青藏牛肉麵 (已結業)

平日1：30，店內滿座，要同店員講低姓氏同人數黎排隊，等左10分鐘就入得未入之前啱啱聽到羊肉賣晒，好彩我一心諗住食牛店內雞公餐具擺設店內環境喺出面輪緊嘅時候已經落左單，想點串燒，不過原來晚市先有，本來點素雞，店員建議點鴨胸，因為係燒嘅d野都好快到，正呀，芫茜！微甜豆漿燒煙鴨胸3片，唔會鹹，燒過好香，好味底下d青瓜新鮮刨，好fresh，解膩牛肉拉麵原貌，枱上調味架有生蒜蓉，辣椒油，我覺得唔落辣椒油好食d，一口牛肉，加少少生蒜蓉一齊食，又另一番風味呢張已經食左一部分架喇，不過見到牛肉d紋幾靚就攤開影下湯底：鹹鹹地，微微帶有香料味，好味拉麵：軟軟的牛肉：少少鹹味嘅牛肉片，不肥，彈口，好食

北角區有一家有水準有風味的特色麵館，藏於小小的一條錦屏街內，想起好耐冇食過呢間青藏牛肉麵，就來買外賣返屋企食平時都係夜晚來食得散叫，原來中午有套餐香酥腐皮卷其實只有一條的份量，外皮雖然煎香過，但可能在外賣盒入面焗過，食的時候已經唔脆青藏牛肉麵外賣預設已經係分湯，所以在家吃的時候，麵條唔會浸到發漲淋晒。牛肉份量極多，啱晒食肉獸，但係就略嫌有啲過老，湯底濃郁澎湃，加上大量芫荽、蒜泥及蔥，夠重口味跟餐送汽水一罐，食完麵飲就gur晒

唔知點解國內嘅湯麪都會加大量莞茜，哩度都唔列外.佢有扁麪同拉麪你揀.叫咗碗羊肉麪. 面質一般，唔夠滑.羊肉片因為湯底好熱，所以硬身咗小小!勝在個湯好野味同夠熱,食完碗麪個湯都重出緊煙唯一要改善嘅係餐具同廚房嘅衛生清潔！

剛剛轉左新公司,依加喺炮台山附近返工 我一帶既食店選擇超級多 今次經同事介紹就去咗北角近新光戲院附近嘅呢一間青藏牛肉麵嗰度試一試佢嘅牛肉麵。佢係喺一個唔太顯眼嘅位置，要再行到入先會見到鋪面。去但去到嘅時候已經人山人海！！想搵個位都好難。最終等咗大概10分鐘先有位坐低今次第一次食，跟住朋友介紹，就淨係叫咗一碗招牌牛肉麵 嘩牛肉份量超級多 牛肉片好薄 而且仲有好多莞茜 大家仲可以加好多生蒜 如果鍾意重口味嘅你哋就一定會鍾意呢一間牛肉麵，見到同台既食客都係一碗麵再加一串串燒咁，嘩成程都鬼死咁香，下次我都要試下先至得。

These noodles makes one feel grateful for having no dietary health issues which has allowed for this delectable experience. These beef noodles ticks all the boxes. The soup has a strong beef flavour, with notes of herbs singing through it highlighted by a generous dousing of coriander. The meat is tender and the radish offers refreshing breaks in between. The chicken wing pops are juicy, crunchy and showered with fragrant spices. Everything I ever wanted in piece of fried chicken.Chicken cartila

青藏牛肉麵 - 永無失準，好味嘅麵店！lunch time經常排住十幾廿人，lunch亦有餐叫，晚餐就只有單點，但晚上都經常滿座。師傅蒜香撈麵(牛/羊)配青藏牛骨湯小碗  - 酸酸甜甜辣辣哋，好香蒜味，幾惹味，好啱夏天食，可惜牛肉有點韌。青藏羊肉扁麵 ﹐平時怕羶唔食羊肉都唔怕，呢度d羊唔會羶，湯底都好味，呢個價錢絕對抵食！涼拌青瓜  - 好大碟，不過唔夠辣

