鞍下熟成肉

營業中

休息中

食夜晚$588 set。首先最令我一行二人一致決定唔會再黎係全批員工態度差，肉幾好味都無用，價錢唔係平，基本禮貌都無。1. 每人一定要叫同一個set，事前無講，睇menu無講，到order先講，問多句都好似煩到d員工咁😅😅態度又差。2. 想要杯水，經理: “水要收錢㗎喎”。咩年代？茶記以前要紙巾要收$2，依家都免費有紙巾啦😅😅3. 叫完野食員工放低d肉就走咗去，無人講係自己燒定佢燒。等咗2分鐘無人理，我哋問係咪要開爐？ 員工: 你哋頭先影相吖嘛，咪俾你哋影唒相先”大佬，一早影完，呆坐等咁耐，問一句仲要俾員工串，真係好未食都受飽氣😓4. 燒燒下個員工又走咗去，第2 round肉黎到，又等，今次等到有第2個員工路過見到我哋呆等咁耐幫我哋燒😅好彩嘅係有人見到我哋，但呢個價位唔預係無系統地serve客5. 所有肉都無介紹過係咩肉，咁多隻肉係唔知邊樣打邊樣6. 所有員工都係西口西面，好似黎食野係欠唒佢地全舖咁😅環境方面，一入到去係烏煙瘴氣，抽氣唔掂，冷氣唔夠，作為燒肉店呢樣真係扣分。肉方面，肉質素幾好，師傅醃得唔錯，可惜嘅係員工真係趕客。埋單$1294，真係唔expect基本服務態度都無。🌟總結

1.)我地食完一個588set後，想加食物再燒，點知職員話我扡時間到了，不可加單，不明為何座下時一早通知原來有時間限，攪到不能盡興2)原來間店係職員同我地燒埋食物，當燒到雞肉，可能A職員忘記左，唔記得返嚟跟進， B職員行埋嚟，見到啲雞底部燶咗，就話我”你哋可自己返”，我地以為全程由職員燒，佢地有經驗知道燒到邊一個時間，令到啲肉就好食，好似怪責我地做咩唔自己郁手3)食物質素其實好好，啲料好靚

叫咗兩個第二價位既餐，加左98/2任飲。第一塊牛成塊上，明明叫兩個餐比一塊？佢話係share，ok ！咁點解唔切好一半先上枱？心理都舒服d丫！！咁我係咪可以叫一個餐share？臨尾10分鐘想叫多杯酒，分別嚟咗兩個侍應一個應該經理，第三次先有人理我仲要係經理直接同我講，你地仲有幾分鐘要交枱係咪仲要叫？雖然2條友係個半鐘飲左你9杯啤酒，但即使仲有1分鐘都應該要出比我。勿論我飲唔飲得唒！牛就無特別好，無特別差！對我口味黎講偏肥反而係餐廳態度，做唔起任飲為何要出任飲？2個餐就比2樣野，唔好黎到話share（cheap） 完

呢次去咗鞍下熟成肉食燒肉，真係有啲驚喜。首先要讚一讚佢哋啲牛肉質素，全部都係靚靚A5和牛，油花分佈靚到好似大理石紋咁，未燒已經勁吸引。唔同部位切片擺得好精緻，仲有標籤寫住部位名，好有心思，方便你一齊試下分別。我最鍾意食佢哋嘅「肩ロース」同「ミスジ」— 燒完之後啲油香真係爆燈，入口即溶，肉味又夠濃郁，完全唔使點醬，灑少少鹽已經超正。至於「牛タン」都好出色，切得厚身，燒完有嚼口但唔韌，咬落去仲有淡淡牛味，配少少檸檬汁好爽口。另外一提，「卷壽司牛肉」都幾特別，外表靚仔，食落肉味集中，啲肉汁鎖晒入面。成桌牛肉拼盤擺出嚟已經好有氣勢，每一款都各有特色，冇一款係失手。當然，呢度價錢唔算平，但以香港呢個價位可以食到咁高質素嘅和牛，真心覺得抵。最後想講，燒肉最開心就係同朋友一齊慢慢燒慢慢食，邊食邊傾。鞍下熟成肉環境舒服，服務都好專業，唔會催你走。成個用餐體驗都好滿意。如果你係牛肉控，真係要試下呢間。下次我都會再嚟，想試埋其他未食過嘅部位！

