露台餐廳

營業中

休息中

今年半島氣氛真係勁靚！無論外面啲燈飾，定係入面嘅擺設，都好用心思。仲有live band喺下層表演，成個聖誕氣氛濃厚到不得了，真係好適合一家大細或者朋友嚟感受下。講返自助餐，今次最令我驚喜嘅係四川麻辣朱古力，同平時食開嘅甜品真係完全唔同！食落有少少麻麻辣辣，又唔會太搶味，幾特別。另外，黑松露Pizza都好正，香到成枱都聞到，啲芝士同黑松露味融合得啱啱好，幾值得一試。不過以呢個價錢嚟講，食物款式可以再豐富啲，希望半島聽到，下次去會有更多新意思嘅菜式帶俾大家！

同同事去慶功宴，一齊試試呢間老名牌酒店嘅buffet環境一流，非常精緻可惜啲相唔小心誤del左冇得post🥹個人最愛食甜野，睇甜品先~講真靚就靚😂味道就全部都唔算出色係有個紅莓朱古力最好食同埋葡撻好食！咖哩款多，味唔特別，印度薄餅都有少少令人失望海洋新鮮，尤其是龍蝦一啲都唔韌！好神奇😂係食過最軟熟嘅口感～刺身係最驚喜嘅！非常新鮮好食！係任夾嘅，fill得都快仲有肉類同沙律其實整體都唔錯，自助餐黎講各種野食嘅食物都有above buffet average嘅水平，環境都elegant。款唔算多，但夠食嘅，唯一係覺得呢個價錢、呢個味道（which唔係特別出色）嘅話，出面有更好選擇，黎呢到係氣氛/環境取勝

黎緊聖誕節，去半島食自助午餐，食物種類豐富，又凍嘅海鮮，又有魚生，熟食亦都有好多選擇。甜品生果當然唔少得，樣樣食物都好新鮮，好好味，甜品蛋糕亦做得好出色，雪糕雪葩又好好食，一個胃真係裝唔晒。食過真係回味無窮 。

作為土生土長嘅香港人，我第一次踏足半島😂 原本諗住食個下午茶打下咭就算，不過見人哋講個tea set麻麻地🙄咁就開始研究自助餐，睇咗好多youtuber嘅介紹，通常都係話款式唔多，不過有質素，我都半信半疑🤨因為俾youtubers呃唔少😓不過今次我認同啲youtubers, 其實咁大個人，食過唔少自助餐，旋轉餐廳、海逸酒店、icon hotel etc, 得到嘅體驗係食物選擇很多，但是沒有很出色。半島的體驗是精緻的自助餐，美麗的環境和完美的服務。食物方面最深刻印象嘅有上湯牛脷、韓式牛仔骨、咕嚕龍躉、醉雞、鰻魚壽司、中西湯品和巴斯克芝士蛋糕。有一味紅酒燉雞，肉質很嚡，不建議大家嘗試。甜品方面，強烈建議大家試巴斯克芝士蛋糕和雪糕及自家製朱古力，其他都不需要試了。至於餐飲，我們沒有另外加錢只點了檸檬茶，餐具猶如藝術品一樣，而紅茶香濃有口感。服務態度殷勤有禮，點到即止，不會太過。吃完一頓豐富的晚餐，我和先生四處參觀，到處都是打卡的好地方。

半島酒店嘅自助餐真係一個唔容錯過嘅美食天堂🍽️首先，佢哋嘅刺身真係鮮得不得了，每一片都係新鮮得嚟仲帶有海洋嘅清甜味，食完真係令人回味無窮🐟除咗刺身之外，半島酒店自助餐仲提供咗好多唔同款式嘅美食，無論你鐘意食海鮮、燒烤定係亞洲風味，呢度都一定有你嘅心水之選。每一款都係精心製作，保證令你食得開心又滿足🍤🥩講到甜品，真係要大讚一番！每一款甜品都係藝術品，味道同賣相都係一流，令人忍唔住想食多幾件🍰🍮最重要嘅係，半島酒店嘅服務真係一流，服務員親切有禮，令你喺享受美食嘅同時，仲感受到賓至如歸嘅感覺。總之，呢度嘅自助餐真係值得一試💕

