霸王山莊

營業中

休息中

假日最好的一點就是可以睡到自然醒，然後施施然煮餐好的。沒有例外，這天依舊是如此的流程，飽餐一頓之後再去行下街。放慢腳步，十分自然舒適，不是要spa要afternoon tea才算享受人生。有的是閒情逸緻，未有消耗到幾多卡路里，也要滿足一下肥仔胃。　　沒有比身邊其他人承受更多的壓力，卻不時有著想要以食讓自己感覺舒暢。因此，走著走著，來到了霸王山莊，臨時起意，但我沒有去錯地方。不是要吃片皮鴨（雖然我喜歡，也很想吃），亦非要大快朵頤，嚐盡京菜。目標，由始至終，都是中式甜品。　　茶位費$11，不過為了一試未有嚐過的這家中菜，而且難得可一解中式甜品癮。在香港地要找中式甜品，其實沒有多少家可去，不說那些中西合璧的甜品店。只說糖水，紅豆沙綠豆沙芝麻糊這些比較大路的話不提，因為有時候酒樓飯後也可能供應。如果想要吃個合桃糊、喳咋或麥米粥之類的話，就沒有多少選擇。頭幾間講出口，不就是佳佳、福元、地茂館……Variety-seeking，我可以食得幾耐？　　小食　$5（位）為稍帶鹹甜的小冬菇，微涼，多汁，剛好適合在熱熱的夏天一吃。還有一些蘿蔔粒及豆子，吃著只會有清清新新的感覺，沒有半點膩人。　　等待甜品陸陸

《 霸王山莊 》霸王山莊😡曾經都幾鐘意食既，不過經過今次後，抱歉了，永無下次！食物又難食左勁多，無保持水準之餘，最讓人生氣的是，服務態度奇差，只有1-2個人既服務表現叫合理正常😟大佬，你地平極都有限，比垃圾我地食之餘仲要黑面！（點解話比垃圾我地食咁過份？轉頭講）愈諗愈有點不滿！哼8成服務生態度勁差！差到我地食到心驚膽顫，唔膽叫佢地服務我地，最後食完拿拿聲就走唉，連埋單都要揀個睇落心地善良啲既😟今時今日咁既服務態度........我都唔知講咩好，真係好傷心，而且呢間野又唔係平喎，淨係開茶錢$11蚊位, 小食每位另加$5蚊位，仲要加一服務費! !姐係未食都要收百幾蚊🙄🙄咁小食按人頭收費，食多過一小碟都好正常啦，又唔係一枱一個價，超級細碟既開胃小食炸喎，我地竟然馬上比某服務生嚴重黑面，仲默不作聲地好似發脾氣咁收埋我地啲野😡最後當然係無加到啦😡但錢照收，有趣，講一句唔可以我地都識做啦唉😟又唔係啞（我地幾位平均年齡約20啦，可能係全場在座上而言，太年輕，無咩後生既會專程去食上海京川菜掛，總之有個侍應明顯覺得我地係比唔起錢食咁😞😞）我除左灰就係灰，我地都係從禮貌國（日本）生活過後再回來的，久別感受

行過好多次都冇試過, 原來呢間霸王山莊都幾好味 湯底夠濃, 好辣的擔擔麵，麵應該係師傅人手拉，好煙靭彈牙，好有囗感，索埋d湯，好入味。炸豬扒外皮夠香脆, 肉質算淋，幾好。貪心叫埋小籠包, 食一半已經飽曬, 皮不是太薄，滑溜一般，內裏d湯ok,冇什麼特別。豆漿好香濃的豆味，不錯。

