韓樂 (T Town North)

營業中

休息中

一間食店最緊要啲食物好味，咁先可以留到客人，不過呢間食店有一樣野係非常之吸引我，就係呢杯熱咖啡每次order份早餐都係好豐富，大大份，味道都唔錯，另外加埋杯熱咖啡，真係吸引到我差不多每朝都來幫襯，呢杯咖啡已好成功吸到客，繼續加油

今次就去試韓食。唔知點解香港既韓食都幾貴，明明材料都唔貴。但呢間都算幾抵。我地兩個人，叫左個煲同一份芝士炸雞。食到都幾飽下！！ 個煲有肉揀，之後跟一份雜菜盤。肉就得好小...應該得四塊左右。但一個70既煲有咁多野諗真幾抵。啲粉絲都夠食，食到好飽下。我揀左大醬湯，都唔算太辣。但個芝士炸雞就麻麻。個炸雞太多粉😵😵 而且太多油，就算有芝士都蓋唔到肉肉既口感。啲芝士都ok夠，但敗筆係個雞度 有幾多芝士都無用.....但總體食左118， 兩個人 算係非常抵食！本身想叫多個煎餅，但係出得太慢，所以無試到。

上次是近中午時間去試，叫了一杯柚子青檸梳打飲品和石頭牛肉鍋飯，食後感是飲品蠻不錯，飲完想再來一杯而牛肉石頭鍋飯就記憶中嘅味道是可意接受但唯獨是系牛肉咬極都唔爛有渣要成塊吞，第一次感覺不算太差，可以再來一次的（唔想一次就定生死）。所以今天突然再來一頓晚餐， 來一次喜歡嘅石頭鍋飯（豬肉），韓風香酥炸雞和熱大韓生薑蘆薈茶，餐後感石鍋飯味道無突出嘅表現（撈好所有醬料）豬肉有點鞋，炸雞外觀和表面醬汁是ok的但雞肉是無味的（無醃過），而飲品是整頓飯嘅之最不太甜和生薑粒多夠辣（我比較喜歡），總括食物嚟講系平平淡淡，服務生態度有進步空間...., 要再去的話會嘗一下西式餐品。

星期日晚上6:30去這店，大靚位，原打算去牛涮鍋，但要等好耐故去左這間，但中伏了。叫左個蜜桃豬扒飯，點知除左個鐵盤是熱，飯和豬都唔熱既，仲要鹹得很。叫左個溫泉蛋卡邦尼意粉，無個飯咁鹹，但都係鹹。薯條是正常的。叫左兩杯野飲，其中一杯係凍檸茶但完全無茶味，真係從無飲過無味有色既凍檸茶。食左45分鐘後，那職員就在執野，砰砰boom boom,目的係趕我們走，其實我由入去到走都得45分鐘，一小時都無，但服務卻是這樣。總結：食物和服務都不值再去。

Went there during mid autumn festival, not too crowded, no penguin no green chair. We ordered 3 items 1. baked pork chop & tomato w/ pearl rice 2. fried pearl rice w/ grilled chicken 3. beef & soft boiled egg w/ rice. Also placed a side order of French fries (claimed to be directly from Canada)All servings are sumptuous and the fries cooked al dente. Price is reasonable, during grand opening, no 10% service charge as well. Will definitely come back again.

外賣回家順道帶點好有韓feel 的炸雞件，加上啤酒幾瓶，邊看電視邊享受，最好能約上三五知己共享，一樂也；再來兩三份泡菜炒年糕，作為娛慶，又可充飢，更可留有香辛餘味，好充實的享受一個晚上。炸雞件醬汁味濃帶辛辣，鋪在尚有水份的炸雞件上，外加芝麻，香脆而帶質感，餸酒一流！泡菜炒年糕，帶辣而爽的年糕，有咬口感而不黏牙，份量足，酒後最佳填肚的主糧！外賣值得一提的是店內不用發泡膠的盛器，而是用紙碗盛載炸雞，極環保，而盛載炒年糕的食用膠盒，外觀給人一種清潔的感覺，有別一般外賣的另類店鋪。一個贊！如果外賣袋再落些心思，可成一格！

