雲香園小鍋米線

宜家天氣凍凍地，想食又辣又熱嘅米線，睇到哩間店鋪唔錯，咁試試。晚市好full，睇落似附近街坊，好旺。美利奶茶王，睇牆上介紹，老闆親自去學沖奶茶，每杯奶茶都特選幾種茶葉沖制而成，比得過茶餐廳奶茶質素。呢杯奶茶確實唔錯，茶味幾濃郁，飲落順滑冇澀口。奶同茶嘅比例啱啱好，唔會太甜。凍檸檬茶，套餐加配，檸檬落得夠多，飲落有果香同微酸，同紅茶底幾夾。食辣嘢，真係要飲番杯清爽凍檸茶才得。烤臺式小香腸，小香腸烤得幾香口，外皮有少少脆，咬落去有肉汁。味道系典型嘅臺式甜味，唔會太鹹，小食黎講唔錯。雲香園米線，揀咗酸辣湯底，哩碗米線配料勁豐富，有雞翼，冬菇，雞絲，魚春捲等。湯底絕對係靈魂，每日落足料煲制，仲要熬煮6個鐘。湯底酸辣度啱啱好，飲落幾開胃。幾款配料各有特色，雞翼鹵得幾淋，冬菇同雞絲軟嫩，酸菜爽口，蔬菜新鮮鮮甜，米線索咗湯之後更好食。熱拌米線，配料加咗墨魚丸同肥牛。熱拌米線同湯米線又係唔同風味，撈汁酸辣惹味，再落入香菜榨菜肉碎等配料，米線爽口醬香濃郁。肥牛份量都幾多下，入口牛味十足，墨魚丸彈牙爽口，全碗食曬真係好飽。…查看更多

🍜 雞絲螺旋藻酸辣米線我嗌嘅係雞絲螺旋藻酸辣米線。螺旋藻米線色澤翠綠，入口滑溜又帶少少嚼勁，唔會太膩。湯底酸辣度恰到好處，酸味清爽，辣勁刺激但唔會過火，飲落仲有層次感。雞絲份量足，肉質嫩滑，吸晒湯底嘅精華，令成碗米線更加惹味。食到尾段，酸辣味仲帶出螺旋藻嘅清香，感覺健康又滿足。🔥 豬頸肉麻辣米線朋友嗌嘅係豬頸肉麻辣米線。麻辣湯底一上枱就聞到濃郁花椒香，入口麻而不燥，辣味厚實，令人一口接一口。豬頸肉切得厚薄適中，脂香同肉香交織，燒得微焦帶脆，配合麻辣湯底，真係好正。米線吸晒麻辣湯汁，食落勁有勁度，辣得過癮。🌟 整體黎講雲香園嘅米線選擇多樣，特色湯底同配料都好有心思。酸辣同麻辣各有風味，前者清爽開胃，後者香麻過癮。加上食材新鮮，米線口感佳，真係一間值得再訪嘅米線專門店。…查看更多

今日我同朋友去咗雲香園食米線，心裡充滿期待。進入餐廳，環境整潔舒適，服務員都好熱情。我哋即刻決定試下佢哋嘅招牌麻酸辣米線，呢碗米線真係一見鍾情，色彩豐富，香氣撲鼻。麻酸辣米線米線上係豐富嘅配料，包括嫩豚肉、香菜、花生，仲有微辣嘅醬汁，麻味十足，讓我一碗接著一碗。辣味唔係好烈，對於愛食辣嘅我真係剛剛好，可以體驗到米線本身嘅味道，唔會被辣味掩蓋。接住我哋又叫咗啲台灣腸，口感柔軟，咬下去有Juicy嘅感覺，搭埋一啲蒜蓉醬更添風味！味道唔濃烈，食落去幾舒服。油菜嘅新鮮程度真係值得讚賞，青翠欲滴，口感脆口，配合米線一齊食，口味更加豐富。飲品方面，我哋選咗凍檸檬可樂，呢個飲品真係開胃，檸檬的清香和可樂嘅氣泡好好配。仲有一杯熱菊花蜜，味道清甜，絕對係解膩嘅好選擇，尤其係食咗重口味食品之後。蒜泥白肉另一道推薦嘅菜式係蒜泥白肉，肉質非常嫩滑，蒜泥醬沾得啱啱好，一啖一啖都充滿風味，搭配一道新鮮嘅黃瓜，更加清脆可口。小鍋米線我朋友叫咗小鍋米線，佢隨心選擇咗清湯作為底湯，完全唔辣唔酸，唔會太膩，讓米線嘅米香更突出。米線質地滑溜，加上各種自選配料，真係幾滿足。…查看更多

呢日突然想食粉麵類，就喺openrice搵下附近有咩麵食，發現原來呢條橫街有間米線，睇落ok就過嚟試吓。午飯時間大約1點嚟到，店舖入面得返3個位，其他全部都係學生，估唔到咁多學生，反而未見上班族嚟食。叫咗個小鍋米線，係$34，加咗塊豬扒$16，再加咗魚肉春卷$9，total就$59，價錢都還合理，而且以尖沙咀嚟講。由於叫米線一定要至少揀兩個餸，所以可以只叫米線再加兩個餸，因為預設好嘅豬扒米線都係$50冇平過，但我之後就需要再叫多個餸。米線都幾大碗，個碗好大，而啲米線都唔少，塊豬扒好大塊，成個碗咁大，魚肉春卷係一條剪開咗三四舊。我哋3個人，另外再叫咗份豬頸肉同炸雞翼嚟試吓，上網睇見佢呢兩樣嘢好似幾出名，同埋炸得幾靚。豬頸肉偏瘦同乾，但炸得脆，不過唔係一片片，而係一條條。炸雞翼都好脆，都算大隻…查看更多

Beef hotpot rice noodles 肥牛小窩米線🥩 $86呢一款少少辣嘅肥牛小鍋米線好受歡迎，除咗有牛肉味好重嘅肥牛之外，仲叫咗補血嘅豬紅🩸、養生嘅螺旋草🌿同埋燒過而且入味嘅高質素豬頸肉🍖，配埋香噴噴嘅芫荽、香蔥一齊食，飽肚又滿足🤍➌ Sweet potato vermicelli 小窩紅薯粉 $55大大碗嘅小窩紅薯粉性價比好高，今次叫咗魚肉味濃厚嘅魚腐🍢、健康嘅原粒新鮮冬菇🍄‍🟫做配料，配上大量嘅爽口芽菜、韭菜🌱、夠晒開胃嘅酸菜真係好正，紅薯粉又晶瑩剔透，口感超彈牙，而homemade 湯底用慢火熬製6小時🔥，夠晒真材實料，確實值得推介👍🏻🤍➍ Cold dried black fungus 涼拌雲耳 $23 冷盤拌雲耳面頭用咗大量蒜蓉🧄，芬香撲鼻，而下面墊住好多爽口雲耳，辣辣地好惹味😋，係一款可以同朋友share嘅唔錯小食！…查看更多