雲貴川

營業中

休息中

今日去完產檢，去了雲貴川食米線，十分驚「喜」！無諗過會咁平凡無奇我叫左一個雞肉竹新清湯米線，出麵時間奈都算，原以為慢工出細貨，點知雞肉十分諧口，又老，面又硬，好銀胃！湯話就話雞湯，完全淡而無味！如果要我比分，真係100分得30分！失望！

喺佐敦嘅食飯時間度度都多人就是旦入左呢間雲貴川食米線叫一餸米線都只係30蚊好平，而且好大碗感覺食極都食唔完咁😂我就叫左乍醬酸辣米線叫左最細嘅辣食落酸味較多好開胃加多杯凍奶茶其他朋友仔叫左雞翼同腩肉大家都覺得好足料食到好飽諗唔到食咩可以黎呢度食米線佢地仲有薯粉食架

佐敦雲貴川位於佐敦的橫街之中，人流一般，隨便點個麵吃飽就上班。米線任點任配，每款不同價錢選擇，任君配塔腐竹腩肉酸菜炸醬小窩米線，配料份量足，酸酸辣辣的，午市快食選擇也不錯。凍檸茶大大杯

腩肉麻酸米線 （小辣）$30麻味好突出，小辣已經等如譚仔中辣🤢🤢，辣到要叫枝裝豆漿。欣賞湯底非常濃郁！米線唔會好硬，岩岩好硬度，份量非常多，女仔應該食唔曬但腩肉無醃過會有小小扣分只係好普通咁整熟，無咩味道。

朋友介紹呢間四川野, 今日黎一試, 叫左個一人口水雞餐, 包一碟雞, 一個白飯, 一杯野飲, 盛惠$75, 但完全唔抵, 唔expect係咁既質素.一上枱見到碟雞真係幾大碟, 加賣相都唔錯, 但食落口d雞係好hi, 食左兩舊已經唔太想食. 碗飯仲經典, 完全係落唔夠水煮飯個種硬, d飯仲望到一粒一粒分開晒, 一夾就散, 同收銀講仲要話:"應該熟架喇", 完全係一個求求其其既態度呢間野都係朋友話好食先黎試下, 點知完全覺得失望同唔抵, 大家黎之前請三思

認識雲貴川時它還在舊舖，應該有十年了。當時住在九龍，儘管舖很小坐得很逼又要排隊等很久，還是會久不久去朝聖。看到老闆兩夫婦落力地煮粉斬雞，很有人情味。到後來它擴充，搬到隔離街，請了許多人手，也去過數次，反而覺得沒那麼好吃。再後來我搬離了，也就沒有回去。今天剛巧要到佐敦看醫生，在OpenRice找吃的，看到它的名字，心血來潮再來吃吃。來到門口，見坐不滿，心涼了一截，難道真的那麼差嗎？既然來到便吃吧。像從前一樣，點了口水雞，麻辣薯粉，凍檸水。當然先呷一口薯粉的辣湯：夠麻夠辣夠香，像以往（舊舖）一樣呀！口水雞：算大碟，雞肉偏瘦，沒傷心酸辣粉的滑，但醬汁取勝，沒那麼多紅油，卻充滿麻辣香料，加上大豆芽墊底，好有風味。之後聽到老闆在廚房斬雞的聲音，一看，是他們兩夫婦親手煮的，回憶返晒黎。。。埋單只是$92，大大碗大大碟（我吃不完），很值。會再來的。P.s. 樓面叔叔態度ok, 還聽到他耐心地解答鄰座的客人的問題。

岩岩去完伊利沙佰醫院探完朋友，人生路不熟，跟人行馬路方向原來五分鐘就到佐敦。佐敦多好野食就係人都知，所以我求其見到一間幾使正就入左去醫肚，探完病都八點幾呀大佬！一入去都算乾淨，正常茶餐廳咁樣樣，仲有個大電視，good! 拎起menu有啲油，個人來講好反感，但都要睇架啦都入左來，淨麵加一餸都係三十蚊😋幾抵，加多一個餸就分別加多6，7，8蚊，正常價。辣度有大中小，小辣再有2，3，4小辣，我食4小辣，但比想像中辣，食到有少少流比水要叫多杯多檸水。辣都好講究，有分香辣，麻辣同酸辣，我叫左香辣但好普遍，聞到其他人食麻辣好香！同埋我發覺來得食嘅客都好食得辣，個個碗都好紅好似好野味，得我叫咁少辣😂餸我就叫左雞肉同生菜，好多生菜好抵！雞肉都幾有口感好似比較新鮮，唔似譚記果啲淋芝芝！埋單只係37+凍飲7=$44！一個晚餐來講係窮人恩物總括來講，咁嘅價錢咁嘅質素算係咁，唔係話超好味但都算可以接受，又唔洗成日食譚記咁悶，唯一係覺得來呢間應該要再食辣啲先好味！

午飯時間，和同事搭單叫雲貴川外賣。揀了清湯薯粉，豆卜豬潤做餸。外賣很快送達，好大的一碗。它家薯粉是四四方方的面條，形狀和其他家的不一樣。餸的份量算多，另附有少量芽菜韮菜等配料。清湯也很夠味。

今日上堂前就搵碗麵食下平平地就揀左雲貴川食本身成日睇雜誌都話好食所以就試下鋪頭就係佐敦向伊利沙白醫院出口隔離條街 行兩個路口就到紅色招牌的～簡簡單單地左個炸醬紅薯粉 加左個豬潤 但真係太失望認真～油麻地....首先個豬潤太老 變到好粉其次湯底無特色最後少辣變唔辣...仲要唔算話好平淨麵$30加個餸都$7重回譚子既擁抱會開心D

