雲貴軒米線專門店

營業中

休息中

2人放工去左葵芳廣場掃完小食，去左雲貴軒食碗上海麵。🍜炸豬扒分開碟上既，有少少油，但炸得都幾脆，肉質夠嫩，夠淋😁。🍽唔錯香茜餃好好味，餃子皮薄，黎到當然揀呢個係首選。👍🏻😋雲吞都唔錯。叫左酸辣湯小辣，對我黎講都幾辣🙊🔸除左米線，其實都有其他麵揀，唔食麵都有飯可以選擇，肉燥飯之前食過都唔錯，唔知而家水準係咪一係一樣。🔹雖然冇咩人等位，但問完想食咩，佢會係你旁邊望住你，等你落單😔有點壓迫感。

事緣呢日係葵芳行街，不經意行入一個人影都冇隻既商場，但出奇地好多食肆。眼見呢間雲貴軒坐滿晒位，應該味道唔差。鋪位裝潢乾淨企理，但繁忙時間可能就要同人搭枱，但都無可厚非既～ 打開menu，除左有主打小窩米線之外，仲有台式肉燥飯，同埋好多款小食，眼花繚亂。小窩米線餐 包一杯熱飲，40蚊 凍飲加3蚊。我就叫左香炸豬扒做配料。米線份量好足，加左芽菜 酸菜 芫茜 蔥同粟米，小辣。湯底味道可圈可點，唔算特別。但炸豬扒就十分有驚喜，豬扒會另上，因為怕湯底會整淋 影響味道同口感。豬扒炸到金黃香脆，肉身唔厚，但正正係咁肉質先夠嫩。女友就點左蠔皇冬菇做配料，勝在想清淡少少。冬菇只得4舊，有點兒吝嗇。相比起炸豬扒，CP值十分之低。整體黎講，價錢尚算公道，平日下午茶時間仲可以平4蚊。食慣其他米線既你都不妨試下呢間既香炸豬扒米線都係一個唔錯既選擇。

今日經過平時午飯時迫滿人既食店，望入去有位，就入去叫左魚腐肉澡飯來試下，魚腐外脆內軟，有鮮魚味，肉澡汁夠濃，配合相當好。不過杯咖啡就一般，如果有即磨咖啡就好啦！不過我下次都會再去食過。

今日下午食左個酸辣薯粉+鎮江肉排，其實我習慣食米線，不過想清下腸胃，所以就選左薯粉試下，酸辣味有五種程度俾你選擇，我選擇左微辣，我本人應為薯粉有點硬，湯酸辣味適中。最好味係鎮江肉排，肉質非常之淋，充滿鎮江汁味道。酸酸甜甜都好醒胃。再加一杯熱菜蜜，甜度剛好。其實碗粉真係有好多粉，我一個人食唔曬，真有點浪費。下次叫小粉先。

經過附近，所以黎呢間試試d米線。我叫左豬軟骨米線，因為價錢都偏貴，所以有少少期望。等左一陣碗麵終於黎到。先食豬軟骨。嘩！d豬軟骨d骨好硬，都唔係軟骨黎。跟住豬軟骨d肉又肥，皮仲多過肉。我食左一舊就唔想食d豬軟骨跟住個湯底好怪，d米線又無特別。結果我豬軟骨又無食，湯又無飲，快快手是但食埋d米線就走。呢間真係唔會再黎

今早突然想起昨天見報紙報導五香肉丁 🍜 只有「一」大粒肉丁，所以今早叫了雙拼 五香肉丁+紅腸 🍜，有成半碗肉丁，肉丁原汁原味超好味道 😋，仲有5片紅腸，表面煎香，味道也是比一般好 👍🏻，本人印象中從來最多只有3片而已，雙拼有多選擇，我見過有人叫🐷+🐔扒，見到都已經飽晒 ，有相有真相，大大看看吧 P.S. 普通凍飲 加3蚊 🍹

今日又係米線日 去咗一間未試過既雲貴軒 諗住平時食開大型連鎖店 試下新野🤔🤔呢間餐廳我覺得好嘅地方系服務 但價錢就偏貴同埋嘢食方面就普通今次我叫左佢哋招牌菜 豬軟骨米線大酸辣佢叫一隻餸嘅價錢再加一杯凍檸茶 大概＄41左右 價錢係有啲偏貴所以我都抱一個比較大嘅期望😳但事情往往唔係想像中咁 米線方面算煮得軟硬適中 湯底味道唔濃 叫咗大辣 但冇咩感覺 豬軟骨亦好普通 有3件 味道亦都係唔足夠 其實個米線係冇咩特別 咁既價錢只係選得一隻配菜真係有啲貴 個米線底亦唔算多 我地男同事就食唔飽😞😑可稱讚嘅係佢服務唔錯 落單同埋上菜嘅速度都好快 啲嘢唔係話難食但係就唔會特別再特登去呢間度食米線