真的很失望，食物選擇很少，對肉食者來說簡直是噩夢。牛肉只有rib steak，羊架也不多，雞肉只有雞髀仔。不夠肉吃，本以為會對素食者友好，但完全沒有特色素食菜品，只能吃沙拉或印度薄餅，而且咖哩汁裡還有雞肉粒。感覺像是普通酒店的午餐，主要給樓上住客吃。其實，去半島其他餐廳可能會更好，省得生氣。海鮮不新鮮，吃完回家還肚子痛。小時候家人帶我去過一次，長大後再去吃晚餐。值得一提的是，服務員都很友善，態度非常好，這部分做得不錯。👏🏻

如果你是一個愛吃酒店自助餐嘅人的話，半島酒店露台餐廳嘅自助餐，或許會帶給你跟其他高級酒店自助餐不一樣的體驗。 自助餐成人每位 $1088 + 10 ％，算是全港價錢最高嘅酒店自助餐。餐廳內外環境華麗，氣氛一流，服務貼心，用餐時硬件的講究，甚至更多不經意嘅細節位等，加上能置身在一間見證香港近百年歷史，更被列為一級歷史建築內用餐。 對我來講，這個價錢確是貴了㸃，但得到的體驗還是"值得”。食物方面， 雖然款式選擇唔多。但貴精不貴多下，由冷盤，熱輋 到甜品，大部分食物都會吸引到令你想去試試。 食材選料質素高， 不用懷疑。以高級酒店自助餐可講，整體食物水準高 。但個人認為西式食物烹調上會比中式食物優勝。冰鎮海鮮- 各款海鮮味道鮮甜， 超出自助餐嘅水準。 加咗杯西瓜凍湯配蟹肉。魚生會有日本料理餐廳嘅水準。 另外那一小份嘅烤石頭魚肉乾原來都幾好食。日式醬油鮑魚- 鮑魚入晒醬油味。 凍青口／燻青口- 呢到嘅凍青口值得encore芝士 配 熟成 Serrano ham, 又是絕不能錯過嘅美味黃金蝦球／釀蟹蓋／鹽酥雞/ 炒蟶子/ 醬油鮑魚／蟲草花雲耳蒸班塊。 釀蟹蓋，蒸班塊， 醬油鮑魚最為好食， 其

以往都經常食Buffet，就連結婚周年都會用來慶祝，而事實上總有幾間個人覺得是在 target list 上，而半島酒店的 Verandah 可說是其中之一。早前終於有機會同幾位朋友一試心頭好。一如半島其他餐廳，自助餐都有些小要求，就係男士要穿長褲，不過一時忘記了都不用怕，因為餐廳會代為安排。好多時同朋友或家人食自助餐，都比較熱鬧，但 Verandah卻有不一樣的氛圍，客人多數會自覺地壓低聲線，以免騷擾到別人，可能是傳統優雅的氣息吧！海鮮一般酒店自助餐提供龍蝦都係原隻開邊上，但Verandah就只選用龍蝦尾，吃起來更方便，啖啖肉，蘸點一下紅醋，肉味更鮮。而帶子又係個人喜歡的海鮮，加上蟹腳、凍蝦、青口及海螺，既大隻又新鮮。刺身有我鍾意食既日式醬油鮑魚，漬得好入味，而且有嚼勁，好正。更有柔嫩肥厚的北海道帶子、爽甜的馬刀貝、肥美的三文魚，油甘魚、甜蝦以及吞拿魚，質素更是水準以上，必食。扒類好多時自助餐的扒類，外層都比較熟同韌，但 Verandah 的慢煮和牛冧肉，實在無可挑剔，就連邊位都軟熟可口，肉味濃郁，喜歡的，仲可以配上 Yorkshire Pudding。至於香草及法式芥末燒豬扒同樣軟

