露營生活

營業中

休息中

這次既日式露營餐真係啱晒露營油同埋大包聚會。喺銅鑼灣高樓大廈嘅環境下，係一個天台平台有個咁大嘅空間帶出戶外嘅感覺。同埋因為呢一間係日式嘅餐廳，成個餐都好多唔同種類嘅日式款式，唔止係淨係得燒野食。一開始有幾款嘅刺身，仲有啲炸物、天婦羅仲有沙律。食完呢啲前菜就到主題啦～肉方面就係呢個宮崎A4 和牛為重點，當中有呢個牛小排牛舌、西冷肉眼等等，油份都好夠，真係舔舔脷😋

為左依間餐廳特登開個account寫劣評餐廳最緊要係野食 不務正業又請liveband又搞靚裝修 但食物完全唔抵又唔好食依間餐廳除左裝修有d睇頭之外 食物昂貴味道差而且細分 性價比極低 3個人食左800蚊食左陣風然後要再去第二度食多餐 極不推薦👎🏿👎🏿👎🏿

雖然已經唔係第一次嚟，但係每次嚟都好欣賞餐廳對於主題餐廳嘅堅持，每樣細節都同露營有關，有好多打卡位，好有心思。今日咁啱仲撞正有live Band表演。今次轉咗套餐形式，個圓形木盤好啱打卡，一次過上晒成個套餐，任我哋決定食咩先。套餐有好多款前菜、刺身、天婦羅、燒肉。刺身方面，除咗三文魚之外，仲有三文魚腩，同埋赤背都好有驚喜。炸物方面，我就推介牛肉薯餅同魷魚。牛肉方面，依家唔止淨係得燒肉一種食法，仲有壽喜燒或涮涮鍋，但係我哋始終都覺得就咁燒肉同露營最夾，可以留返下次先再試其他。燒肉有包括來自十勝嘅豚肉，當中再細分梅頭同腩肉。聽店員介紹，之後餐廳就會再轉型做日本居酒屋，仲請咗專業嘅師傅返嚟，提供串燒同各種和食，另外，亦都會有好多唔同款嘅日本酒，期待下次再嚟。

近年香港人都熱愛山系露營風⛺️, 位於銅鑼灣的露營生活真係岩晒大家! 餐廳由餐桌椅到餐盤餐具和露營燈,都用上大量真實露營用品, 仲會唔同節日增添佈置, 10月尾去時仲都有好多Halloween🎃擺設添, 好多打卡位,真係勁 IGable📸✨露營生活仲設有室外和室內的座位, 可以帶埋狗狗坐戶外一齊camping燒烤添架! 而且,餐廳仲有Live Music 🎤🎼現場表演，非常有氣氛, 🎄聖誕節又就嚟啦,可以約埋大班朋友來聚會慶祝🥳啦! 餐廳食物種類多元化, 主打高質和牛任食, 仲可以自選三選一: 燒肉、壽喜燒、涮涮鍋 (如果想多款食法就要再加$68)! 上菜時仲會用圓盤奉上，室內座位的話會圓盤圍住中間燒烤爐燒!當日我哋就點咗「賞月」套餐已經好豐富, 食到唔停口, 下次要挑戰埋最高Level 「夜空」套餐 $1,088/位, 多咗多款極上精選海鮮: 皇帝蟹🦀, 生蠔🦪等! 𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒𑁍ᵂᴴᴬᵀ ᵂᴱ ᴼᴿᴰᴱᴿᴱᴰ賞月套餐 HK$688/位前菜、刺身、野菜、炸物、天婦羅, 季節性野菜全部都不馬虎, 食材新鮮,炸物香脆, 連天婦羅皮都炸得剛剛好! 真係少有食肉控嘅店, 連非主

一入餐廳見到木系山系露營風， 餐桌椅到餐盤餐具、露營燈都用上大量真實露營用品，餐廳仲喺寵物友善餐廳，可以帶埋狗狗坐戶外一齊camping燒烤今日萬聖節嚟周圍擺滿Halloween擺設，成晚好多裝飾好多打卡位，餐廳仲特登請左Live Band現場表演音樂，成晚非常有氣氛我地二人叫左個觀星圍爐套餐，有澳洲和牛、十勝黑豚豚肉、雞肉、前菜冷盤小食、刺身、炸身、多款季節野茶、天婦羅等，成個套餐非常豐富，特別喜歡牛肉薯餅好出色聽店員講遲d嚟緊呢度仲會主打居酒屋，請左有和食四十多年經驗既日本主廚主理日本料理，有壽司、串燒等等菜單，好期待下次嚟又有特別體驗既一晚

