雲南味味小食

營業中

休息中

呢間米線小舖我一頭半個月都會幫襯一次，見大家寫食評寫得好似好差咁，但我的經驗又唔係咁喎！我每次都係食淨水餃，餃皮比較厚，但餡就幾好味，湯又夠熱。加上他們在湯中加了大量芽菜和酸肉，我覺得十分好味。之所以只食水餃，是因為我覺得佢D米線麻麻地，可能是我唔鍾意食米線掛！因此如果你覺得米線唔掂，試下淨水餃喇！佢唯一缺點就係地方唔乾淨，扣了很多分。

我每次去都會叫酸菜肉米線.."ma"辣雞..豬排..好好味..我平時食野既份量唔會太多..但每次去親都會揀"大"仲要成碗食哂..真係好好味..但我搬左去元朗..已經少食..但我覺得甘多間米線最好味係呢間..可能合我口味啦..以上都係我既意見..誠意推介=]

相比起雲貴川、雲南桂林過橋米線，呢度既米線就比較清，但亦有不少捧場客。一向最鍾意食佢既涼拌米線 ~ 有炸醬、酸菜、粟米火腿、牙菜、仲有... 好好味既醋伴底。酸酸 'mei mei'，好開胃，夏天食就最岩。不過今次就食粟米火腿米線 + 麻辣雞 (另上)。鍾意食佢粟米火腿米線既原因係.. 佢本身既湯底比較清，再加上粟米火腿都不算是多油的食物，所以就「清上加清」了。而佢既粟米又係零舍清甜的，所以好多時都會叫。除此之外，佢枱面上既辣椒醬好好味架. 都算幾辣，但又唔拿喉... 配埋 D 醋就一流.. 所以如果叫湯米線的話，就係叫粟火火腿，再自己加「調味料」 ~ 其他配料就全部另上了。另外，佢既麻辣雞都幾好食 ~ 之前食就覺得好辣，但今日食就覺得 OK .. 係麻而不會過辣果隻。 D 雞切成一粒粒，變左好入味，而 D 洋蔥林林地，但又唔會好散.. 不過衰一樣野，就係好多油 (見圖. 但今次既相效果麻麻，唔好意思 ) 所以就一定要另上，如果唔係.. 你碗米線就係會變左一碗「油湯米線」了。而佢既豬扒亦係可以一試的，不過下面食評已經提及，這兒從略。呢度亦都有唔少人會叫水餃米線.. 但佢水餃米線會自動同

睇完食評先去, 但係都係比較失望 上星期去食, 叫左豬扒炸醬米線同臭豆腐豬扒好乾好硬, 比起我阿媽整o既仲差, 亦差過客家莊同味真餞臭豆腐好特別, 一食落口有好大陣鹹魚味, 唔點佢o個d特別o既淮鹽都已經好鹹, 加左仲更加鹹添... 如果淡口d會好食好多炸醬係三樣'送'裏面算最好味架喇

同事極力推薦豬扒米線,佢話好好味, 差不多每次都叫,即管試下, 就來一碗外賣豬扒米線,打開碗蓋...超級失望!豬扒:::煎豬扒一片, 只係熟左, 白雪雪, 煎唔夠, 唔香口, 唔惹味!湯底:::十分清澈, 好過清水少少, 連米線食, 都幾難頂!米線:::湯米線內, 附送"一條約1.5cm的銀色小鐵絲", 差少少成口血!以呢啲分量及質素, 22元唔包飲品, 外賣仲要自取, 太貴喇!

坐街邊, 食物味道亦只是街邊"那喳"麵級數, 全無雲南風味可言. 坐低後問呀姐有什麼出名好介紹, 除了回應一個不耐煩的面孔外, 已沒作一聲, 可能她自己也知道沒一樣好吃吧.(雲南風味卻沒有雲南過橋米線)食物到, 豬排米線, 餐蛋米線, 粟米火腿米線, 豬耳, 炸香腸, 豆漿, 米線最重要湯底, 這家米線湯底只是加了鹽的水, 其餘食物任何街邊檔也食到, 服務態度極度惡劣, 沒有免費停車處, 可謂一無是處卻自大無窮, 永不錄用.

既然自封「米線狂人」，我當然要試盡所有好食的米線啦!看到網上各位食家的評語都不錯，於是今早專登入來馬鞍山呢度試試這間雲南米線。雖然話就話開10 點，但10 點幾都仲係未ready 好開門俾人入，不過算! 有米線食就得啦! 最後10 點差唔多45 分至正式開門，我正是第一位客人了。一入到去，有一隻好肥好大隻的貓... 看來這裡應該有好多老鼠吧...哈哈...唔知唔想知!自問又唔係好嗜辣，不過聽閒這裡的「麻辣雞米線」好食，就點都要試下。來! 一於小試牛刀，來一碗小的米線先。等左10 mins 左右，阿姐端上一碗熱辣辣的米線來。看來女生的話，細size 的米線都有可能食唔晒! (當然，比起譚仔米線，size 仲差幾皮呀!)這碗「麻辣雞米線」主要有洋蔥及雞件，再加埋好多辣椒碎秘製而成。一口一件雞，大小剛剛好，雞肉都算入味，麻辣的味道越食越出，不可小看洋蔥，都非常入味，一點都唔生。再來一口米線，入口較稔但接受，不算特別好食，中規中矩吧!洋蔥的味依然搶晒鏡!唯一唔好的係... 好油! 係比想像中更多更多更多油! 基本上整個表面都是紅色的油，想飲一啖湯都怕會肚呵...怕肥的人士真係要三思至好食呢個!

