風車

營業中

休息中

今日約左朋友係大圍食野，一於就食好西😝😝揀左呢間西餐酒吧😛呢間西餐廳既裝修好有心思，有盞好大既吊燈，雖然店鋪唔係好大，但樓底高，啲位置都坐得好舒服😌👍🏼我地兩個人點左個鴨胸沙律🥗 白酒煮蜆 🐚同埋個14oz肉眼扒🥩，三個餸兩個人食都好足夠👍🏼鴨胸沙律🥗（8/10）：鴨胸都算係多同大塊，彈牙好味😋👍🏼啲菜好新鮮，爽口，配佢啲酸酸點點既沙律汁好夾，好快俾我地清晒😎😎👍🏼白酒煮蜆 🐚配蒜蓉包（10/10）：呢個蜆真係值得推介，勝在佢個汁煮得好好味，白酒味唔重，有啲似白汁煮但又一啲都唔「漏」，啲蜆雖然唔係好大粒，但冇沙，同啲汁好夾👍🏼啲汁用黎點蒜蓉包都超好食😝👍🏼14oz肉眼扒🥩 （8/10）：呢個真係岩晒啲食肉獸😏 塊肉厚過我手掌，啖啖大滿足，叫左五成岩岩好， 切開中心少少紅，都算juicy😛😛

今日落雨天，難得放假又因為落雨冇得外出，hea左成日人都牛牛豆豆，就想去揾d 好野食，突然想鋸扒，就揾左呢間係大圍既風車。門面裝修有特色，感覺好有pub既感覺，因為有個bar係隔離。我叫左14安士厚切肉眼同埋一杯cool mint mocktail 肉眼牛扒黎到俾我感覺就係「嘩，真係好香好大塊」同埋賣相唔錯。一切開，好多肉汁，牛扒上面有粗鹽，食落去好有牛肉香味。配菜薯角都要讚👍👍野飲方面，cool mint ，薄何葉味岩岩好，唔會太過龍。價錢方面就見人見智喇，我就覺得性價比適中。呢個質素係要呢個價錢👍

這裏距離大圍站只有6分鐘，一入店內，裝修優雅，座位舒服，傾計既首選。這裏有多款選擇，鍾意食牛嘅朋友一定不可錯過。高度推介重量級肉眼扒，牛魔王推介，足足14安士，只不過係328。如果晚市再加香煎鵝肝配焦糖蘋果，只不過係$69。兩人套餐都好多野食，有鴨胸、湯、肉眼扒配菠蘿，非常開胃👍🏻仲有波士頓龍蝦意粉，唔使講，一個字正！而店內有酒精的飲品選擇亦眾多。中意飲、中意食既你一定不可錯過的大圍餐廳。😊

大圍可以一邊飲酒，一邊食飯嘅地方，唔算多，不過呢間西餐廳就真係做到你嘅要求，而且食物質素都唔錯架，都見到有好多人幫襯，絕對值得一試如果有去開大圍，又鍾意睇波嘅朋友，可能都已經知道呢間西餐廳嘅存在，因為每逢球賽嚟到，呢間餐廳可以一邊睇波，一邊飲酒，一邊食好西，所以真係好多人幫襯距而家冇球賽都唔緊要，一樣可以食好嘢，大家可以見到，呢度嘅食物選擇都幾多，一啲重點推介嘅菜式，都會有圖片供應參考添第一款食物係一款海鮮，佢係 白酒煮蜆配蒜蓉包，雖然望落佢哋都比較普通，但係味道都幾有驚喜，而且份量都算多，蒜蓉包可以講係一個配角，一共有4塊，味道不過不失而呢啲蜆就幾出色，因為完全一個 “吉殼” 都冇，每一粒都係有肉嘅，雖然唔算好大粒，但係食落，佢都幾有口感，都有一定嘅肉質，當中嘅醬汁都滲透左係肉入邊，有陣陣既白酒香味，重點係食落完全無咬到沙，都真係唔錯第二個餸係 蒜香一口牛，呢個我同朋友都覺得幾好食，因為佢味道真係香濃，唔好睇佢細細碟，其實佢份量都幾多，而且真係幾好食鍾意食牛，又比較喜歡濃味嘅朋友，呢個就真係啱晒，非常香濃嘅蒜香味，完全佔有着成粒牛肉粒，一啖一口牛肉粒，有種非常滿足嘅感覺，牛肉粒有口感