周年紀念，一直冇乜機會入嚟半島消費， 今次一於豪氣d請男朋友嚟食過buffet dinner啦一直都好好奇，傳說中全港最貴嘅五星星酒店自助餐係如何好味法！今日終於可以一試！個人覺得半島酒店嘅服務真係非常之好，男朋友因為冇著長褲酒店都有臨時提供，避免咗冇得進場嘅尷尬，但係大家千祈記得唔好再拖鞋，因為真係會入唔到場🤣🤣食物方便大致上都覺得可以，種類雖然唔係好多，品質都尚算係OK，始終係名貴嘅酒店大約$1200一位覺得食個名銜都好抵

前排同屋企人去咗半島食自助餐☺️ 環境方面好舒服high class，野食款式唔算好多但係每樣都好精緻😙 冷盤嘅沙律菜🥗好fresh同爽口，cold cuts鹹香好夠😛 生海鮮方面有蝦、蚌同鮑魚等，不過就冇生蠔🥲 日式嘅壽司🍣擺得好靚而且味道都唔錯，刺身厚身而且新鮮☺️ 熱盤最深刻印象係魚類🐠，煎大比目魚(halibut)同雲耳蟲草花煎魚都好鮮甜嫩滑；另外烤豬頸肉🐽好冧好入味；炸軟殼蟹好脆同多蟹膏；燒牛脷👅、羊架🐑同黑松露risotto 都好高質😋 印度區嘅咖喱🥘同烤餅幾香濃惹味😉甜品方面好精緻，朱古力🍫mouse 杯超香濃朱古力味，可麗露外層好脆入面好香雲尼拿味，cheese cake好creamy🧀😍 最後每人仲有一杯signature champagne 🍾 啫喱+ 士多啤梨🍓嘅甜品杯🥰自助午餐 (星期一至五)成人 $718, 小童 $598 (星期六)成人 $818, 小童 $688自助午餐 (星期日及公眾假期)/ 自助晚餐 成人 $1,088, 小童$848📍露台餐廳 The Verandah尖沙咀梳士巴利道22號香港半島酒店1樓🍽️ 8.5/10#janfoodiary_自助餐

去過半島酒店的自助餐唔止一次，整體而言，我對這個地方的環境和服務印象非常好。餐廳的氛圍舒適，服務人員非常友好和專業，為整個用餐體驗增添了一份溫馨感。雖然食物的種類可能比某啲地方少，但它們的質量確實非常高。特別是壽司、熟食和甜品方面，半島酒店的表現令人印象深刻。他們提供的壽司非常新鮮美味，每一口都散發著魚的鮮味和米飯的口感。而熟食方面，拖羅、海膽和長腳蟹都是我特別推薦的選項。它們的味道鮮美，質量上乘，絕對能滿足挑剔的味蕾。此外，他們的花膠也非常出色，口感滑嫩，味道濃郁。在現場烹飪區，我特別喜歡他們的火炙和牛蘆筍。火炙和牛肉質鮮嫩，入口即化，與蘆筍的結合非常完美。另外，他們的龍蝦湯也是一個不容錯過的美味。湯的口感濃郁，龍蝦肉鮮嫩多汁，給人一種豪華的享受感。半島酒店的自助餐給我留下了深刻的印象，它們的質量和味道絕對能夠滿足挑剔的食客。

