霸嗎拉麵 (屯門市廣場1期)

營業中

休息中

呢日放假出左屯門市廣場行街，懶洋洋唔想諗食咩，又有啲想食拉麵，於是決定一試呢間人氣拉麵店。叫左個人氣豬骨湯底拉麵，感覺佢味道唔算係正宗日本拉麵，湯底唔夠濃郁，較為淡口，而且豬軟骨味道不過不失，無咩驚喜可言。呢間日本過江龍實在有點兒名過其實，水準不如其他日本拉麵店，實在令人失望。呢個價錢亦有點小貴，日式拉麵黎講性價比有點低。唔會特別推介人食，寧願去屯市樓下連鎖快餐店食個餐，平過呢度幾廿蚊仲可填飽個肚呢。

放假又咁岩想食拉麵, 諗起上次去過霸嗎都幾好食, 今次諗都唔洗諗就入左去啦😁我地黎既時間已經差唔多晏就三點鐘, 店入面人唔多, 環境幾清靜, 傾下計坐下簡直就係一流😍可能都係因為人唔多既關係, 我地一入黎就有店員serve👍上次我就試左過辣既拉麵, 今次就緊係試下其他啦😆我地就嗌左兩個招牌拉麵~ 灸燒豚肉味玉拉麵塊豚肉唔肥唔瘦岩岩好🤤個湯亦都唔會太咸~最正都係隻溫泉蛋啲蛋漿係漏出黎咖😍我最鐘意霸嗎既地方就係佢可以比你簡麵既軟硬度🤪真係岩曬我依啲鐘意食硬麵既人呀👍👍仲有得簡走蔥呀走荀呀~ 真係勁方便👍因為係午市既關係~只要你嗌左一個正價既拉麵, 就可以+$12 嗌多個小食 (唐揚炸雞/煎餃子)其實我地都好想兩個都嗌呀~ 不過好驚食唔曬, 所以就嗌左一個😜就係唐揚炸雞啦!!!🤤岩岩出黎個陣係岩岩炸好熱辣辣一咬落去外脆內軟😻食完真係勁滿足😋而家依個地點係正屯門市中心非常方便無論環境, 服務, 去到食物質素 我都覺得一次比一次好想食拉麵既話 依到一定係首選👍

今日約了朋友去狂街， 狂了一會兒有點兒肚餓，心思思想食碗拉麵，巧合路經霸嗎拉麵，就入去試下。門口有好多日式燈籠， 牆上也有好多日文字和拉麵的圖案， 一看下去就知道一定是食日式拉麵。辛辣炙燒豚肉拉麵:豚肉厚切和非常大片， 肉質預先烤了，比較淋身好夠味而不韌， 拉麵軟硬適中，湯底帶點微辣，非常惹味。如果喜歡食硬點和軟點也可以自由配搭。羽根餃子:皮薄涵多，煎到金黃色之餘還好香脆和夠火喉， 煎完表面還好像有一張薄薄的紙蓋著，感覺幾特別。拉麵亦可以選擇加12元升級配餃子或唐揚炸雞，而我就選擇了羽根餃子。 額外再加多8元可以配多罐汽水或檸檬茶或綠茶，非常經濟。

第一次食系尖沙咀間分店！每次經過條人龍都好長 個時系夜晚晚餐時間好多人排隊👫👭排左差唔多一個鐘 系敢熱既夏天 真系有啲頂唔順🤦🏻‍♀️🤦🏻‍♀️之後屯門開左就多左去食 因為好少要排隊 除非真系好繁忙時段🧐🧐同朋友一人叫左一碗拉麵and一碟餃子🥟碟餃子味道好普通。。點解敢多人話好食🙇🏻‍♀️🙇🏻‍♀️真系唔會再叫🤔🤔反而拉麵就唔差 系香港算系唔錯既選擇！所以間中想食拉麵都多數會去呢間😯😯不過如果要排半個鐘以上既就不必了！唔洗排隊既就可以試下😊

