雲香園小鍋米線

營業中

休息中

準備飲嘢，都要打底，唔想食太多，想食碗米線，原來尖沙咀都有名店，不過就搵得有啲耐……睇下餐牌有咩食先重慶酸辣米線 麻酸辣$37 豬膶+$9 芫荽+$9 芥蘭+$7 豬耳+$11（走肉碎、 少粉、 淋啲）=74湯底重酸，一樣帶有麻辣，係重慶酸辣粉嘅味道，變成淋米線，又幾夾。豬膶同豬耳都爽口，都同呢個湯底夾。熱拌米線$39 螺旋草 +$9 雞絲+$9 雲吞+$9 （走芫荽、 辣度-小、爽、走酸菜）=66呢度其中一款最受歡迎嘅配料組合，既然叫左一碗湯，所以試下叫撈。米線麻多過辣，配合榨菜，係一個重口味配搭。螺旋藻正常發揮，雞肉本身無調味嘅，又撕得好碎，好適合融入濃味嘅米線。雲吞細細隻，皮薄餡靚，包左少少白菜豬肉，覺得唔錯。油菜 通菜 走汁 $16菜唔算過腍，走汁好似好清淡，不過咁樣適合我地浸湯食。手拍青瓜 $23呢個最有驚喜，用蒜油浸住啲青瓜，醋係分開放，接近無辣味，都可以做到非常舒服開胃嘅味道。凍咸檸七 $11凍菊花蜜 $8總數：$198

放工去咗等契女放學，佢好叻叻讀聖Mary，喺佢附近搵個地方食嘢坐低等佢。尖沙咀漆咸圍有好多小店，經過雲香園小鍋米線，被五光十色的招牌米線吸引，尤其是寫住 湯底 慢火熬足6小時，衝入去坐低。睇到介紹，湯底新鮮熬煮6小時，好有 heart，老板介紹仲話親身學沖奶茶，每杯奶茶都溝幾款茶葉沖製，是正式茶餐廳奶茶，我又叫返杯嚟試吓，果然有驚喜。小鍋米線：魚肉春卷+ 腩肉只要喜歡食米線嘅人，見到個酸辣湯底嘅顏色，未食都已經只係好嘢，再飲一啖湯添！真係不得了，酸辣湯底惹味配合，材料豐富熬煮6小時，招牌靈魂湯底。腩肉限量發售，售完即止。來自廣西米線，好滑好彈，煙靭非常開胃。牛腩小鍋米線雲南小鍋米線，即叫即煮。酸辣@小辣非常惹味，小鍋米線超級多配料，有芽菜，酸菜，肉碎，韮菜，蔥，芫茜，真的辣有豬肉碎，口感都很豐富。豬軟骨、牛腩，味道夠濃厚，牛腩軟腍入味，豬軟骨非常爽口，好受歡迎，容易賣晒，吃完好滿足啊！酸辣湯底果然是招牌，啱晒我口味。炸雞中翼（4隻）價錢合理，炸雞中翼皮脆肉嫩又多汁，雞中翼醃得好入味，搭配上甜辣汁，惹味十足。醬拌皮蛋滿滿自家製的醬汁，皮蛋軟綿綿，第一次食充滿蒜香味，涼拌適合夏天享用。凍奶

👫🏽~ 𝐵𝑒𝑒𝑟𝑃𝑖𝑔 𝑅𝑒𝑣𝑖𝑒𝑤 ~👫🏽【 尖沙咀隱世米線·極足料高性價比 】#BeerPig · #啤酒豬 · #酒肉朋友·—·—·—·—·—·—·—·—·—·—·#🍻🍖 質素：🍜雲香園米線｜$65配料｜台灣腸、冬菇、雞絲、雞翼、魚肉春卷、螺旋草、腐皮｜湯底可以揀酸辣湯，小編食既係BB辣正常酸，湯底好濃郁，米線彈牙，整碗份量大得驚人🙉兩個人食都應該無問題，有大量既雞絲同螺旋草，索曬啲湯食得好過癮😋雞翼同春卷都大大件，非常足料～呢個價錢抵食！！🍜涼拌米線（無湯）｜$39配料｜花生、榨菜、酸菜、肉碎｜夏天熱到出曬汗唔想食湯麵亦有選擇～可以食呢款涼拌米線，米線會更加爽口，每啖都掛到汁🥘蒜泥白肉｜$47呢到既蒜泥白肉係十分之好食👍🏻👍🏻👍🏻👍🏻👍🏻蒜泥味道好突出濃烈又夠多，腩肉大大塊，可以卷住蒜泥咁食😋仲有個超推薦食法～🌟涼拌米線加蒜泥白肉🌟令涼拌米線再加多陣香辣😋食完口臭都抵食🥘秘製豬頸肉｜$48同埋份量好大，係每一塊豬頸肉都大大塊而厚身，每啖都好有口感🥤凍檸樂｜+$11最後緊係要飲番杯凍檸樂gur gur佢先夠爽😝·—·—·—·—·—·—·—·—·—·—·🍻 #雲香園小鍋米線 🍖📍尖

