雲貴風正宗雲南米線

營業中

休息中

🌶腩肉米線中酸辣$30🌶🍜冬菇米線中麻辣$29🍜🥟白菜餃子扎肉清湯$36🥟.這家的辣湯底很濃味，適合重口味人士🙋🏻‍♀️ 香料味道很明顯😍三碗入面有兩碗都點了中辣，一邊吃一邊流鼻水🤢😂湯底偏油，所以掛汁力亦不錯，每口都能嚐到香辣味🤤餸呢方面🧐腩肉不算出色，質感太嚡又乾🙊水餃幾好食，皮唔算好薄，但肉汁鮮甜惹味😋扎肉同冬菇正正常常無乜特別~.食物質素: 🌕🌕🌕🌕🌑食物顏值: 🌕🌕🌕🌕🌑性價比: 🌕🌕🌕🌕🌑回頭率: 🌕🌕🌕🌕🌑

作為米線控嘅我，屯門區嘅米線我都試咗好多間，呢間我都會推薦。佢嘅湯底最好食我覺得係酸辣，比起麻辣出色，佢嘅酸係由酸菜去吊味，都幾開胃！揀餸方面，我通常都會揀麻辣雞，因為係佢嘅主打。不過我覺得雲貴風嘅水準好睇廚師，試過佢12點開舖去食，嗰碗麵個湯底完全同平時食嘅唔同，所以睇你好唔好彩了

雖然舖頭睇落去唔係好出名， 而且亦都冇好特別嘅裝修。但係環境夠為好。因為啲員工好落力去清潔，而且送餐嗰陣都見到食物幾好。 最緊要光線又夠，唔會黑蚊蚊咁樣食嘢。XDXDXD

呢間米線小店係朋友介紹，食左一次就愛上❤️店鋪無咩裝修，睇鋪面都未必吸引倒我入去食，座位只得廿多個，食飯成日都要等位架！一直都想佢開多間或者擴大啲，近年終於開左分店喺元朗，不過都係總店最好味墨魚丸酸辣小鍋米線，墨魚丸係台式既花枝丸有三粒。米線比較租身，軟硬適中，辣度比普通既米線鋪再辣啲，我食小辣已經夠酸度同辣度好平衡，湯底既味道真係喺其他地方食唔倒！每次食都差唔多飲哂啲湯雖然係有小小污糟，不過味道搭夠，入黎屯門必食

哩間野真係食過好多次，基本上一個月都會食一次今日第一試打電話叫外賣🥡轉頭落去拎，我已經打完電話隔左10分鐘左右先落去，點知落到去都仲要等嘅！都未正好，我眼見係我落到去先剛剛正囉！因為吾見有包裝好嘅外賣打得電話落叫外賣🥡話轉頭拎就係吾想係門口等，一落到去就有得拎嘛！點知都係要等，真係好差佢啲大，中，小辣米線🍜確實係好食仲有可轉拉麵🍜同烏冬都好食嘅！但係啲員工態度真係好差同做野好慢，有時真係好嬲唔幫襯佢，直頭好似唔憂做咁！啲客轉換幫襯佢隔離間小鍋米線🍜佢地都無所謂真係唔怕無客囉！仲有坐位亦坐得好吾舒服，枱興枱之間太近，坐低/起身走都要睇住小心正倒人不過有一次幫襯過佢有間分店係元朗就好好多喇！元朗分店就無以上所講問題喇！

呢間係一間好出名既米線，每次跳完舞好多時候都會同班dance crew去醫飽個肚。雖然佢坐得唔係好舒服，不過野食質素係冇得輸既。每次都叫腩肉米線，每次都好高水準，十分值得去再食多次！

食開呢間米線十幾年，無論紅橋開幾多間米線舖都好，呢間舖幾多人排隊又好，坐位又幾迫都好！我始終都鐘意食雲貴風米線！因為佢個湯底真係好正！但去到今日決定唔會再食了，兩三次食豬腸，豬潤都肚屙……！有乜可能咁明顯既污糟野係豬腸內，都可以睇唔到比客人食？侍應即刻解釋話 佢地洗得好光淨，冇可能發生！ 我搵筷子輕輕篤開豬腸d污糟野，就好易篤走！返到屋企就屙足成日……仲要唔係一次 係兩次都係咁……好明顯洗豬腸都懶得洗，反轉條豬腸洗都咁懶……最後一次去幫親，侍應好明顯玩野，叫小辣就比特辣我！老闆娘就掛住出糧出現金比侍應……好懷疑呢間野出糧是否冇報稅及強積金！冇人招呼我！結果我擺底錢 食左一啖既情況下就離開，幫親左十年，係時候要離開了！做到出左名，跟本就唔會理食客死活！

夜晚黎食雲貴風，舖頭一聽麻雞腩肉生菜米線小辣加蔥+豬頭肉腩肉米線小辣加蔥，就知呢個係熟客常叫既配搭。麻雞唔係晚晚食到，通常730勻左右就會冇哂，麻雞呢個餸最好食係洋蔥，吸哂味，又夠甜。腩肉就炆到夠鬆化，但水準比較飄忽。豬頭肉呢個餸就好少地方有得食，但叫呢個餸要小心，因為會令個湯油左辣左，所以叫個陣個湯要減一個辣度。呢度既米線偏濃味和油，可能會食唔慣，配一杯走甜凍檸茶解一解膩可能會好d。另外，食過咁多次，唔知點解總係中午食湯味道好淡，夜晚就好濃。純粹經驗分享。呢一晚非常滿足。=)