大圍出名多野食，今日就黎左食西餐。佢飲品都係d好夏天感覺既飲料，我地叫左blue lady、strawberry colada同埋apple mojito。主菜方面，我地叫左個白酒煮蜆。我怕海水味，但佢d蜆一d都唔腥，應該用左好多白酒煮，所以我都食左好多😋然後叫左個火腿卷，佢d火腿好薄，中間夾住皇帝菜同露荀，所以食到幾個層次，而且d菜好鮮甜。跟住叫左個韓式雞球。其實就係韓式炸雞，我前一日食左炸雞，所以無點食呢個菜，不過朋友話幾好味。牛油蒜蓉包佢炸得好脆，如果多d蒜蓉就好。叫左個肉眼扒。佢上面黃色既係菠蘿，用左d焦糖去烤佢，令菠蘿好甜好好味。牛扒我地叫左5成熟，d肉好淋，而且好大塊，唔錯。然後叫左個黑毛豬排。佢個醬汁好特別，有dd辣，但好難形容佢個味道，我估計係用左好多香料去整，有d東南亞風味，豬肉都好淋，好少食到咁好食既豬扒。

黎探朋友,搵左間西式餐廳。呢度既二人餐好實惠。前菜係沙律,有生菜同青瓜,仲有酸酸的汁,幾正!湯我地每款都有叫,試到兩種味,蘑菇湯有少少蘑菇puree,龍蝦湯有少少龍蝦肉。主菜係7成熟既西冷steak,7成唔錯,steak唔會chewy,容易咬。有薯條同薯菜。薯條脆脆地。另外叫左個龍蝦意粉,有半隻龍蝦,多膏,龍蝦肉都幾彈牙,意粉份量多,岩二人share。唔洗驚食唔飽。甜品係朱古力蛋糕,份量唔會太多,唔怕食唔晒。cream同cake既比例唔錯!亦唔會太甜呀!呢個餐每樣野都有d,食完超飽。飲品係果茶,我地走冰。唔會太甜,都唔錯!呢度有兩部大電視,睇波季節一流。呢度有飛鏢既board,好有酒吧既感覺。

難得唔再係去旺區 特登搵咗一間評價幾好嘅西餐😆 今晚做咗食肉獸 放縱一日ʕ •ᴥ•ʔ香煎阿拉斯加蟹肉餅🦀蟹肉煎到好香口 同烘到勁脆嘅多士大啖食 正😆🌟紐西蘭肉眼扒配焦糖菠蘿🍖要讚佢好有誠意 塊扒大塊之餘配菜都迫爆(⁎⁍̴̛ᴗ⁍̴̛⁎)有大量嘅薯角(最愛!) 仲有蒜蓉焗嘅菜花😋第一次見呢個菠蘿嘅配搭 重口味嘅時候佢就好fresh咁中和返🤣 令到碟菜有埋甜同酸味😛塊扒冇乜筋位 牛味頗濃 冇乜挑剔😌👍🏻墨西哥醬燒黑毛豬扒🐷呢款黑毛豬扒肉味濃之餘 肉質仲好爽口🤤🤤個醬汁有用到墨西哥辣椒 所以酸酸辣辣咁👄好少食到呢個味嘅豬腩肉 好得意(˶‾᷄ ⁻̫ ‾᷅˵)

值得推介既餐廳令你意想不到既滿足感🍔流心藍芝士牛肉漢堡好重芝士味 好juice一切開就有流心芝士牛肉同芝士互相輝影兩者唔會蓋過大家嘅味道包亦焗得好香脆呢個係必試👍🏻🍔日式照燒雞肉脆豬又豬又雞 究竟係豬or雞?原來係脆豬包入面塊雞扒大大塊煎得好香脆 配埋甜甜既日式照燒醬令到雞扒更惹味脆豬好香脆乾身得嚟唔會好硬☕️popcorn咖啡.......+$10Popcorn🍿竟然可以融入咖啡味估唔到咁好飲唔會太甜 .☕️水果茶..................free(跟餐)重桃味既果茶剛好中和食完burger嘅飽滯感好舒服如果去開大圍踩單車可以去食lunch / tea chill 下

