雲貴川

營業中

休息中

同朋友黎開佐敦整啲野，唔覺唔覺就到夜晚，我地見到呢間雲貴川就入黎試下，好有驚喜👍🏻🐟水煮脆肉鯇魚片脆肉鯇魚肉爽嫩，水煮湯好香，吸晒啲辣味，每款配料都好入味，豆卜，雲耳，腐竹，每一樣都好香好正，同埋啲魚片一齊食超爽！👅夫妻肺片呢個以牛肉為主料，配以肺、心、舌等製作而成，秘製醬汁鮮香麻辣，配埋大豆芽呢啲配料，好香好惹味！🍜正宗川味自選小鍋-豬腸片味小鍋米線有得簡辣度，我地就簡佐無咁辣，但都仲有啲麻味，又好香，豬腸有啲肥膏，爽口彈牙又好香，成碗都好好食！🤓孜然雞翼🧆鹽酥雞粒雞翼同雞粒都炸到好香酥，兩樣都好香好脆，啲肉仲好嫩，做小食一流，超好味！

今日同好姊妹係佐敦附近行街，行到中午時間又肚餓，就黎佐雲貴川食飯，呢度晚辣野好有風味，好岩我地食！我地先叫佐🐥 口水雞，口水雞係麻辣汁底，又麻又辣，食到果口有啲痺但又香好惹味，雞肉就好嫩滑，啲汁入晒味，超級好食！我地再食涼拌大豆芽，大豆芽好爽脆，好新鮮，涼拌汁有少少辣，但又好香，仲有啲麻油香同蔥粒，大大碟好抵食！🥗我地叫埋熱拌酸辣米線🍜雖然無餸，但米線有啲酸辣汁、辣椒籽同蔥花，撈勻黎食酸酸辣辣，已經好夠味！仲差少少先飽既我地叫埋焯菜同白飯，啲菜都好新鮮，好夠味。今餐我地唔係食得太重口味但又食到辣野，健康啲又岩晒我地胃口，正！

🍜🍜雲貴川🥢🥢今晚係佐敦是但食下，想食米線又無咩選擇就揀左雲貴川，完全試伏心態，雖然見到門口有人等緊外賣，心唸都應該無咩野掛😆入到去坐低，店員話係QR code 落單既。🔸正宗四川自選小鍋米線 - 豬大腸，牛肉，魚腐，麻辣湯(三小辣）好快就送到黎，碗麵唔係雲桂香果款，濃色，紅油，肉碎。係好淺色😅感覺有啲驚無味，但原來都唔係。米線質地正常，大腸唔似滷水過，因為又係好淺色，少少大腸壓味，但可以接受。牛肉就用鬆肉粉生粉醃得太勁，係好滑，但完全無牛味，粉滑肉咁。魚腐，我唔喜歡呢隻成舊磚咁，我喜歡一舊雲，軟綿綿既魚腐。🔸餐飲- 阿華田，走甜，少冰，多奶，正常味。可能都係試伏心態，所以無咩期望，醫飽肚就算，咁又無想像中咁差既，但又大把選擇好過佢，所以大家自己衡量下🤣中立評價

今日同朋友黎到佐敦，中意食辣野既我地行過見到呢間雲貴川，就決定入黎試下，果然岩晒食辣既人！紅油豬耳🐷豬耳我地都中意食，呢度整得好好，豬耳唔騷又爽口，好彈牙，辣油加上辣椒絲同蔥絲，辣得黎好香，十級好食！口水雞🐤雞肉嫩滑，唔會鞋口，而且雞肉朔晒辣汁啲味，咬落麻麻辣辣，配埋芝麻仲香口，惹味好食！水煮脆肉鯇魚片🐟水煮湯會有幾隻辣椒係湯底，一睇就知足料夠辣，脆肉鯇爽口，魚肉q嫩，又吸晒水煮湯既辣味，連埋薯粉，豆卜呢啲配料一齊食，每食一啖都好辣但又好過癮！炸墨魚春卷 椒鹽燒賣🤩墨魚春卷本身就好好食，咬到粒粒墨魚，好正，炸香佐既春卷就更滋味！椒鹽燒賣又係好咸香好正，岩晒重口味既人呀！🤣食到咁上下飲杯凍檸茶凍檸蜜就岩岩好啦！

今日同朋友黎到佐敦呢間雲貴香，原來呢度既川菜好出色，夠晒麻辣！我地叫佐重口味既水煮肥腸👀成碗一上枱就見到幾隻辣椒，湯底充滿紅油，好勁！肥腸有啲肥膏，但無豬騷味，反而好香，配埋其他雲耳果啲配料，好吸味好正，每一啖都好辣😝我地就加埋一碟芽菜，方便我地解辣，芽菜超大碟呀，又新鮮，就咁食就岩晒！另外叫埋青椒皮蛋，漏油既皮蛋舊舊金黃色，青椒絲加上芝麻同辣汁，好吸引，好惹味😋食到辣辣地就飲埋汽水🥤解辣又解渴！

