韓樂 (T Town North)

營業中

休息中

玩完綠田園，難得到訪天水圍，係附近搵野食，食完先回家。附近TTown都幾多選擇，有間飛車壽司都好吸引，但見韓樂仲有下午茶到6pm, 有港女至愛韓式芝士炸雞，賣相好好，炸雞食落有點似KFC脆雞，但有滿滿白濃芝士醬。另外點了薯條，亦好香好脆好熱，旁邊枱和我們點的餐一樣，似乎是熱門。也點了拉絲西多士，有蛋有芝士，半熟蛋切開流心，真係如圖一樣，好豐富的。焗雞扒飯，份量算多，不太鹹。飲品都好味街坊早食的好地方

今朝相約弟婦食早餐，佢話去呢間食，幾好呀，因為坐得好舒服，啲早餐都好有水準，同埋有好多款選擇，我一早已經諗到要食乜，今朝就係要食部隊鍋🤣點解要揀部隊鍋？因為好特別，係用個煲仔上比你，入面有基本食材，餐肉火腿腸蛋雜菜😋湯底有得揀雞湯定泡菜湯，咁一早無理由食辣，所以揀左雞湯😋咁多樣材料擺埋一齊，好得喎，連埋個麵食都幾正。另外早餐最緊要有杯醒神咖啡，呢間既咖啡我真係幾欣賞，每次黎呢度食早餐，呢杯咖啡必定係我既不二選擇😚

Taste of Asia集團嘅餐廳食過唔少，好似「百份百」、「意樂」、「漁樂」，今次終於有機會去食「韓樂」，下午茶抵食，食得好開心。魔鬼芝士一口炸雞 $34 - 芝士半融化，好容易蘸上炸雞塊吉列脆魚柳拼薯條 $32 - 魚柳肉白滑，薯條有用粉調味過，唔會乾爭爭惹味豚肉湯粉絲 $38 - 豚肉辣辣地，真係好惹味韓式芝麻燒汁焗雞扒扁意粉 $39 - 少少鹹，不過勝在雞肉好嫩配飲品，熱朱古力都唔洗加錢。

Momoku 是t town最頂層的餐廳，鄰近也有不同餐廳，如泰式主題餐廳，美式餐廳和中式餐廳等等，看起來就像一個food court一樣🤤但是，在眾多餐廳當中，我最喜歡的還是韓樂，全因為第一，我對韓式食品的喜樂；第二，韓樂的職員友善主動的服務態度！而韓樂有很多不同類型的食品可供選擇，當然有韓式食品，例如部隊鍋，人參雞湯等，也有一些比較適合不喜韓式食品的人選擇的食物，如焗豬扒飯等等。通常，我也會選擇豬骨濃湯煙肉烏冬，價錢合宜而且味道濃郁，烏冬的嚼勁也適中（如圖）。（聽人說吃泡菜能美顏，所以我每次也會把隨餐附送的泡菜吃光光😜）

momoku就係屋企附近，所以簡5中就會同媽媽一齊食～menu有好多唔同類型嘅韓式食品，而我每次必叫嘅就係煙肉豬骨湯烏冬～第一，佢嘅湯底十分濃郁，難得嘅係冇味精嘅感覺～第二，佢嘅烏冬好有嚼勁，it's very yummy!!!同時，佢每叫一個餐都會送一小個泡菜，聽人講食泡菜可以美顏！雖然未及韓國當地嘅泡菜薩好食，但都不失為一個好味嘅配菜！只係50蚊就有主菜，小菜同飲品！🤤希望有更多呢d餐廳，又抵又好味❤️

行過韓樂，比佢門口下午茶餐牌吸引，就入去試。叫左個魔鬼芝士一口炸雞同三色果醬磚頭西多士。一上枱，嘩左一聲，分量都唔少，炸雞炸到好香脆，加上仲熱仲軟既芝士一齊食，真係好邪惡西多食得多，今次唔洗自己切嘅西多，方便好多，西多磚上有朱古力醬、士多啤梨醬和煉奶，好有新鮮感今次下午茶非常掋食，又有驚喜🎉

話說今日同同事傾計時，講講下附近好似又開左新餐廳，又多左個選擇，真係眼都bling bling剛落完雨，天氣又係熱到溶，行左10分鐘左右就到達間餐廳，平時12:30呢個鐘數係多人，感恩，我地唔駛等位，就入得了。餐廳的裝修都算為新穎，燈飾柔和，唔會令人感到眼訓及座位寬裕。我就叫左個蕃茄韓式牛肉半焗流心蛋飯($45) ，等左10分鐘先到，同焗飯時間差唔到，個餐係包埋一杯飲品，個飯係酸酸甜甜，濃度適中，飯面有隻煎蛋，一口飯，一口蛋再加少少泡菜，洋蔥混合食，味道甚佳，好適合依家既天氣食，飯份量剛好，而牛肉方面，軔度剛好，甜中帶點烤肉味，整體唔錯。飲品就揀左熱奶茶，奶味較重，甜度尚可，如想揀其他特飲就要加錢了。

