風車

營業中

休息中

呢間位於大圍火車站附近嘅西式餐廳，裝修幾有氣氛，環境昏暗，好似有酒吧嘅感覺午餐嘅set有好多選擇，淨係包類就已經有幾款，如果係扒類，仲可以選擇配白飯意粉或者薯菜，啱晒啲無飯不歡嘅朋友。呢個流藍芝士牛肉漢堡，味道唔錯，上下層麵包谷到脆卜卜，但係塊牛肉就份量有啲細，藍芝士嘅部份就更加少。另外仲叫咗吉列豬扒意粉，豬扒外層嘅咋皮做得幾好，好鬆脆唔會硬，但係份量就比較少。蘑菇湯非常之真材實料，仲食到一粒粒嘅蘑菇係入面，質感唔似湯，似一碗蘑菇粥。

之前經過積存街見到原來仲有間餐廳未食過，星期六諗唔到食咩就過黎試下～我地叫左個蒜香大蝦多士，好香蒜蓉味，我本身好鍾意食蒜蓉，所以好滿意，另外多士就好乾身但好彩有蝦油沾染左個面。主菜方面，我地揀左墨西哥醬燒黑毛豬扒，見到餐牌張相覺得好特別，感覺有d似泰式前菜，所以就試下，豬扒已經切好一件件，豬扒好淋，但算薄切同有d乾身，反而個個醬汁有驚喜，微辣有香料味，感覺真係似香葉肉碎既味，點黎食層次升級左。另外仲揀左肉眼扒配焦糖菠蘿，仲有埋薯角同菜，燒過既菠蘿真係好甜又解膩，牛扒只有少量筋，我好怕食好多筋既牛扒，所以都唔錯。平時對伴菜冇咩期望，但呢度既西蘭花同椰菜花有輕輕炒過有少少蒜蓉味。飲品我地揀左一杯Mojito, 一杯dark rum既cocktail，中規中矩。環境黎講，呢度以restaurant&bar做定位，所以燈光會昏暗少少，而呢度有部超級大電視可以睇波，唔錯～

中學時代經常去嘅地區之一大圍有好多朋友都住呢區。有顯徑、雲疊、田心、隆亨、新翠。。。昨晚就約咗住大圍嘅朋友食飯發覺風車喺大圍原來都幾多人食喎好慚愧🙈周不時經過今次都係第一次嚟今次有機會品嘗呢度嘅美食😋女店員招呼周到好快安排坐位👍🏻👍🏻👍🏻還推介幾款菜式意式薄片刺生帶子頭盤先黎新鮮嘅帶子😮入口好鮮甜👍🏻上面仲啲炸菜粒調味香脆南瓜蓉焗石班呢道菜式特別好食👍🏻皮脆肉嫩好有咬口🤤點上南瓜蓉帶出魚嘅鮮味西班牙黑毛豬鞍一向都好鍾意食黑毛豬😋肉質嘅質感比較嫩又夠肉味👍🏻一切開D肉汁出晒嚟🤤見到都流口水FruitPunch我無飲到😄但我朋友飲咗一啖都讚好飲StrawberryColada呢杯打蓉咗嘅草莓加入鮮奶😋夠冰凍又唔太甜好適合夏天品嚐嘅特飲風車 - 除咗係一間餐廳之外仲係一間有⚽️足球賽事睇嘅酒吧🍻隔離幾枱客都係一邊飲酒一邊Mon住電視睇球賽

Happy Friday 放工後約朋友食下好西，今次揀咗喺大圍嘅呢間cafe n bar, 距離大圍站有少少距離，腳程10分鐘左右因為早放工，黎到餐廳六點左右，晚市未算多人住。餐廳環境一流，座位之間有足夠空間，啱晒朋友仔摸杯底傾計野食方面我地叫咗Parma ham蘆筍捲、黑松露意粉、西班牙乳豬仔。Parma ham 蘆筍捲Parma ham 咸香，配蘆筍幾夾，但有火箭菜，略有澀味黑松露意粉味道正常，意粉掛汁度剛好，每啖意粉都掛到香濃的白汁西班牙乳豬最期待的一道菜，乳豬外皮香脆，底下的乳豬肉好嫩好淋，加上中間的油脂，口感多有層次。小可惜的係土佢係一大塊上，無幫客人切好。另外，對於女仔黎講油脂略嫌太多，瘦返啲更佳飲品叫咗兩杯cocktail, 味道唔錯，好飲