今日同朋友踩完單車，還完車之後就諗住搵吓有咩好嘢食！咁岩經過依間Bar見環境幾舒服，就入咗去一試！我哋又唔係太肚餓所以唔係叫咗太多嘢食。前菜我哋就叫咗cesar salad同埋焗肉醬薯皮，個沙律調味都做得幾好，而且啲沙律醬同埋菜攪拌得好均勻，入面亦都有煙肉碎，係好正宗嘅凱撒沙律！另外一個焗肉醬薯皮就相當有驚喜，芝士味十分之濃，薯皮都焗得啱啱好 ，非常脆。另外肉醬調味都好唔錯。你睇吓先啦主菜我哋就叫咗個焗乳豬。平時食西餐都好少會食到乳豬，今次呢間餐廳就用咗西式的煮法，個豬皮比起平時食到嘅乳豬脆好多，而且啲肉好Juicy，比起食傳統乳豬就好有新鮮感！最後講下野飲，依間餐廳嘢飲選擇十分之多，有酒精飲品又有非酒精，野飲都係另外一個menu！我哋叫咗Apple Mojito同Cool Mint，兩杯都係有氣無酒精飲品，但飲落感覺就非常fresh，甜度啱啱好，有氣又令到杯野飲飲落覺得好醒神！最後埋單就5百幾蚊 不過就勝在坐得舒服，食物質素又高質！

今日約左兩個fd想坐低吹下水，係大圍search到呢間bar好似幾正，就黎左試下我以為係辣，但原來唔係，食落少少甜鹹甜鹹咁，同埋脆脆地西班牙火腿包住露荀，我都係第一次食好好味呀，個火腿又唔係好鹹，露荀又冇煮得過淋，保持返d咬口，超好食D汁唔錯，d蜆吸收哂d白汁好好食，蒜蓉包都好香！黎到主菜，呢個黑毛豬好juicy!! 我仲以為個汁係沙嗲，原來係一d洋蔥整成既醬，少少辣但好香口肉眼扒要求左五成熟，食落岩岩好，唔太生又唔太老，又唔韌，食落幾香牛味值得要讚既係個焦糖菠蘿，我第一次見咋！菠蘿上面有一層燒到脆哂既焦糖，食落又甜又juicy，真係好驚豔！好好食食到少少口渴叫左幾杯野飲，其實佢好多酒提供，不過呢兩版個d最吸引我好似smoothie，唔錯！呢杯好正！蘋果味出，薄荷味有但又冇搶到d蘋果味，好refreshing!!呢杯好重酒味，我仲以為會有少少甜，可能我唔太識飲酒唔識欣賞3個人食左咁多都係$1000蚊到，ok喎

星期六中午 諗住去大圍踩單車 ，單車之前 去咗風車到醫肚， 餐廳距離火車站不太遠大概步行10分鐘到就到餐廳。兩個人如果兩個lunch set 豬扒包同雞扒飽 lunch set包 餐湯 或者沙律， 主菜係豬扒包同雞扒包 再加飲品 套餐價錢大概80蚊左右 ，不算太貴 ，份量十足。先講餐湯 係南瓜湯十分creamy 但又不會太膩。沙律 菜配油醋 同一般沙律醬 分別係不會太肥，十分健康。豬扒包 個包非常 熱同脆， 配埋芝士， 十分香口 拍得住去澳門食嘅豬扒包， 再配埋非常香口的薯角加沙律菜真係十分飽。雞扒包方面 雞扒非常大件絕不馬虎， 肉質十分嫩滑， 值得再試。由於是中午時分唔識完之後想去做運動不宜食得太飽 如果唔係會 試下佢個重量級西冷扒 看到餐牌大概三百二十五百蚊左右一份14安士 看圖上非常吸引所以決定下次再去大圍時 會是 試牛扒。期待下次再來。