約左朋友在北角食晚飯 揀了這條陌生的街奉勸各位 要跟指示行 唔好靠睇地圖 再另一邊街口入不然就要上斜路兜個圈再落返樓梯去到餐廳個邊 落緊樓梯已經聞到好香的孜然味 望左兩望覺得這家最好 本身入面都坐到8成 我們入到去坐低無耐 8點幾出面突然排緊隊這樣應該無揀錯了餐牌簡單 點左一人一碗麵 加個串燒set 一份係牛肉拉麵 薄片牛肉 tender唔酥一份係雞絲扁麵 其實係雞排 裡面還有白蘿蔔感覺上兩種麵 無咩分別串燒 有5款指定 脆皮腸 墨魚丸 翠玉瓜 牛肉 和雞肉唔夠味 有味粉提供自己叫大部分人食完就要走 唔坐得耐 我們食得慢算坐得耐食完出來身上都無咩味 感覺良好

是夜隨機喺網上搜尋附近有咩推介小店，而一向鐘意食牛肉麵嘅版主好自然俾「青藏牛肉麵」呢幾隻字吸引咗，見評分又唔差，即管嚟到錦屏街呢條北角嘅隱藏小巷試一試。未去過青藏，唔知何謂「青藏高原」風味，不過一入門的確傳嚟陣陣孜然嘅香氣，可能就係所謂高原嘅味道。睇睇餐牌，猶豫之下想叫價錢貴啲嘅羊肉扁麵 - 可惜唔知係咪夜已深，要乜無乜 🙉唯有叫返牛肉拉麵先試試佢。一上枱，好似唔駛錢咁多嘅芫茜䓤呈現眼前，對於鐘食多青嘅我自不然覺得正。其中一樣出色嘅係，湯嘅熱度真係滿分，直至食完成碗都仍然係熱度十足。湯頭似一般牛骨湯味，尚算青甜，而中間仲夾雜小小羊肉羶味，相信唔食羊嘅都可以接受，但鐘羊嘅難免覺得唔夠喉！牛肉份量算多，食就一定食得飽，不過肉味自然都係一般，加上熱湯嘅關係，唔駛一陣牛肉就變得過熟而有𡁻頭。拉麵掛湯還可以，只係麵質軟淋，完全無爽口彈牙嘅感覺，可以話係扣最大分數。好彩，蘿蔔又救返碗麵少少。其實未煮得入味，好彩本身蘿蔔夠甜，亦煮得夠淋身，又加返少少分。$39 食碗麵，又無太大追求，個人覺得食吓無妨。有人話店完態度差，的確係無乜禮貌，不過街坊生意，食客又似係習以為常，所以都無謂過份追求喇👍🏻

食lunch去呢間嘢，出面落住雨，但個女人話一定要人齊先入得，一分鐘之後到都話唔入得，ok，一分鐘後入到去，大把空枱。食物都唔算平，一碗羊肉面，兩粒迷你小食加飲品收48，食完唔洗20分鐘，阿姐收碗收得好快，我都諗住等埋朋友飲埋杯嘢就行，點知佢轉頭掉張單落枱面，同我地好無禮貌講：「快啲埋單，出面好多人等緊。」，望一望出面得一個人等緊，其實我黎俾錢食嘢係唔係欠咗你，我朋友杯嘢飲左五份一都冇，我即時着火，大聲同個女人講：「未飲完嘢喎，我坐左20分鐘都冇。」個女人唔敢出聲，收銀機另一個女人都唔出聲，我覺得根本佢哋就係咁成日趕啲客，係啲客好人唔出聲，出聲嗰啲佢地就唔理，欺善怕惡，已經叫晒我公司所有同事唔好去呢間嘢，亦都奉勸你地唔好去。

其實自已本身都居住係港島東，都冇咩留意到該餐廳，只到某個星期六晚，睇左 大台 的 🐎🏠XX,先知道有間食青藏牛肉麵的鋪頭在附近。睇完，一定要試下先得。因為本身都係都食肉獸，係大陸食過正宗的，呢間餐廳標榜正宗，香料由內地運至香港，一定唔可以走雞！😋於是同朋友2人一起去左食個青藏晚餐，2個人叫左，。青藏牛肉拉麵。青藏羊肉拉麵。孜然炸雞中翼。孜然烤羊肉串先講下2碗麵先，麵條好食，羊肉及牛肉都幾好食，吾會太老，👍🏻尤其羊肉冇咩自已獨有的風味，👍🏻👍🏻但個湯底飲得出有好重味精😢個人認為至於孜然炸雞中翼及孜然烤羊肉串，都還算可以，但雞中翼，有大啲失望，因為勁細隻，一啖可以食囇！😅同大台有出入😞😞總結該晚餐，我會俾6/10🙁因為有味精，及並非正宗，因為食不出那些年係大陸食的味道。