喺尖沙咀竟然有$288嘅和牛套餐，原本對呢間餐廳有啲期待，但食完之後就有啲失望。#A5霜降牛首先係 A5霜降牛，雖然肉質幾滑，但牛味唔算好重，油脂都冇話好多。#牛舌再嚟係牛舌，切得好薄，唔係我想要嘅口感。同埋燒嘅時候啲蔥都跌晒。#白豚腩同嫩滑雞腿白豚腩同嫩滑雞腿都冇咩特別調味，普通食緊一嚿肉嘅感覺。#A5挽肉配蘭王蛋最驚喜嘅係 A5挽肉配蘭王蛋，呢個真係好味，牛味最重，調味亦最重，食落去真係好好味，唯一令我開心嘅部分。#總結套餐價錢唔貴，有一兩樣好味，但大部分都唔算突出，想食燒肉可要再考慮下其他選擇！

📍鞍下熟成肉尖沙咀金馬倫道29A號地舖最近試咗佢哋嘅$288 「精選和牛體驗套餐」，係尖沙咀一帶算係平價燒肉選擇，感覺普普通通，唔算特別驚艷套餐有A5霜降肉、牛舌、雞肉同白豚肉。最驚喜係鑄鐵鍋A5挽肉配蘭王蛋，職員會幫手煮，肉香幾濃，加左蘭王蛋好滑，但A5和牛就普通，無感覺好重牛味或油脂感重牛舌切得薄，燒完唔夠脆，口感一般，欠咗啲驚喜。🐮😕 雞肉就真係好普通，調味平平，食落唔多感覺，似係湊數店內通風一般，燒肉嘅煙味有時會積聚，食完一身味，略為扣分。💨 飲品選擇少，如果有啲特色嘢飲會加分。🍹 總結嚟講，鞍下熟成肉嘅$288套餐係一個「食得過」嘅選擇，但同區內其他燒肉店比，佢無咩特別之處。平平無奇嘅體驗，唔係話差，但真係唔夠出眾🌟💰人均~$300😋總評分: 6.5/10  #foodlab尖沙咀 #foodlab節日慶祝

尖沙咀和牛盛晏，肉類一共有5款和牛，有豚肉和雞，仲有2款飯，佢哋既牛選用日本和牛，價錢黎講一啲都唔貴，有三個套餐可以選擇，價錢由$288 $488 $588，3個選擇分別是牛肉的霜降，如果不喜歡吃太肥膩的，可以選擇中價位，食物份量非常多，兩個女仔根本吃不完，如果食量不大的話，可以選擇一個488和一個288，這樣的話不會太肥膩，呢間餐廳客人非常多，確實性價比很高，下一次會再嚟吃前菜及漬物拼盤甲羅燒鑄鐵の厚切三筋扒和牛燒肉飯香蔥紫菜溫泉玉子飯

一共6人，每位288+99，野食正常，係呢個價錢expected水準，但係其他野全部唔掂。首先佢通風好差勁焗，今日14度都唔掂一坐低無耐已經爆汗。佢限時90min，但又要扮有service唔比你自己燒一定要由員工幫你燒，成間鋪明明未full，但佢地已經handle唔到，台台都燒唔切。第一輪燒完漢堡排中間再等左差唔多20min先等到人幫我地燒第2樣野，途中催左無數次，淨係識講「等等」……我等你條命阿跟時90min，我地中間係得白飯同d泡菜可以食，個白飯又難食勁lum badbad應該落得太多水。同埋已經講左好多次我地可以自己燒只係唔想浪費時間，完全被無視…… 而且係見到d員工同d外國人有講有笑完全係唔趕急勁hea，咁少台客都睇唔到我地好多次要fill啤酒次次都要人叫截單仲要早15min……前前後後少左成大半個鐘其實，到最後本身+99任食雞豬都係夠時間食左各1份only，最後夠鐘無耐就即刻催我地走，但明明間鋪好吉好多空位，想坐多陣都唔得。同埋最後個抹茶雪糕都無比！係走左果刻先醒起有，但佢地員工完全唔上心自己serve咩都唔清楚！同埋套餐本身個牛腸無哂，又係完全唔講，要問先知，真係反哂白眼！

時限90分鐘，$288套餐加$99半放題，4個人食，一開始2個女侍應唔錯，用心解釋同幫手燒肉。雖然有滴油係抽油煙機度滴左落件肉度，女侍應就咁用鉗抹左個滴黑油。最後到個男侍應燒，咩肉佢無講，換網但無好似女侍應咁用牛脂搽一搽個新網，佢又開勁大火，燒燶晒D肉，之後話換新肉比我地，新的肉明顯比之前的無咁靚。由於燒燶後無再換網，焦燶的舊肉又黐咗落啲新肉到。食完睇番menu，無比是日漬物，牛腸變左牛肚（無一早講明）50分鐘後就話last order，無比menu我地睇亦無提我地有雪糕。進食體驗唔愉快，完。