依間米線鋪,我由小學食到中學宜家都F.5都食緊!佢地係正宗嘅雲南人黎嫁,Ｄ米線好似湯炒米線完再加秘製湯洵一個人叫碗麻辣雞米線(中)(有大.中.小)、臭豆腐、細豆漿..加埋都係$30.00 個肚就漲漲的洵

我有個朋友很喜歡吃這裡的米線,每次也清湯~!!而上來看食評又甘高分,便來一試~!!其實以言價錢,有這水準真的不錯~!!d湯很清,我叫細碗炸醬米線+煎豬扒+臭豆腐!我入口的時候,已同我朋友講:"很普通姐~!!=.=""豬扒很入味,臭豆腐比平時的size小(我比較喜歡這size)!我平時食麵都鍾意一路食一路飲埋d湯,d湯真的無味精~!!但很奇怪,雖然食ga時候感覺很普通,但回到家,在口腔那湯味,維持了很久的時間,所以,我也不知總體上應該評ok還是笑~!!=.="

我叫左「炸醬麻辣雞米線」加「煎豬扒」。琴日初九，佢地先開市，９點鐘已經基乎所有野都賣晒！厲害．．．個米線真係好正！就算我連Ｄ湯飲埋，之後都無口渴，正明唔係味精湯～！黎到呢到一定要試「煎豬扒」好有住家feel之餘仲好好食！米線有分大、中、小我叫左中＄２７煎豬扒＄６抵！

因為馬鞍山太少好0野食,偶然經過,見到有最愛既米線,一試難忘。叫酸辣米線,有餐肉,大腸同牛腩(豬扒都好好食)餐肉仲煎埋tim! 水準同出面既有得比,同埋價錢合理。雖然格局一般, 不過都ok啦。另有小菜同碟頭飯, 不過唔知好唔好食。

由細食到大, 最好味的雲南米線例牌食酸菜肉米線($16小,20中) 加粟米火腿(+4)酸菜肉同米線係連湯煮, 唔係好似人地果d淋d湯上面, 酸酸地好好味, 好味到連湯飲埋都仲得呀(平時我唔會飲湯麵的湯)...比起旺角,尖咀果d連鎖店好味好多, 價錢都平d啦...

幾年前開始,成日食呢間米線,呢度既米線同出邊果d唔同,唔似譚仔呀,景霖咁,無大/中/小辣,但呢度你會食到另一種米線味道.呢度有幾樣嘢,係值得推介, 例如:酦菜,炸醬,豬扒,麻辣雞咁,都係常叫食物.酦菜醒胃,炸醬好香,豬扒你會食到細個媽咪自己煎果d味,有回憶,麻辣雞其實係雞胸肉+洋蔥,都幾惹味.小妹昨晚一人晚餐,又獨自嚟呢度,今次叫咗酦菜米線+麻辣雞,如常一樣好味,不過比平時淡少少,伸個頭望吓廚房,原來今日係亞姐煮,唔係老細煮,老細係重手d架.順帶一提,服務基本上係無咩,因為亞姐太忙,都做唔切,所以成日都見到一堆堆既碗係台面無人理,但你嗌佢,佢都識得應你.環境就如下面里奧兄所講...真係好一般,地踎格局.提一下,食麻辣雞,記住叫佢分開上,如果唔係碗嘢就會油到你喊!

如題，是否值笑臉呢？幾次都是外賣幫襯，今趟見週末閑聊，就獨自一人來客堂食，酸肉米線及麻辣豬耳。酸肉米線是一貫的食味，可算了得，起碼食到酸菜的美味；麻辣豬耳是冷盤的，爽口脆身，亦有豬耳的香味，唯一是麻辣行頭但麻辣欠奉，空有麻辣之美名。環境又不至於相當差，但企堂阿姐總是忙碌著，檯面上的碗碗碟碟未能收拾之餘，亦沒有多餘時間沫檯執拾，可說烏里單刀；而又不明為什麼總是有烏蠅飛來飛去，相當煩惱。講食味，這裡應沒舍問題，但衛生就喊臉，最後是趟只能打成平手，都是外賣有so！

見到咁多食評都話佢好食,今日就試下啦..門面不太光猛,有少少"up dup"既感覺,下茶時間竟然無下午茶提供...飲野另叫..1)酸菜肉米線(細)$16,碗米線真係好普通啦,湯底又無味,仲要d肉碎的肥豬肉粒浮晒係湯面到,(想減肥的朋友門真係要小心一點),一碗仲要賣到$16真係唔底食...2)豬排米線(細)$18,同酸菜肉米線無異,只係無左酸菜同肉碎,加番塊豬排,湯底同樣無味,塊豬排都ok,真係好似自己係屋企整咁仲有少少"鞋"添.不過食完之後又真係無口喝...用這個價錢可以有更好的選擇...行過幾步到裕發茶餐廳可以吃得更豐富,至少裕發既豬排米線都好食過佢,仲有野飲,下午茶時間都係$15(唔知有没有加價呢?)