鞍下熟成肉

營業中

休息中

幾年前新開張嘅時候嚟過一次，覺得嘢食服務都OK，所以今次再嚟，點了另外一個餐，有豬和雞同牛腸，覺得豬和雞同沒有淨牛的那個套餐這麼好食，雖然豬和雞是可以任食，但如果可以揀我會揀返淨牛嗰個套餐。幫我們燒肉的兩個女生服務態度超級好，好有耐性的幫我們烤肉，每款肉都有問我們需要幾成熟。但是有一個不知道是否男經理的人，從9:15開始就不停同我們講我們10:00 關門，不停的催促我們，又在我們身邊跟其他服務生說10點就走不用繼續做，他不斷在我們身邊很大聲的講，真的很煩厭！！！

哩間食和牛燒肉嘅小店係唔需要自己燒架，全程有人代勞。當日我哋一行人揀咗佢哋嘅premium course,每一道菜都有專人介紹同代燒，我哋由頭到尾都係等人放喺碟俾我哋。食得和牛最睇重就係佢嘅油花，咁嗰個course啲和牛真係出色，見到啲油花紋理都唔錯，食落啲和牛好似入口即溶咁，好嫩滑，食到成口油。不過相對地肉味唔算突出，如果係鍾意食肉味濃嘅你哋可能會失望。大概食到牛肋肉之後嘅肉，肉味先重翻啲，唔知係咪店家有意將食物次序咁樣排。整體而言，食物同服務質素都唔錯，唔想自己郁手燒肉嘅話，哩間小店係一間唔錯嘅選擇。

首先預訂要200蚊 其實都冇乜問題但晚市去到竟然得一個menu(600一個人) 乜野都冇得簡講真 你喺個menu加減d野俾我轉下 我都開心d當個menu 其中一樣野食我好鍾意食想食多次都冇得俾我叫因為訂位俾咗200蚊 而家好似焗住一定要叫佢唯一一個set咁真係滿頭問號???明明睇openrice呢到d人其他食評 都有兩三款menu簡 同有得散叫不過牛肉質素係ok嘅 係個飯冇乜味同員工介紹食物時好唔精神咁搞到都冇乜心機聽佢介紹最後埋單12xx兩個人

鞍下熟成肉。尖沙咀抵食和牛套餐Premium course $680 per person （另有$480 set)—-法式龍蝦湯-壽喜燒和風他他配牛奶吐司（蘭王卵使用）-48小時慢烤A5和牛配洋蔥醬-極上澳洲和牛·薄切牛舌-薄切赤身 配柚子醋蘿蔔蓉-4%の奇跡 - 薄切壽喜燒風西冷 配蘭王卵-幻の部位 - BMS12牛柳扒 配 牛油蒜片醬油-厚切燒肉二品盛合-醬燒龍王牛肋肉-湯引 -亀の子-主食 -白飯 / 薄切壽喜燒風A5和牛關王蛋黃丼/ 薄切壽喜烧風A5和牛冰鎮冷麵-是日甜品—套餐包左唔同部位既牛肉，全程會有人介紹返肉嘅種類和部位，亦都係全程代燒，確保唔會overcook，令客人可以以最佳烹調方式和時間品嘗各種美味。—-法式龍蝦湯細細杯但超濃郁既龍蝦味，好好飲，飲完一杯仲想飲多杯。-壽喜燒和風他他配牛奶吐司（蘭王卵使用）和牛肉質當然鮮嫩夠肉味但撈埋蘭王蛋，充滿蛋香，令到和牛他他得到昇華，更香更滑嫩，配牛奶吐司一流。-48小時慢烤A5和牛配洋蔥醬慢煮形式保持和牛嫩滑肉質，鎖緊油脂香，但牛味唔夠重，不過配搭洋蔥醬豆苗一齊食，平衡到油脂之餘，亦係另一番風味。-極上澳洲和牛·薄切牛舌店

同朋友好耐都冇聚餐想搵間燒肉又方便大家返屋企見呢間開咗咁多年，經歷疫情都仲企得住好有興趣提議食，去到鋪頭7:00左右仲未有人坐，慢慢開始有一兩枱，有兩個價錢既Set ,好彩揀咗平既分左唔同牛食法既組合，都係牛無牛味仲會配啲好古怪既食法，燒完再浸落湯⋯⋯朋友話好似紙巾，我都唔太敢放落口牛肉醃到顏色深都係為左遮倒陣老左小小酸既味超失望，好地地俾啲正常牛肉燒咪算，搞咁多不如擺返喺點入啲留到客/ 會二次光顧既食材我好一田買兩塊牛肉食完都無咁無奈。裝修係好日式燒肉店，真係好期待食得一餐俾左錢會合理既晚飯