大圍比較遠離市區，今日就去一間西餐小店享受下兩個人小寧靜既時間🥳🥳餐廳既燈光比較昏暗，好似去左Jazz Bar咁，莫名有種浪漫既氛圍💋💋餐牌選擇並不算多，但係基本上都有前菜、小食、扒類、意粉比你㨂🥗🥩🍝酒精類飲品都幾多，好適合情侶同朋友黎小酌幾杯，傾下心事🤭🤭小食方面，我地就揀左白酒煮蜆配蒜蓉包😻😻蒜蓉包配上白酒汁既味道好夾，加上D蜆一D都唔腥，一口接住一口，好快就比我地KO左🤡🤡跟住仲叫左個肉醬焗薯皮，薯皮焗得幾香脆，肉醬既蕃茄味好濃🍅🍅芝士都算落得幾多🧀🧀如果份量再多少少就好啦🤩🤩主食方面，一向鍾意食乳豬既我就揀左西班牙脆皮乳豬配彩椒汁，一上枱就有好香既味道，同平時食既中式乳豬不一樣，西班牙乳豬既皮比較薄，而且肉質更加嫩滑、入味🐷🐷加上彩椒汁既配搭比較特別，減輕左乳豬本身既重油感，食落清新D😋😋配菜仲有永遠不敗既薯角，粗身既薯角熱辣辣食最好味🍟🍟整體而言，係呢度食下野傾下計既感覺好輕鬆👻可以黎試下佢😏😏

朋友見我咁苦惱有咩好食，叫我過黎大圍呢頭搵食。過到黎又真係十幾萬間野食咁滯，行左一大圈，簡左呢間風車餐廳。呢間半bar半餐廳，入到黎個氣氛好舒服，播住Taylor Swift, One Republic ,Ed Sheeran 等等的流行歐美音樂。微暗既燈光修飾你的輪廓，配合一杯whiskey sour /Draught Asahi 就係最適合同女伴共進晚餐的地方。可惜今晚我只係一隻單身狗，汪汪。言歸正傳，頭盤叫左香煎阿拉斯加蟹肉，多士配合蟹肉，即使唔係天衣無縫都經已無懈可擊。多士夠薄夠脆。之後叫左隻西班牙乳豬，呢隻可能係我出世到而家食過最好食既乳豬。你難以想像佢可以咁脆之餘仲可以咁嫩口，回味無窮。本身想叫杯啤酒，但係諗諗下自己好似無點試過mocktail ，叫左杯strawberry colada，都係水準之上。

餐廳樓底好高，枱與枱之間都非常闊落，仲有音樂聽，環境氣氛好適合約埋朋友一齊傾計食飯🔻香煎阿拉斯加蟹肉餅 $89 蟹肉餅好重蟹肉味 ，蟹肉都睇得出落左幾多，一d都唔吝嗇😋好食👍🏼.🔻白酒煮蜆配蒜茸包 $79 蜆肉無乜沙🤩白汁配忌廉個汁唔會太漏，蒜茸包脆卜卜，加埋d忌廉汁一齊幾好食 😋.🔻西班牙式燒原隻春雞$189 有沙律配送，酸酸甜甜好開胃，而燒春雞都算幾大隻，但略嫌個皮有dd燶同鞋左dd，但係下面d配菜，索左d雞汁就好好食.🔻Pearl Harbor $78(vodka,pineapple juice,midori) 個色調得幾靚，但係朋友嫌vodka味重左少少,蓋過左其他味.🔻strawberry colada $69(strawberry,pineapple,coconut milk,fresh milk)呢杯質感幾好，唔太稀唔太杰，甜度都適中.9點幾，餐廳較暗左燈光，就更加適合朋友情侶食完飯，繼續傾計飲番幾杯🍻🍻

今天早放工打算和老媽子去浪漫一下，於是便到了大圍附近這間restaurant&bar。由於老媽子的胃有問題，所以我們沒有點酒。室內裝修有格調，很有bar 的感覺，而且是幾個年輕人負責的，給人一種有活力的感覺。點了巴馬火腿蘆筍火箭卷作前菜、紐西蘭肉眼扒配焦糖菠蘿和波士頓龍蝦意粉作main course。首先端來的是巴馬火腿蘆筍火箭卷，只能說出奇地好吃，雖然食材簡單，但卻配搭得非常之好。火腿的煙肉香包住清新的蘆筍和火箭菜，味道層次豐富，口感爽脆，值得推介。主菜紐西蘭肉眼扒配焦糖菠蘿和波士頓龍蝦意粉，肉眼扒肉汁豐富，屬於高級靚扒， 而且煎得剛剛好，外表香口之餘又能鎖住內裏肉汁，再配合表層焦糖的新式煮法帶給我驚喜，確實幾創新有配搭得10分好，而且沙沙的焦糖也為口感加了分。波士頓龍蝦意粉無論是龍蝦或是意粉口感非常彈牙，而且整個意粉佈滿了龍蝦的鮮味，吃一口龍蝦再吃一口意粉， 令人回味無窮。整體來說這間店的性價比非常高，兩個人$500都不用便能吃到這樣高級的食材和用心的烹調值得覆桌。

