雲貴川

唉，今日收工諗住輕鬆下，就近近地試咗間雲貴川米線。舖頭裝修就普通啦，唔算乾淨企理，但都唔算污糟到嚇死人嘅。坐低用QR code落單，咦？仲要收service charge？大佬，你哋嘅service係咪得個送餐咋？🤨**炸醬豬腸酸菜麻辣米線**：嘩，一嚟到就聞到好香嘅麻辣味，酸菜又夠酸，好開胃咁喔！米線都索晒啲湯，幾入味。豬腸都洗得幾乾淨，冇乜異味。不過整體嚟講，味道就普通咗啲，冇想像中咁驚艷囉。6/10分啦。**口水雞四川掛麵**：呢個真係要彈喇！雞腿係幾大隻嘅，但係完全唔入味，啲調味料好似求其淋上去咁，又唔香又唔辣，碟底仲要墊一大堆芽菜，扣晒分！個麵又唔夠透，食落一pat嘢咁，湯底仲有陣餿味，真係頂唔順！🤮 2/10分，bye bye next！**涼拌薯粉**：呢個算係全場最佳！薯粉夠彈牙，調味又啱啱好，酸酸辣辣幾醒胃。如果唔係口水雞咁失望，呢個薯粉都可以加返少少分。7/10分，算係咁啦。總結：整體嚟講，呢間雲貴川米線真係麻麻哋，唔值咁嘅價錢。衛生環境又唔係好好，仲要收service charge，真係不了。除非你真係好想食米線，又冇乜其他選擇，如果唔係就建議你試下其他嘢食啦！👋 唔會再幫襯，已經blacklist咗！😡…查看更多

今日晏晝同同事去咗間新開嘅米線店試吓炸醬豬腸酸菜麻辣米線湯底麻辣味夠晒勁🌶️，酸菜嘅酸爽好開胃，豬腸處理得乾淨冇異味，炸醬鹹香同湯底好夾，整體味道濃郁，但份量偏少，食完有啲唔夠喉😅腩肉竹笙牛肉酸辣米線湯底酸辣平衡得幾好，唔會太刺激，腩肉肥瘦適中，入口即化，竹笙爽脆，牛肉鮮嫩，但米線煮得稍為淋咗啲，影響咗口感👎夫妻肺片香辣開胃，牛肉同牛肚質感唔錯，但辣度可以再調整吓，對於唔食得太辣嘅人嚟講有啲吃力🔥總括嚟講，食物質素中上，但服務同環境有改進空間，下次可能會再試吓其他款式🤔…查看更多

好耐之前都有幫襯過呢間米線，應該轉左手，用QR code落單，竟然要收Service charge，佢嘅service只係幫我送餐過嚟之後乜都冇，咁都要收service charge？？？食物質素一般，份量少，食食吓見到有隻老鼠喺我身後面好快走過，我以為自己眼花，我朋友坐我後面見到係老鼠個頭同埋老鼠條尾。。。。嚇死人。我哋即刻起身周圍望，個侍應竟然同我哋講食肆有老鼠都唔出奇， what????? 以後都唔會再幫襯，已經back list咗，衛生環境太差…查看更多

雲貴川主打正宗四川風味米線和小食。今日我同朋友點了炸醬豬腸酸菜麻辣米線和腩肉竹笙牛肉酸辣米線，一次體驗兩種不同風味。炸醬豬腸酸菜麻辣米線的湯底麻辣味十足，香氣撲鼻，加上酸菜的酸爽，非常開胃。米線充分吸收了湯汁的精華。豬腸處理得很乾淨，沒有異味。炸醬鹹香與麻辣湯底搭配得恰到好處，整體味道濃郁豐富。腩肉竹笙牛肉酸辣米線的湯底酸辣開胃，酸味和辣味平衡得很好，不會過於刺激。腩肉肥瘦相間，入口即化，非常入味。竹笙爽脆，牛肉鮮嫩多汁，為米線增添了豐富的口感…查看更多

有一排冇去食，今日終於再試番佢哋嘅外賣，整體感覺仍然唔錯。夫妻肺片同口水雞依然令人滿意，夫妻肺片香辣開胃，牛肉同牛肚嘅質感幾好。口水雞就比之前嫩滑，我唔食得太辣，佢麻辣味道適中，似乎係換咗新嘅貨源，呢點加分。不過，叫清湯薯粉時俾錯咗麻辣，雖然味道唔差，但始終唔係我諗住試嘅原味清湯。另外，麻辣湯底似乎改咗配方，味道唔同咗，稍為失色，但仍然算係中上水準。涼拌薯粉則保持水準，彈牙，調味適中，值得推薦。總括嚟講，喺佐敦嚟講呢間薯粉店依然係我最鍾意嘅選擇，味道同質素整體仍然好過其他同類型餐廳，會繼續幫襯！…查看更多

味道不錯的隣家小店，我們二人用餐，點了黃油雞米線，清湯，熱拌麵，拌雲耳，味道也不錯，價格親民。我覺得可以叫半隻雞，再加飯或米線，性價比更高，這個店是可以再回頭的店。…查看更多

