雲南味味小食

營業中

休息中

🐷帶咗我嚟食佢中學成日幫襯嘅米線店～更為之驚豔嘅居然係小食！麻辣雞米線 ($33 Small) ●●●●○明明叫細碗但都俾咗勁多嚿雞胸😆湯底本身係清湯，偏淡冇味精味🍜水噉但係一加啲雞嘅辣油落去即刻昇華 仲要都食到流眼水 係過癮嘅麻辣🌶️洋蔥清甜，平衡返成餐嘅味道🧅米線質感恕我忘記了⋯⋯總之係我接受到㗎啦！應該係適中雲南臭豆腐 ($12) ●●●●●即炸到crispy嘅臭豆腐好香，入面都幾鬆軟濕潤旁邊嘅辣椒鹽粉絕對重頭戲🚨超惹味 我哋encore咗次💛💛📍雲南味味小食💰: ●●●●◐環境、服務: ●●◐○○（唔好期望環境好乾淨同埋會坐得舒服🥲屋苑商場係要將就下嘅）

更好味，可以在一次嚟食，以前我都有嚟過，粟米火腿OK嘅！今次超肚餓啊我嘅情況下嚟食，而且勁晏先來，所以冇認真品嚐佢嘅味道！大致上食到粟米火腿味道差唔多，酸菜湯底跳得唔錯，不過朋友話而家同以前比差好遠，同埋呢幾次嚟嘅麻辣雞都係凍嘅囉，咁樣冇乜誠意喎餃子皮厚， 係北方餃子嘅類型，睇吓你個人喜好，我自己就鍾意鄙薄多餡嘅芽菜肥嘟嘟幾好味，如果再多啲就好！麻辣雞好多油，我試咗一粒因為好肚餓所以加咗個餸再加雞翼，滷水雞翼有雞翼尖餸，雖然顏色幾上身，但係味道唔算太入味 $12兩隻， 俾佢pass啦～手撕雞都唔錯，但係加$12俾呢個份量同譚仔差唔多喎以為小店會俾多啲添另外就加咗碟$24嘅腐乳通菜，特登講明叫佢用清水唔好用油場，佢話冇問題可以， 點知根本同平時用油長冇分別，跳跳通菜朔晒油，我唔鍾意咁樣所以食淨好多有啲曬嘢曬錢🫠🫠🫠加$6.1罐Zero就算抵整體而言，都係俾機會小店姐🫠同埋唔使諗食咩，朋友又食開是但啦一次半次😅

唔知幾時開始，馬鞍山得到 “美食沙漠” 呢個稱號，雖然近呢一兩年多咗好多餐廳，多數都係集團連鎖店，但係想食一啲比較地道嘅茶餐廳或者小店之類嘅選擇就唔多。雲南味味小食，相信喺馬鞍山長大嘅人都一定好食過或者聽過，由以前未有譚仔嘅時候已經喺度，🙁早幾年嘅時候品質差過一排，但近依半又好食返，變返以前嘅水準。🤣🤣最鍾意就係酸菜肉碎米線、炸豬扒、豬耳朵、炸醬同埋麻辣雞，小店價錢實惠，份量足，間唔中係馬鞍山想食米線，都會選擇佢👍🏻😽😽

米線又點指咩哥，呢間雲南味味米線係馬鞍山富輝都有一段時間，似係一家人經營嘅。餐廳內外都唔係特別，好唔起眼，但係keep住有好多街坊出入，都算客似雲來。必食1: 臭豆腐—- 即炸香口，個辣鹽好正，有時會用埋嚟撈米線必食2: 招牌麻辣雞—- 雖然係雞胸，但唔鞋，個辣味好有洋蔥香，都幾辣，送米線係good嘅仲叫左手絲雞（雞腿肉）米線同豬腩肉米線，yummy!呢幾年香港愈開愈多米線鋪，除左啲大牌子之外，大家都可以支持下啲小店，可能會有驚喜😆

