霸嗎拉麵 (屯門市廣場1期)

營業中

休息中

今日約了朋友到屯門市廣場逛街，經一輪大出血之後 ， 飢腸轆轆的我們急急找地方吃下午茶。很快，我們被一間舖位很大，橫跨通道左右兩邊嘅日本拉麵舖吸引住。這裡下午茶時間顧客不多，不用等位，加上寬闊嘅座位， 感受到與以往吃日本拉麵少有嘅舒適和寧靜。急不及待點了兩碗拉麵。炙燒豚肉味玉拉麵，湯汁味道果然特濃， 卻不油膩。 豚肉有一大片，厚身， 肥瘦比例 可以， 脂肪不算多， 一啖咬落 又淋又滑， 好味。 至於拉麵，我選擇了軟麵， 軟硬度非常合適 。可能因為太肚餓的緣故， 很快便吃光了整碗麵，其中還包括一隻流心蛋啦！午市期間， 餐廳提供，一碗拉麵外，另加12元可任選 小食一份： 羽根餃子或唐揚炸雞。 我選擇了羽根餃子， 餃子面層的脆皮， 咬落十分脆口， 配合濕潤的豬肉和菜 餃子餡料， 口感和味道都很滿意。最後點杯清香綠茶， 油膩感大大降低。朋友點了 雞叉燒雞白湯拉麵， 說雞肉嫩滑 ，雞湯清甜 ，很有水準。 我決定下次再來這裏時，要試 雞叉燒拉麵。

午讓時段行過霸嗎見唔駛排隊, 就決定食呢間, 坐左一陣已經有人排隊, 好在早一步面對師傅煮麵, 好有FEEL餐廳提供點餐紙落單, 軟硬度有得選擇, 分別叫左醬燜雞叉燒味玉拉麵 & 特盛灸燒豚肉拉麵醬燜雞叉燒味玉拉麵 - $88 . 叉燒多數係豬肉, 第一次食雞肉卷叉燒, 都幾特別, 湯係濃濃既雞湯, 較清新, 配菜有木耳絲, 雞蛋係糖心蛋特盛灸燒豚肉拉麵 $118. 有四大塊厚切燒豚肉, 有肥有瘦, 食得出經過長時間既燜煮, 肥肉入口溶化, 瘦肉夠淋, 配筍, 湯底亦非常濃郁.埋單連加一$206

我有鋪拉麵癮久唔久就想食拉麵今日都唔例外 就捉左我啊媽去食霸媽拉麵其實佢唔係好想 因為唔鐘意食拉麵但望一望個餐牌見到有石鍋飯佢就瞬間ok左鋪頭既設計幾靚 以木為主 門口掛住燈籠 好日本風我叫左炙燒豚肉海苔味玉拉麵 （$98）店員好貼心問要唔要碗仔 等我媽咪都有食下拉麵咁碗拉麵有三大塊紫菜 俾得大方 紫菜沾上湯食非常美味豬骨湯相當濃厚 但唔會太咸 飲得出好足料 但唔會有好勁既味精竹筍爽口 麵質彈牙 滿能掛湯的最正係塊炙燒叉燒 脂肪同肉既比例合適 炙燒過後更香總括不錯 連媽咪都認同啊媽叫左石鍋燒豚肉海老飯 （$78）上枱嗰刻就覺得份量十足店員仲有好好咁問洗唔洗幫我地撈埋我都有試左少少個飯好足料 豚肉同海老都好多 啖啖飯都可以食到同最緊要個鍋係夠熱 同d飯焦好好食🙂我仲叫左個青梅梳打酒 （$18）青梅酒精含量只有3% 微微咁滿足左我對小酌一杯既慾望日本出產就係質量保證梅味微酸帶甜 配有汽酒所當好飲18蚊都算平總括食物質素好，店員服務態度都好，想食拉麵時都會再到呢度。