半島酒店是香港現存歷史最悠久的酒店，位於酒店1樓的露台餐廳The Verandah自助餐堪稱全港最貴buffet，今年趁著生日終於有機會一試，自助晚餐成人價錢為每位$1,088，供應時間由下午六時至下午十時，可以不追不趕地食足4小時。作為一級歷史建築物，以意大利文藝復興及巴洛克復興風格建造，氣派非凡，不論內外都流露著優雅古典的歐陸風情。窗外景色正是太空館跟文化中心，白天採光充沛，入夜後把迷人璀燦的尖沙咀夜景盡收眼底。海鮮款式包括日式醬油鮑魚、帶子、蟹腳、海螺、龍蝦尾、大蝦、青口、煙鯖魚及煙三文魚。全晚冰鎮海鮮源源不絕地供應，refill 速度亦夠快，最受食客歡迎的要數啖啖肉的龍蝦尾和buffet中比較少見的日式醬油鮑魚。即切肉類有燒有骨肉眼和燒羊架配蒜味香草麵包糠，大約煮至Medium 五成熟，中心仍保持嫩紅色，保留肉汁。配上傳統英式約克郡布甸Yorkshire Pudding，外皮香脆，中間凹陷綿軟，更容易吸附肉汁。魚生刺身共有六款：帶子、油甘魚、甜蝦、吞拿魚、馬刀貝、三文魚，壽司則有燒蟹腳、玻璃蝦、水菜卷和燒三文魚四款。西式熱盤有墨西哥式焗粟米布甸、密糖芥末焗排骨、加勒比海式燴魚、

睇左好多食評話好高級 好靚 book位又講明有dress code搞到我去之前有少少緊張😆不過去到 無想像中咁高級同拘謹😂仲好！我可以大啖大啖咁食我想食嘅嘢🫶🏻🫶🏻海鮮方面，有鮑魚、龍蝦尾、帶子、蟹腳🦀etc.龍蝦尾拆晒肉，又鮮甜又方便食 超讚🥹即刻覺得值呢個價🫣帶子好結實 好味😋蟹腳唔會太鹽 食到蟹味 算幾好👍🏼另外，中式海鮮有蒜蓉粉絲蟶子 就係想像中個種好食嘅中式海鮮味 好食👅此外，我都欣賞嘅係甜品！tiramisu, cheese cake,雪糕(自家製的，真係有分別)都高質，發揮呢啲食物應有嘅好味。以上食物都好食 係expected個隻好食 唔係話有啲好驚艷嘅感覺 但質素係好，係好味。另外，我book位有remark 慶祝生日🎂塊生日朱古力牌唔係話好特別地好食，不過比我想像嘅好食好多，我哋有食晒成塊(平時我唔食生日牌覺得唔好食)🤣欣賞塊生日牌!!

早餐形式是自助餐，時間去到10:00便完結中式早餐推介食品: 皮蛋瘦肉粥，蝦餃，煎蘿蔔糕西式早餐推介食品: 即制熱Pancake ，朱古力牛角酥環境及服務都很好，侍應及前台都是有禮貌細心

長輩請我食birthday lunch buffet，很感謝他！11年之前喺Lee 間酒店擺酒，今日就帶埋小朋友過嚟食，懷緬一番。lee 間酒店嘅水準不容置疑，所以我期待咗呢餐好耐，入去望到食品嘅精美程度令我嘆為觀止，有啲好耐冇見過會出現嘅傳統同埋外國嘅嘢食都有。屋企人話炆牛脷係全場最出色嘅，伴着清湯，肉質新鮮夠焾夠入味，我就鍾意南瓜湯及curry。南瓜湯看似簡單，當然背後下咗好多功夫，先有一個幼滑、味道清而不滯的湯。剌身、smoke salmon 等已是expected, 我第一round 冇攞龍蝦，之後已經見不到有refill，屋企人食咗，話很Juicy同埋容易拆肉。咖哩亦impressive，其中的素咖哩丸子是用麵根類去做「丸子」，配搭新鮮。至於甜品就係食過咁多間buffet之中最精美的，手工朱古力由其多，糕點造型精美，但眼闊肚窄，唯有拿回來之後每人食一啖試吓，之後每人仲送咗個金箔香檳啫喱！整體很滿意，staff很有善，well organised，會再番來食第二次。