呢間專賣米線嘅小店已經開咗大大話話十幾20年，即使附近開咗連鎖嘅譚仔三哥，都威脅唔到佢。舖頭細細，座位唔多，但係成日都會爆滿要等位。嘢食選擇都唔算好多，嚟得嘅其實都係食米線。米線配料有10幾款，最有特色嘅應該係麻辣雞🐤佢用嘅雞肉唔算係最嫩滑果種，但係就好入味😋😋秘製嘅醬料令人一試難忘！仲會辣到係咁標汗越食越過癮！另一種不得不提嘅就係雲南臭豆腐。同平時香港嗰隻臭豆腐唔同，佢呢隻其實一啲都唔臭，一碟四嚿細細片，最重要嘅就係嗰啲辣椒鹽粉😎能夠屹立喺馬鞍山咁耐係有原因嘅👍

以馬鞍山無乜米線鋪，第一次去食富輝呢間雲南味味小食來講，算係不過不失，當然無出面個d酸辣米線咁惹味，但都好滿足，可能我太肚餓。試左好多人推介既酸菜肉麻辣雞米線，加份手撕雞，酸菜算多但味唔酸，麻辣雞都ok, 但加埋得辣味，無乜酸味，如果多返少少酸味就perfect😀5分滿分酸菜肉 2.5分酸菜無乜酸味，但唔加酸菜既話，湯底應該無味麻辣雞 3.5分要有d辣味，個湯底先好食手撕雞 2分麻麻地，叫左一份小食，凍凍地，無麻無香味，小小咁多辣，撈埋落碗米線到，好多辣油，原本已經只辣無酸，雪上加霜，撇走d辣油都ok米線 4分唔硬，算稔，啱我湯底 1分無味

我從來未在這裏寫過食評，但因為這間店，我不得不寫，以免其他人中伏。環境細，舖頭殘舊污糟，我都不期望有什麼服務，畢竟我只是來食個米線，又不是去五星級酒店。叫了一個麻辣餃子米線，份量是有大和小選擇。諗住「大」會係多幾舊餃子，點知佢只係俾一碗海量大既米線， 同樣係3舊餃子。有辣椒油、有肉碎、有豆芽、有酸菜，但碗野係⋯⋯⋯⋯⋯⋯⋯⋯⋯⋯沒有味道的。我都唔明點解有咁多材料，碗嘢都可以一啲味道都冇，完全談不上什麼雲南風味。自家製豆漿只是得甜味，沒有豆味。如果你覺得食慣譚仔三哥/譚仔，想試小店，請你千萬不要這樣做，一萬個後悔。

雲南味味小食❤️❤️我們叫左酸菜肉米線$35同炸醬米線$35👍，仲可揀中定大size，如果想加多d餸，中size都夠食🥰🥰呢間米線煮到剛剛好😋唔會太硬，又唔會太淋，而份量都多😆我們仲加左手撕辣雞$11同$11雞翼尖，手撕雞好好食👅，肉質👍，味道有dd辣，但好惹味😍，而雞翼尖都蚊到好入味😁推介整體評分：4/5味道：4/5抵食：4/5環境：3/5地址：馬鞍山鞍誠街28號富輝商場地下G3-G4舖

lunch hour經過呢間賣雲南小食既細細鋪，見到入邊有唔少客人食，出邊都有人等外賣就覺得可以試下？一個決定性因素係我見到有臭豆腐😆嗌咗大份水餃米線加臭豆腐，碳水+碳水😂米線真係量夠足😂配菜有韭菜芽菜酸菜肉碎不過量就唔算好多，湯都比較清爽，米線就冇乜特別，相比之下反而個水餃比較好食🙈大粒同埋皮比較厚，餡係酸菜豬肉？但好似又有啲韭菜香，食咗一粒之後我可以理解點解頭先有客人買淨水餃外賣了😋臭豆腐就打開聞到陣臭味不過食落就只係少少臭，細細薄薄片，唔油，但齋食冇乜味道要沾少少粉先好食～雲南水餃米線 6.5/9雲南臭豆腐6.0/9OVERALL 6.5/9雖然係好細間鋪不過堂食都可以選寫紙仔或掃碼，maybe我會再來買淨水餃🙈