又到了和媽咪食下午茶了，氹了媽咪落搭吃炸物，其實都無叫炸雞，好想試的，但留下次啦！今次叫了糖心蛋牛肉飯和卡邦尼煙肉扁意粉兩份茶餐，由於見到炸薯條好似好正，於是加十元配一份香脆炸薯條。糖心蛋牛肉飯 - 好多飯，牛肉都幾多，肉質嫩、泡菜夠辣不會偏酸，我挺喜歡的，糖心蛋亦不錯，蛋黃咪濃又滑，蛋白都很滑不會乾柴柴的，用鐵板上，以為會超熱，但不覺得太熱，食入口都剛好的，視乎個人喜好，太熱我就吃不下。卡邦尼煙肉扁意粉 - 我諗應該無邊一間煮得不好吃，這家的汁都幾香濃，汁偏深色，材料幾多，扁意粉剛熟彈牙且汁剛好掛在每條麵條上，不多不少，上碟放了一會仍熱騰騰炸薯條放久了仍十分脆口，只是上枱時稍微不夠熱，味道都不錯，粉漿亦很薄，美味餐飲我要了熱鴛鴦，皆因太耐無飲過一杯正常的，想試下這間是否如常，感覺都不過不失，而媽就要了熱好立克。基本上食物質素不錯，無加一，份量亦很足夠，一定會再來^_^

星期六到樓下商場食午餐，見呢間吾洗等位，所以就去試試。我地兩個人叫左一個石頭飯，一個炒烏冬同埋小食炸薯條。落單後，石頭飯好快就來了，份量好大，其實兩人吃一個都夠，有埋辣醬同燒汁自己落。飯上配料多，十分有咬口，而且飯焦都好好味。而其他兩樣，格多陣都來了，薯條表面脆口，裏面軟，加埋半溶既芝士，好味！最後一樣係炒烏冬，野菜同豚肉都有好多，反而烏冬少左D，味道夠濃。埋單$155，整體食物味道不錯，份量大份，下次會再幫襯！

星期日瞓醒十點，又系落街搵早餐食既時間。同老婆繼續試新餐廳，見呢間比較受歡迎，而且選擇都多，於是決定食呢間。等左十分鐘左右就有位啦食物選擇豐富，但可惜我地落單後，等左足足25分鐘食物才送上🙈 服務員算幾有禮貌，有向我們解釋及說不好意思呢。我揀左👉🏻吉列脆魚柳餐蒜香多士有两件咁多，而且偏厚，魚柳味道正常老婆揀左，鬆軟煎豬扒餐豬扒份量好多🙈 老婆比左塊我食，調味味道都可以，但茄汁豆凍的，如果微微加溫會好d無諗到韓式餐廳的早餐選擇會如此多元化，味道算可以，以後都會再光顧。

今日同男朋友R去左韓樂食野, 等左幾分鐘就有得入去食, 呢度個裝修都幾靚, 以木同貨櫃為主題, 我們首先叫左個韓風香酥炸雞($29),個汁味道幾好, 有D甜味同淡淡檸檬酸味, 好似咕嚕肉甘, 但係雞肉太老,有點乾身,有幾舊雞肉好鞋 但以價錢黎講都算係甘之後叫左牛排($98), 要左3成熟, 黎既都係3成熟, 食落幾軟稔稔, 可惜無咩肉味, 感覺到係因為加左鬆肉粉至做到呢個效果, 同出面普通茶餐廳無分別, 無咩驚喜,  跟餐雜菜好難食, 食完一啖無再食跟餐薯條又太油膩, 太脆身好似番炸過甘, 食完一條個口已經有點鞋甜品叫左牛乳奶凍($30), 跟餐半價$15, 雖然無咩驚喜, 但真係好Q彈, 真係幾好食, 好滑, 幾甜, 甜度岩岩好, 呢個價錢黎講算唔錯總共埋單$142, 一個主餐一個小食一個甜品, 仲要係天水圍, 其實都幾貴, 野食無咩驚喜, 但無煮飯落街食都算則則膊過得去啦

商場經過一整年裝修翻新後，終於開返d食肆啦！可以逐間慢慢試餐廳裝修得有格調，坐得尚算舒服既，但多數都係2-4人卡位，如果想大group人去食既話就好似唔太合適啦！黑松露野菌意大飯好快上檯，蘑菇片都算多，清清地，媽咪表示好味，我就覺味道好一般啦！略嫌忌廉味過重而黑松露味又無咩。反而普通一碗既豬骨濃湯豚肉烏冬最好食湯底極濃郁無欺場，烏冬夠彈牙豚肉相當入味，仲有菇片及半隻溏心蛋作配料。附送一小碗泡菜作為前菜，雖道泡菜既味道淡且唔多夾碗烏冬溫泉蛋雞肉石頭鍋珍珠飯要等20分鐘先上檯，本來好期待，可惜食落係最失望既。賣相鮮色，飯量最多，配有醬油及辣椒醬各1小碗雖然睇落好整齊，但唔夠拎住一整支醬汁自己任加咁爽。石鍋還是不太夠熱而令白飯烘焦至一片片既飯焦，雞肉略少，辣汁唔夠辣與正宗既石鍋飯相比還差好一大段距離。