今日去大圍探朋友吹吓水順便食埋Lunch朋友話剛剛搬入大圍住都未熟悉搵食咁就上網睇吓啦,主要搵d 傾吓計又唔限時果d 就係大圍近油站果邊周圍行吓睇吓咩啱食見到一間酒吧開門👉🏻一般冇咁早係門口睇吓menu,朋友話可以試下因為見到佢有個叫爆谷cafe😱吸引咗當時大約已經14:00 已過了繁忙Lunch 時間所以只得三四枱,咁就好啦又唔怕太噪侍應給我們餐牌,只得set Lunch雖然得set Lunch 算叫做多選擇(有湯 or 沙津 + 主菜 + 飲品)有 5 款飯麵餐+ 6 款Burger 或三文治餐朋友叫了"日式咖哩吉烈豬扒配意粉"(可選擇薯菜or 飯) + 沙津👉🏻個豬扒唔會厚粉👍🏻(如果上菜時個汁分開上就仲好d,另到豬扒會更脆)我叫咗"日式照燒雞肉脆豬" + 是日餐湯(青豆湯)叫完先發現同步叫咗日式野😅👉🏻塊雞煎得好香,size 大個個飽👍🏻最贊係薯角好脆應該係新鮮炸,唔會好似出面因為lunch 會比較忙炸定👍🏻👍🏻☕️☕️爆谷咖啡😋😋真係好香爆谷味跟餐另加$15 就有算合理嘅

辛苦左成個禮拜，想食個靚扒慰勞下自己😉近近地去大圍，見呢間環境唔錯食扒幾出名就試一試～雖然唔係太餓不過又好想試吓d小食就叫埋個蝦多士🦐....無諗到隻蝦咁大隻👍🏻多士夠脆，個蒜蓉醬加左蔥油，好香，應該佐酒一流😄🍻後尾至睇到佢哋原來有happy hour,下次gathering可以黎呢度，仲可以試多幾款小食😋主菜當然係牛扒啦，叫左~肉眼扒配焦糖菠蘿，七成熟....剛剛好入面仲係有啲粉紅色，配菜都好吸引，脆薯夠多而且面好脆👍🏻上菜時已配埋茄汁，好貼心個焦糖菠蘿一上菜已經聞到好香，好juicy 而且令到成個主菜感覺好balance⋯⋯有肉又有配菜又有生果呢餐真係大滿足，連埋杯凍檸茶三百幾蚊，物有所值

同個麻甩fd 去開大圍，想揾個地方飲野吹水，又唔想去d 大品牌酒吧，見依到依間夠up dup 掂啦，一定少人。點知一入門口，哥哥話唔好意思先生，暫時無枱，不過有人埋左單，等多等。真係估你唔到，原來依間吧咁多人，仲要已經係星期四，唔係星期5，6。入到去，又再一次唔你唔到，以為會係麻甩場啦，點知入到去有幾枱OL look 既青春少艾係到開紅酒係到談心，攪到我都即刻坐返直d 唔好太hea.雖然係咁，係我係會理到隔離枱係到紅酒談心，都係叫左啤酒飲。又再一次估唔到，除左大品牌既啤酒，仲有香港手工啤飲，依一刻我無再猶豫，即叫。香港友手工啤唔該。（麻甩friend 即接： 兩杯）之後吖左羊膝同牛扒。兩樣都做得好好，個牛水準真心勁高，而只係二百幾蚊仲要勁大塊。除左啤酒仲有雞尾酒，個調酒師除左幾靚仔仲幾瀟灑。Sor, 太黑。仲有盞勁大吊燈，好鬼矚目。你睇我地叫即野好似唔多，但份量一d 都唔少。按依個環境，食物水準，同有禮貌既服務態度來講，每人二百幾，我都怕老闆會賺太少耐執粒。真心推介，去開大圍又想飲野，依間十分好！

有咩開心得過，可以見住小孩快快樂樂成長💕小孩上星期測完驗，去左屋企附近食左餐豐富嘅tea，等大家都可以鬆一鬆🥳 🍔 流心藍芝士牛肉漢堡烤牛肉熱溶藍芝士，牛肉汁流心芝士交錯，配合新鮮蔬菜🍅🥬 、香烤漢堡麵包，雙重滋味！ 🍝 肉醬意大利粉一碟滿佈芝士粉和肉醬的意大利粉，就讓我們來邪惡一下吧！簡單一個下午茶，已經可以洗滌大家的心靈，你今天會tea一tea嗎😋？ 餐廳中央有盞大吊燈，旁邊有吧台，亦有大電視可收看球賽⚽️