似是有日本人主理的小店。有室內，有室外。Weekday一天下午想來，即刻在OpenRice book位。全場只有幾枱，好處就是你可以慢慢坐唔使急。沒有訂位也可隨時上來。午市餐牌由$68起。我叫了三文魚海膽醬油炒飯，如圖所見，仲有沙律炸三文魚骨&湯。全部都新鮮熱辣好味。性價比不錯。我另加點了一份炸雞也是炸得酥脆肉嫩。看主餐牌他們應有盡有。始終不是街舖，相信生意也不易做。以他們的性價比加氣氛，值得更多人知道！齊來支持香港小店

上星期約咗班朋友來呢間露營生活食晚餐，我已早在一星期前由OpenRice 系統訂枱，但當天我朋友到達餐廳竟然找不到我嘅booking, 說我沒有訂枱，於是經理求其給我們一張枱，跟著我朋友問餐廳職員有沒有酒牌，餐廳職員意說沒有酒類供應。但我記得我上一次嚟食係有酒類供應，不知道點解今次沒有酒類供應，另外我們坐下來10多分鐘，跟本沒有職員遞上餐牌給我們，也沒有人理會我們，在這情況下，我們實在氣難下，於是我們拂袖而去。希望餐廳經理能正面正視呢個訂座問題。

早前去咗間非常有氣氛露營餐廳 CAMP LIFE入到餐廳已經比裝潢吸引，撞正Halloween月份，所以佈置很多特別飾品💀👻套餐分三種，分别［觀星］［賞月］［夜空］我地揀咗賞月套餐$688位套餐有前菜、刺身、野菜、炸物、、豚肉、雞肉、宮崎和牛 、和牛、飯/麵、仲有甜品、飲品🤩 真係超級豐富主食有三選一 食法上菜喺用圓盤上 ，圍住燒烤爐，可燒肉，壽喜燒，涮涮鍋 如果想多款食法就要再加$68我地揀咗Sukiyaki除了🐂有頂級宮崎A4和牛另外還有唔同部位🐂後腰背肉、牛小排、西冷、肉眼油花分佈均勻🐂肉質鮮嫩🤤入口溶化👍推薦哩度全部都喺高質靚牛😋其它肉類有🐖十勝豚肉🐔雞肉及牛舌等。。炸物很金黃香脆，份量好多，刺身厚切又新鮮😋最後吃埋點品很滿足啊🤤今餐食物非常豐富，環境氣氛很舒適，感覺置身在郊外露營⛺️仲有室外環境更加有氣氛✨️✨️很多人以為餐廳只做燒肉，其實仲有omakase食㗎🤩店員說所有日式料理全部都由來自九洲鹿兒島的小野利春先生負責👨‍🍳下次再來會嘗試小野先生廚藝Omakase先

今晚在「露營生活」享用了一個悠閒自在的露營體驗。餐廳內設有有露營枱椅及燒烤爐，亮麗燈光，更有户外帳幕及燒烤爐等設置，一派露營風。餐牌有，及三款套餐選。賞月及夜空均可追加極上和牛。更有薵喜燒，燒肉，涮涮鍋三種食法可選擇。枱上放置一個圓形烤爐，旁邊由兩個半圓形環拼合，上面盛著前菜，刺身及炸物等。擺設得甚有心思。［觀星 ］套餐刺身，前菜及炸物各三點季節野菜宮崎和牛四款北海道黑䐁肉飯/麵，甜品及飲品前菜有海蜇，椰菜，牛蒡，泡菜及洋葱刺身有三文魚，油甘魚及螺片，每款都鮮味十足有口感。炸物有蝦，肉丸及魷鱼，連同秋葵，地瓜等天婦羅都新鮮即做，相常脆口。宮崎和牛雪花油脂均匀，入口融化，香味十足。黑豚肉梅及腩肉較有口感，肉味香濃最後再送上麵豉湯烏冬，甜品和柚子蜜。今晚還有live band 即場演唱懐舊歌曲，渡過非常滿足的一個「露營」夜。

