雲貴川

營業中

休息中

首先小弟都做飲食， 高低級餐廳都做過，但從無諗過要寫劣評， 呢間真係差到無人有。 我地兩個人入去食lunch 之前未黎過， 所以特登去試下口水雞。 點左碗大腸米線2小辣， 點知食左兩淡， 覺得好咸， 係咸多過辣，咁我咪同個侍應叔叔講話好咸， 可唔可以轉清湯， 佢話加錢咪ok， 咁我第一時間ok 轉湯底。 跟住個呀叔攞住我碗面入廚房同煮緊面個女人係到指手劃腳。煮完落台， 我一飲， 嘩有冇搞錯呀， 飲咸水咁， 跟住我又搵呀叔話真係好咸， 我叫左三次！佢當睇唔到， 唔啋我， 入面個女人即係望住我， 我即刻俾錢走人！ 以後都唔食 我明白40蚊一碗面， 我唔係黎食service， 但你唔好俾我食到一肚氣呀 唔該！

以前返工食lunch成日都黎食！琴日路過佐敦就過黎回味下！我叫左雲耳米線麻酸三小辣，朋友叫左過橋米線！我地另外加左個口水雞🤤 我最欣賞呢道既麻酸湯底，同其他地方食既好唔同，湯又唔油！👍🏻不過我覺得呢道既三小辣已經夠辣了！🤧米線份量好足！我都食到好飽口水雞好似比之前細碟左，但味道依舊，可惜雞件有碎骨，所以食既時候要比較小心！

今日中午1點幾，又來到好耐無來既店食麻辣米線。坐下後，店内有一男一女两個侍應。無耐，侍應姐幫我落單。等咗差不多半個鐘先有得食，出餐比以往慢咗好多。由於我坐近收銀位，所以店員閒時都會企係我旁邊或後面等客人埋單。食咗一陣，侍應姐不停咁大聲咳（無戴口罩，平均1分鐘咳一次），仲好大陣痰聲。她每次咳都企係我檯邊，咳得幾次，其他食客都望下她，但老板娘都只係掛住煮，無叫阿姐戴口罩。結果，我快快食完即走，離開唔够1個鐘開始流鼻水，返家即刻食藥打底!

今晚在油麻地搵小店食個米線，得彌敦道望入內街，見到雲貴川就行左入去。本來覺得餐牌和平時雲貴川唔同，所以怕係做遊客生意，又貴又唔好食，點知都ok wor!炸醬米線就29元，加餸就6元。我只係叫左腩肉炸醬米線，唔辣。米線幾大碗，又彈牙，腩肉都好好味，唔太肥，唔會好韌，又多，炸醬都唔多肥膏，真係ok 架，無中伏！我見都有飯餐食，一人餐73元，二人餐135元，隔離枱的飲品好大杯，唔錯，我覺得可以再黎試其他辣食、飯食。

呢間嘢我第1次係朋友09年帶我黎食。當時淨粉也不過係$18。當時巳覺2個中年男侍應態度唔好同黑心。見到有人食唔到咁辣。會少人地。加多碗雞湯溝淡，要加$4碗細過你屋企飯碗一碗雞湯。但。。。佢地嘅薯粉，係似我家鄉扁嘅偏方形而唔係圓嘅，唔係咁易揾，所以我變常客。近年去少左，但間中都仲搭車去食!上左禮拜，係尖沙咀睇完牙，又專登行過去食。成間舖加埋我4個人，我落單時講，薯粉可否偏唸一點，岩睇完牙有點痹。個侍應問都無問過廚房答我，無㗎喎，我地係咁㗎喎。一係你唔好食。得，我立即起身走。係你呀，無帶眼鏡個位，咁多年你態度咁差你老闆都做到今時今日。如果你想受氣，就去食啦！