一月遲來的評價！之前，見天氣咁凍，決定食中式菜暖下個胃！(尤其難得男友揀中菜！！😈)1. 肴肉：冷盤，邊的有點似啫喱，較啫喱爽口，挺身。中間的肉帶點咸味。似淹過的豬肉，男友超喜歡！我就一般2.水煮魚：魚非常滑！調味的材料非常足！所以如果連續不停只食這味餸，會麻麻苦苦的！所以要夾住别的菜式一起食！ 另外，我認為辣味適中，因為我中意食辣，可再encore! 唔係好食得辣既朋友唔建議叫呢味3.風沙雞：面的是蒜蓉，雞皮脆脆的，雞肉還可以。但有些部位(較少肉的地方)非常咸，食完要狂飲水！4.桂花酒釀丸子：清清的桂花香，糖水甜味適中。但小丸子只有麵粉味，糖水甜味未有滲入丸子內。但熱辣辣飲落去好舒服好暖胃。總括來說，我會再encore 試其他款式！

以前讀poly成日去霸王山莊，因為佢個學生餐真係十分之抵食，咁啱約埋成班poly舊友，一齊黎懷勉過去😂 雞絲粉皮花生醬濃郁，粉皮夠滑，只係份量太少。 小籠包皮薄，多汁，汁都好鮮甜，要襯熱食先啱。 黃金四季豆好好食，呢個推介，蛋黃味濃，四季豆清清地，一面食一面傾計啱哂 四火方夾埋一齊甜甜地，外軟內脆好滋味。 湯年糕湯底濃郁，年糕煙韌 片皮鴨皮薄，中間的鴨肉比較肥膩，旁邊的比較好吃，不過不失。價錢冇學生餐咁抵，不過食物質素依然有保証。

等裁縫度身造西裝，腦內浮現雲吞雞，諗諗下不如食霸王山莊。鋪頭面積算大，感覺開揚，不過被安排坐風口位置，硬係有啲唔舒服咁。例牌都夠 3-4 人食。湯色呈淡奶白，味道雞鮮菜甜，金華火腿帶鹹香，而且有四粒大大粒雲吞。松子魚一大條已去魚骨，食落啖啖肉，肉厚皮薄又香口，怕腥既朋友完全可以放心。甜酸醬濃稠度很好，包住魚肉同配料。配料中以桃代替菠蘿，香甜得黎又更配合魚肉質感，松子蝦仁三色椒就提供另一種口感，較爽脆。雲吞雞有啲貴但松子魚禁大條係幾抵食，總括黎講味道唔錯，綜合價位正常。

每次經過這裡都是高朋滿座的樣子，職員與顧客好像相識多年，心想這麼多舊客，水準應該不差。就趁時間尚早，未到晚飯高峯時間，就來試試。樓下位置都坐滿了，我們被安排到樓上。樓上早已有幾枱客坐著，還有多張站「訂座」的牌子。侍應為我們端上冷盤前菜，有紅蘿蔔絲、毛豆和冬菇。就是一堆食材混些醃料的樣子，像為做而做。灌湯蟹粉小籠包（4隻）比普通小籠包價錢高接近一倍，但完全覺得不值。一團肉被粉皮包著，內裡有少量湯，外邊又被湯浸著，頂端有嚐不出味道的蟹粉……沙鍋雲吞雞（例牌）忘了拍它的全相。侍應幫我們舀到碗裡，我看著就有點不妙的感覺。菜太熟，大概本身亦不新鮮，黃黃的樣子教人倒胃。雲吞像壁球那樣大，卻大而無味，一舊肉不知想怎樣。鍋裡有雞的，理應雞湯味很濃，實情卻是很淡，用來調味的金華火腿也極差，三數片薄片，無味道可言。本來想吃雷沙湯圓的，不過試過這兩道菜後，完全放棄這念頭，免得美麗景象進一步破滅。