今日鋪米線癮又嚟啦，經過尖沙咀見到呢間米線舖好吸引就入去試吓，點知好有驚喜！🍴 手打牛丸、魚肉春卷、豬頸肉重慶酸辣米線 ($73) + 雞絲、冬菇、蘿蔔清湯小鍋米線 ($59) ⭐️⭐️⭐️⭐️我叫咗個重慶酸辣湯底，酸酸辣辣好開胃，夾埋彈牙嘅米線真係好易就清晒一碗！餸就揀咗幾款多人推介嘅，牛丸、魚肉春卷都好好食。但講到最推薦都係豬頸肉，好香口而且外邊炸到脆脆地，真係食到唔夠喉！朋友就嗌咗個清湯，睇返招牌寫住所有湯底都係慢火熬煮六個鐘，難怪都讚個湯底夠鮮！佢都覺得全部餸比得好足料，尤其讚個蘿蔔好鮮甜。🍴 生炸泰式雞翼 ($36) + 生菜 ($16) + 凍檸茶 (+$8) + 凍奶茶 (+$8) ⭐️⭐️⭐️⭐️外皮炸到好脆，入面肉汁仲保持到，必食之選！生菜正常水準，食完辣野食d菜係正確嘅選擇。值得一提嘅係杯奶茶，因為係老闆娘親身去學沖奶茶，而且係用幾種茶葉沖製，係正宗茶餐廳嘅奶茶，所以係必叫！.............................. 雲香園小鍋米線地址📍:尖沙咀漆咸圍1-3號多福大廈地下B號舖總評分: 8.4/10 ..............................

📍 雲香園小鍋米線 (尖沙咀)📍 尖沙咀漆咸圍1-3號多福大廈地下B號舖今次試咗兩款小鍋米線，真心有驚喜！🟡 清湯米線配腩肉、魚肉春卷湯底清爽唔油膩，夠晒清甜，飲得出用心熬製。腩肉煮得軟腍入味，唔會肥膩，魚肉春卷炸得脆口但唔油，配搭得宜，令整碗米線層次更加豐富。🟡 酸辣米線配腩肉、炸醬酸辣湯底味道好平衡，酸味開胃，辣度剛好唔會嗆喉，配炸醬更添惹味層次。腩肉依然保持水準，爽滑唔鞋口。鍾意重口味嘅朋友一定會鍾意！整體嚟講，環境簡潔、出餐快，價格親民，係尖沙咀區內一個高性價比嘅地道選擇。下次會想試埋佢其他口味！

Sweet potato vermicelli noodles 小窩紅薯粉 $71餐廳嘅小窩紅薯粉相當出名，裏面除咗有香噴噴嘅韭菜、蔥花🌿同埋芫之外，另外仲加咗魚腐🐟、冬菇片🍄‍🟫、健康又份量超多嘅通菜同埋養生螺旋藻，湯底酸酸辣辣🌶️，夠晒刺激，而晶瑩剔透嘅紅薯粉口感彈牙，成碗嘢食好高質，值得推介👍🏻Chicken and spirulina noodles 雞絲螺旋藻米線 $95 呢一碗雞絲螺旋藻米線確實唔錯，米線本身有大量雞絲、螺旋藻、蔥花、芫荽、韭菜、芽菜，另外加幾款餸，包括有補血嘅豬紅、自家製手工雲吞🥟、爽口彈牙嘅貢丸、蟹柳🦀同埋好入味嘅蘿蔔粒🥕，超級豐富Lettuce 生菜 🥬 $16健康嘅生菜可以按個人喜好揀配腩汁或者蠔油，生菜清甜爽口，份量又好足料，係嗰幾正嘅小食！