Dinner at Yakiniku place serving wagyu from Kagoshima.Walked past long counter of high bar chairs unto the back. 2 sets to choose from. Since restaurant was doing a promotion for the $698 Premium set, we went for that.Here’s what we had. -Cream of mushroom soup -Beef tartare tartlet -Roast beef (slow cooked for 48 hours) with SaladAustralian tongue, 70% cooked served with chopped Spring onion-Tongue thick-cut served with Lemon-Flap meat (inside the ribs), topped with Mushroom sauce, seared table

全部都好好食，完全唔覺得滯，所有肉都配上唔同醬汁，入口即化！最鍾意食個牛舌同埋A5和牛！全程唔使自己燒，店員服務超級好，會幫你燒埋同埋介紹好專業！最後食左成千蚊，不過性價比算係好高！

「鞍下熟成肉」全間都以套餐為主 不設散叫最好嘅就係全程都有專人為你代燒肉完全可以唔使怕自己燒會過咗火候而唔好食🤣又可以專注同朋友傾談呢樣真係值得一讚 👍🏻代燒嘅過程每位專人都會用心講解每一碟牛部位置點樣最好食 亦會問我哋喜歡幾多成熟👍🏻不得不說成個套餐基本所有牛都好好食😋😋全個過程都係好舒服 食物質素都好好 好新鮮👍🏻👍🏻套餐價錢不貴(有兩個套餐選擇)好推薦各位嚟食😋

之前食過鞍下熟成個晚市，質素都幾好。 見佢有午市定食好似都吸引同抵食，一直都想搵機會試。今日終於有機會去試，去到舖頭人唔係好多，坐得都闊落舒服。 問咗店員推介左二十四小時慢煮牛扒定食，點知嚟到個牛薄到好似parma ham 咁, 完全唔係牛扒… 面頭個醬仲要好鹹，白飯唔多，女仔黎講都叫食得飽。不過真係好失望….. 叫得慢煮牛扒竟然係咁，難怪佢冇再係lunch menu 放相，真係貨不對辦….. 同行朋友叫咗$179個set ，有8片牛，好彩都叫幾好，不過真係唔建議大家叫呢個「牛扒」定食啦

經過金馬倫道,被熟成肉嗰幾個招牌字吸引住,跟住再透過玻璃望入去棟喺門口個餐牌,咁就入咗去。未打開餐牌,心目中已諗好想叫啲乜嘢向侍應要咗個特上A5和牛燒肉套餐八片淋上燒汁嘅A5和牛,燒汁味道正常,燒到六成熟嗰舊咬開有困難,雖然達A5級數,油脂分佈看似平均,但無一舊係有入口即溶感覺。我係五尺三寸高,當我夾咗幾塊肉去燒嗰陣,覺得挾牛肉上去燒爐好唔太就手,另外覺得吧枱枱身幾高,放個手機喺台面碌得好唔就手。整體用餐感覺麻麻,但餐廳環境都幾企理。

在店主推介下我選了非常美味的和牛牛扒丼定食$99.-超美味香嫩，口感非常好！肉香！有肉汁！朋友選了全A5和牛燒定食只售$199.-超值！比想像中好吃，入口美味，令人非常開胃店員服務佳還細心講解如何燒和牛，由那一塊開始，從何燒起！為什麼！極力推薦👍🏻另外店主也推介了48小時慢煮a丼定食A5和牛丼定食，如喜歡吃生雞蛋，必食！48小時的慢煮功夫！廚師哥哥耐心製作！如果喜歡吃慢煮及吃得講究的，必試🥰掂！非常性價比高的午餐，極力推介比喜歡吃和牛或對牛情有獨鍾的愛吃之人！識飲識食之人快試吓！