這家雲南米線我由小時候已到吃到現在，很多時候聽人講馬鞍山係美食沙漠，我諗只是他們找不到真正的美食綠州而已。性價比高的雲南米線，有分為大、中、小三碗，但是以我所知道，這只是麵底的粉量而非食物的份量，所以大家可以視乎自己的情況去選擇，而像我一樣的吃貨，當然會選擇大。讓我不斷地光顧的原因除了是米線之外，還有他們的小吃，豬頭耳有點酸味，吃起來相當開胃；臭豆腐那又咸又辣的感覺，讓我們欲罷不能，因此我們很多時候都會選擇加多一至兩份臭豆腐，彷彿像上癮一樣。

呢間都食過好幾次，所以今次爆場就決定買外賣返去食。今次就點咗個中嘅酸菜肉米線另外加$10蚊要多咗份腩肉。個酸菜肉湯落咗好多酸菜，加上個湯底都好食甜！食落去個湯又清又酸好正！另外腩肉雖然切得厚但好淋，加埋啲滷水好入味。加埋都係$45錢真係好抵食👍🏻

外表望落去平平無奇地方亦都唔算大，尚算整潔衛生服務嘅感覺係行務實路線第一啖食落去感覺有點淡味但一路食嘅時候，感覺越食越好味去到最後仲有種意猶未盡嘅感覺可能因為感覺鮮味唔會太濃味既關係，食完唔會有種口乾嘅感覺反而覺得好滿足，有種家嘅感覺我特別推介佢嘅酸菜肉米線麻辣雞豬頭肉同埋佢嘅涼拌米線佢嘅酸菜唔會係好人做嗰種嘅酸度而肉碎係一粒粒，而唔係好多出邊睇到嘅一pat pat食落去真係有種鮮肉味麻辣雞好香，花椒伴住洋蔥我建議另上，可以避免太辣，自己決定撈落米線與否抵佢屹立不倒咁多年，值得細味品嚐

豆漿只有甜味, 叫了也不想飲……叫了水餃米線, 有三隻餃，炸醬酸菜各少許,湯底也沒有什麼特色, 之前看了食評才來的，也沒有想像中好。 價錢也沒有比連鎖店平，覺得很一般。

之前有同事住馬鞍山，一得閒就會問佢有什麼好介紹，好食抵食最好係小店就更好。 因為成日食嗰D連鎖食物，間間連鎖品牌也是提供差不多食物，食到已經唔想食。 這間小本經營食店，好受附近街坊歡迎。 雖然店子細細，但就見到好多熟客來買外賣，真的是街坊之選。手撕雞拼麻辣雞米缐，麻辣雞係雞塊，煮得幾夠味夠特別。 手撕雞原來是䶢雞絲，味道一般。 不過湯底就幾好，味道不太濃特顯出麻辣雞味道。豆漿就豆味略淡不夠香濃，不過甜度也適中。

最近工作壓力很大，心情不太好，突然好想食酸菜肉米線，就放工到屋企附近呢間起碼有十幾年既食舖入到去已經有4、5個人食緊，求其搵個位坐低睇餐牌猶豫不決左好耐，又想食腩肉又想食酸菜肉，又想叫多個小食，但又驚食唔哂！最後.....都係維持原本想食的酸菜肉！$32都幾大碗個湯底好好味，豬肉碎配酸菜好開胃，又唔會太咸！又唔會太肥膩我試過係屋企整但整唔出，唯有俾錢回味！後來個好閨蜜知我唔開心，收工飛奔黎陪我，好開心佢好細食，叫左碗細！其實中 vs 細，個份量都好足夠，只係個人心情問題想食多d，平時我好細食架！呢個係小食黑三剁豆腐$20，個汁酸酸辣辣，我覺得係醋黎，好鬼正！皮蛋同豆腐又唔「鞋」口，推薦推薦其實我都幾喜歡食呢間腩肉，好入味！下次要再食價錢同食譚x，咩哥都差不多，勝在食呢間飲個湯底唔洗叫野飲！😂😂😂環境有點窄，但好食的小店是要支持的！一路等食一路讀住「莫生氣」，自己一個放鬆下都不失為一個好地方。