今晚朋友專登入大圍搵我食飯，個個都知呢頭好多野食，但我一般都係食小食多🤣🤣好少機會會坐定定係餐廳食，係冇乜idea之下，就上OpenRice 搵下附近有咩好嘢食😋😋 見到風車個樣望落都幾吸引，就決定去試吓🤩風車係近油站再行入多少少，真心平時好少會行入黎，去到驚覺入面full house，好彩等左10分鐘就有位🤩睇黎呢間小店都有好多fans呢！Menu 見到厚厚嘅rib eye 好吸引！同為同行朋友唔食紅肉，就冇試到啦🤪不過見到格離枱有order ，勁大份仲好香，下次再黎試下先！因為我哋2個女仔，所以都叫左d Light d嘅野share Parma Ham 露荀火腿卷火腿唔會太咸或咬唔開，露荀好清甜得黎一d渣都冇😚好正煙鴨胸田園沙律🥗本身想食Caesar salad 🥗, 可惜賣晒，店員推介左田園沙律🥗食落係柚子dressing ，好fresh ，沙律菜都好新鮮，冇介紹錯！白酒煮蜆配蒜蓉包 🧄 呢個真係好有驚喜，首先份量好多，粒粒蜆肉都漲卜卜同冇沙！味道好好😋😋蒜蓉包烤到好脆唔會太油，加埋d汁一齊食真係超正呀🥰🥰🥰Main dish我地叫左西班牙🇪🇸式原隻燒春雞 🐓雖然話係春雞，個唔會

而家的星期日真係好難出到街，但無理由個個星期都係屋企等生菇😫但由於下午係樓下嘆完一盅兩件後太飽了，所以夜晚唔想食咁多，又唔想留係屋企，於是去左大圍的食街望下有咩好食😋行過見到呢個Bar最吸晴👀，再望下個menu 好似都唔錯，所以就入去試一試我入去坐底已經接近20:30，星期日夜晚黎講都有9成入座率，即係好多街坊黎幫襯，証明呢間餐廳的食物/服務唔會太差另外餐廳樓底好高，裝左水晶燈的Bar格外高貴，有波睇，又有歌聽，但又唔會好嘈，坐底傾計都幾舒服左邊 ～ Fruit punch $65 右邊 ～ Apple Mojito $69Fruit punch 濃得黎又唔會太甜Apple Mojito 唔太甜，略嫌唔夠Mint巴馬火腿露筍火箭卷 $89Parma ham 配露筍原來可以咁夾白酒煮蜆配蒜蓉包 $79蒜蓉包夠蒜味，如果塊包再脆D就更香口喇白酒煮蜆D汁夠多，每粒蜆都有汁包住，非常夠味，又唔會好鹹，份量都算多西班牙脆皮乳豬 配 彩椒汁橙色就係彩椒汁，其係係用三色椒blended 出黎的汁，食落口好有椒味，將乳豬皮部份點彩椒汁再食會無咁’漏’，乳豬肉的部份點正常乳豬醬一樣咁好食😋即炸的薯條一定

今日出左大圍搵朋友，搵左呢間隱世小店食野。鋪頭夜晚係一間bar，晏晝就好似一間西餐廳咁，有做d西式lunch set，選擇都幾多，有啲扒，意粉，漢堡等等。因為唔想食太飽，所以今次揀左煙肉芝士牛肉漢堡，同埋醬燒豬扒土耳其三文治。先黎跟餐既粟米湯同沙律。朋友話粟米湯略嫌唔夠咸，自己加左鹽好好多喎。沙律方面就好新鮮！牛肉雖然唔算好厚，但係有肉汁，仲有好香既牛味！加上佢既麵包好鬆軟，又搽左蒜蓉上去烘，為漢堡加多左層次感。煙肉煎得香，芝士溶左落塊包到好食！豬扒包好犀利！！入面有兩塊豬扒！！同樣都係芝士已經溶左落塊包到，好好食。再加上佢既醬汁（應該係燒汁？），同成個包好配合，唔會太甜太咸。配角既薯角都好似新鮮炸起咁，唔會覺得炸左好耐咁會有油膩感同唔脆。整體黎講，兩個set既cp值好高！飲品方面，普通既茶啡唔需要加錢，我就揀左加10蚊既爆谷味咖啡，因為貪佢新奇同未試過。咖啡調味都恰到好處，一上枱就聞到濃濃既爆谷味，當你以為佢咁香爆谷味應該好甜啦！佢又唔會喎！只係少少甜，仲飲到咖啡香味，唔會酸。仲有！！佢地用既鹽同黑椒都比人感覺好用心！本身仲話想唔食咁飽，點知呢兩個set都飽到飛起！