部已經冇咩空間再品嚐蛋糕，所以感覺味道

這陣子個個都係屋企煮飯, 真係煮到頭都大。難得今晚可以放鬆下, 近近地, 食下西餐。黎到大圍風車。 黎得早, 好少人。 坐得舒服d。風車本身有酒, cocktails之類, 但朋友要開車, 所以冇試酒。 飲果汁算strawberry coladaCool mint唔錯wor, 唔太甜, 好清新。 對剛放工的我們黎說係一個放鬆既感覺再睇下食咩蒜香一口牛幾稔，入口嫩肉多汁。 望落以為好少, 其實都好夠食。西班牙式原隻燒春雞真係幾大隻。 唔肥, 飽滿肉汁, 燒得剛剛好。 個汁幾特別, 比人唔太漏既感覺, 同配菜既味都幾夾。西班牙脆皮乳豬我同朋友都好鍾意試西式乳豬, 見網上推介更係要試。 果然冇失望, 肉質嫩滑, 比春雞更嫩。 乳豬皮入唔脆化, 不油膩, 火喉控制得好好。 難得乳豬做得咁好又唔貴, 真係幾意外。好滿意的一餐。

已經好耐冇出街食飯，突然好想好想食漢堡包於是就諗起呢間餐廳既午餐除咗有漢堡包同三文治仲有意大利粉做主食由於我好想好想食漢堡，所以就揀咗-煙肉芝士牛肉漢堡朋友仔就揀咗-醬燒豬扒土耳其三文治呢度午餐係set餐，可以揀湯或者沙律今日是日餐湯係蕃茄濃湯沙律伴以醋幾開胃，亦新鮮爽脆漢堡同三文治都幾厚身，進食係有啲難度，所以我哋就用紙巾包住佢，但都要小心因為豬扒好多汁牛肉漢堡嘅芝士同肉味好夾，煙肉香得來又唔會死咸，成功提升左牛肉漢堡嘅層次而朋友仔揀嘅豬扒土耳其三文治，我就好欣賞佢嘅調味，真係土耳其嘅異國風情，較少係香港餐廳食到而且豬扒厚身得來唔會乾，裏面仲係好濕潤很推薦這款

首先店內好多蚊！餐湯係甘筍湯-味道不過不失！流心藍芝士牛漢堡（$76）除咗漢堡包之外仲配薯角同沙律菜薯角份量都算多，沙律菜有啲唔新鮮，有啲菜冧左同有苦澀味！漢堡包：芝士、蕃茄片、菜、漢堡扒.漢堡包味道還可能，但牛肉漢堡裡面中間位肉有啲唔熟，仲係紅紅地！醬燒豬扒土耳其三文治（$76）都係配薯角同沙律菜，沙律菜同樣唔得！豬扒有2塊，肉質都算嫩唔會老到起柴咁！味道比想像中淡少少，但都唔錯！配水果茶-味道甜甜酸酸都幾好飲！

大圍越來越多值得幫襯既小店今日晏晝就試左風車😆環境幾有格調!Lunch set有幾多選擇 見有幾多食客推介呢度既漢堡包🍔/ 三文治🥪 加上我發現menu上既每款包都係配唔同既品種既包 感覺呢度既廚師對包有d講究 又有用心設計 所以就決定要試試🙂頭盤👉🏼 南瓜湯🎃啖啖南瓜蓉 真材實料味道同濃稠度岩岩好!田園沙律🥗生菜幾新鮮 仲有青瓜🥒同車厘茄沙律醋酸咪咪 好開胃!主菜👉🏼 流心藍芝士牛肉漢堡 ($76)超級芝士控必點🌟 藍芝士味道相當香濃! (唔係芝士控可能會頂唔順陣味添😛)平日食既漢堡多數都會配唔同既醬料 而呢度burger主要既sauce就係熱溶既流心藍芝士同牛肉漢堡既肉汁 藍芝士配漢堡配搭創新而好味😋 所以一定要試啊!醬燒豬扒土耳其三文治 ($76)burger既包已經好香脆 而呢個土耳其三文治既包比burger更加香脆 包面有海量嘅芝麻😋 所以超級香口!入面仲有生菜🥬蕃茄同埋芝士豬扒有兩大塊咁多! 肉汁豐富(見上圖👆🏼切開之後滲哂出黎😋)薯角厚身 好酥脆👍🏽兩個包都有少少沙律伴碟 食完包再食沙律菜消膩一流啊! 餐飲方面💁🏽‍♀️(左) 凍檸茶、(右) 凍水果茶兩杯都已經調好甜度 甜