呢日同朋友有事做入咗大圍 都唔知幾多年無嚟過呢個地方😅做完野順便食埋晚餐 因為當日行咗好多路 所以想揾間可以坐得舒服啲嘅 就揀咗呢間風車🍽️◽Smoked duck breast with italian green salad◾Chorizo and prawn pizza◽Grilled N.Z rib eye steak with caramel pineapple◾Apple mojitoPizza同rib eye都有好大驚喜🤩Pizza上枱已經傳嚟好香芝士味 雖然配搭簡單 但係芝士辣肉腸同蝦三樣野夾得好好 蝦仲要彈牙架🤤佢係薄批 批邊做到脆脆嘅效果另外rib eye肉質都好稔 平時食牛好容易食到好膩 所以呢度好有心思配咗焦糖菠蘿 夾埋一齊食令到成件事舒服咗 唔會好滯好膩 我覺得好讚啊👍🏻

近排因為疫情關係都好少出街，但今日咁啱有嘢做要去大圍，所以順便食個晚餐。經友人推薦下呢間啲食物好似有水準，所以一於去試一試。今日我哋比較早食晚飯，6:30嚟到唔使等位就可以入去坐落個位覺得空間感好大，張枱好闊落可以放到好多食物。同埋，呢度一望就望到有部好大嘅電視，睇波嘅球迷有福啦睇波又點可以冇嘢飲呢？我見呢度嘅飲品選擇種類都幾多，包括酒精、非酒精，甚至茶都有，照顧到唔同需要嘅顧客。而我哋今晚就order左兩杯mocktail，一杯係Strawberry Colada，椰子再加上士多啤梨味，本來驚有藥水味，但出黎效果唔錯另外一杯係Apple Mojito，主要係青蘋果味，酸酸甜甜，同真係有果粒，都幾好飲。嚟到我哋主菜嘅部分，我地第一樣order左芝士肉醬焗薯皮，味道唔錯！一黎，唔太乾身，唔會食落好dry。二黎，有肉醬同有芝士，令到成個薯皮口感豐富左好多，幾好食第二樣我地就order左個波士頓龍蝦意大利粉，出乎意料地個龍蝦肉唔單止幾彈牙，仲有好多膏可以食，對我呢個咁鐘意食海鮮嘅人黎講真係一大喜訊最後壓軸出埋嘅係一份紐西蘭肉眼扒配焦糖菠蘿。第一樣嘢要讚嘅就係佢地嘅薯角，新鮮炸起，夠熱夠香夠脆

大圍有很多美食餐廳雲集，積存街是離大圍火車站步程約5分鐘的其中一條滿佈食肆的街道。這天和朋友想找一個地方靜靜地食下野傾吓偈，最後便選擇了這間餐廳。餐廳有一人或二人套餐，大約$200至$300不等，不過今日選擇了單點。第一就來的是二式沙律配煙燻鴨胸。鴨胸不薄，除了沙律菜外還有點青瓜增加口感，如果有多點醬汁就更加好了。接着上錯的是波士頓龍蝦意大利粉。不得不說龍蝦開邊開得非常細心，不像坊間一些餐廳要自己開龍蝦鉗，減省了不少麻煩。還有的是法式燴羊膝。羊膝蘇味不會重，肉也有不少，旁邊有些薯蓉以及雜菜伴碟。今天還有工作要做所以沒有點酒喝，不過看到餐牌上也有不同類型的cocktail ，看上去好像也很是吸引。

呢到主打西餐，環境唔錯，好岩黎chill，同朋友飲下野。黎到個時係晚餐時間所以叫左d主食試下，叫左個蒜香一口牛、白酒煮蜆配蒜茸包同埋黑毛豬扒。一口牛好好食，一次一粒，蒜味好濃！而且份量都幾多下！白酒煮蜆既蜆肉都好入味，食落有酒味，仲有蒜茸包可以點下個汁食，好夾！ 個蒜茸包好香脆！黑毛豬扒既配料有車厘茄同埋 沙律，食落冇咁易膩，豬扒切好先上，好方便！食落個味道幾特別，甜甜地。本身塊豬扒已經好夠味，不過佢個醬都好加分，建議可以沾住食！話明酒吧，酒類選擇緊係多！ 唔飲酒既都可以叫mocktail! 今日同朋友都叫左無酒精既mocktail! 本身個人都好鍾意士多啤梨，叫左strawberry colada，甜甜地。朋友就叫左cool mint 。兩杯都幾不錯！