位於屯門紅橋 井財街 這間隱世美食米線《雲貴風》，經常來成日都要等位，因為價錢唔貴，而且足料。腩肉米線 加韮菜雲吞腩肉選了(辣) ，但米線選了不辣這樣就會有少少辣味，但又唔太過辣。我食過咁多間米線店的腩肉， 真係尼間最出色， 因為豬腩肉 忟得好淋而且夠瘦，又唔會韌, 韮菜雲吞有2粒都大粒， 每粒入面材充足，湯內會有其他配菜如酸菜，肉碎，芽菜等 有很多餸菜，自由配。就咁一碗堂食都唔過30蚊，但我通常最少食2個菜。另一碗係 豬腸腩肉米線 叫左小辣但看上去都辣ge, 下次怕辣的朋友就叫小小辣吧， 豬腸口感夠滑，煙韌，唔會有醒味。店子小小的美食米線，抵食份量足夠，所以雖然要等位，但都常來幫襯。

雲貴風一路都係我最喜歡的米線鋪😍!!!!!!!!!平均一星期都要吃一次。雖然環境一般，小小污遭，同基本上都一定要同其他人搭枱😂但酸辣米線真係好岀色，連鎖米線鋪真係比唔上！所以環境惡劣都要去食！😂有時夜晚10點11點都有人排隊，好誇張！😂😂😂炸醬 雲呑都好好味！😋😋😋男朋友就喜歡豬耳豬腸，不過個人覺得腩肉一般，好硬。☹️麻辣雞肉都唔錯，但份量較小。米線都煙un有咬口，唔會話淋到爛哂！跟湯的肉碎都好足料，真心推薦大家試下！😋

以前係附近讀書,已經經常黎呢到食佢嘅米線， 因為佢個湯底甜酸菜又好酸，最適合搭米線又啱我食。叫雲貴嘅米線鋪真係到處都有，但食完會介紹俾人嘅真係一隻手數得晒。其實我下午兩點去食，鋪頭都仲係full晒，可見有番咁上下實力。餐牌選擇唔少，樣樣都好想試，次次食車仔麵都好想叫好多餸佢有一餸米線再加餸咁叫又或者叫湯底再叫餸。好似前者低啲。最後係叫咗酸辣湯底少辣加雞翼蘿蔔，佢個蘿蔔真係好鮮甜，煮到透明，好想叫份淨蘿蔔，雞翼就普通但湯底好甜雖然係酸辣但佢係酸係啲酸菜到，啱我

已經好耐無去呢間舖度食嘢，所以就今日去食下，本身都抱住好大期望去，叫左碗炸醬腩肉米線，個賣相同以前差不多，食之前就睇下份量如何，發現米線份量少咗好多，試埋啖湯就發覺小辣已經係唔辣，全碗米線最值得讚就係辣椒油仲係好香，其他餸就一般，整體比以前水準差，下次試埋元朗分店睇下水準如何。

The shop has been there for some time.  They now have finally put up glass walls to allow the cool air to stay in the shop.  They also have put up two new A/C units.  You would know that these are basics for any dishes that has the word "numbing" spicy attached.  This time, I went during late evening.  So the temperature in the shop was bearable.  It was very hot in the past before all these upgrades in the shop.  I arrived a bit early at around 7:00 PM, but there was no wait at all which did no

服務態度超差！我地本來叫左碗「酸辣」＋「麻辣雞肉」米線，點知佢比左碗「麻辣」＋「雞肉」米線。問返個落單阿姐果陣，佢好惡咁話「覆左你地3次先落單！」我都知做飲食，聽錯，落錯成日都有，唔換咪唔換，唔洗鬧人嘅但明明個阿姐第一次拎住果碗「麻辣」＋「雞肉」米線去上枱，都唔係派落我地張枱度，佢第二次走過黎問我地要乜米線，先再拎返頭先果碗野黎我地張枱度。可能佢地整錯野又唔想倒，先焗住上果碗米線比我地。唔想blacklist佢地，但無必要都唔會再去食。

今日難得一早放工，就去咗位於虹橋嘅米線店雲貴風，呢間店喺屯門區好出名，每次經過都見到門外多人排隊，店舖空間不大，大約有20個座位，呢度除咗米線仲可以選擇烏冬、刀削麵、拉麵 ，我叫咗個麻辣米線加炸雞翼，辣度選擇咗小辣，紅色嘅麻辣湯底配有肉碎、酸菜、芽菜和韭菜，味道香濃麻辣帶點酸味，米線也煮得剛剛好，軟硬度適中，因為味道太正，爭啲連湯都飲埋。不過炸雞亦都係一般，炸得比較乾身。整體質素高，價錢相宜，米線加炸雞翼加飲品都係42蚊。