平日返工多數都帶飯，好少出去食，始終外面D餐廳食得多都厭，剛好唔帶飯既話，我同同事就會去食米線，而依間既米線確實係我常來飯堂，每次我黎都會叫兩款餸配麻辣中辣米線，依度D米線好大碗夠哂份量，唔想食米線，都有其他茶餐選擇今次米線餸叫左大腸同蟹子丸，米線份量多之餘，大腸份量都好多，大腸煮得好入味同冧身，入面都清理得好乾淨，無任何肥膏係入面，真係超讚。平時第度食叫個餸都係得兩粒丸，但依度蟹子丸有四大粒，米線湯底相當濃同好香麻線味，愈食愈辣，好過癮

好耐無食雲貴軒 難得放工有人陪食飯個人認為佢係係抵食啲好味啲嘅叫左豬軟骨上海麵少麻辣 麵嘅軟靭度適中豬軟骨非常入味 加埋少少麻辣 非常惹味炸豬扒上海麵亦唔差 豬扒分開上 唔會淋熱辣辣 微脆 唔太油加鮮西瓜汁都係$10 抵飲啦埋單唔洗$100 堅抵食！

番工遲到買埋lunch 番公司價錢黎講呢間真係算貴...一個送$7！不過想食無計！佢地既小辣係一d都唔辣，我就叫左酸辣中辣一舊蘿蔔，同事同我交換左一舊蘿蔔所以我1粒墨丸佢地既湯唔會好濃，但都夠味！蘿蔔唔夠甜，但係夠晒淋！墨魚丸都幾唔錯，有口感同幾香墨魚丸味。佢地仲會少量放莞茜、酸菜、九菜、牙菜！mix黎食都好香叫咗一杯凍檸茶走冰，甜度岩岩好，茶味都夠晒！

響附近開工先食個早餐, 早餐配搭都係一般野. 不過呢度可以揀方包/多士, 揀多士唔洗加錢, 而且出黎既多士係剛烘好, 又脆又熱, 絕對唔HEA, 仲搽左薄薄既牛油, 麵包入面又軟熟, 唔似其他果D隔夜麵包. 呢度既早餐最有誠意就係件多士.至於其餘既腸蛋, 麵都係正常, 份量食得飽.

餐廳的佈置很溫馨。綠椅白桌，清新亮眼。服務態度很好。點了並非招牌的台式肉燥系列。牛展厚薄恰到好處，筋嫩爽彈，很是入味。肉燥細嫩，融合粒粒分明的米飯，拒絕之中滿口香菇香氣，讓人吃到停不下來。有一個小不足...對比台灣吃到的肉燥飯，這裡的相對甜，反而掩蓋了那份該有的鹹香，入口討喜，但未必能吃完一整碗！另，一向提倡"飯飯必有菜"，店裡提供的新界菜仔口感不錯，但建議廚師能把一棵棵白菜仔菜頭剪掉，分成小塊，不然櫻桃小嘴咀嚼入胃實在困難

Lunch 想食米線就同同事一班人去左食，佢地既辣好唔夠辣！小、中、大我都食過，都係大辣算係有番d辣味凍檸茶少冰，但都係好多蟹子丸好正！爽口彈牙，蟹子又夠晒口感！仲有汁流出黎份量都算多，食到好飽，仲有d食唔晒

又到3點3既時候工作左成日都要揾時間休息下香草蒜蓉牛油脆豬扒包$26雲貴軒既豬扒包, 真係好好味平時我會將豬扒同包分開, 包就夾起旁邊既蕃茄, 菜來食軟軟既熱包, 外面有D 脆身加埋微凍既蕃茄菜,仲要有D 牛油香味, 口感一流豬扒都炸得金黃而不油..正 +多杯檸水...今晚果餐都可以慳返呀

好耐無食米線lunch就黎呢間食，好彩我快一步，唔洗點等位。天氣熱飲番杯凍檸水！呢杯夠甜，係我中意既味 叫左碗酸辣小窩米加豬腩肉、腐竹（小辣），首先，佢既小辣完全唔辣腩肉份量可以多番d!!!不過湯底味道唔錯，米線又唔會煮得太耐太硬