雲貴軒米線專門店

營業中

休息中

有時食物不僅食其味道, 人情味也是吸引食客返兜一大要素, 這間米線店自 2013年開店以來一直幫襯到現在, 主要是食物和奶茶味道沒隨時間而有所改變, 服員全部熟口熟面, 零舍親切。我對食物和人一樣, 啱口味的會好專一, 由2013 – 2016也是吃脆猪仔猪扒餐, 價格由 $26到今天的$34 未曾變心, 亦可能其價格升幅不過份吧。早餐選擇何其多! 啱晒花心客人, 可以次次不同。跟餐的茄湯米線/通粉絕不馬乎, 茄湯不是味增湯, 有鮮茄肉、紅蘿白、栗米等蔬菜, 均衡飲食。脆猪仔猪扒餐 $34猪扒大大件, 醃得入味, 有 order 才即炸, 香氣飄逸, 炸得香脆可口, 卻不失肉汁。脆猪仔脆猪仔上台熱膝膝, 皮脆內軟。我最愛切一小塊猪扒夾在脆猪仔內, 香脆美味的猪扒脆猪即成, 食得, 你看…猪扒肉汁可見的。奶茶有茶味兼順滑, 比起 3 大連鎖快餐店好渴好多……茶濃但嚡口。

放學去咗呢間食， 唔算等得太耐，勝在夠方便 之後叫咗個蟹子丸番茄湯米線，佢做番茄味好濃郁，而且冇over到 特別一讚係佢杯凍檸茶，我未飲過一杯咁好飲嘅凍檸茶，佢個味道啱啱好 呢間好值得再幫襯，價錢合理，大人小朋友都啱食

呢間成日都食，勝在夠近地鐵站，超方便平時食lunch都有人排隊，不過唔洗等好耐佢杯凍檸茶真心好飲，喺出面唔會揾到咁好飲佢嘅番茄湯米線好正番茄味夠濃又唔會over咗佢個餐唔算太貴比起其他，好啱學生哥食

I went there ard 6:30pm, so no need to queue for a seat. The steak dinner set go with a drink and dessert. I like the side dish better than the steak, e.g. the wedges and especially the baked garlic!!*Price: spaghetti - fair price / steak - relatively high compare to its grading*Taste: good, very homemade, not so oily (but in return, lack of 鑊氣)*Size: portion a bit small to man. It will be better if add a small portion of rice for the steak. However, the ice lemon tea is very big*Environment/Ser

呢間雲貴軒米線就食得多，肉燥飯就食過幾次，值得一提就係個蒜香雞翼肉燥飯，雞翼炸得又香又嫩，外賣自取拎到返屋企都仲熱仲脆，個飯d肉燥鋪滿成個飯面，再加2條菜同半隻滷蛋，我平時唔食白飯既，但都可以食晒成碗。

2015.09.03小鍋米線：$39蚊可揀一款餸 (另加餸每款+$7）包飲品(凍飲+$3）腩肉-超推介 好好味 好似肥牛片咁雞翼- 一般滷水雞翼 有三隻 抵食炸豬扒-好大件 好味 有醃過 抵食豬軟骨-軟骨唔夠林 食唔到但味道很好呢間嘢食好好味，加上價錢又大眾化，諗唔到唔去幫襯嘅理由。之前食左一次已經成日心思思，會再去的。

星期四中午12點去到不用等位，這間米線是第一次去，所以要花些時間睇一睇Menu, 這間餐廳有米線、紅薯粉同肉燥飯食。湯底也有豬骨湯，酸辣同麻辣，撈及湯選，選擇頗多。本身我很喜歡魚腐，而且有水準的魚腐是很難製作，所以點了熱拌順德魚腐撈紅薯粉(香麻醬)來試試。魚腐本身魚肉同豆腐的比例很重要，這魚腐我想豆腐有8成，魚肉只得兩成，所以texture比較滑，但魚味同鮮味不夠，而且太咸，另可能炸的時間不足，所以不夠香口！在配料上，有芝麻、炸菜、木耳絲、炸醬及花生，正體味道不錯。紅薯粉比較特別，賣相頗靚，是波浪型呈全透明，但很可惜，我食不到薯粉內澱粉質所帶來煙韌的感覺！撈麵最重要是個醬汁，這香麻醬不會太辣，但花生醬味道不夠，但配合以上配料一起食，味道可以接受。飲品，叫了凍奶茶，這奶茶的茶同奶的比例適中，有茶味，不會像一些茶餐廳總是奶味過重，在米線店來講算是不錯。總結: 以米線店來講, 食物味道可以叫合格, 飲品不錯, 但最普通一碗米線跟一個餸的價錢要$37, 如要多一個餸加7元, 本人覺得有點貴, 但還可接受, 如有機會, 應該會再來試下其他食物。Remark:筷子同湯匙很油, 清潔衛生可加強改善!