呢一間雲貴川已經食咗我成10年，佢嘅麻辣真係冇得頂！夠晒辣，夠晒麻。佢裏面含有花椒，所以味道真係好正宗，有重慶麻辣嘅味道。夠薑嘅可以挑戰佢嘅特辣！之前食過，食完有少少胃痛添，但係真係好正！最鍾意嘅就係炸醬米線，佢嘅炸醬唔係一pat pat，而係肉碎似肉燥，所以更有口感。佢嘅米線好爽口，唔會太諗，價錢亦都好抵30幾蚊已經可以食到兩餸一麵。今次亦都叫咗炸醬米線，份量夠多，另外加杯凍檸茶，作為午餐或者下午茶，真係好滿足。

工作進行到佐敦，就緊係要搵下附近有咩食嘅🤤🤤咁岩樓下就有吸引眼球的米線啦啦啦～喺同事嘅力推下，就去一探究竟啦😈------------------------麻酸辣紅薯粉🍲賣相一般，唔算吸引，但原來湯底係非常之利害😳😳事關小女子原先係想叫中辣，但好彩問吓姐姐，先淆底叫左小辣，然後發現小辣都會頂唔住💩唔係因為辣，而係因為好麻😭第一次食麻酸辣係咁真材實料🙈成個咀痺晒⋯不能形容的痛😂但大家叫米線/紅薯粉係有個tricky位嘅就係，雖然有同無麻辣肉碎都係同一個價，但唔開口姐姐係唔會問，然後之後發現想加呢，係唔比加嘅🙄😢Rating💁🏻:8/10青椒黃金皮蛋🥚老實說，小女子係唔中意呢隻皮蛋的，都係烏卒卒食完似會中鉛毒☠️果隻好食啲～但係估唔到經呢間調味之間又好好食喎😻～辣汁好惹味，青椒味更濃，忍不住令人要用黎撈粉食🤤🤤Rating💁🏻:7.5/10好味指數😋：7.5/10翻啅指數🙆🏻：7/10人均消費💰：10-99服務態度👨🏼‍🍳：6/10乾淨指數🌝：6/10------------------------------

雲貴川, 佐敦鼎鼎大名的雲貴川米線! 我又黎食喇...由於呢排的胃口欠佳, 所以只叫了一碗米線, 叫唔到同堆食唔落多一個口水雞…韮菜 豬腸 貢丸 豆卜 豬扒 麻辣米線 (中辣)韮菜 - 不過不失, 唔太老豬腸 - 洗得好乾淨, 淡淡的滷水味, 好食!貢丸 - 唔知係心理作用淨係咩…… 總係覺得呢到d貢丸特別好味, 特別配麻辣!豆卜 - 唔洗多講, 索晒d汁好難唔好味豬扒 - 驚喜之作, 煎得剛剛好, 有肉汁!! 是屋企家常的醃法湯底 - 大家食開的通常比較油膩, 但呢到您可以見到係無咩油同埋清的! 自家製雞湯底, 配以鮮磨花椒(不是現成花椒油), 再加其他香料一齊浸出黎…… 飲完都唔頸渴!米線 - 普通米線, 不過夠滑, 但係實在太大碗, 結果食淨1/3碗米線……價錢 - 64大洋連飲品, 一餐可以飽成日, 咩都抵喇下話??

麻辣堅正！👍🏿🔥🔥🔥夠辣🔥🔥🔥🔥🔥夠麻🔥🔥🔥🔥🔥夠香！😜以前友人在佐敦返工介紹我食，一試愛上！🤗我最鍾意食呢度嘅紅薯粉！😀第二度好少有！😊就算三哥的薯粉都唔夠呢度正宗！👌🏿我夠膽講呢度嘅麻辣係全港最啱堅！👍🏿👍🏿👍🏿👍🏿不過呢，近來加左價、份量又少咗！！但都值得繼續捧場！👍🏿👍🏿👍🏿👍🏿👍🏿👍🏿👍🏿👍🏿👍🏿👍🏿始終香港鋪租、人工貴、材料又貴咗；😜明白嘅。

喜歡麻辣的味道，這家的麻辣不是花椒油提味，而是自家磨的花椒粉，這已經可以看出老闆的用心，入口味道截然不同。推薦招牌口水雞，雞肉滑嫩，完全沒有雪味，醬汁香辣，完完全全的川味。