佐敦呢間雲貴川賣既都係四川菜，岩晒啲中意食辣既朋友！水煮肥牛加芽菜🐮水煮湯果然夠辣，可以見到啲辣油鋪滿湯面，肥牛每片都薄薄地，好有牛味，大大隻辣椒加上豆卜、腐皮、雲耳呢啲吸味既材料，超好食呀！芽菜就另加既，超大碟，又新鮮，想解辣就咁食，或者吸啲辣味放落湯食都得，正！山椒野木耳🌶木耳份量好多事，山椒好多好香濃，仲有好多芝麻，食到又麻又辣，好過癮，入晒味既木耳真係超好食！食到辣辣地飲埋凍檸茶同埋凍檸蜜就岩岩好啦！

不嬲都好鍾意食薯粉🤪今日落雨，就近近地去左食雲貴川，都唔錯，性價比都幾高喎！ 今日試左大腸生菜酸辣薯粉（$40），驚佢會好辣所以只係揀左3小辣😗仲有好多其他餸揀，如果唔想揀可以直接嗌過橋米線～ 一上枱勁大碗！一睇就知我一定食唔晒😂細食既朋友可以試下嗌少米線/薯粉。餸既份量都幾多，豬大腸唔韌喎！好腍好好味💕酸辣湯都幾濃，下次可以試小辣🤪 啲薯粉好粗好彈牙，勁正呀😍吸晒啲湯汁，酸酸辣辣咁💕 店入面唔算大，但環境乾淨衛生，價錢又唔貴～下次經過可以再食🤪

今日帶大家嚟到雲貴川佐敦分店👀✄麻辣牛肚: 辣度強勁，麻味十足，後勁凌厲，挑戰味蕾，作小吃 / 正餐 /送酒送飯都非常適合！食到我同👦🏻流晒汗，流晒口水😆酸菜黑魚片:果然係川菜餐廳🍴佢哋嘅酸菜魚一樣冇得頂😍魚片鮮味十足酸菜汁一樣非常獨特，一飲就知道係用酸菜熬製咗好耐嘅汁！炸魚片頭:最鍾意叫呢度嘅魚片頭！作為小食真係一流！有冇人同我一樣都係超級鍾意食雲貴川嘅魚片頭呢？吉列魷魚圈:最後仲以為大家介紹佢嘅魷魚圈！真係超好味㗎 ！炸得香脆可口之餘，仲要煙煙韌🦑食過，一定返尋味囉！✄小M今日嘅推介係咁多，下次繼續為大家尋找唔同地方嘅小店🗣️👀

啲人嚟到雲貴川，通常都淨係識得食米線🫢我男朋友話今日要帶我揭開隱藏Menu😹計我話邊係隱藏啊？🤣其實只係叫啲我哋冇食過嘅小菜😋口水雞💛💛💛💛💛，評分為五粒心，呢個價錢來講份量算叫做幾多，我自己覺得食口水雞，最緊要唔係隻雞，而係口水汁‼️口水汁煮得好隻雞都唔會難食😼紅油青瓜💛💛💛💛💛，一樣都係五粒星，我每一次食青瓜都好緊張，因為唔係間間整得好食，有啲又怕佢唔入味！不過好好彩呢間雲貴川，整得好入味之餘，青瓜仲要好爽脆！生菜💛💛💛💛💛，大家可以Jim少少紅油汁或者口水汁更加好味！總括而言呢一間餐廳除咗米線之外，其他嘢都係100分，食完辣嘢呀仲有汽水飲👍🏻

1️⃣口水雞2️⃣青椒皮蛋3️⃣韭菜唔夠喉呀唔夠喉呀！本身晏晝食完夜晚諗住食第二間，如果夜晚又走番落去呢間餐廳食🤭到底係咩餐廳咁吸引搞到我一日食兩次❓一個禮拜食咗五日❓⚠️就係呢一間位於佐敦嘅雲貴川‼️呢度嘅皮蛋，真係勁好味🤤佢嘅賣相已經好吸引嘅青椒炒皮蛋出乎意料非常好吃！ 連我呢一個完全唔識青椒嘅人都食到唔停口！佢個皮蛋同青椒真係好夾！食口水雞，真係會流晒口水！我自己認為口水雞嘅味道層次比較豐富，感覺上好似好多人食完都返尋味！我同我男朋友身邊有勁多朋友都好鍾意食口水雞😍我最鍾意呢度嘅口水雞就係唔會太過油膩👍🏻炒韭菜喺一定要叫！食完之後頰齒留香成口都係嗰陣味㗎！鍾意食韭菜嘅朋友一定要叫😚