星期六晚想食d辣野, 唸起好近佐敦站ge雲貴川, 離地鐵站行5mins到。 餐廳環境唔算大, 大概有十零張圓枱。7點到, 仲有位。Menus 大部分菜式有圖睇, 菜式唔算多，簡單易明！今次叫左囗水雞套餐、夫妻肺片、涼拌酸辣粉, 全部最少辣！套餐有跟白飯及凍飲。 口水雞老闆斬得幾靚, 大小適中。有雞味, 雞肉亦嫰滑。本來想食d雞胸肉, 鐘意胸肉鞋d冇油份, 可以吸多d汁！😂但今次都係比雞背、脾位多。最少辣, 已經幾辣, 濃味餸岩唒送飯！ 夫妻肺片有栢葉、牛筋同牛肚。栢葉好爽口、彈牙！牛筋煙韌彈牙。整體幾新鮮👍🏻😊！ e到d小菜底下都舖左好多芽牙。 其實e個係薯粉，非普遍川菜粉麵店ge薯粉！比較粗身, 但又容易咬開, 唔係咬極唔斷, 又啃極都好彈過種！加埋d酸辣汁, 愈食愈開胃！P.S. 記住最少辣, 已經好辣！ 同e到d小菜係偏重魚露咸味！

川菜這些年在香港越開越多，質素很多時跟價錢也就不一定成正比。這家在佐敦的雲貴川店小小，已在佐敦多年，我也幫襯過好多次了，在很多人眼中覺得比較簡陋，但食物卻是一流啊!!! 這些年來吃過多少川店也好，總有時候會特別掛念這裡的食物，要特意來吃一趟。我每次都一定要點口水雞，我覺得係全港最好食之一。雞肉嫩滑又大份，汁又辣又麻，不像其他一些口水雞得個油字但個汁係淡味而雞肉又實的的咁，呢度既口水雞永遠無敵呀！再叫了三絲冷麵，麵條爽口彈牙，稍嫌火腿絲少左啲，但芽菜同韮菜入哂味撈埋個辣汁正係好好食呀~另外再點個夫妻肺片，大大碟，無論牛栢葉肺片或牛筋都好多，最緊要個麻辣汁好味！又麻又辣，食完個咀腫哂超爽~呢度我食親都叫中辣，每次都滿足地離開！希望這小店長做長有呢！

由於本人真係無辣不歡 一星期至少有4-5餐都係食辣😝其實一早想試試雲貴川 但之前係網上見到有部份食評寫到佢超差 .食物難食之外重點係話員工態度極為惡劣 .但我認為好多野都見人見志姐😌咁岩今日有朋友係佐敦收工約食飯 就決定黎試下我叫了 炸醬紅薯粉麻酸中辣 1份口水雞朋友叫了 腩肉腐皮紅薯粉2小辣先講下服務. 一間小店收你幾十蚊一碗麵無服務其實都好正常.但見到其他食評話員工態度惡劣 .我希望係度平反下 .和朋友一坐底2分鐘左右. 已經有位員工叔叔叫個後生仔過黎幫我地落單 .但因為我地仲未决定食乜嘢所以我地話轉頭再落單 .後生仔亦有禮貌咁點下頭行開左食物方面 炸醬分量算多.肉碎亦好多.唔係一味得啲汁.薯粉係扁扁的 .個人幾鍾意尼種薯粉 .好吸湯.麻酸湯底有明顯麻椒香味 唔會太酸.中辣既辣度個人認為同譚仔既小辣差唔多（自己食開譚仔中辣.下次會試下尼度既大辣😋)口水雞$57蚊幾大碟有驚喜.個汁好夠味但偏咸.但都ok.雞肉幾滑又入味.食得出係新鮮雞👍🏻朋友無我咁食得辣所以叫2小辣 .但都有麻香味腩肉分量多.其實成碗麵都好大碗.朋友都話幾好味總括黎講 平靚正 有下次😉

放工搵野食…係佐敦附近搵間食米線既…就入左黎呢間舖頭入面以圓枱為主…一兩位既多數都要搭枱有米線同紅薯粉揀配料同湯底就同普通米線舖頭無咩分別叫左碗過橋米線…夠晒大碗…配料樣樣齊亦夠多…麻酸湯底都夠晒味…特別一提佢地既炸醬幾好味唔想食譚X既…都係一個好選擇

係佐敦附近返工 見到呢間米線鋪多學生妹排隊食wor於是咪去試下先食米線一定要叫麻辣/酸辣30蚊唔包送 我叫左兩個送 分別係雞翼8蚊 同豬腸7蚊埋單45蚊 另外加野飲要7蚊杯講返個米線 其實唔差 辣🉐️來好爽口個米線 湯底幾好 好濃郁 plus上辣 唔錯唔錯豬腸好好味 入晒湯底既味道我隔離果個比較大食 叫左個大大碗都係51蚊大大碗同其他米線鋪都🈶️🉐️比較哈哈哈相對來講都算平 plus都夠足料最後可能佐敦區係旅遊區 收費比較貴？🤗

今時今日咁既服務真係唔得呀！！！今日經過，見到呢間都算闊落，諗住入去食碗麵，一坐低，哇！d枱係勁污糟。。心諗算啦，一分錢一分貨。點知呢個唔係最精彩。個呀姐好大聲係度鬧個客，人地唔小心行錯路又鬧，唔記得關門又要鬧。仲要係指住人鬧。教仔都唔洗咁呀嘛。。邊個仲敢黎幫襯呀。。好心講少兩句啦。。都見過唔少服務差衛生差既餐廳，但咁多年真係第一次忍唔住比差評。各位去食一定要100%跟足呀姐規矩呀，唔係就要準備好比佢鬧啦。