形象中雲貴軒的裝潢不是這樣的，全新形象以綠色為主調，頂部一條條的假天花有種竹林的意境，店內加入了一些卡通人物的造型，所有餐具都印有大當家的「大」字，感覺有點搞笑。印象中最深刻的是牆上對於「大當家」的一段註解，日本人也很喜歡講「擔當」，即是負責人的意思，只要被委派跟進某客戶的案件，就要負責照顧這客戶的所有事情，而且要負責到底，不能說不關自己事。飲品選了熱檸賓和奶茶，前者要好飲，其實也不是那麼容易。這兒的熱檸賓甜酸平衡做得很好，而且熱飲來說，這樣的杯size算是很大杯，而且蠻好喝的。後者的奶茶始終不及茶餐廳的茶味濃厚，這杯的話，質感薄了點，而且奶味太重，相對比較失色。在雲貴軒，現時除了可以吃到雲南米線，還可以吃到順德魚腐和四川紅薯粉，感覺越來越多樣化。另外，酸辣米線亦一改過往油膩的形象，引入同樣是紅色，但卻非常健康的蕃茄系列。蕃尋味系列有單雙拼之分，單拼有12款口味，雙拼只有炸魚角拼一口雲吞一款而已。基本的湯麵是米線，不過可以免費轉為上海麵，改紅薯粉則要加$2。材料一定有木耳絲、粟米粒和蕃茄片。我們選的是雙拼，一口雲吞雖然有六粒，但size非常袖珍，男士未必夠飽。雲吞餡採用韮菜豬肉，非常香

平日經常到葵涌廣場搵食，今日突然醒起，葵芳商場內好像也有少量食肆，所以放工後就到該商場逛逛，遊走了一陣子，發了「雲貴軒」，向來較少吃麵食的我，開業至今一直沒有試過呢踏進舖內又是以綠色為主要色調，但光線較為鮮明，牆身上貼著卡通化的古代人物，而枱上則放有綠色木製醬油𣕧，巧合地擺放著懷舊飲料之餐牌，這陣子的店舖真愛「仿復古」呢先看看餐牌，主以撈紅薯粉、肉燥飯、蕃茄湯米線及小窩米線為主，還有一些小食類。配料方面大至有10款：豬軟骨、兩款雞中翼、牛展、豬大腸、魚腐、豬頸肉、鎮江肉排以及炸豬扒，更有一些大路的車仔麵配料供選擇而飲品方面除了有一般的咖啡或茶外，還推出了3款懷舊飲品，涼粉綠豆冰、椰汁紅豆冰及咸柑桔七喜而我當然選擇比較特別嘅野試啦～紅燒豬軟骨撈紅薯粉，再+$7蚊配涼粉綠豆冰紅燒豬軟骨撈紅薯粉 （$37）除了豬軟骨外，還配上炸醬、榨菜、花生、木耳及莞茜，由於不喜歡莞茜的味道我就叫了走青～還附上一小碟麻醬作調味之用～先講講配料花生（左上）：炸得十分香脆，不覺油膩，令薯粉更為香口；木耳絲（右上）：沒甚麼味道，作用只是增強口感，變得更有層次吧;炸菜(左下:味道較咸，口感淋，因為不太喜歡炸菜，所以