好耐無同朋友們食飯，為左方便傾計，大家揀左有圓檯的餐廳 一班人 笑呵呵好方便一早聽過朋友們介紹，早兩日就訂左位，仲留左隻填鴨。由於只有兩個時間有圓檯，所以六點半就入座。好耐都無試過咁做食晚飯。睇睇餐牌後，決定散叫。首先，上菜超快，大概五個字就上哂所有食物。先上擔擔面，一人一小碗打定底先,味道好香好濃，不過對唔食辣的朋友仔可能辣左少少咁，食完要飲水。包羅萬有的拼盤做前菜相當唔錯，可以滿足每樣試少少的心態。拼盤包括 醉雞，牛𦟌，海哲、青瓜。拼盤其實好普通，樣樣麵係正常貨仔，都好中份，一人都食左好幾樣。 平時唔多食魚的我，都被這個糖醋魚深深吸引，走過油的魚，再加酸酸甜甜的醬汁，令人停不了口，而且魚去左骨，可以放心地大口大口吃。份量份面，夠哂大，足夠八人份量。酸酸甜甜除了魚，還有這個黑醋排骨，這個酸的味道有別於魚。濃濃的鎮江醋在口中慢慢擴散，排骨肥瘦適中，送飯一流。接著上招牌菜之一的小籠包，皮薄而且湯十足，一人一個其實是不夠喉的，為左留肚吃其他，就淺嚐一口。主菜片皮鴨真的讓人期待已久，份量唔少，包埋配菜食，既有鴨香，青瓜的清脆，香甜的整醬汁，混在一起為味蕾帶來不同層次和味道的享受。鴨肉另外做

幾個朋友難得約出黎食飯想座得舒舒服服最緊要係無限座時間就去霸王山莊啦 五色拼盤好豐富呀咩都有d最啱我有涼拌海蜇涼拌青瓜燻魚鹵牛展醉雞特別鐘意佢個醉雞入味滿滿酒香d雞又唔肥 小籠包皮夠薄如果多汁d更好 乾煸四季豆呢個我鐘意整得外面夠乾身裡面又keep到有水份好香口 好邪惡既黃金蝦呢個黃金蝦佢件黃金盔甲好厚炸得好鬆化食左一口就停唔落黎太太太邪惡片皮鴨 鴨整得幾好 個皮keep到係脆既 加埋青瓜配菜 , 醬夾埋落塊餅一齊食啱啱好配菜同塊餅夾住食減小左d油膩感好滿足唔可以唔提個皮開蓋出晒煙熱辣辣個皮好軟熟中間有塊紙係皮與皮之間隔住咁就唔怕難痴埋一齊 松子魚大大大條 真係人多先好叫仲要只係百幾蚊 炸得好香脆 外脆內juice 魚肉結實唔鬆散 証明條魚新鮮 個汁酸酸甜甜好開胃 餸飯一流 霸王炒飯有蝦 , 火腿 , 菜粒 , 蛋 ...粒粒分明金黃炒飯對飯桶們黎講實在流晒口水炒得乾身飯夠軟上面仲撒左d櫻花蝦乾金華火腿乾...上去香口之選高力豆沙就普普通通

實不相暪...都食咗一段時間喇!!印象不太深刻...不過不失啦呢個...我記得喎!!條魚煎得幾香既...送飯一流!!百多蚊好大條, 食極都食唔完, 最好至少有4位先好嗌呀!!如果唔係一條魚KO咗你!!只記得麻麻, D蒜泥同豉油勁唔夾, 未必有下次 出嚟嗰時都靚仔, For Post相正呀!有出緊煙既蒸籠、切得好精美既配菜、擺到好似花既鴨子

周末晚上，兩口子有機會看優先場，進場前當然要先醫肚，故於傍晚時份，到達尖沙咀的霸王山莊用膳。炸銀絲卷非常新鮮，即叫即炸，表面非常香脆。薰點煉奶進食，加倍滋味。內裡銀絲質感軟稔，熱騰騰的，回味無窮。山莊炒麵不算太過油膩，麵質挺彈牙，當中亮點為非常入味的冬菇，值得一讚。 雞絲粉皮是冰其中一道最喜歡的菜色。這家店的雞絲粉皮次不過不失吧，雞絲粗幼適中，肉質尚算嫩滑，粉皮亦屬爽口彈牙。若碟子可以大一點，就更便於拌勻醬汁喲。