食物正常 冇話特別好食 員工燒肉過急 半小時內已經燒晒所有食物 通常正常餐廳飯係放喺最後 但這間餐廳為了令你食快啲 飯喺中間上 塊面食完就即刻幫你燒埋餘下的肉 食完成餐飯不足1小時 坐多陣經理都會望住你 冇事。好急要你就咁 令人體驗10分不愉快 $500至$600嘅價錢 喺台灣都可以食到相應嘅肉類 並不會讓你急住走 所以唔會食第二次 希望各位唔好中伏

朋友之前介紹我依間日式A5和牛燒肉 早排終於食到! 地段方便 好食仲要好抵食! 必須推薦比大家🤍Dinner Kurashita Course $288/位 巨多野食🤰🏻唔洗$300已經食到A5薩犘牛🥰仲有店員教埋你點燒先最好食~絕對獲得一個唔錯既用餐體驗🫶🏻黎緊倒數想食餐正既作年度收結都係一個好選擇Bookmark定黎緊情人節都可以食呀🥹🥹😎😎✿ 是日漬物 ✿漬物有泡菜同白蘿蔔 建議大家唔好咁快食晒住😏因為接下來有好多和牛要食 係好需要依d酸酸甜甜既野黎抵銷返d油膩感✿ 黑毛和牛極上牛舌芯 ✿以蒜同鹽作基本調味 牛舌芯比一般牛舌少筋 肉質軟嫩✿ 黑毛和牛脷底肉 ✿牛舌就食得多 咁稀有既脷底肉就未食過啦👅肉質彈牙 配上京蔥 口感極佳!✿ A5薩犘牛極上赤身肉 ✿店員建議5成熟就好 肉質粉嫩 牛味重 有陣陣牛油香😚 ✿ A5薩犘牛稀有部位 ✿今餐既重點係依個A5薩犘牛! 「4%の奇跡」霜降肉 油脂分布平均 入口即溶🥰「4%の奇跡」牛肋肉 需要燒得耐少少 等油睹溶化 比較有咬口 但不膩!✿ 厚切白豚腩燒肉片 ✿依個就冇咩調味 主要食豚肉本身既鮮味 有d似韓燒五花腩🐷建議放係爐邊慢慢燒至焦香

在聖誕節前和朋友相約在尖沙咀吃燒肉，我們不約而同都想到鞍下熟成肉。❈ 鞍下 Kurashita Set HK$288 是日漬物黑毛和牛極上牛舌芯黑毛和牛脷底肉A5薩摩牛極上赤身肉A5薩摩牛稀有部位「4%の奇跡」霜降肉「4%の奇跡」牛肋肉厚切白豚腩燒肉片京畿道柚子嫩雞腿辛口味噌漬牛腸鑄鐵焼きA5挽肉配蘭王蛋白飯任食抹茶雪糕套餐可享桌邊服務，可以輕輕鬆鬆吃到熱騰騰燒肉。主食的六款牛肉還有豚肉和雞肉，肉質及油脂分布各有不同，其中A5薩摩牛肉質特別嫩滑，燒牛脷底配上店家自製京蔥，非常惹味。雞肉嫩滑而且有淡淡柚子味。鑄鐵焼きA5挽肉也是店員在桌邊用鑄鐵鍋烹煮，挽肉混合蘭王蛋一起吃，味道更上一層樓。抹茶雪糕有濃郁抹茶味。❈ 蒜香A5和牛炊飯(二人前) HK$99 (加配價) 壽喜燒風A5和牛丼 HK$49 (加配價)熱騰騰的炊飯，即叫即製，煲底還有飯焦，建議加入挽肉一起吃更有口感。另外，整個和牛丼也是桌前準備，把燒好和牛放在白飯上再淋上壽喜燒汁加上蛋黃，又美又好吃。❈ 半放題：Suntory生啤及有汽飲品任飲 HK$99 (加配價) 燒肉配生啤👍🏻而且是一個價錢無限飲☆分類標籤#nuttylife