霸嗎拉麵幾年前登陸香港既時候大受歡迎，一直我都好想去試，可惜次次經過都遇正繁忙時間，大排長龍。今次難得閒日經過，又過左午餐時間，終於可以同朋友一嘗啦。淨係門口既風格已經好吸引，深木色餐枱椅配紅燈籠，充滿日本風。有吧枱位置，可以睇住師父製作拉麵。同日本拉麵店一樣，提供凍水俾食客。醬油碟都好貼心，最面有隻碟包住唔用既，貼左提示食客拎下面果d用，確保衛生。下午時段有跟餐優惠，好抵食。醬燘雞叉燒拉麵，湯底濃厚鮮甜，雞叉燒大大件，份量十足，雖然係厚切，但肉質柔軟，仲要索晒湯汁既味道，木耳絲夠爽，拉麵係幼麵條，麵質我揀左中度，唔硬又唔軟剛剛好。濃厚豬骨豚肉玉子拉麵，豚肉肥瘦適中，近乎入口即溶，非常有水準，湯底比雞叉燒拉麵更濃厚，荀唔乾身又冇渣，糖心蛋蛋味香濃，夠入味，唔覺唔覺竟然可以食得晒。唐揚炸雞，炸得夠乾身，有肉汁。羽根燒餃子，d網紋脆脆勁香脆，入口chop chop聲，餃子底部煎得夠香脆，面頭仲保持到水份，上軟下脆，好特別。今餐既份量其實三個女仔食都夠，呢個價錢食到咁有風味既日本拉麵，下次會再來。

之前一直未有時間食，於是趁住有時間試左宜間拉麵。宜間拉麵係用雞湯，有別於其他拉麵店係用豬骨湯，有叉燒同豚肉可供選擇，豚肉比較肥。所以叫左叉燒，但佢的叉燒唔係豬肉，而左把雞肉捲成叉燒甘，份量都幾大，一碗有兩大片。至於味道方面都叫唔錯，都唔會話好硬，有肉汁。個雞湯都好濃，唔會好油，都幾清甜。之後我仲叫左小食餃子，味道就普普通通，無咩特別！價格同其他香港拉麵店相約，不是太貴，可以試一試。但我都係覺得日式叉燒用豬肉做比較好味！

又係食晚餐時間，又要諗食乜，不過呢一陣趕住去行街，不如快食個拉麵都好。呢度店員好有禮貌，又介紹我地呢款辛辣炙燒豚肉味玉拉麵，呢期點呢款拉麵，會送兩粒雪米磁啊。諗好食咩落單先。側面有配料同水，可以自己動手。辛辣炙燒豚肉味玉拉麵，有分大中小辣既，我就覺得中辣都唔算太辣，舊叉燒好大塊好厚肉，中間有D半肥夾住，口感好好。雞叉燒味肉雞白湯拉麵，塊雞肉好得意，中間又有D半肥夾住，好似叉燒既口感，但係有雞肉味。沙拉唐揚炸雞，呢個超讚呢，熱辣辣，脆卜卜，咬落去裡面D雞肉有肉汁流出黎，正呀！最尾，仲有兩粒雪米磁。

咁岩係屯門行開想去拉麵，上左三樓就見到依間拉麵店，叫左兩個拉麵加一個炸雞，野食上得好快，唔會等好耐拉麵隻流心蛋一咬落去就必曬啲蛋漿出黎，好正！小辣亦都唔太辣，比起我想象中有落差但都仲可以接受

日本的過江龍霸嗎相信大家都耳熟能詳，早前過來光顧已經非常多人在排隊，但我實在太長時間沒有吃過霸嗎拉麵，特別特別想它的味道，所以今次特意來再次挑戰，幸好人不是太多人，不用等很久！限定的拉麵很吸引雞义燒很特別，其他地方找不到的點菜單也很簡約，清晰易明拉麵終於到了，一大塊豚肉，上面有一點的辣醬，還有很多蔥、筍、流心蛋（蛋黃是很流心的），豬骨味配以一些辣味，增加了一些刺激感餃子很燙，大概是剛煎起的，約五六隻，餃子上有一層薄薄的皮，餃子皮薄多餡，外脆內軟炸雞有五塊，全部炸至金黃色，雞肉挺滑多汁，不會太乾由於有小朋友在場，所以特別選了一個兒童餐，有一杯橙汁，kitkat，一碗迷你拉麵，還有Thomas 筷子，最後還有仿手槍玩具送，小朋友非常非常喜歡