Happy Friday OT 左一陣子, 返到屯門已經8 點多了直接出去食個飯再歸家!揀左屯市3樓呢間拉麵, 差不多9 點都仲有唔少人排隊, 拎左飛都等左幾個字先入座點餐形式係自己劃紙仔侍應介紹我地即場下載APPS登記做會員 , 煎餃子可以用優惠價15蚊食到, 梗係即刻登記啦~餃子幾香脆, 新鮮煎起, 好好味我地點左辛辣拉麵, 中辛程度, 食落都唔算好辣, 湯底都唔錯有舊瘦叉燒都幾UN 下, 豬真係唔肥唔好食粒半熟蛋都好夠味 , 麵條軟硬適中黎到拉麵店竟然係叫石鍋飯XD個飯比想像中好食, 個底仲有飯焦, 食晒都好夠飽下

一行四人去屯門呢間食拉麵，派位派我地去單邊枱，叫我地兩人一邊對住板坐，四個人對坐但俾塊板隔住，咁為之一枱？(ｰ ｰ;)點share食物呀？點傾計呀？別出心裁嘅座位安排，同我開玩笑嗎？問佢有冇另一張枱，就串串貢話咁要再等㗎啦喎～店員完全冇安排入座嘅技巧最後要我自行提出加凳坐一邊=_=好！入座告一段落。到等食～一個叫冇味玉豚肉軟麵一個叫有味玉豚肉硬麵兩個叫有味玉豚肉適中麵上菜員不主動說哪碗是硬麵，都算啦！問佢邊碗係硬麵，竟然答我冇味玉果碗係硬麵(￣O￣;)大哥大姐，亂答都要有譜先得㗎～店員連咁基本嘅服務都咁差，各位自己衡量值唔值俾咁嘅價錢食一碗拉麵啦～

今次係第一次食霸嗎拉麵，之前經過尖沙咀分店，大排長龍都知道有幾好味，今次嚟到屯門，真係估唔到都有日本名店係度開舖今次叫咗燒豚肉雞湯拉麵，煎餃子，再用日式食法配上冰凍生啤一杯。厚厚嘅燒豚肉，簡直係滿足食肉獸嘅期望，個拉麵完全似係日本製造，非常彈牙，反而嗰杯啤酒就麻麻哋可能係中國製造！雖然係日本未食過呢間霸嗎拉麵，但係竟然可以係香港食到咁高質素嘅拉麵，仲要係新界嘅屯門區，我覺得仲好食過一蘭拉麵，起碼我食完呢碗唔會好頸渴希望屯門市繼續引入正宗日本美食

佢地員工真係好有問題囉，下午兩點幾三個人到，人齊，入面勁多吉枱都要我地拎飛，拎左飛係門口等，門口做帶位個阿叔轉個頭同佢個女同事講“叫佢地走啦，吾做佢地生意，嘿嘿！”嘩，我地黎消費，仲要睇你面色？ 有兩張卡位問佢地可吾可以坐卡位？個阿叔話我地坐吾到😤，吾肯俾我地坐，身型大d就坐吾到卡位？好明顯歧視😠😠！ 等左大約15分鐘先有得入去，入到去，個個員工黑口黑面，好似欠左佢地咁！😤 好啦，到我地take order,冇人係度，叫左幾次（仲要係位係煮麵個員工叫人先有人）等麵期間，見到佢地伙計煮煮下麵，竟然用佢煮都支筷子去“篤”個員工，之後又用返黎煮麵😱😱😵想問下佢地知吾知自己做緊咩？咁大個人，從事飲食，竟然咁冇衛生意識！！好恐怖囉！到埋單時，又冇人係收銀位，要叫幾次先有人黎收錢，個伙計仲要係黑口黑面，😠😠😠真係冇下次，完全係俾錢買難受，仲要受佢地d員工氣！好似欠左佢地咁！