🍜小窩薯粉 ($37)有日行行吓尖沙咀經過呢一間米線店，就決定試吓啦，不過講真個位都幾隱蔽下😹鋪面唔大，當日平日夜晚去食要同人哋搭枱，仲要面對面咁食確實有啲尷尬🤣小編同朋友都嗌咗小窩薯粉，另外自己再加配料，特別推薦豬頸肉同埋腩肉，整體個湯都幾入味，同埋份量超級多超級足料，食完極飽😳.🥚醬拌黃金皮蛋 $27小食本身諗住嗌涼拌墨魚頭，非常可惜當日已經賣晒，咁就試咗雲耳同埋皮蛋😙佢哋嘅皮蛋係透明嘅，唔係譚仔食開嗰啲，幾特別而且好重蒜味，重口味人士必叫🥰.💰人均消費～$100.🍽味道：3/5🏙環境：3/5👨🏼‍🍳服務：4/5💧衛生：3/5💰價錢：4/5

收工餓到唔想諗，入到餐廳即叫：雞絲螺旋草菜底❤️ 酸湯 走辣有酸走肉碎 真係營養人士必點！ 湯底唔油，仲可以走米線轉菜底❤️，係生菜，雞絲口感實在夾埋軟滑既螺旋草一齊食，好滋味。另外叫左 豬紅❤️零腥好煙UN 豬濶❤️爽口唔起砂 冬菇❤️大大隻好入味 雲耳❤️爽脆 芥蘭❤️ 墨魚頭❤️係MVP！必點之選～仲要份量都唔小！！小鍋紅薯粉 酸湯 走辣有酸❤️豬軟骨❤️肥瘦岩岩好 雞翼❤️惹味可口牛腩❤️啖啖肉 食肉獸一定好滿足 金錢肚❤️爽 彈冬菇❤️豬紅❤️豬潤❤️紅薯粉好掛湯汁，食哂成碗真係好夠飽！

雲香園米線 $66 友人簡左全走 + 麻酸辣 - 小辣 配料有勁多，台灣腸、冬菇、雞絲、雞翼、魚肉春卷、螺旋草、腐皮、芽菜、酸菜超級多😂呢個男士必叫👍🏻 小鍋紅薯粉$53 酸辣 （小小辣，少酸，走芫茜)黑魚頭 - 爽口彈牙我只係叫一個餸，但都有成8-9粒，我食極都有，份量好多，辣度我以為會好辣，點知小小辣，即係得好小好小辣，如果食開譚仔3小 ,建議呢到叫小辣🤣 ✅湯底酸辣比麻酸更好食😋🥗油菜 有幾款菜簡，我簡左通菜配腩汁$16 如果佢有腐乳通菜會更好🤣不過通菜配腩汁比想像中好味，都唔差。

.我曾經講過我要食勻全個香港嘅米線😌真係好鍾意食米線唔知點解🤣唔知有冇人好似我咁咁鍾意食米線呢😌雲香園招牌米線嘩！呢碗米線真係掂過碌蔗啊～😍 一上枱已經聞到陣陣酸辣香味🔥，湯底係靈魂所在！酸味夠醒胃🌶️，辣度可以自己揀👍🏻小辣已經好過癮😉仲有勁多料：雞肉嫩到識發光✨、腐竹吸晒湯汁💦、仲有脆卜卜嘅炸醬肉碎！米線本身煮得啱啱好，彈牙唔會糊🤤 飲埋啖湯🌿涼拌雲耳🌿呢碟涼拌雲耳絕對係夏天救星❄️一啖咬落去『索索聲』脆到冇朋友😂 蒜香味爆燈🧄，醋嘅酸度調得超平衡👌，仲有啲微微麻辣吊味🌶️～最正係加咗少少芫茜同芝麻，香氣層次即刻升level🚀！食完成個人涼浸浸，同濃味米線係絕配啊！抵食到笑🤣📍雲香園小鍋米線 (尖沙咀)尖沙咀漆咸圍1-3號多福大廈地下B號舖

[✨尖沙咀雲香園· CP值爆燈嘅米線餐廳］#尖沙咀 #雲香園小鍋米線 #米線🥢小鍋米線+豬頸肉+豬大腸 $ 63超級推薦秘製豬頸肉，煎得香口，份量多；豬大腸係滷水嘅，入味軟腍。🥢小鍋米線+手打牛根丸+豬潤+腩肉 $ 63手打牛筋丸彈牙；豬潤新鮮，係黃沙豬膶嚟嘅；腩肉切到細細件咁厚薄適中，必試！🥢炸雞中翼 (4隻) $32雞翼啖啖肉，配上泰式辣醬，惹味又開胃。🥢腩汁油菜 $16新鮮，大大碟，健康之選🥢凍奶茶 跟餐+$8聽講係老板親身學沖奶茶，每杯奶茶都溝幾款茶葉沖製，是正式茶餐廳奶茶，特別推介，香濃滑身————————♡♡♡♡♡♡————————✨總結米線湯底新鮮熬煮6小時，CP值爆燈嘅米線餐廳，份量同味道都係一流！小食水準亦唔馬虎，簡簡單單嘅食材都發揮得好出色🥰💗📍雲香園小鍋米線 (尖沙咀)🏠尖沙咀漆咸圍1-3號多福大廈地下B號舖#jmhkfoodie #hkfoodie #hkeat #hkeats #hkfood #hkig #hkgirl #food #hongkongfood #hongkongfoodie #852food #香港美食 #香港食評 #香港餐廳 #為食港女 #尖

