雲香園小鍋米線

營業中

休息中

雲香園小鍋米線係一間只有一間分店嘅米線店，唔使每次都食連鎖，值得一試！我點咗豬頸肉小鍋米線加螺旋草酸辣湯底開胃豬頸肉軟身，厚度啱啱好，唔會過硬。螺旋草份量足夠，成碗米線真係好大，分量多，食落超滿足！大碗又好味，肚餓時嚟正好！

收藏咗呢間餐廳好耐，話湯底煲左6個鐘，一直想去試，尋晚咁啱喺附近有時間，特登行10分鐘過去，去到嗌咗麻酸辣湯底豬潤墨魚頭紫菜米線。。。飲一啖個湯底，唔得個味好唔夾，唔夠麻，d酸亦唔好味，個湯好似得個咸字，豬潤好嚡好難食，我想話我食過咁多間米線，佢個豬膶可以話no.1最唔好食，墨魚頭冇味，基本上所有餸都係無味，靠個湯，但d餸又唔掛湯，個湯又唔得，無下次。。。。懷疑好食評係買返嚟。第二朝起身就肚痛，屙。。。。本身好少寫食評，但不吐不快

👍🏼尖沙咀漆咸圍係我經常去嘅地方，因為嗰條巷仔有一間酒吧，我經常都會去，所以非常之熟路，我去酒吧之前去咗呢一間 #雲香園小鍋米線 食咗個 #熱拌米線，覺得非常之好食！非常之多選擇，而 #熱拌米線 我最鍾意係夠多汁撈落去，唔會乾爭爭，辣到亦都好多選擇，因為喉嚨有啲唔舒服，所以叫咗個少少辣，下次一定叫佢勁辣嘅再試多次！醬汁已經好夠味？！手打牛肉丸非常彈牙，魚腐亦都好彈牙而且唔腥，生菜夠新鮮，腩肉亦都好夠味撈糯米線非常惹味，雞絲份量都好多，勁大碗，食到飽飽！再加埋熱菊花蜜滋潤一番！滿足嘅一餐米線！下次真係要食吓個湯底，見到隔籬枱個湯底非常之濃郁！👍🏼另外仲有最出名係老細用六個小時熬製嘅湯底，同埋親身學沖奶茶，仲有其他小食㗎，雞翼呀！皮蛋啊！豬頸肉啊！墨魚頭啊！呢啲亦都係我想試嘅嘢！下次一定叫埋friend一齊食！🥹📱二維碼落單非常方便

gym前經過尖沙咀，搵咗間米線食，見到呢款米線竟然有好多唔同嘅配料，都係$65，就叫咗嚟食，仲眼闊肚窄地加咗兩款餸 - 腩肉（+$11）同蘿蔔（+$7） 🤗雲香園米線 ($65)米線可以揀酸辣、麻辣酸辣、清湯；湯底又可以揀淡啲定鹹啲；面要軟啲定爽啲，好有彈性😆我選咗麻酸辣湯底（BB辣），夠酸，唔算好麻辣 ，湯底都好濃郁。米線我揀咗晏啲，都的確唔算淋。而碗米線好豐富，好多餸！🙈 最特別我會揀台灣腸同螺旋藻，冇諗過食米線會有台灣腸，台灣腸煙靭中帶少少甜味；螺旋藻夠健康又咬口。雞翼都好嫩，滷水雞翼比較健康；魚肉春卷同冬菇都係正常發揮。然後諗住之後做gym，所以嗌多兩個餸，（其實唔叫都好夠食🥹）腩肉都正常，肥瘦相間，炆得唔錯；蘿蔔大大塊，吸晒湯底，咬落去幾滿足。飲品：招牌美利奶茶王 （跟餐+$8）奶味好香夠甜但唔會過膩，茶底好香濃，飲落有絲絲回甘，唔錯！好味度：7.5/10🎡餐廳資料餐廳名稱：雲香園小鍋米線餐廳地址：尖沙咀漆咸圍1-3號多福大廈地下B號舖營業時間：星期一至六 11:30-21:00 星期日休息

📍#雲香園小鍋米線 (尖沙咀)尖沙咀漆咸圍1-3號多福大廈地下B號舖▪️▪️▪️▪️▪️▪️▪️▪️▪️▪️▪️▪️▪️▪️作為米線愛好者 當然係繼續發掘香港既好食米線🍜今次搵到呢間雲香園性價比好高，7餸米線都係$65😋✨#雲香園米線 💰$65雲香園米線勁多餸，有台灣腸，冬菇，雞絲，雞翼，魚肉春卷，螺旋草，腐竹，食餸都已經好飽，好彩叫左少米線😛 湯底叫左麻酸辣中辣，落order既時候可以自己揀埋要少酸、多酸及辣度等，酸辣味都剛好😽 米線有彈性，整體都唔錯！✨#麻辣豬耳💰$43麻辣豬耳唔算辣，兩個人share都很不錯，主要以炸蒜蓉調味為主，都幾惹味！▪️▪️▪️▪️▪️▪️▪️▪️▪️▪️▪️▪️▪️▪️