很久沒有過來屯門市中心購物， 知道這裏開了名廚具le creuset， 特意過來逛一下。晚飯就選了在隔壁的霸嗎拉麵！據說霸嗎拉麵是來自日本廣島的連鎖拉麵店， 店名有著極之美味的拉麵的意思， 來了香港也有很多分店，今晚就來試一下！看看餐紙，拉麵款式集中， 也有數款小食， 出奇的是竟然也有丼飯！辛辣炙燒豚肉味玉拉麵$93， 湯底濃厚， 但味道不算辣。 炙燒豚肉果然出色，非常厚身，肥瘦適中 ，很大片！吃下去非常有滿足感呢。也試一下這裏的石鍋燒豚肉飯$68， 飯在石窩裏稍為攪拌一下，再燙一下就出了點點飯焦，混了半肥瘦的豚肉，飯就多了一點油香，非常香口！再來一個抹茶雪糕，伴了大粒紅豆的香甜紅豆醬，還有日本波子汽水，這晚餐不錯吃。

今日去開屯門市中心行街，行行下又到晚飯時間，見到平時大排長龍既霸嗎拉麵係六點唔使排，梗係唔使講嘢直接入去啦！今次叫咗個平時少機會食到既辛辣味~辛辣炙燒豚肉味肉拉麵！豚肉厚厚一件,好有滿足感炙燒過既肉,增加左香味望落去覺得好似肥,但食落又唔係，而且仲會食唔停，因為入口會溶㗎而辛辣湯底幾好味,有一條辣椒係湯入面,叫左少辣,豬骨濃湯加上日式辣椒醬即煮既,香港比較少食到，食完我仲飲多幾羹湯，食完之後冇口渴既感覺，抵讚👍🏽流心蛋要趁早食，放得耐會變熟蛋另外叫左個辣汁唐揚炸雞，炸雞加上煮過既辣椒醬，辣得過癮，雞炸得外脆入面多汁，食得辣嘅朋友可以一試！

今日到了屯門廣場shopping， 四處都人來人往，結果我們2點半，才找到一間像樣的店。（霸嗎拉麵）先用電腦取票，等了15分鐘就有位，都很快！原來除了店內有座位，外面還有一部分座位服務員很熱情問我們想坐內或外，我選了店裡面。桌上有點餐紙，自己選就可以，麵可以選軟，適中，硬身。 走蔥……都很清楚。有檸檬凍水，炸蒜，七味粉，餃子汁，牙籤，紙巾。 需要的都齊了。 當然選了最出名的炙燒豚肉味玉拉麵，無論相片同價錢都很吸引，只售$88實物和相片完全一樣，沒有偷工減料！有流心蛋一隻，豚肉1件超厚，笋件，蔥。湯底是豬骨味，豚肉厚度第1次遇上。表而很肥感覺，咬下發現沒有肥膩感，白色位都是肉來的，軟綿綿溶在口腔，超好味另外我選了雞义燒味玉拉麵$88雞义燒都不能少看，用雞扒卷成，再厚切來煎香，所以都厚厚的，有2片。外面有雞皮的，感覺像師傅自己卷的。流心蛋真的漂亮，咬開就是濃濃蛋醬，超滿足如果有孩子，有親子餐，非常吸引。

一家人去日本旅行回來，妹妹媽媽一直嚷著好想念日本的食物。就決定近近地去市中心吃碗拉面。霸嗎在銅鑼灣尖沙咀開店時我都吃過，自己覺得以豚骨湯底來說算很濃郁。接近在日本吃到的質素，所以才帶著家人來了。我愛喝湯，點了灸燒豚肉味玉拉面。挑的是硬面。真的夠彈牙。湯底好濃郁，非常掛面，但不能多喝，漿喉哈哈。豚肉是厚切五花腩，燒過後香氣十足，好入味。蛋控最期待的半熟玉子，流心程度不錯，合格。妹妹點的是辛辣版，不算好辣，係惹味。但拉面我個人都係喜歡原味。總體來講不錯，未回去日本前算可以止止癮