因為去QE覆診，全日到下午四點幾空肚。 照計咁餓嘅情況下，應該咩都會幾好味。 點知我真係失望😞。首先，點咗我最鍾意嘅小菜木耳，呢啲一般餐廳都唔會失手嘅小菜，又酸又苦(苦味應該係來自蒜蓉)蒜蓉味一啲都唔香，亦唔辣。另外點咗一份口水雞四川掛麵，加$1x轉雞腿，係好大隻嘅，不過味道又係令人失望。 唔香唔辣，碟底墊一大堆芽菜，只有調味料＋未溶嘅砂糖。雞唔入味，調味料亦唔香，好似一堆室溫調味現成淋上雞面。 個麵呢，眼睇好似未透，又條白芯，最難食係頭尾啲麵一柱癡埋，食落一口麵粉團.....湯底最難頂，嗰陣酸宿味，好似垃圾餿水咁🥲店員全程坐係其中一樣餐廳玩手機，叫幾次都唔應，隔離食客睇唔過眼，轉過頭同我講自己掃code落單啦！🙄 一張紙巾，一杯水都冇...嘅service, 要charge.…查看更多

佢掃QRcode點餐 掃過周圍都唔見學生餐ge餐牌 同時qrcode裡面學生餐上面無寫明要求 到食完比錢先黎講學生餐一定要校服 比學生證都唔得 唔通我會整張學生證出黎呃佢？學生證上面寫明學校同Expiry date我可以點呃 感覺就咁比人呃左十幾蚊！大家小心中伏！…查看更多

openrice外賣自取唔洗45蚊，好抵食！！！味道唔差，手工薯粉幾煙靭👍🏻今次食左清湯，下次可以試下其他湯底而且備餐又快，提早去到都可以啱啱備好👍🏻👍🏻👍🏻…查看更多

因為食晏晝時間唔多，所以就貪近就去試咗，入到去唔多人大約10個人左右，冇諗過會咁失望，叫咗一個三餸米線，其中一個豬腩肉要加$4 ，最後$52。嗌咗酸辣小辣，但係冇味道，腩肉都係冇味道，唯一係腩肉個口感係唔錯，米線口感都算彈牙，但係因為整碗嘢味道都係好淡，所以完全唔覺得好食。另外免費叫咗腐竹和冬菇，冬菇沒有經過醃製，腐竹偏硬不淋，所以成碗米線只食了餸和少少米線就放棄走人。真心好失望我諗都係試一次就夠。…查看更多

完全冇味，嗌完真係好嬲，好嬲好嬲，價錢又唔係平喎，但係碗嘢完全冇味，個湯完全餿水，我真係未試過食過咁難食咁難食咁難食嘅米線囉，仲要轉左薯粉個薯粉夾起一夾就斷晒，what the f使唔使做到咁呀？其實要做到咁都幾難，大佬我屋企煮個麵都唔會咁難食啦，有冇考慮過客人嘅心情？比$64食碗咁嘅嘢。望落去係冇問題，但係食落去嗰下你知唔知幾崩潰？大家真係千祈唔好幫襯，我浪費咗啲智商稅完全嘥錢，食咗兩啖即刻要食第二間唔食呢間，佢攞獎嗰啲一定係呃人我淨係食咗兩啖已經食唔落，我未試過幫襯一間食肆係食兩啖食唔落…查看更多

1. 完全無服務可言，收加一，不知所以，快餐小店，不提供紙巾，一杯水也無，店員黑口黑面，居然理直氣壯收加一服務費。2. 麻辣薯粉，是多年來在香港吃到最差的一次，粉未煮軟，調味全靠醋+辣椒精，毫無靈魂。3. 湯裡赫然一根黑色頭髮！向服務員指出，居然面不改色！4. 店鋪味道莫名氣味，臭烘烘，搞壞心情。一份酸辣薯粉+一杯檸水，盛惠86文。這家店鋪在佐敦應年頭不短，路過多次，第一次光臨就十分不快，希望各位路過切勿中伏！！…查看更多

蹅入店舖就聞到一股舊店的氣味😑叫了麻辣小窩薯粉，外表一般且冇花生。麻辣湯的味道非常麻麻，我係好肚餓，但都食唔哂碗粉亦唔想多飲湯😔原來雲貴川間間質素各有不同，呢間店真係唔推介😒…查看更多

由賣相講起先 賣相正常 但我飲第一啖湯已經覺得個麵可能會一般 首先覺得個湯冇乜味 得辣油上面嘅辣同油味 完全唔香同埋冇令我想食落去嘅慾望 然後到麵 我叫咗米線 米線偏硬 冇口感 雞肉好似冇醃過 冇味 土豆片個味好生 似未煮熟的 芋絲正常 碗麵入面本身跟嘅肉碎個人覺得係好食的 整體嘅體驗係一般 但有人話係轉咗手先會變得唔係太好食 埋單嗰陣見到開放式廚房 環境衛生都一般 而且成間店冇乜人 可能因為位置偏僻影響到 最後價錢合理 …查看更多

薯粉口感ok, 價錢尚算ok, 但個湯真的十分失望, 雖然只是嗌小辣, 但一點小辣的感覺也沒有, 不刺激, 除了沒辣味, 其實整碗湯也沒有味, 嗌了麻酸辣, 酸味辣味鹹味也十分不足, 嗌了雞肉 不滑, 整體來說 3/10…查看更多