今晚行完尖沙咀，想食米線，就去左雲香園。熱拌米線米線上桌時，香氣撲鼻而來！裡面有花生、榨菜、咸菜同肉碎，還要咗小辣，雞絲和腩肉的搭配都幾好。小鍋米線熱辣辣，要了酸辣BB辣，配料揀了豬紅、豬大腸同蘿蔔，湯底酸辣味十足，非常開胃。湯底熬煮咗6小時，米線吸收咗湯底的精華，正！涼拌墨魚頭口感爽口，墨魚頭同個汁完美融合，吃起來清新又解膩👍👍凍豆漿清新的豆漿味道順口，好解渴😍整體價錢合理，味道都好，米線控可以一試。

想約朋友食飯但又想慳錢平平地食餐就算😬？原來喺尖沙咀新開咗間米線鋪，仲要喺家族打理😮，嘢食大大份🤩，唔怪之得開張幾個月咁快就出現排隊情況～今日平日夜晚19:30已經坐滿人😲！喺門口見到湯底「慢火熬足6小時制」湯底！所以我同朋友一個揀咗清湯；一個揀咗小麻辣（+$1）！落單有3步曲：1️⃣揀麵底：米線、米粉、紅薯粉（+$3）2️⃣揀辣度3️⃣揀餸🐥🥢雞絲螺旋草米線：$52超大碗，非常足料👍🏻！大量雞絲同螺旋草。配料仲有：芽茶、酸菜、韮菜、蔥、芫茜，完全喺健康之選👍🏻～聽老闆講原來喺米線更是罕有地引入優質Q彈的廣西原產地米線，米香四溢。 🥢熱拌紅薯粉：$39（餸：蘿蔔（+$7）&墨魚頭🦑（+$16）份量十足🤩，蘿蔔同墨魚頭超大嚿🤩，完全遮蓋碗內嘅紅薯粉。墨魚頭肉質細嫩且富有彈性👍🏻，蘿蔔完全吸收晒麻辣醬🤤，再撈埋紅薯粉一齊食，非常惹味😋！🐖秘製豬頸肉：$48🥛豆漿：$8總結：鐘意食米線嘅朋友切勿錯過🍲～雖然店內較狹窄，但勝在大碗足料👍🏻！

雲南小鍋米線中毒愛好者又找到一家新的小鍋米線店這間米線店主打一個就怕你吃不飽路線和朋友一起去吃，一人點了一碗小鍋米線我點的⭐腩肉蘿蔔螺旋藻小鍋米線(麻酸辣中辣)朋友點的⭐豬扒小鍋紅薯粉(中辣)碗端上來的時候嚇我們一跳，碗之大，看起來像臉盆湯底走濃郁路線，很夠麻，辣的話我們點的中辣剛剛好(也能自選走酸走麻，都可以自主調)湯底很多肉臊，蘿蔔，腩肉，豬扒分量超級大米線煮得夠軟滑，很掛湯青瓜是放了滿滿的炸蒜泥，也不錯最後問了店員，他說他家米線一碗用370克米線，分量真的多到我後面那桌客人是兩個人吃一碗，味道也很不錯喜歡重口又覺得一般米線店吃不飽的，來尖沙咀可以試試這家

🌟今日又米線🍜癮起，放工嗱嗱臨落尖沙咀試吓呢間新野，自己一個叫咗個招牌雲香園米線 ($65)，配料多多，有台灣腸、冬菇、雞絲、雞翼、魚肉春卷、螺旋草、腐皮、芽芽、酸菜、韭菜、蔥、莞茜。講真真係太大碗好足料食唔晒☺️☺️我最鍾意佢落埋螺旋草，而且個湯底都好夠味，一個人食都食得好滿足😌係食得過既❤️❤️🏠環境：7/10🌟味道：8/10💰性價比：9/10🙇🏻‍♂️服務：8/10📍 雲香園小鍋米線尖沙咀漆咸圍1-3號多福大廈地下B號舖#hkfood#yummy#相機食先#hkfoodie#852food#foodahoilc007#雲香園小鍋米線 #尖沙咀餐廳 #尖沙咀美食地圖 #餐廳推介

▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼經過韓國街突然見到間人龍米線店，二話不說即刻排埋一份🤣非常欣賞餐廳對湯底嘅堅持同執着，慢火熬足6小時，先有高質嘅麵線出品💗多位米線專家都話正，仲唔快啲嚟試吓⁉️🍜雲香園米線（$65）▪️酸辣：中辣▫️腩肉（$11）🍜豬頸肉小鍋米線（$52）▪️清湯：走辣走酸▫️轉紅薯粉（+$3）▪️蘿蔔（$7）▫️豬耳（$11）▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲

🍜🔥 【 雲香園小鍋米線 】 🔥🍜⋄ —————⧫♟⧫————— ⋄又揾到一間正嘢😍招牌「雲香園米線」勁足料：台灣腸、冬菇、雞絲、雞翼、魚肉春卷、螺旋草、腐皮、芽菜 、酸菜、韮菜、葱、芫茜👏🏻湯底超濃郁，好好味😋⋄ ┄ ┄ ┄ ┄ ❖ ┄ ┄ ┄ ┄ ⋄雲香園米線（$65）🌶️酸辣• 中辣🐖腩肉（+$11）豬頸肉小鍋米線💦清湯 • 走辣走酸🥔轉紅薯粉(+$3）🥕蘿蔔（+$7）🐷豬耳（+$11）⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：雲香園小鍋米線 (尖沙咀)尖沙咀漆咸圍1-3號多福大廈地下B號舖

♥ 尖沙咀家族米線店！雲香園小鍋米線 ♥ ✎ (❁ᴗ͈ˬᴗ͈) ༉‧ ♡*.✧ 喜歡的話記得like & follow我喔♥ 由於實在太喜歡食米線，最近有食勻全港出名米線店的想法😆第一站先來到位於尖沙咀的「雲香園小鍋米線」，由家族式打理的足料米線店，每碗米線份量超大份，據聞開張數月已出現排隊情況😱我點了豬頸肉小鍋米線 $52，湯底選擇多樣，有清湯、酸辣以及麻酸辣。我選擇了麻酸BB辣+$1，條脷的確感到微微的麻，湯底是使用6小時大火熬製的豬骨湯，除了麻、酸、辣外，還有淡淡的甜味。🌶️豬頸肉望着好似有點乾，但是食起來很爽腍！😋配菜有芽菜、酸菜、韮菜、蔥、芫荽和豬肉碎。米線更是罕有地引入優質Q彈的廣西原產地米線，可以要求煮得爽點或腍一點。還點了涼拌墨魚頭 $47 ，墨魚頭鮮嫩，搭配特製醬汁，清爽又開胃！ 📍 雲香園小鍋米線 尖沙咀漆咸圍1-3號多福大廈地下B號舖.・。.・゜✭・♥・✫・゜・。.#雲香園小鍋米線 #美食 #米線 #湯底 #香港餐廳

嚟到尖沙咀，行咗入條內街食米線，呢間雲香園夜晚都幾多人排隊，店面唔大～～食物選擇多～我叫咗個豬頸肉小鍋米線，酸辣BB辣，本身唔太食得辣，但係少少辣湯底好食，係新鮮煮六個鐘，轉咗紅薯粉煙煙韌韌，魚肉春卷幾爽彈，豬頸肉軟腍肉質柔軟，我諗呢個係必叫！另外朋友叫咗個豬扒小鍋米線，餸菜揀咗腩肉，都係酸辣BB辣，味道都唔錯～～見到小食吸引，醬拌黃金皮蛋，透明色嘅皮蛋，鋪滿香蒜，香濃入味～仲有四隻生炸雞翼，炸得幾好，真係做到外脆入面嫩滑，有肉汁～飲埋杯凍奶茶，正宗嘅茶餐廳奶茶，茶葉味香濃～

呢間雲香園小鍋米線係一間隱藏喺尖沙咀小巷子裡面嘅家族米線店！湯底每天使用豬骨用6個鐘大火熬制而成，誠意十足～炸醬豬扒小窩米線💰HK$61豬扒表層帶有微微焦香，咬落去柔軟多汁！炸醬亦非常惹味，同米線好夾！清湯湯底鮮甜唔辣！米線係選用咗優質嘅廣西原產地米線，食落去米香四溢，又帶有Q彈嘅口感～魚肉春卷小窩紅薯粉💰HK$47魚肉春卷充滿魚香又彈牙！呢碗湯底就揀咗麻酸辣小辣，酸酸哋又有麻辣味，令人好開胃！紅薯粉煙韌有嚼勁～蒜泥白肉💰HK$47蒜泥白肉超大份！餐廳亦好貼心用熱碟上，熱食嘅蒜泥白肉別有另一番風味～凍鴛鴦💰+HK$8咖啡、奶茶同奶嘅比例恰到好處～熱菊花蜜💰+HK$8味道清新宜人，帶有淡淡嘅花香～

最近知尖沙咀有呢間米線舖，之前一直食開星林x，但佢越黎越唔好食所以好耐都冇再食，出開尖沙咀都只可以食其他野，知道左之後當然要黎試下啦，如果好味之後有著落，第一次去搵左陣先搵到，店舖唔大得十張枱左右，落單職員有禮貌，呢個都好重要，如果第一印象唔好都唔想再食，好快有得拎，返到屋企加熱後唔記得影相，唯有只影收據啦麻酸辣小辣，雞絲米線，雞絲係去左皮雪花嗰隻，份量適中，湯底入口有啲麻嘅感覺，不過好快就散左麻酸辣中辣，雲吞米線，雲吞有3粒不過就唔大粒呢間米線店個湯底都算好味，米線份量算多，以為會唔夠飽點知好飽，2碗都唔夠辣下次要再向上挑戰啦