露台餐廳

營業中

休息中

每年親友一齊食豪啲。今年再次去食半島自助餐，12個人坐間房位自成一閣。可惜限聚令，要分6張枱。坐低後每枱有一份撈起應節，我地12人開咗支紅色淺嘗。環境、服務唔使多講，半島一直保持到水準。食物方面，無論冷盤、熱盤、甜品都做得精緻。樣樣都好味。小弟今次推介燒羊鞍、信玄水晶餅最後當然要嘆返杯啡，仲有梳乎厘奉上。由頭到尾都好好滿足，坐得好舒服。小弟初次寫食評，無乜點影相，文筆唔多順。下次會做足啲祝各位身體健康、百毒不侵、長食長有

                對半島下午茶夢寐以求，以前已經很想去。但半島下午茶不接電話訂位，只可walk-in，所以好幾次都告吹。今次真的可以試了，我選了venand，居高臨下，可以俯瞰附近的景觀，例如香港藝術館等。半島鬆餅是很出名，單買是$180兩個，鬆餅面層有點脆，內層很鬆化。其他各款餅都很精美，例如青瓜吞拿魚三文治，薄薄的青瓜非常清新；沙律杯，底層是牛油果醬，topping是新鮮蝦粒；最特別的是一個豆腐餅，純白色，充滿豆腐可口的味道，非常特別，好像是新出品來呢！我還點了半島名茶，一改點咖啡的習慣； 清茶果然不錯，比咖啡有去油膩的效果！

在一月一日新一年下，選擇到半島露台餐廳吃自助餐，由於男朋友10分喜歡他們的海鮮，所以叢林這間餐廳。我們被安排靠近取食物的位置，食物一如以往有凍海鮮區、壽司刺身、沙律凍盤、各式各樣甜品與水果及熱湯和中式食物。當中我最喜歡是醬汁煮鮑魚， 十分美味。而且大扇貝配黑松露，亦1十分濃味可口。令我十分欣賞的是龍蝦清湯，香味十足，清淡可口。如果在當天他們準備一些小禮物或者特色甜品奉上，會令整件事更加完美，更加值回票價。

估唔到呢半島酒店嘅食staycations package都能保持水準。好幾年前去過這間餐廳食lunch buffet，食物款式不多，但食物味道尚算oK。今次晚餐係喺呢間露台餐廳品嚐三道菜。我們還選了酒店嘅美酒套餐，$320可以品嚐一杯半島品牌嘅香檳一杯半島品牌嘅白酒同埋一杯半島品牌嘅法國紅酒，每杯只有90ml。這樣wine pairing 也不錯！　

同太太響半島酒店嘅staycation 去到尾聲，酒店嘅早餐安排響一樓嘅露台餐廳。露台餐廳樓底非常高，空間感強烈，有渡假feel嘅感覺。酒店職員服務殷勤，由於staycation關係，早餐亦係特定款式。同太太一齊揀咗西式早餐。先上麵包，有牛角包及各種麵包，非常新鮮。跟住上鮮果拼盤，每樣都非常鮮甜。在嚟係煎太陽蛋配煙肉及香草雞肉腸，每樣水準都非常平均，不俗。配上酒店嘅咖啡，加上露台餐廳嘅渡假feel，心情非常暢快。三個字總括今次早餐嘅體驗，冇得頂。

同朋友join左半島酒店既reach for a star package, package包括埋下午茶，被安排係一樓既露台餐廳，茶類選擇花香-熱情果，芙蓉花，萬壽菊花瓣，味道好好，亦好適合配茶點，職員建議先食咸點，青瓜三文治，裏面有cream cheese都幾好食，煙肉撻都唔錯，呢個雖然好靚，但味道太濃，一般上面既蟹肉肉好好食，甜點以呢件最好食，中間既夾層係豆腐味，做得好滑，豆味亦都好濃，開心果macaroon都唔錯，呢個帶有椰子味既蛋糕就真係有d普通，非常麻麻，蛋糕既朱古力濃而滑，中間帶有cherry,帶d酸味令口感唔膩，最後scone不過不失，半島既afternoon tea，係有d失望，雖然都精緻，但無論咸甜點或scone唔太出色，只係正常，論同類既afternoon tea文華比較好，試過一次就已經可以。