我一向都係齋睇食評，今次第一次登記一餐寫食評，就係想讚露營生活！本身上網睇完啲食評，都驚係伏伏地，點知超出我預期。首先店員服務態度很好，我帶住狗狗，好有禮物地叫我抱起佢，或行第二個門口，免得影響其他食客。跟住去到戶外座位，今晚天氣一流，涼涼哋，喺正sogo對面都唔算嘈，仲有好有節日氣氛嘅Halloween 佈置同音樂。睇餐牌，飲品食品有好多選擇，任飲任食。一開始上有個打咭前菜盤，前菜都好有誠意，係專業日式店品質，唔係超市買嗰啲，到魚生刺身，好新鮮，品質唔錯。仲有天婦羅，都炸得好好食，唔係個皮淋晒嗰啲，係即炸。其實都已少少飽，再上日本和牛同豬俾你燒，啲牛脷一啲都唔韌，係真A5和牛，真係超乎我想像。主食要咗個紫菜飯加溫泉蛋，放埋塊和牛落去一齊食，正係超正！其實已經好飽，佢問要唔要甜品，諗住佢話雪糕，我就唔會食，點知有幾款點甜選擇。有奶凍，有水信玄餅，仲有蕨餅…咁我就忍唔住食咗呢幾樣，全部都有誠意的。成晚都感覺良好，真係服務好，食物好！最緊要係我隻狗狗都好enjoy! 不過我都失策，唔記得幫佢着片，所以佢要全程坐凳。不過就算着咗片，都最好問吓其他食客介唔介有隻狗喺度周圍行。我喺度寫食評，真心

個人很喜歡這家餐廳，因為午餐選擇非常多＇又好味，價錢又合理。知道主廚小野先生開始加入omakase lunch menu, 即刻約友人過嚟一試。非常有驚喜，食物質素高，全部都係季節當食嘅新鮮日本食材，加上小野先生功力，用一個非常合理價錢，食到高級omakase. 最可惜是很多人也不知這家餐廳提供日本菜，只是以為一間燒烤餐廳。埋沒了小野先生的㕑藝。亦欠缺宣傳，沒有人知道這個omakase menu.

朋友介紹銅鑼灣一間以露營為主題的日本餐廳「露營生活」。餐廳在黃金廣場4樓全層，地方很大，分室內和戶外兩部份，戶外部份也不小，佈置了很多萬聖節裝飾，充滿節日氣氛。室內也擺設得如野外般以配合露營主題。半躺的沙灘椅特別讓人放鬆，今晚剛好有歌手在現場唱歌，躺在椅上一邊享用美食，一邊欣賞悅耳的英文懷舊金曲，真寫意。餐廳推介“廚師發辦”，分「觀星」、「賞月」、「夜空」三種，可選燒肉、壽喜燒、涮涮鍋。我選了「觀星」燒肉。店員首先奉上“刺身”、“前菜”、“炸物”等，在燒烤爐旁圍成一圈，加上精心擺設，色彩艷麗，視覺效果特別好。“刺身三點”：三文魚、油甘魚、蚌，新鮮爽口，味道鮮美。“前菜三點”：豆腐、泡菜、天婦羅（秋葵、冬菇、薯餅、番薯），天婦羅香脆可口。“季節野菜”：牛蒡、蘿蔔絲、青瓜絲、洋蔥絲，清新的配菜，有錦上添花的感覺。“炸物”：炸肉丸、炸蝦、炸魷魚，炸得甘香酥脆，但仍能保持裏面肉質的鮮味。“黑豚肉”：腩肉、梅頭肉“宮崎和牛四款”：內側後腿肉、西冷、後腰背肉、牛小排燒肉肉質上乘。和牛肉腍軟中帶爽口，肥美多汁；黑豚肉則有豬肉的甘香，口感也極佳。配上特色燒肉醬，份外惹味。韓式紫菜飯，珍珠米飯上面蓋滿紫