星期五lunch約左同事去北角試呢間青藏牛肉麵, 間店都幾近北角地鐵站不過位置都幾隱蔽, 如果唔係同事帶我都應該搵唔到😅我地1點去到都幾多人等位, 等左15分鐘左右就入到去。店面招牌好有特色😂Set Lunch牛肉麵份量都唔少, 牛肉夠彈性又有肉味, 湯底好濃香, 除左碗麵仲有一份小食同飲品, $50有找, 抵食👍

我以前留學果時，識一個重慶人。他周不時就會自己煮重慶小面比我地成班人食，又惹味又夠辣。可惜的是大家依家各散東西，大家都有自己野做。少左傾計，同埋一年先見一次。而他的小面是我最想念的。哈哈，喱間店有令我想番起留學時既生活就係因為下面喱一碗麵。5好就禁看個撈面好像無咩味禁，其實全部都響下面。話明撈面當然是自己撈啦☺️而喱張相係未撈。撈完後個樣我無影到，因為掛住食🤗喱位包埋既湯汁超入味，食得出不是味精湯。總結來說，個人覺得可以變做自己既愛店之一。之後我應該會是常客既一分子☺️帶多點朋友來食P.s注重服務態度同想坐耐點的人，就別選這間了。因為它服務態度真係|||，同埋店員見到你食完5走會有4隻眼勁望住你。

難得嘅假期，當然係悠閒地過啦！！！原本打算去筲箕灣搵食，畢竟有成條東大街俾我選擇，但最後竟然去左北角😂最後係度睇睇下無意中搵到呢間座落係比較唔顯眼嘅內巷入面，哇，原來呢條巷仔咁多餐廳。返正題，一入到去見到有7成滿座，我地被安排係靠近門口位。順帶一提，門口都有位。由於唔係十分肚餓嘅關係，我地每人都只係叫左一碗麵就算。我就叫左牛肉麵，味道唔錯，芫茜味好出，湯唔算好鹹。而另一半叫左羊肉麵，始終羊肉都係有d膻味，不過個湯真係唔錯。其實想試下d串燒，因為係用孜然粉燒，不過唔餓唯有下次再試

平價好吃手工牛肉羊肉麵😋😋😋We ordered beef and lamb noddles with egg (流心溫泉蛋) ! The noodle soup was so tasty with handmade noodles~ size was big enough as well 3< We also had Chinese kind BBQ veggie & beef (no pic cuz we were so focused on eating XD). I would say they were as good as those high-end Japanese restaurants with more affordable prices.The place is easy to find~ just few minutes' walk from the MTR station. The scenery outside is a bonus! Relatively busy during lunch/dinner hours but worth waiti

同老公2人黎食，一入去我地想坐4人果張枱點知比呀姐喝住話你要坐呢邊，意思指另外2人位（搭抬） 咁ok ,晚飯時間接受到2人點左一羊面一牛面加抵，一串串燒青椒一串串燒雞軟骨2人食哂碗面無啦啦整左串串燒脆玉瓜，我話冇點過！呀姐拎張單埋黎問係咪我地圈？我話呢張唔係，咁問另外雞軟骨有冇落單？如冇落單就唔要因為仲未黎同等左好耐。 之後有另一阿姐拎左碟唔知雞腎定雞軟骨0既串燒埋黎問我呢碟係咪雞軟骨！？我話點知呀？阿姐又話好似雞腎，邊張台架？我話我地8號台，但佢碟野痴住張7號台0既紙！我同我老公一頭霧水！我地話如果冇落我地唔食出去埋單！收錢阿姐語氣勁差話：下！2串野都唔要拿？我話你地冇落單又攪到咁亂、唔係我地唔要！之後呀姐仲自言自語係度鬧，激鬼氣！呢間野比以前dirty左好多！以前都唔會請埋呢d阿姐！食物水準就冇咩分別！但一定唔會再返黎！