不經不覺2020年已過了大半，在新冠肺炎肆虐其間，大家多留在家中，見家人時間多了，感情是否增進了？還是倒退了？不管怎樣，任何關係都是要苦心經營的，就算是爸爸媽媽，也是要像對愛人那樣，要氹的🤪由於現時經濟環境，很多5 、6星酒店提供了很多優惠套餐，價錢平宜到....如果您依家唔試吓，遲吓一定會後悔👻 對於常常喜歡活在當下、及時行樂的我，當然抓緊機會啦🤪今天和爸媽、閨蜜買了半島2日1夜套票，在這𥚃嘆世界😻❤️😘🥰 先吃個早餐先🤪🤪🤪❤️🤩🥰補充：樣樣都好有水準，特別是法式多士和熱麥片，可惜顧住食，忘記給麥片影相😹

最近忙得很，到現在才有空延續寫「味游半島」的食評🖌🏨Check-in時已選擇翌日，在我愛坐的露台餐廳吃早餐🌅早上到達餐廳，幸運地被安排坐一張位置較獨立的枱，既滿意又坐得舒服。看過餐牌後，選擇了中式早餐我們一早已預計是每位一set早餐，但沒想到是這麼的豐富，吃🉐️滿足又開心😃🔰蝦餃、豬肉燒賣、素菜餃，3款的味道都不錯🔰豉油皇銀芽雞絲炒麵，材料豐富，雞肉嫩且份量多，整碟不油膩，愛吃🔰牛肉粥(可選雞粥或鱈魚粥)，粥底軟綿，同樣份量十足，內有4大塊厚切的牛肉，🈵️粥，滿足🔰粥的配料，也是精緻的擺放🔰無糖熱豆漿😍大滿足和喜悅的回房間休息。直到check-out 時間，依依不捨的離開酒店，期待再一次的下榻-10月🥳

最近見到好多朋友都去半島食下午餐所以勾起左都想去食下野而我同朋友就選擇去食自助午餐一入到去就覺得環境真係好舒服可以慢慢地享受食物湯😍沙律😍好新鮮刺身亦都好正👍🏻👍🏻包類選擇好多，而且有迷你burger每次去自助餐，最期待就係甜品🤭半島的甜品真係零捨不同食完今次，都想再encore

已經第三次前來吃晚上自助餐，即使疫症底下，亦有不少人流前來進食。水準保持一貫作風，海鮮真的弄得不錯，例如粉絲扇貝十分新鮮，熱辣辣，而且源源不絕。醬油鮑魚香軟鬆化，很易入口，已經吃了四次，實在太好味。反而沙律沒有吃太多，這次也是了日式櫻花蝦蒸蛋，也十分美味，一連吃了兩碗。甜品也保持了一貫水準，細細件，選擇多，雪糕也很特別，有奶茶味，真的不錯。最後還奉上指定點品疏乎厘及一杯免費餐茶，說說笑笑有一個晚上，真的太圓滿！

半島酒店可算是香港數一數二嘅五星級酒店，應該冇人唔識，適逢新年前夕，同屋企人好好慶祝下。佈置方面非常之有心思，很有氣氛。食物方面，比起出邊啲自助餐，選擇種類比較少，但絕對唔會扣分。 因為食物質素同服務態度非常之好。令我最驚艶嘅係刺身非常之鮮味，而且切得非常厚，無雪藏嘅味道，解凍得啱啱好。另外，水果亦係非常新鮮，蜜瓜、哈密瓜、士多啤梨、菠蘿等，鮮甜，美味多汁。除咗自助餐嘅食物之外，半島酒店亦會送上，白酒煮青口同疏乎厘。服務方面，因當日我哋帶咗蛋糕去，侍應主動幫我哋雪起。而且到用餐嘅尾聲，侍應幫蛋糕插上蠟燭送到我們枱上，仲幫我地影咗好多張大合照(影到我都覺得唔好意思🤣🤦🏻‍♀️)。