雖然冬天遲左來，但趁住凍一凍嘅天氣，點可以錯過日式燒肉呢？更何況，而家$288就食到多款和牛，記得訂位啦～🔥-/Kurashita Set $288/是日漬物黑毛和牛極上牛舌芯🐂｜黑毛和牛脷底肉🐂A5薩摩牛極上赤身肉🐂｜A5薩摩牛稀有部位🐂「4%の奇跡」霜降肉🐂｜「4%の奇跡」牛肋肉🐂厚切白豚腩燒肉片🐖｜京畿道柚子嫩雞腿🐓｜辛口味噌漬牛腸🐂鑄鐵焼きA5挽肉 配 蘭王蛋🍳壽喜燒風A5和牛丼+$49🍚｜香蔥溫泉玉子紫菜飯+$49🍚+$99 即享半放題：Suntory生啤及有汽飲品任飲；抹茶雪糕、厚切白豚腩燒肉片、京畿道柚子嫩雞腿、辛口味噌牛腸任食🍻-燒肉點可以無牛舌，今次仲要係黑毛和牛嘅極上牛舌芯，入口嘅口感就好似同隻牛打緊個茄輪咁！A5薩摩牛同4%の奇跡嘅和牛口感都非常好，切嘅厚度剛剛好，燒完好似入口即溶咁，牛味好香。😋👍🏻👍🏻👍🏻呢度仲有今年大熱topic嘅挽肉，仲要佩蘭王蛋！超級撈到飯！😆今次意外嘅驚喜係辛口味噌漬牛腸，我初頭覺得好似燒緊一塊好厚嘅雞皮咁，帶少許彈性。而且+$99就可以任食，真係痴線地抵食。除左小金大推嘅牛腸，飲品、抹茶雪糕、白豚腩燒肉片、雞腿都係任飲任食！🈹🈹🈹

🔥鞍下 Kurashita Set $288 🥢是日漬物：清新爽口的柚子蜜蘿蔔和酸辣的泡菜，前菜為燒肉作鋪墊。🍳鑄鐵焼きA5挽肉 配 蘭王蛋第一道要品嘗，職員熟練地用鑄鐵鍋煎煮A5挽肉，濃烈的肉香瞬間充斥著鼻蕾，再加入蘭王蛋，慢慢拌勻，入口順滑甜香，讓人贊嘆不已。👅黑毛和牛極上牛舌芯👅黑毛和牛脷底肉牛舌芯以其柔軟的口感和豐富的肉汁，加上少許的蔥，讓人回味無窮。✨「4%の奇跡」霜降肉✨「4%の奇跡」牛肋肉是非常稀有高品質的牛肉，盛宴中的貴族。霜降肉的油花是大理石般的紋理，如同藝術品般精美，入口即化，讓人難以忘懷。🥩A5薩摩牛極上赤身肉🥩A5薩摩牛稀有部位極上赤身肉和稀有部位，職員將肉輕輕燒制，肉片帶有格網紋，入口是多汁和嚼勁，讓人彷彿置身於和牛的天堂。🍖厚切白豚腩燒肉片🍗京畿道柚子嫩雞腿厚切白豚腩燒肉片以其肥而不膩的口感，展現了豬肉的極致魅力。京畿道柚子嫩雞腿則鮮嫩多汁，讓人感受到了另一種雞肉的風味！🔥辛口味噌漬牛腸辛口味噌漬牛腸以其獨特的風味，質感嚼勁而滿滿的獨特的香氣！🧄蒜香A5和牛炊飯🍳壽喜燒風A5和牛丼蒜片加上和牛意外的合拍！豐富的層次感和和諧的風味，是和牛與米飯的完美搭配。最後

CP值好高嘅燒肉套餐🥰 店員得閒嘅話仲會幫手燒埋!!加$9️⃣9️⃣仲可以任飲啤酒🍻 任食腩肉雞腿牛腸!─ ⊹ ⊱ set included ⊰ ⊹ ─ᡣ𐭩 是日潰物ᡣ𐭩 黑毛和牛極上牛舌芯- 燒30秒就岩岩好ᡣ𐭩 黑毛和牛脷底肉ᡣ𐭩 4%の奇跡 - 霜降肉ᡣ𐭩 4%の奇跡 - 牛肋肉ᡣ𐭩 A5薩摩牛極上赤身肉ᡣ𐭩 A5薩摩牛稀有部位- 油花分布平均又細密 賣相好靚- 兩邊只需輕輕一烤 入口即溶- 稀有部位則超級無敵軟腍ᡣ𐭩 厚切白豚腩燒肉片- 脂肪位燒到好香ᡣ𐭩 京畿道柚子嫩雞腿- 雞腿肉嫩滑多汁ᡣ𐭩 辛口味噌漬牛腸ᡣ𐭩 鑄鐵焼きA5挽肉配 蘭王蛋有驚喜！挽肉用鐵板烹煮 漢堡肉加上香氣獨特嘅蘭王蛋啱晒撈飯食🍚ᡣ𐭩 蒜香A5和牛炊飯 +$99 （二人前)飯用咗日式醬油同味霖做個飯既汁底🍱加上和牛粒/紅蘿蔔做配料🥕顏色奪目 用嚟配和牛主食啱晒解膩