由於跟好友都想下班後快快回家, 所以也就在屯門市中心逛逛找間吃的。之前帶祖母吃過這間拉麵店吃午飯覺得不錯, 這次便來跟朋友吃晚飯。拉麵店的位置普遍比較狹窄, 不過這點靠牆的桌有兩頭, 一張長椅還是有地方讓大家放一下袋的, 不錯。由於跟朋友都愛辣且覺得來拉麵店不吃蛋實在不像話, 因此按自己的喜好挑了同湯底但又有點不同的拉麵。 我的是麵較硬身且中辣, 蛋白軟軟的很彈牙卻又不會很易爛掉, 一咬下去蛋黃就會流出來, 蛋香很重, 果然是拉麵店的蛋是不能不吃。然後豚肉挺大塊的, 半肥瘦, 不會煮得很硬, 頗惹味的。硬麵很有嚼頭, 中辣的色的確跟小辣是不同, 但又不會很油膩, 伴著湯吃麵又辣又爽。朋友的小辣軟麵的湯底依然很濃郁, 微辣頗為開胃, 畢竟她向來吃不多這次清光光哈。軟麵的麵也不會軟塌塌像爛掉一樣, 而是較軟身易入口, 所以麵質不同, 煮久點效果也是保有原來的質素。(最怕吃爛麵)另外我們點了辛辣味餃子, 餃子上面有層辣醬, 沾了餃子醬後突出了餃子餡的鮮味, 辣味又加了味道的層次感, 先微酸咸>肉鮮皮薄>皮脆香辣。而沙律醬炸雞, 炸的一層麵粉不會很厚, 肉挺嫩且仍有水分不會乾身

今晚我們喺屯門市廣場見完另一個人客之後，諗著食埋晚飯先返屋企，喺眾多間食店之中，我們揀咗呢間都幾多人食，而且環境裝修好有日式風味嘅「霸嗎拉麵」！我們叫咗辛辣炙燒豚肉味玉拉麵嘅豚肉好大塊厚身，但差唔多半塊都係脂肪嚟，所以咬落成口都係油，感覺超級肥膩，至於湯底亦都算幾夠辣！鷄叉燒味玉鷄白湯拉麵嘅鷄肉肉質相當鬆軟嫩滑，湯底好芳香濃郁，麵質好煙韌彈牙，流心蛋嘅效果做得好好，真係超流心，質感非常軟滑！辛辣檸檬豚肉拉麵一開始喺餐牌見到用檸檬嚟做湯底覺得好有創意，所以就叫咗嚟食，飲第一啖就覺得好特別，因濃郁嘅豬骨湯底，加上清香嘅檸檬，感覺好清新同唔會好膩，而且有櫻花蝦嘅鮮味！羽根燒餃子嘅餃皮好薄身，而且燒得好酥脆，再淋上香甜嘅燒汁一齊食，真係好正呀！

平時LUNCH TIME 見呢間野都幾爆下, 今日同老婆遲左食飯, 3點去到見到冇乜人排隊, 等一張飛就得啦, 咁就緊係等啦. 入到去坐低, 同其他拉麵都係差唔多, 自己TICK 要食乜, 之後俾飛個侍應, 好快就有我食啦。兩個人叫左兩碗麵加個小食. 我就叫左炙燒豚肉味玉拉麵, 麵條軟硬度叫左適中, 先黎試下個湯先。 可能有醬油底的關係, 冇話好似九州拉麵個湯底咁黏口, 反而加左醬油, 個香味都幾出, 但又唔會好咸。 麵的掛湯能力都幾高,一邊食可以一邊吸埋啲湯。隻蛋都有流心, 不過就唔係話一咬開就爆出黎個款; 最後試埋個叉燒, 一塊好厚身而且燒得好香的叉燒, 咬落去一啲都唔韌,比起出面好薄一片的叉燒, 呢到嬴哂。 老婆因為鐘意食辣, 所以就叫左個辛辣炙燒豚肉味玉拉麵, 基本上同我個碗都係一樣, 係多左辣味。最後個雞炸反而有啲估唔到, 最初都諗住冇乜期望, 諗住叫左樣野食食飽啲, 但一上枱呟雞熱辣辣, 唔多油, 外皮炸得幾乾身, 入面啲肉係滑, 估唔到拉麵店都可以食到這樣的炸雞。