全日本擁有33家分店代表了甚麼？乃質素的認可？還是象徵着有如麥記般流水作業，出品質素普通？今日特意跟母親到屯問霸嗎拉麵一探這人氣拉麵店的虛實。以香港的拉麵店而言，環境已算一級寬敞，特別是卡座，筆者認為一排坐上三人亦綽綽有餘。每桌附有檸檬常温水一壺，方便食客酙飲，雖算不上是一種特別服務，但相信一半以上的拉麵店也沒有這種方便食客的舉措，大部份日式拉麵店的桌子着實太小，特別是吧枱，放了一碗麵、一個杯及一份小食後，經已無法容下一壺水了。跟其他日式拉麵店比較，下面這份餐牌算相當豐富，有麵有飯有小食之餘，更有唐揚炸物，在一般主打拉麵的食肆少有供應。全店也掛上紅色橫額，標榜湯底最強濃厚，且看是否屬實。特盛灸燒豚肉拉麵 HK$118麵到，先看看招牌濃湯是否如他們所說的濃稠，目測果然稠厚，喝一口，啊！果然膠質十足，而且豬香四溢，甘香之餘有着豆醬鹹鮮，馥郁之極。替玉HK$20跟碗內的湯麵都能做到適中的軟硬度，很對口胃。這碗麵最令我驚嘆的地方，是厚度逾1.5cm的炙燒豬腩肉，有着三大片的份量，相信是以靚豬精製，肉味濃郁，脂肪經炙燒後有着超凡甘香。餃子 HK$35底皮煎得香脆，外皮嚼勁十足，唯有一小缺點，就是

今日心血來潮好想去食拉面(可能係因為見到女朋友岩岩由日本返黎，聽到佢講日本D食點好食法)，但據我所知屯門有質素嘅拉面店唔多，結果就去左屯門市中心3樓嘅覇嗎拉面。七點半鐘黎到並唔算多人，唔駛等位就直接可以入去坐低，覇嗎拉面嘅選擇其實唔多，大致上可分為豬/雞，辣/唔辣，另外亦可以根據個人喜好選擇加唔加配料(流心玉子、紫菜、粟米)，我自己個人就鐘意食流心蛋，所以就加左一隻去我碗濃厚豬骨豚肉拉面，而女朋友就叫左個辛辣炙燒豚肉拉面，我就叫左個兒童餐(子供醬炆雞叉燒拉面)比侄仔。另外仲叫左羽根燒餃子同埋唐楊炸雞SHARE。首先出場嘅係羽根燒餃子，餃子唔油，味道唔算突出。跟隨就到我嘅濃厚豬骨豚肉玉子拉面，先食隻蛋，果然流心玉子面質我叫左硬黎試，果然煮得煙韌有咬口 豚肉就依舊係入口即溶，無得輸 每啖面再加濃濃嘅湯一齊食，真係好有日本嘅風味呢個就係濃厚豬骨豚肉拉面嘅辣版子供醬炆雞叉燒拉面嘅面同我地嘅面有少少唔同，相對黎講幼DD，應該係因為要方便小朋友進食，而且筷子亦都特別唔同，係一對學習筷子黎，非常體貼跟餐仲有玩具送TIM 炸雞大大粒皮脆肉嫩

屯門區，也許有一個關口的方便 令到市中心更加多夠人流， 引入不少食店,藥妝連鎮店的到來 而在市中心的三樓也是食市臨立 要知道係生活在屯門，有時真係唔想煮飯 多數都係市中心找找食， 而早前呢一間霸嗎拉麵， 時常經卻沒有一些進入去享用 直至有次真係諗唔到食乜好之時， 先生就話不如就去試下個間 次次都過門不入既霸嗎拉麵 聽說它在尖沙咀的店是蠻有名的， 大家也興幸它來了屯門開店 就決定一試它龍與鳳吧 今次分別點了兩個拉麵加兩款小食 首先出場有呢個羽根棒餃子 $36/5件 呢個餃子好好食，它做到皮薄餡料豐富 聽講食Lunch 只需要加$12 ，比起單點真係抵好多 但係之前我地食係夜晚，所以所有野食都係正價 Go爸就點左呢個灸燒豚肉味玉拉麵 $88 湯式好濃好傑身，如果你喜歡吃濃味拉麵的 你一定會喜歡它家的湯底 麵質可以揀軟/硬/適中 當然配料亦可以揀唔需要啦 老公就好似揀左係適中既， 佢就指麵質不錯，對於他而言份量太少了 應該要加底才足夠， 豚肉雖然只有一片，但係份量就夠曬份量 吃了半份已經覺得有點頂住了 最後他也把湯差不多飲了一半有多囉 另外我們也點了它家的 唐揚炸雞 $35/5 件 同