呢間餐廳之前已聽聞好好味，啲辣仲辣過譚仔，見行過就試吓。＄28就已經有大大碗一餸嘅紅薯粉，分量超多。我叫雞肉紅薯粉，中辣麻酸，味道超棒，但略厭雞肉有d鞋。不過咁既價錢真心抵！而家好少有30蚊內搞掂一餐既餐廳。

呢間野我從09年就開始幫襯。樓面態度差預左。可惜我家鄉薯粉只有呢度有移民兩年。即刻由尖沙咀做完野特登打過黎食叫個薯粉煮耐啲，因為以前經驗會有時好生好硬個新女侍應問完個個係度做左好耐的男侍應（最差態度係佢一向），話唔得。佢地係咁煮。我話牙痛食唔到。阿姐再問。話唔得，薯粉一定係生生地同硬。叫我食米線。咁我唔食啦！起身就走。香港大大話話一萬幾千間面館。我未見過一間咁。無要求五星級服務。畢竟唔係五星級價錢。但唔係咁掛？？？真係無下次了

係附近買完潛水用品 正諗緊食乜晚餐之際我地企左係呢間川菜店嘅門口見到裏面都坐一半客 應該可以一試兩個人叫左個二人餐 F水煮肥牛注意係肥牛 唔係牛肉我地叫左大辣, 麻辣得黎, 豆瓣味好重我自己就麻麻地, 不過散叫都只係$53!!!咁肥牛份量又多 係非常抵食青椒皮蛋四川皮蛋 黃色嘅 外觀比正常啡黑色皮蛋 晶瑩剔透但味道較啡黑色皮蛋淡生菜爽口 煮得剛好另外我再加個口水雞 $50呢個價錢 ,真係好大碟, 肉質嫩滑辣而不油一人一碗靚仔 大大碗仲有兩杯飲品, 我揀左好耐無飲嘅熱杏雙勁creamy, 特濃兩個成枱都野食 都只不過係$178...超級抵

有時午餐經過呢間鋪見到都幾多人排隊 今次前面只有2個人排隊（～1:15pm）不過我一個人黎都好快入得老實講... 上菜速度實在太慢太慢落單後10分鐘杯凍檸茶先到碗米線甚至要等20分鐘先有原本以為米線鋪就算慢極15分鐘點都會有所以lunch得一個鐘都專登行過黎試下搞到食左10分鐘就急急腳埋單以免趕唔切返office碗米線食左三分之一喳其實呢間鋪只有香辣同麻辣揀對於只食酸辣既我係一個打擊無奈之下 只好揀香辣湯底 未黎過 所以保險d揀最細既辣度（即係4小辣）我平時係三哥食開酸辣2小但係呢度既辣度明顯較高即使係4小辣 我都食得有d吃力點左炸醬米線（香辣湯底）炸醬分量偏少 其實嗜辣既朋友 （尤其係鍾意麻辣）應該比較適合黎呢間店眼看邊圍唔少食客都揀麻辣只食酸辣/唔食麻辣既朋友就千祈唔好好似我咁傻入黎食因為香辣湯底味道一般 明顯無攪勻d辣油 真係寧願揀清湯

今日我同P大人突然好想食辣野, 於是諗都唔諗就衝去佐敦會一會雲貴川。口水雞 - 由於我唔食得太辣, 所以要最小辣, 不過最小辣都已經足以令到我口麻痺了!!食落有種麻油既香味, 雞好滑~呢個口水雞越食越辣, 但會越食越停唔到口!!炸醬腩肉酸辣薯粉 - 炸醬既肉碎算大粒, 有得咬下! 腩肉爽口, 半肥瘦, 正!!薯粉份量適中, 有咬口! 酸辣我要左最少酸, 所以食唔到酸味咁濟, 不過講真呢個湯底都係令人越食越想食!炸醬麻酸米線(三小辣) - 肉碎一樣有咬口 , 米線都爽口~麻酸我試左一啖即刻覺得個咀麻左熱左!! 超級辣呀!!!!!!!!!總括, 鍾意食麻辣既人士絕對岩晒胃口, 而我....只能夠間中一次吧, 哈哈