同朋友約喺大圍食飯 咁啱行過見到呢間西餐廳幾得意就入咗去😍原來佢亦係間Bar嚟 夜晚可以同fd嚟呢度chill下😚我地每人叫咗個lunch set 包一款前菜 我地兩個都嗌咗唔同朋友個田園沙律幾fresh 啲菜好新鮮 撈埋啲汁好清新健康🤩個南瓜湯都好驚喜 每啖都好濃南瓜味 唔會太鹹 幾開胃煙肉芝士牛漢堡$76首先個包好脆 同埋個包表面係層芝士 芝士落得絕對唔吝嗇 每啖都有濃濃既芝士味🤩同埋個煙肉煎得唔錯 牛肉唔會好鞋十十 配埋脆卜卜既包同埋芝士一齊食一流另一款係日式照燒雞排漢堡$76個雞排煎得好脆好香 配埋啲日式燒汁好惹味 塊雞排好juicy 一定要試下！薯角都好脆 份量亦好適當兩個都叫咗杯水果茶（不用加錢）好重桃味 中和啱啱食過既漢堡 感覺好清新！兩個人都係食咗$152 好抵食🥳同埋環境好優美 嚟大圍一定要再試佢其他野食

依間餐廳係朋友介紹，貪佢方便同少人。一食就好中意，推介比大家。叫左一個白酒煮蜆, 一個黑毛豬扒， 一個黑松露意粉同兩杯酒。白酒煮蜆已經好有驚喜，其他餐廳有時會唔夠新鮮,但依碟一定唔會，仲好有海水味，好鮮甜！佢仲跟四塊蒜茸包，唔驚唔夠飽！而黑松露意粉令到我同朋友有驚喜。因為平時餐廳的黑松露都好少，但它竟然多到蓋哂d意粉！濃濃既黑松露味,配上雜菌簡直是一流。黑毛豬扒肉質好鮮嫩，再加上充滿香料的醬料，有泰式味道，感覺有d fusion。飲品就點左Jack daniel 同一杯House wine。jack daniel 我第一次飲，比較重酒味，岩d中意重酒精的人。我點的house wine,飲落去好香果味!推介比大家！

去開大圍諗唔到食咩 記得朋友推介呢間風車 就心動去試下 招牌真係有風車樣 好顯眼唔驚去錯入去覺得都幾有情調 一眼就見到吧枱 仲有啲酒 酒類都好多選擇 相信好岩酒鬼朋友 因為都唔係太肚餓 所以就嗌左個前菜 火腿卷 水牛芝士蕃茄pizza 同墨西哥黑毛豬扒 加兩杯野飲火腿卷係用parma ham 卷住火箭菜同露筍 呢個配搭幾好 鹹鹹地加埋菜食 幾夾幾freshpizza 就好香好脆 好多芝士係面但又唔會漏 夾埋塊蕃茄同水牛芝士就岩岩好 好鐘意呢個pizza 滿足我鐘意食蕃茄同芝士嘅口味而黑毛豬扒就幾喜出望外 份量都多同埋整得好香 個醬係辣辣地 幾開胃 如果鐘意重味啲可以再自己加多啲醬 同埋豬扒好淋身 亦唔會太肥膩 格離仲有沙律同蕃茄仔 更加清新而兩杯野飲 一杯係mocktail Cool Mint 薄荷同荔枝味幾夾 飲落幾甜 另一杯係cocktail Blue Lady 好靚嘅藍色野飲 飲落酒味都唔重 算易入口

今日入大圍探朋友，朋友帶路食好嘢喜歡海鮮嘅我揀咗個白酒煮蜆白酒煮蜆配蒜蓉包煮蜆嘅份量相當多，正如我朋友所講份量非常之優惠，而味道仲幾正蜆無沙，配上忌廉汁帶點甜甜的味道，令蜆更鮮更惹味蒜蓉包就烘到卜卜脆之後嚟到主菜，兩樣主菜一上枱就俾佢嘅份量驚嚇到，不過好彩最後兩個人都食得晒西班牙式燒原隻春雞雖然菜名係燒原隻春雞，但其實就已經切好左就咁睇春雞嘅外皮，好似好多地方都燶咗，但其實只係香料部份燶左，所以可以好輕易被移除而呢個燒雞嘅調味真係相當之好，同比較少機會食到因為佢係帶地中海風情嘅調味同平時食開嘅春雞調味係並唔一樣而且春雞體型較大，雞肉量都比較多，而且肉汁成功鎖住，一啲都唔柴波士頓龍蝦意大利粉龍蝦係相當之新鮮，肉質結實仲夠哂鮮味而且上層嘅芝士唔會搶咗龍蝦嘅風頭，但又成功增添味道層次感底下嘅意粉份量十足，有蘆筍、蘑菇作為配菜食完令兩個人都捧住個肚腩返屋企