哈哈，呢個標題係咪好搞笑呢😆係我男朋友諗㗎！事緣係因為我哋今日喺雲貴川都叫咗一兜牛魔王！牛魔王👉🏻 有牛丸、牛柏葉、牛肚絲、牛肉、肥牛！估唔到有咁多牛嘅部位集合一齊，我同我男朋友都好鍾意食牛肉㗎 ！話晒都好高鐵質呀嘛😹所以我哋成日都會稱呼自己做牛魔王同埋牛魔怪😼麻辣牛肚👉🏻牛魔王同牛魔怪，點可以放過麻辣牛肚呢？😋嚟到呢度一定要食！因為香辣惹味🌶️😳水煮脆肉鯇魚片👉🏻初頭想叫酸菜魚，但係發現Menu有呢款水煮魚🤤我哋之前都未食過水煮魚㗎。所以今日就膽粗粗試吓佢🫢，點不知原來水煮執係咁好食㗎 ！佢啲鯇魚片，仲要非常鮮美😤炸蟹鉗&鹽酥雞粒👉🏻我哋仲叫咗兩款小食分別就係炸蟹鉗同埋鹽酥雞粒，兩個都係用油炸，所以都非常香口！追住嚟食㗎！

我成日都覺得唔識食嘅朋友先會揀最好味嘅米線係譚仔！我想講啊最好味嘅米線喺雲貴川🤭淨係講佢價錢已經抵食過譚仔勁多！ʔ•̫͡•ʔ正宗川味自選小鍋-炸醬🛸我想講除咗佢係米線好食過譚仔之外得嘅自選配菜，都好味過譚仔好多！淨係講炸醬，已經相比起譚仔冇咁鹹！肉末比較多，食落好有咬口。唔似譚仔好似食肉泥咁👍🏻ʕʽɞʼʔ口水雞🛸佢個口水雞，今次我係第一次同男朋友叫！估唔到佢雞件切得都算幾好，幾大份口水汁好香好辣食到我哋兩條友滴晒汗。ʕ•ᴥ•ʔ生菜&涼拌大豆芽🛸生菜就比較清啲，涼拌芽菜就比較有味！當小菜食真係兩三啖就食晒😍

今日嚟到食雲貴川，梗係要攞兩款小菜比拼吓啦！第一款就係水煮腩肉👍🏻，第二款就係山椒黑木耳😳賣相嚟講，其實兩款都超級吸引！腩肉勁大兜，我自己覺得幾抵食㗎 ！佢個黑木耳相對上，我自己覺得比較辣😆可能係佢個山椒比較攻鼻啦😆如果要比分嘅話，腩肉一定係MVP，因為份量大件夾抵食🌶️，除咗腩肉之外入邊仲有木耳、豆卜、支竹等，你話如果一個人食晒嘅話應該都幾飽㗎 ！其實除咗呢兩款菜式之外，其實我仲叫咗一碟韭菜🥬我由細到大食飯都一定要叫一道菜🥬如果唔係唔安樂🙈佢呢度嘅韭菜炒得好香

🌶️雲貴川 (佐敦)😍佐敦長樂街22號地舖1.紅油豬耳🐷 香辣微甜，質地脆嫩2.酸菜黑魚片🐋 肉質爽脆、去骨有底漿3.口水雞🐥 香、麻、辣、鮮、嫩呢三碟餸菜裏面，我自己最鍾意就係口水雞！因為以前係四川嘅時候食過嗰度嘅口水雞，真係零舍香口🙈麻麻辣辣，雞肉又有雞味！非常嫩口唔會好鞋🐤所以呢度嘅口水雞喺必點！另外，佢嘅豬耳都係要讚！我以前食過一間餐廳佢嘅豬耳係有臭味㗎，從此之後就驚咗食豬姨，直到我遇到呢間餐廳！佢呢度嘅酸菜黑魚片，真係幾好食😋我鍾意食酸菜魚嘅朋友一定要試吓。我建議大家一定要叫多兜白飯！咁就可以拎嚟撈酸菜魚湯！

💛麻辣牛柏葉💛 評分10/10💮佢呢度嘅麻辣牛柏葉真係喺我心目中係數一數二㗎 ！每一次嚟到都會叫。麻辣牛柏葉超爽口，食到好過癮，麻辣程度都好夠，唔係死辣，好有層次感既辣😚最緊要係涼拌來講佢幾好味💛山椒野木耳💛 評分9.5/10💮山椒係種兼具柑橘清香及嗆辣口感嘅香料，木耳較爽口，第一次食呢個菜式都覺得幾特別😘💛生菜💛評分7/10💮大家就咁樣睇，係咪覺得我比生菜好低分呢？我就咁睇生菜我嘅賣相真係唔多掂。但係‼️大家一定要將生菜撈埋其他醬汁一齊食會更加好㗎⚠️有返少少味道！可能有人會話其實生菜咁普通點解你要叫？因為我嘅閨蜜通常食飯都要有一碟菜😆 佢話咁樣識落冇咁Heavy喎！😂