我非常喜歡餐廳有設置兒童餐，所以我是衝著兒童餐而來的，因為霸嗎拉麵其實都開咗一段時間，但一直都提唔起勁去試。今日星期日，幸運地我搭正12點就來了，差不多到十二點半的時候已經排長龍等位。但經過今次我應該很快會再去食第二次。炙燒豚肉味玉拉麵一開頭睇相見到叉燒的一塊，心諗咁少?點知原來塊叉燒係好大塊同好厚，炙燒半肥瘦叉燒充滿油香而味玉即係半熟蛋，蛋黃見到相都知係全流心而他們的豚骨湯底應該加了少少麵豉醬，帶少少鹹香， 我自己就比較偏向純豚骨湯。子供醬燘雞叉燒拉麵首先我覺得55蚊係超級抵，佢嘅份量連一般女士的胃都足夠，我冇諗過雞白湯是如此美味，濃郁嘅雞湯非常順口，雞叉燒非常厚， 入口都係濃郁嘅雞味及嫩滑，55蚊配料都唔少，有木耳，粟米，紫菜，最衰兒童餐只供應12歲以下，仲要有玩具搞到大人都想叫沙拉野菜炸餃子炸得非常香口，加埋沙律醬，味道唔使講。👌同埋店內衛生不錯好欣賞他的豉油碟的第一隻用保鮮膜封了，然後貼心的貼上標簽叫客人攞下面的。

晚飯時間見到呢間拉麵，個名好特別，叫「霸嗎」！見咁多人排隊心諗應該唔會好差？！膽粗粗試下先，排左20分鐘左右就有位，2個人坐吧枱位，都唔錯，環境唔會太逼，坐得舒服😌叫左個灸燒豬肉拉麵，雞叉燒白湯拉麵同一份餃子🥟先介紹個灸燒豬肉拉麵先，個豬骨湯底夠濃好正，豬肉炙燒過所以食起黎唔覺好油，仲好「林」添👍🏻！個白湯拉麵🍜係雞湯嚟，湯味無咁濃，個食左幾啖已經覺得「漏漏」地！個人中意濃味d所以比較中意豬骨湯多d！不過食完好口渴😅但值得再食

再次來到霸嗎拉麵，難得平日放假，這次是來吃下午茶和晚餐。聽說支裝飲品很好喝，這次多點了兩支飲品。首先是很多人及雜誌推介的綠茶可樂($25)。曾在其它拉麵店看過這可樂，但標示售完。最初聽個名會聯想到怪味道，但看到這麼多人推介，又好奇試一試。有人說這個比一般可樂多氣，但我覺得兩者相若。可樂味較重，綠茶相對較淡。單獨點一支，伴小食不錯。但伴拉麵我較喜歡另外一支。就是這支靜岡蜜瓜蘇打($28)。這支靜岡蜜瓜蘇打最初飲覺得有點太甜，後來來了拉麵。一邊吃拉麵，一邊喝蜜瓜蘇打，中和拉麵的飽滯。蜜瓜蘇打冰冰涼涼，帶密瓜香。想不到這支更適合配拉麵喝。既然是拉麵店，當然要點招牌拉麵--炙燒豚肉味玉拉麵($88)，竟然有「少油」的選項，我毫不猶豫立即點選。豚肉非常入味，拉麵選了軟麵，這次對我來說口感剛剛好，不會過硬。拉麵還保留了帶嚼頭的口感。上次吃過最好吃的雞蛋，這次再加點一隻($10)。味道依舊，雞蛋呈半熟狀，蛋黃流心。作為蔥花的愛好者，這次加了大量青蔥($10)。不知道意是這麼大碗，足夠兩三人平分。甫在拉麵上桌時加進去。生青蔥在浸過熱湯底後，變成熟的味道和口感是我最喜歡的。味筍($10)的價錢跟青蔥一樣

之前閒日放假黎呢度食午餐，食咗豚肉味玉拉麵加唐揚炸雞，冇留意做lunch set, 埋單100，有驚喜，炸雞同拉麵都好食，炸雞不會太硬，拉麵味道合我心水。今日再黎，大約2點多，目測BAR 枱最少有5個空位，過我都攞咗飛，因為門口都有幾位客人等位，，見冇叫number, 我就行入去裝吓，話比類似店長果位staff知我一位，佢就即刻叫我攞飛，我比張飛佢睇，佢話而家叫到xx號，你係xx未到，出返出面等，同期有2位人客都滿面疑惑，跟咗入去唔到一呎嘅位置，我唔清楚我入去提出入坐人數有咩問題，但係感覺唔好，好似唔想做咁，好我算，當誤會。今次再叫炸雞，d雞炸到過咗火，好乾同好硬。我諗我有排都唔會再黎lu