終於有機會去到半島酒店，有咁上下年紀的香港人都應該知道，半島酒店歷史悠久，在歷史上也曾經有不少事件在這裏發生。之前可能最多只在下邊商場路過或是穿過，很少內進或是到餐廳進膳。這次從商場內進，走到一樓，發覺升降機都非常之古舊，感覺的確有點像外國那些舊式酒店。看到半島酒店那些亭台樓閣，樓梯的轉彎，以及房門的設計，走廊的燈光，就想起我最喜愛的劇集Inside No. 9入邊的<<Hotel Zanzibar>> 那一集，人物角色錯綜複雜，曲折離奇。可能是由於一早又訂座，因此獲安排在窗邊座位，旁邊是大玻璃，對着半島酒店本身的正門，外邊就是尖沙咀太空館，到了夜晚八時，還可以看到幻彩詠香江的青綠燈光相輝影。🌅🌠樓梯就可以看到長地氈，古舊而又帶有西洋風，這間叫做露台餐廳，雖然晚上去燈光比較暗淡，但亦都不失西洋風。🏨先出去遛達一下，看一看有什麼東西吃，一邊是結婚、一邊熱湯、一邊甜品、一邊切牛肉、一邊就有日式刺身及壽司、一邊又有海鮮拼盤。款式比起其他酒店，未必很多，但是就有一些比較矜貴的東西。🍣壽司那邊都有6款：油甘魚、吞拿魚、三文魚、甜蝦、馬刀貝、帆立貝，這些款式，都大大

半島酒店的食物和服務質素，一直係全港6星酒店之中的最高水準的保持者，再加佢嘅歷史悠久嘅背景特色，任何酒店都不能取代半島的地位！我小時候跟屋企人已經來過露台餐廳食自助餐，所有對這裡的環境感到很親切，大了之後亦都間中來光顧。是次是慶祝生日晚餐dinner buffet,因為遲預訂的關係，所以只能坐外面,但我其實喜歡坐外面，比較寧靜，有在私家房的感覺。雖然佢多年來海鮮並無包括生蠔，但其他的海鮮側非常新鮮，有完隻鮑魚，開邊龍蝦，蟹腳，也有甜蝦，帶子刺身！佢哋一貫都refill 得好快，服務係超級好！甜品方面都唔失禮，芝麻雪糕好好食！

好姊妹生日，當然要帶佢去食好嘢啦！今次嚟到半島酒店Verandha食大餐。作為全港五星級酒店！所有質素一定數一數二！高貴氣派地方，服務質素及食物質素固然重要！呢度都比到我哋驚喜！自助晚市連加一大約差不多$1000一位我哋被安排坐窗邊位置。店員服務一流！自助晚餐由6:00pm去到10:00pm。同姊妹食飯傾計最啱！又唔會好似外邊嘅餐廳規定只限9個字或者一個鐘食飯時間。講一講自助晚餐質素，首先食龍蝦🦞，新鮮嫩滑。鮮甜帶子，蟹鉗，大蝦，佢所有海鮮都已經半剝殼。所以食嘅時候都非常方便！熟食方便多到都食唔晒。。湯有兩種選擇，一個係清湯一個係西式南瓜湯！仲有一啲咖喱，熟食海鮮選擇。。餐廳仲安排左疏乎厘生日蛋糕！非常貼心！事關今次同好姊妹坐窗邊位！自然心情都非常靚！6:00傾計傾到差唔多10點了！

一入黎 就覺得好有心思 ，好有聖誕氣氛 真係好靚鐘意享受環境，服務，品味既舒適地帶 聖誕節夜晚自助餐 ，如果情侶黎真係幾浪漫 ，又哂燭光晚餐，燈光效果又好好feel ,暗暗地咁 ，其實好有情調 野食唔係好多種類，但還可以，有既野都會有既，係無左人地個d粉面區，同黎得既真係預左食環境食服務，安安靜靜 ，咁傾下計享受下個種，但d野係新鮮既，但如果係想食好味野，又平又抵食，呢度就唔太岩你啦