影片
更多
2017-07-22
376 瀏覽
見到新開張同老公入去食晚飯，因為得兩個人，所以分兩次食點啲唔同菜式試。叫咗：温泉蛋牛肉石頭鍋飯，人蔘雞湯，紅豆椰汁沙冰，芝士一口炸雞，韓式泡菜豚肉粉絲，海鮮燒餅石頭鍋飯&豚肉粉絲絕對可以encore，唔係話超好食，不過比起其他係可以再食。石頭鍋飯嗰汁好掂，未倒入去啲飯味好似平時食炒飯咁，加咗燒汁&辣汁，成個飯juicy咗好香口。豚肉粉絲，見到湯底有少少橙紅以為好辣，其實係一啲都唔辣，豬骨湯唔算好濃，好味，唔覺唔覺就會食晒，會飽肚但又唔覺得滯。人蔘雞湯裡面有糯米飯做底，唔知係咪煲太耐，雞肉好「鞋」，好化唔駛用力啲肉同骨就分離，就因為太化了，唔好食，成碗野一叉隻雞啲肉散晒，但啲骨又要沉底，不過啲飯又起底，攪到唔知點食好，每一羹撈上嚟有飯又有骨但係無肉，最後食到好炆，放棄咗。芝士一口炸雞，炸得嚟啲雞肉係嫩好脆，芝士足夠撈，芝士味道唔算濃，整體就無咩特別海鮮燒餅，味道尚可，但怕辣的人千其唔好食太多，我覺得好辣，雖然無期待過係咩海鮮，但都無諗過連隻蝦仔都無，全部係一款碎魷魚加葱。紅豆椰汁沙冰，先講味道係好好味，不過，沙冰應該係好綿，用粗飲管應該好輕易啜上嚟，點知你飲到係碎大冷粒，太粒到會塞住粗飲
叫咗：温泉蛋牛肉石頭鍋飯，人蔘雞湯，紅豆椰汁沙冰，芝士一口炸雞，韓式泡菜豚肉粉絲，海鮮燒餅
石頭鍋飯&豚肉粉絲絕對可以encore，唔係話超好食，不過比起其他係可以再食。石頭鍋飯嗰汁好掂，未倒入去啲飯味好似平時食炒飯咁，加咗燒汁&辣汁，成個飯juicy咗好香口。
豚肉粉絲，見到湯底有少少橙紅以為好辣，其實係一啲都唔辣，豬骨湯唔算好濃，好味，唔覺唔覺就會食晒，會飽肚但又唔覺得滯。
人蔘雞湯裡面有糯米飯做底，唔知係咪煲太耐，雞肉好「鞋」，好化唔駛用力啲肉同骨就分離，就因為太化了，唔好食，成碗野一叉隻雞啲肉散晒，但啲骨又要沉底，不過啲飯又起底，攪到唔知點食好，每一羹撈上嚟有飯又有骨但係無肉，最後食到好炆，放棄咗。
芝士一口炸雞，炸得嚟啲雞肉係嫩好脆，芝士足夠撈，芝士味道唔算濃，整體就無咩特別
海鮮燒餅，味道尚可，但怕辣的人千其唔好食太多，我覺得好辣，雖然無期待過係咩海鮮，但都無諗過連隻蝦仔都無，全部係一款碎魷魚加葱。
紅豆椰汁沙冰，先講味道係好好味，不過，沙冰應該係好綿，用粗飲管應該好輕易啜上嚟，點知你飲到係碎大冷粒，太粒到會塞住粗飲管，有紅豆味但唔見紅豆。
Waiter經常落錯單，我坐低睇緊餐牌，都仲未落單就話有野食到喇，我話唔係我哋攞走咗之後跟住就俾嗰收據單我喇
張貼