見到新開張同老公入去食晚飯，因為得兩個人，所以分兩次食點啲唔同菜式試。叫咗：温泉蛋牛肉石頭鍋飯，人蔘雞湯，紅豆椰汁沙冰，芝士一口炸雞，韓式泡菜豚肉粉絲，海鮮燒餅石頭鍋飯&豚肉粉絲絕對可以encore，唔係話超好食，不過比起其他係可以再食。石頭鍋飯嗰汁好掂，未倒入去啲飯味好似平時食炒飯咁，加咗燒汁&辣汁，成個飯juicy咗好香口。豚肉粉絲，見到湯底有少少橙紅以為好辣，其實係一啲都唔辣，豬骨湯唔算好濃，好味，唔覺唔覺就會食晒，會飽肚但又唔覺得滯。人蔘雞湯裡面有糯米飯做底，唔知係咪煲太耐，雞肉好「鞋」，好化唔駛用力啲肉同骨就分離，就因為太化了，唔好食，成碗野一叉隻雞啲肉散晒，但啲骨又要沉底，不過啲飯又起底，攪到唔知點食好，每一羹撈上嚟有飯又有骨但係無肉，最後食到好炆，放棄咗。芝士一口炸雞，炸得嚟啲雞肉係嫩好脆，芝士足夠撈，芝士味道唔算濃，整體就無咩特別海鮮燒餅，味道尚可，但怕辣的人千其唔好食太多，我覺得好辣，雖然無期待過係咩海鮮，但都無諗過連隻蝦仔都無，全部係一款碎魷魚加葱。紅豆椰汁沙冰，先講味道係好好味，不過，沙冰應該係好綿，用粗飲管應該好輕易啜上嚟，點知你飲到係碎大冷粒，太粒到會塞住粗飲

今天約了好友在天水圍食午餐見到這韓國菜唔使等位所以就入咗去三大兩小坐在六人長卡座，長木枱長木長凳。看到裝修有些特色光線較暗，人客多時較為嘈吵。看到餐牌點了四個午餐連飲品。勝在食物選擇不少有西式意粉、咖哩、烏冬、韓式石碢飯…飲品是大路港式奶茶咖啡、有些特別如沙冰、爆檸係式，但沒有韓式飲品如梨汁…講正宗韓國菜真的不算正宗！味道不過不失西式意粉汁較多。韓式溫泉蛋雞肉飯鍋的鍋很熱倒醬汁下去時滋滋作響，但不會有再想幫襯的念頭。

天水圍天Town 新開韓式餐廳星期日放假黎排隊試試等位時間大概10分鐘左右星期日黎講，唔算太耐環境亦可以但講到食物暫時試左早餐，兩個字，難食叫左個韓式豚肉部隊面同雞扒部隊面湯底完全冇味，仿如清水湯底所謂既部隊面，根本係普通面底再講豚肉，份量少到不得了...又係冇味.....雞扒，正常size ， 頗為油身，應該係就咁煎熟就算中伏！！！如果大家未試早餐，可以pass以上內容，只包早餐，午晚市，大家可以去試試，再評

自從商場重新開張之後開始左好多新餐廳，我到依家都未食曬（只係因為我太少留係呢頭食野）今日就一早同媽媽黎左呢度食早餐～入到去坐低，係好有香港韓式裝修既餐廳蠻特別既器皿望下menu 先～～呢度既早餐都算好多選擇架都幾驚喜有成三版咁多咁就落左order，唔打字啦索性upload 張單上黎算見到隔離杯凍飲好大杯！！！不過因為係隔離檯我廢事影人相呀，不過目測都有400~500ml雖然我叫既係熱飲，但係其實都ok 大杯。今次叫左熱奶茶，好緊張呀唔知呢度既奶茶係咪有伏架呢？？？黎得呢d 地方呢就唔會諗住有茶餐廳水平架啦，所以自己個心都會先調低個要求先～係ok 既幾好飲，個茶底一定係差d 架啦，淡奶都唔係黑白，不過沖埋一齊都可以接受既。茶底有茶味都唔苦既，奶雖然唔夠滑，不過總括而言係ok既！份量好大啊！可能都關我細食事啦，我淨係食塊多士都飽飽了！雞扒我無食到，不過媽媽話太咸我塊豬扒其實都係重口味既，但係未至於食唔到，而且我都ok 重口味既，所以我食曬我要求都唔係高既人，呢個價錢呢個份量呢個味道，我係喜歡既合理既！所以我又可以有多個選擇食早餐啊～～