這間「雲貴軒」位置頗方便！經常坐無虛席！！坐位間隔都算可以。選擇頗多，今次我叫咗：小鍋米缐（麻辣小辣）墨丸+雞翼+涷檸茶$40。「小鍋米缐」配料有韮菜、香茜、蔥（我叫咗走莞茜）！麻辣做得恰到好處，麻香辣適中！少辣，辣度無譚仔咁辣！最正係佢嘅湯底！！豬骨湯係由豬骨、赤肉、老雞、大地魚等熬制而成。湯底味道濃郁，比譚仔、雲桂香、川味更加好味！米缐粗幼適中！墨丸好食！彈牙有咬口！雞翼大隻得哩好入味！正呀！特色小食有多款，我喜歡食炸野，於是叫咗〜「一口脆雲吞」有10粒／$20（配燒肉汁）細細粒！雲吞饀係白菜豬肉，因係即炸！嚟到時係又熱又脆！用芝麻燒肉汁點來食！好味！一定要讚下這裡的「涷檸茶」！茶味夠！檸茶底不是一般單純用糖水，係混合了蜜糖（菊蜜之類）！好好飮！另外，這店還有酸辣粉、咖哩飯、台式飯、小食、特飲...等等！選擇頗多！總括而言：各方面都好好味！個人認為係葵芳最好食嘅米線！不妨一試！

以為佢做米線出名，其他野食就麻麻，點知偶然去食下午茶，原來我估錯佢下午茶餐反而吾係米線為主，心諗吾好咁多要求。點了香草蒜蓉牛油脆豬扒飽，保險d加$6叫多個米線，另一個餐就叫魚柳加香草蒜蓉牛油脆豬。兩個餐上碟都有少少裝飾，少許生菜絲，一片蕃茄，感覺高級左魚柳炸得深色左，可能油既問題，友人說味道可以。脆豬好有誠意，熱烘烘而且每邊脆豬都搽滿了香草蒜蓉，筆者好怕有d餐廳搽少少醬係塊麵包中間，或者只搽係一邊，食左都吾覺食左沙律醬有酸瓜粒，吾係平野，以茶餐價黎講，算好認真。至於豬扒好稔身，無炸到好乾同'鞋',味道吾太咸，單獨食或夾麵包食也可口。米線湯底好重豬骨味，吾覺太多味精，幾好飲米線係此店主打，無失手都應該。

雲貴軒 已經在葵芳吃過很多次在荃灣吃過一次 葵芳就吃過很多次葵芳的質素是最好的而且也是吃過的紅薯粉中最好吃的酸辣的味很足 加上不貴的價錢成為了我們的飯堂。真的很推薦各位去試一次。

放工諗唔到食咩，就試下呢間，平時LUNCH都見幾多人排隊。酸辣鳯爪先試小食，係無骨架，食得方便。我覺得好辣，食左半隻已經食唔到，但老公唔覺仲話好味，所以成碟佢食哂孜然雞翼個孜字唔識讀，問侍應點讀，佢竟然無視我地有啲似譚仔既土匪雞翼，不過佢好香芝麻味，但咁大陣香料味，幾鍾意。豬腸魚腐米線湯底好味，豬腸都夠多仲好乾淨。魚腐陣味就麻麻同埋有骨，果然好難搵到好食既魚腐。

今日下午係運動場跑完步後, 本想係葵涌廣場找東西吃, 不過人太多就行了去葵芳廣場銀龍, 點知對面開了間雲貴軒, 裝修得不錯, 看看門口還有西式的下午茶, 果然有點新意, 就決定入去坐。裡面裝修青BB, 還有很多卡位及梳化, 非常滿足到客人需要, 真是不錯。因為已是四點半多, 人也不多, 我就選了邊位的梳化坐下, 看到也有很多餐牌, 真是款款都想吃, 原先入來是吃西式的, 最終還是選了一個小鍋米線配糖醋肉排, 再加凍檸茶走甜, 都係30大元。份量呢一般啦, 排骨中SIZE有三舊, 味道都可以, 但沒有太大驚喜, 我只能評中等啦

(741)荃灣雲貴軒跟八麵玲瓏風格相近，原來都是來自大當家集團，兩間水準都不錯。最近見葵芳廣場內，開多了一間雲貴軒，那就更方便了。下午茶時間來了這店，揀了這裡的小鍋米線及熱奶茶。小鍋米線，選擇了兩樣餸，豬軟骨與鎮江排骨。以前在荃灣店之豬軟骨感覺好正，今天這裡的豬軟骨好像又比不上，也許就是豬軟骨內裡冷冰冰所致，估計豬軟骨是沒有加熱便放在米線上！豬軟骨除了有點冷外，味道是OK的。鎮江排骨，酸酸甜甜，味道仍然不俗。熱奶茶，茶味不濃，味道都可以。新店環境都幾舒服，繼續努力，要記著，再回味，只因好味。