食個夜晚叫左680蚊個餐，服務唔錯，全程都會幫我地燒咁濟，係有時侍應唔得閒，要自己反一反舊牛。整體黎講，食口感係ok，和牛食多少少可能會覺得會膩，牛肉燒得夠軟，唔會太熟失去口感店家都會提供啲醃蘿蔔，解一解膩。只係第二日朝早，同行3位朋友都肚痛，肚屙。😅個個人身體都唔同，所以見仁見智

呢一日同尖沙咀返工嘅朋友食Lunch，之前嗰晚大家諗食咩嘅時候，不約而同話想食呢間！仲要見到OpenRice有得book位，所以即刻book咗～準時去到，間舖頭喺金馬倫道地舖唔難搵～ 午餐幾抵食，大部份都係$58-$99，有個最貴都係$199。我揀咗 #壽喜燒風A5和牛丼定食 $68定食跟咗麵豉湯、沙律、飯我嗰個係職員幫手燒，佢問我鍾唔鍾意熟啲脆脆哋，定要生啲，我最尾揀咗要脆脆地😂職員即刻喺面前燒🤤 燒到個邊有少少燶，個牛勁香口好食！仲要跟咗蘭王蛋，撈牛肉撈飯一流，最尾成盒飯啪晒🙉朋友叫咗個 #四品燒肉定食 $99呢個定食有牛、雞、豬，本身以為四品係四個牛嘅唔同部位，所以有少少失望咗～呢個反而係要自己燒😂 有舊牛仲要半舊都係肥膏🫢我嗰個壽喜燒風A5和牛丼定食唔錯，尖沙咀地段，呢個價錢好抵，味道又好，可以encore!!!

最近喺東京食過兩間燒肉 omakase，一間環境高級，另一間的裝修風格就同普通燒肉店差不多。話明係燒肉 omakase，兩間店子同樣由專業侍應負責幫客人燒肉，經驗豐富，控制燒肉火喉絕對準確。價錢係貴，但貴得合理；每塊牛肉都係不同部位的 A5 和牛，至今仍然回味無窮。香港也有十多間高級日式燒肉店，但由侍應席前前代客燒肉、提供燒肉 omakase的店子就只有三兩間。最近發現了【鞍下熟成肉】，位置不似其他高級燒肉店隱秘，燒肉 omakase 又竟然只係 $498，一於試試。尖沙咀地舖寸金尺土，燒肉店面積細小。要有效地用盡空間，小店前半部採用燒肉吧枱設計，後半較為寬敞的空間就佈置了大約4張四人餐枱。整體裝修格局比較普通，店內當眼處亦放置了一些雜物，唔似 omakase 燒肉店。標榜全部牛肉採用鹿兒島產薩摩和牛，亦沒有規定要每人一客 Omakase，客人可以選擇全部單點。Kurashita course ($498）總共有14道菜，其中有9道係不同部位嘅和牛燒肉；單睇套餐內容性價比超高，甚至抵食過日本當地的燒肉 omakase，實在非常吸引。既然第一次光顧，先試試 Omakase 最穩陣。當然，

真係人生第一次係香港食和牛食得咁有質素!如果你自己都係一個牛魔王，咁呢個地方就唔可以錯過。係店舖既設計上唔會用上太多花巧野，俾我感覺係好專注去做好一件事!由於佢地係直接引入原隻A5薩摩牛，所以成本會比起其他地方平，將性價比既水平再提高!店員會落手落腳去幫你烹調，專心坐係度等食就得喇!會先由赤身既部位食起，油脂感會係一路遞增!可以按照店員既意見去加入唔同既調味去品嚐，咁就可以食到最岩既口味!>法式龍蝦湯>壽喜燒風和牛他他 配 牛奶白吐司>48小時慢烤A5和牛 配 洋蔥醬>極上澳洲和牛 - 薄切牛舌>薄切赤身 配 柚子醋蘿蔔蓉>4%の奇跡 - 薄切壽喜燒風西冷 配 蘭王卵>幻の部位 - BMS12牛柳扒 配 牛油蒜片醬油>厚切燒肉二品盛合>醬燒龍王牛肋肉>湯引き - 亀の子>薄切壽喜燒風A5和牛蘭王蛋黃丼｜薄切壽喜燒風A5和牛冰鎖冷麵>是日甜品一路食就一路食到我嘩嘩聲!入口d油脂係豐富到漏晒出黎咁濟，由其食到BMS12牛柳扒既時候，滿口牛油香，質素真係好高!以佢呢一個價錢可以食到爽真係大癲!