這天沒飲茶，來了吃韓國菜。其實都是百分百餐廳的集團，裝潢也十分相似。點了個石頭窩飯，石頭夠熱，能燒出飯蕉香，加辣醬拌勻，味道不會太濃，合格。然後再點了豬扒焗飯，都ok不錯。

好耐都無嚟過天富啦， 裝修後係乾淨其理好多， 再次入這韓國餐廳食個下午茶先～以前鴨子園都有，而家無做茶市了正題， 夏口熱 叫左個韓式湯粉絲食下，加杯凍檸茶，正原樣係咁既， 四四正正， 湯底濃郁咁我肉同普通肥牛差不多，有點過熟粉絲硬度適中，連湯食好好味後加$10 多個瘋薯， 其實即係炸薯條，夠熱氣埋單連凍飲$51（免加一）下次會再嚟註： 全間好似無冷氣咁

天氣實在太熱啦！係屋企再煮野食既話會變火爐⋯相信係衣個原因大家都落哂商場食早餐⋯今次我地等左半個鐘先有位😂好彩最後有得坐卡位，可以好舒服咁嘆番個假日早餐！衣到既早餐幾抵，份量算多，雖然係韓式餐廳但都係食港式早餐，不過係個碗唔同左囉⋯⋯用番個韓式金煲😂特別一提係佢個多士好好食！好多時餐廳d西多士好求其！但係衣間既多士好有心機整！脆卜卜好味道！我地食到11:40先走人，其他食客開始入黎食lunch 了！我見到佢地既lunch set都好吸引！下星期試下先😍

星期日早上緊係要嘆番個靚靚早餐💁🏻‍♀️💁🏻‍♂️黎到屋企附近既韓式餐廳⋯雖然佢既早餐冇任何既korean style...但係我地都幾鐘意黎食架！因為佢幾好坐，裝飾都特別！我通常會叫個雜菌米粉，健康d麻！ 而塊多士我覺得係最好味既！好juicy 既牛油味，又燶燶地好鬼正呀！

早餐食乜好？「韓樂」既早餐選擇都好多，餐牌有幾頁簡，最中意食呢度既蒜蓉牛油厚多士🤤！星期日預左好多人排隊，今日好好彩，一㩒飛就即刻有得入，呢度d食物份量唔算大份，但都夠飽既叫左份通粉配厚多士，同什菌牛肉通粉！佢既通粉湯底夠濃味，唔係外面食既清湯底，所以次次都連湯食（好唔健康咁😅），個什菌牛肉通，我覺得鹹左少少，可能醃左牛肉關系味較濃，不過都唔錯，個厚多士焗熱左，好脆口溫度啱啱好唔會太熱，好香蒜蓉味，口感一流😋天水圍既朋友可以試下，「韓樂」認真唔錯

無言，自己睇圖，叫左個牛扒餐同凍朱古力，杯朱古最早黎，飲左幾啖，發覺飲到d 固體狀既野，吐出來發現餐廳為我準備既驚喜。。。杯朱古力加料後好飲到。。。滿口都有幸福既質感。。。各位小心食完唔舍得個走 By the way, 第二日唔晒睇醫生，都算係咁啦

6個人食左10樣野，已經唔係第一次黎食， 既然陸續有幫襯，不如出下食評6人卡座比較窄d，等位唔算耐。韓式泡菜煎餅，味可以，可以煎脆d更好。雞翼唔錯，食過好多次，夠脆惹味。韓式雞塊，偏甜。全晚黑椒汁牛扒最有驚喜，軟滑好有牛味，六成熟咬下去還有肉汁，下次必食。石碢豬飯，抵食。石碢雞飯，熱度夠韓式粉絲，唔油，味道可以。芝士雞塊份量少，雞和芝士味淡。生菜包肉碎，肉碎份量真係少得可憐。炒年糕，偏甜，辣味少。

訓到晏就先醒，諗住落街食返個韓式下午茶餐🤘🏻🤘🏻入到韓樂，其實個環境同裝潢幾有氣氛～暗暗地咁，可惜其他客人傾計傾得太盡興晒咗個環境。之後再睇返個餐牌，其實下午茶餐唔算多款，不過都預咗佢細細份，於是兩個人叫咗 兩個下午茶餐同兩款小食。大致咩名唔係咁記得，不過值得一讚係啲野食同餐牌上面既相有90%大致一樣...但係！！拿！拿！拿！嗰10%就衰咗係個炸雞度！！係炸雞呀！！！餐牌相入面既炸雞件件都半個拳頭咁大，但係實物黎到...隻雞係咪未發育🤨🤨🤨🤨不過味道係ok，起碼唔係得勁厚既炸粉！軟芝士餐肉炒飯細細份，味道ok，個人認為係炸雞之上，不過其實我分唔到炸雞同炒飯用既兩款芝士有咩分別😥最好食既有❤️小食薯條熱辣辣 正！柚子雞翼 足料㗎！又大隻！正總體黎講食物上菜速度快到您唔信，可能平日少人；而主食可以更好！！小食更加冇得彈！！不過食完之後先發現....原來餐廳一張紙巾都冇比..依度就扣少少分喇！！