食米線去嗰兩間連鎖繫好正常嘅，但係如果唔係特別鍾情於佢哋嘅湯底，喺性價比嚟講，我覺得小型啲嘅呢一間，質素絕對繫有過之而無不及。 🍖先講米線，材料方面，呢間絕對系講得上非常豐富，我叫咗佢嘅雞絲螺旋草女士，再自己配搭幾種配料，牛丸，雲吞，豬腸，結果嚟到成碟脹起晒，成座山咁。而且味道非常唔錯，豬腸非常入味，又好夠腍，又冇多餘嘅味。牛丸夠晒爽，雲吞嘅菜肉餡好足，食落成口豐富嘅香氣。最誇張係螺旋草同雞絲無處不在。 🍖你睇咗圖片有可能會話，其實系啲芫茜太多搞到好似好多咁。咁就要平反一下啦，朋友個麵佢叫咗豬扒同埋魚片頭小鍋米線走芫酋，你睇吓個碗，都係滿滿一碗咖。豬扒又煎得淋滑，魚片頭好有咬感，非常實在。 🍖小食，我哋叫咗墨魚嘴同埋通菜。墨魚咀好爽，我朋友話上邊個醬好味，唔知系乜嘢嚟㗎呢？我輕描淡寫咁話系蒜蓉，聽落好似得啖笑，其實我想講嘅係，材料處理得宜，最普通嘅醬料都可以變得加倍美味，由此亦都足見唔小店嘅用心。

今晚專程到漆咸圍的雲香園，叫了一個雲香園米線，一個怕辣就愛清湯底，另一個就愛小辣的酸辣湯底。餸和米線的份量都頗多，餸料有冬菇、台灣腸、雞翼、雞絲、腐皮、魚肉春卷等等。台灣腸比較鹹，雞翼好味，魚肉春卷就非常一般，腐皮和雞絲都好吃，其他餸料都算多，味道就不過都是一般。整體來說，環境就一般小店形式，當然沒有服務，所以沒有+1收費。米線清湯底味道就一般，若果喜歡酸辣湯料就幾特別，酸辣湯底有肉碎，而且比較惹味。

如果係尖沙咀想食米線，好多時都會揀番連鎖店，但有一間隱世的雲南米線店雲香園。雲香園有三個重點推介，首先就係份量，真係超級大碗，基本上一碗可以兩個人share。餸料都唔少，今次叫蘿白都有好多舊。其次就係湯底，一碗米線成敗首先係湯底，呢度主打湯底煲超過6小時的豬骨老火湯，飲落去真係好順口，完全唔會口渴，證明係無用到味精。另外，湯底夠濃郁，係正宗雲南醬香的味道。最後就係餸料推介，首推豬軟骨，炆得超稔，最怕就係食到軟骨好硬，但呢度的軟骨已經炆到軟晒，豬軟骨肉就好易咬，加上入晒味，基本上必叫。

雲香園小鍋米線 (尖沙咀) 呢間小店既米線湯底新鮮熬煮6小時😍 我叫左一碗雲香園米線 $65 ，再加$9 雲吞😋雲香園米線已經包左好多餸，包括台灣腸、肥厚既冬菇、雞絲、滷水雞翼同埋魚肉春卷等，好豐富喔～～ 湯底金黃色好鮮甜，飲左都唔會覺得口渴👍🏻另外叫左杯凍奶茶，呢間小店既老板親身學沖奶茶，每杯奶茶都溝幾款茶葉沖製，所以係正式茶餐廳奶茶，茶底果然好夠香濃😋👍🏻小食都有好多款，今次我揀左涼伴雲耳 $23，份量好多，好香蒜味，醋汁好開胃～地址:尖沙咀漆咸圍1-3號多福大廈地下B號舖