雲香園小鍋米線

營業中

休息中

如果係尖沙咀想食米線，好多時都會揀番連鎖店，但有一間隱世的雲南米線店雲香園。雲香園有三個重點推介，首先就係份量，真係超級大碗，基本上一碗可以兩個人share。餸料都唔少，今次叫蘿白都有好多舊。其次就係湯底，一碗米線成敗首先係湯底，呢度主打湯底煲超過6小時的豬骨老火湯，飲落去真係好順口，完全唔會口渴，證明係無用到味精。另外，湯底夠濃郁，係正宗雲南醬香的味道。最後就係餸料推介，首推豬軟骨，炆得超稔，最怕就係食到軟骨好硬，但呢度的軟骨已經炆到軟晒，豬軟骨肉就好易咬，加上入晒味，基本上必叫。