趁天氣秋涼今晚帶好友到銅鑼灣感受露營感覺，整間餐廳裝潢走露營風格，邊燒肉邊chill住享受，唔需要大包小包上山，真的非常適合我倆。日本和牛放題套餐非常吸引，有齊刺身、炸物等，我倆選擇了賞月套餐。最吸睛一定是圓形木盤，木盤上一半放上炸物而另一半放上前菜、刺身，炸物入口酥脆，前菜最喜歡酸酸甜甜的海蜇，爽脆又有咬口，刺身全部都非常新鮮，味道鮮甜。最期待的宮崎和牛都已經送上，套餐包了宮崎和牛五款，分別有宮崎肉眼、宫崎西冷、宫崎牛腹腩、宮崎牛小排、宮崎內側後退肉，還有一款特別推薦和牛「京都姬牛」，餐牌還提供出世紙証明產地來源，超期待。要數最喜歡一定是京都姬牛，入口即溶，口感綿滑，油脂豐富，肉味香甜。宮崎肉眼肉質特別嫩滑，最適合用作和牛燒肉，有豐富及絕佳的脂肪紋理，口感清爽不油膩。宫崎牛小排前胸肋骨部位，油脂豐富，肉質柔嫩鮮甜，筋膜少，最適合簡單香煎後，點上少許鹽進食，品嚐入口即化與香濃的美味。豚肉、雞肉宮崎地雞都非常好吃，肉質爽嫩彈牙，鮮味十足。豚肉燒到外層煎香，入口鮮甜。最後配上清爽烏冬，可以解去和牛的油膩感。店家原來還有提供omakase ,下次可以跟好友試試看。

之前來食過都不錯的日式居酒屋餐廳，今次原來推出了幾個套餐是無限時任食和牛、刺身、炸物等等，由最基本是《觀星》$488、《嘗月》$688、《夜空》$1088等三個套餐，嘗月同夜空都可以任食靚和牛，《夜空》就多了海鮮，到最後我同朋友揀左中間果款套款，淨食和牛追加多幾次已經抵哂。聽店員講十月份逢星期四五六有halloween音樂祭，可以一邊聽歌一邊食燒肉。【炸物、前菜】炸物方面，有南瓜、冬菇、秋葵、吉列蝦等等，炸物不會油膩又脆身。【刺身】刺身又五款選擇，有三文魚、甜蝦、帶子、三文魚腩、北寄貝等，每款刺身都非常新鮮又鮮甜。【京都黑毛姬牛】姬牛一來到非常吸引，精美的大理石紋，其口感如絲般融化【宮崎和牛五款】宮崎牛是一種口感緊緻滑順，霜降均勻散佈在其間，因此儘管脂肪豐富，口感卻清爽不油膩肉眼：咁多之中，肉眼是最肉質柔嫩，牛味濃郁，雪花脂分佈平均。牛腹腩：這部分的肉脂肪含量較高，肉質鮮嫩多汁，所以比較油膩。牛小排：油花適中，放上網燒散發出濃郁的牛香味。內側後腿肉：油花平均，肉味突出，是我最愛之一。西冷：是和牛後腰脊肉，近臀部的部分，肉味最濃，油花分佈均勻，入口即溶。【黑豚腩肉、梅頭】黑豚腩肉：油脂分

整體感覺還不錯，但也有一些小缺點。首先，我們享用了前菜、刺身和炸物，這些都是任食的，味道不錯，讓人開胃。接下來，可以選擇燒肉或涮涮鍋，這裡的牛肉是特色之一。值得注意的是，某些價位對牛肉的供應有限制，而其他價位則可以任食。我個人不太喜歡牛肉，只吃了兩塊（非常大一塊），就覺得開始有點膩，這樣的情況讓我覺得不太值。不過，如果你是牛肉愛好者，這裡的放題絕對能讓你回本，因為牛肉的品質確實很高，適合喜歡燒肉的人士。整個放題從5點半開始，直到餐廳關門都可以食用，這點非常好，讓我們可以慢慢享受。不過，總體來說，對於不吃牛肉的人來說，可能會覺得選擇有限。總結來說，「露營生活」的放題餐適合喜歡燒肉和牛肉的朋友，但如果你對牛肉不感興趣，可能不會覺得這個價位特別划算。下次我會考慮選擇其他菜式！