今日放工後約左朋友去tst 行街，見朋友未到又有d 肚餓，就隨意入了此間霸王山莊諗住食個麵. 我本身叫醉雞翼，但阿姐話要等好耐，(心諗: 下，醉雞翼唔係一早整好左既咩.......), 咁唔緊要，我轉另一樣野食. 之後叫左陽春麵，紅燒肉，配黑豆漿，其實咁普通既野食，應該唔會難食得去邊，應該好穩陣. 食物上碟...... 得兩粒五香肉丁咁既紅燒肉，亦完全入唔到味，肥膏一咬落去就散哂. 陽春麵方面，彈牙口感完全無，麵粉香味亦無，個湯底清到水咁淡... 食左兩啖已經唔想食. 配菜的蛋絲除左令賣相好少少外，全無食用價值， 菜仔仲難食話大x 樂燒味飯旁邊的菜.....如果要數最好，便是黑豆漿，就是稱得上有豆香味的飲品. 如此地段，如此裝修，如此價錢.... 如此食物質素，簡直係趕客...

星期五晚上在『尖沙咀』找餐廳不是易事，我心想不如到此食晚餐吧，入到餐廳店員問我們有沒有訂位，我們說沒有，他想了一想便說沒有問題，可立時安排座位給我們。  他帶我們去了一張4人桌，正正是女洗手間門口   ，太太便叫我不如平排坐。  誰知我一坐下，另一位店員使同我說不可以，因要留作分桌給其他人 (你又不一早講 ... ...)。  我們示意不想在洗手間門口坐，於是她又叫我們上2/F。  上到2/F，在樓梯口有兩張2人桌，我們便坐下。 不久店員同我們及另一枱人開茶，來茶時又不問清楚，事旦放底便走了。 我們兩枱人要自己交換   之後我太太問另一位店員可否給她一張圓櫈放包包。 那店員很快便給她一張圓櫈，但櫈面全是餸積 ... 想點呀?雖然服務水平真的不合格，但食物還可以。  我們點了個二人餐，真的有半隻鴨，其他食品也不錯。希望下次再去時那裡的服務可以有所改善。

本黎去其他區食，但經過見入面唔太多人就入去食。我地叫左lee 幾樣:霸王炒面: 我覺得似上海粗炒，只係多菜係入面，味道咸左d 同埋太油乾豆絲毛豆配餅皮: 似北京填鴨食法將餡夾落餅皮, 餅皮唔錯，佢用隔開唔使痴實，豆乾有口感，毛豆好食，整體清淡酒釀丸子: 入面有水桂花帶起清甜味道，lee 種甜度唔錯，丸子size 岩岩好煎芋餅: 面頭鋪左椰絲，入面係豆沙餡，都ok 甜，好彩有杯茶可以中和

傳統中國菜變化多端，很多外國人都慕名到中國學廚藝，最近跟家人外出用膳，就選了久違了的霸王山莊，一嚐精緻的上海菜。中式裝潢的霸王山莊，喜歡光猛的燈光，感覺舒服，菜色種類很多，而且都很特別，不是一般餐廳點得到的，例如蔥油餅和「啫喱牛肉」(我作的名字)，哈哈。不算很便宜，但卻是很滿意的一頓飯，食物味道適中，而且不會很油膩(中菜就是會用很多油去煮嘛)，一定會再來吃飯囉~~坐位都很闊落，讓食客舒舒服服地享受美食 霸王山莊炒飯，有海鮮，也加了咸蛋黃的味道(我相信是) 小籠飽，很不錯! 晶瑩剔透的牛肉粒 擔擔麵可以完全走辣特別的蔥油餅，很鬆化的「餅皮」