雲南味味小食

營業中

休息中

看見這店在網站係網上大受好評,所以呢幾日特登去試下..我試過酸菜肉米線,麻辣雞米線同炸醬米線..點知比預期中差..3款米線都非常普通...湯底淡某某...只有酸肉米得酸同麻辣米得麻辣沒有特別惹味的成份...加上地方非常淺窄...服務員工只有一個..因此顯得趕頭趕尾..態度麻麻..唯一可取的...就是該店的小食...豬扒...

夜晚晚在馬鞍山,又唔想食快餐,就黎呢度食...今次點了酸菜肉米線...米線依然唔係腍腍的,湯係酸酸的,酸菜的酸味入哂湯度...肉碎,酸菜份量頗多,與米線一齊食味道唔錯,挺開胃的...不過自己還是較喜歡炸醬米線...食量大左,下次要食大碗先夠飽...

酸菜肉碎米線+豬扒係我食過全港食過最好味同有heart gar!!酸菜肉碎米線, 湯嘅酸味係由酸菜同米線一同煮成!!豬扒嘅味就好似小時外婆煮嘅!!仲之就係小舖經營,絕不粗製濫造!!!

因為要買聖誕禮物,所以就去左馬鞍山...買之前,要食左午餐先...其實果時已經成3點幾,差唔多4點,但自己仲未食晏,所以就黎呢度食...不過,雖然係3點幾,但呢度仍然坐滿人...自己叫左個中碗的炸醬米線...睇落細碗同中碗個碗好似差唔多大,但就相差$4,不過細碗的好似冇咁多米線...中碗都唔少,裝滿成隻碗,大碗就真係好大碗下,自己都食唔哂...先講米線,淋中帶咬口,都唔會話好易話散哂或者過淋...炸醬個人認為唔係好辣,但都唔錯,夠香,撈埋米線一齊食都幾好ga...湯好似係酸辣湯底,但仲係嫌唔夠辣...埋單$19,幾抵食...見到咁多人食酸菜肉米線同麻辣雞米線,又想下次試下...

這裏的米線, 是一碗碗煮出來的,所以非常之熱,所以的客人要慢慢食,有時都幾難等位.

細個去就會食酸菜肉米線, 酸菜好醒胃, 同出面食到既唔同味... 個湯底都好正大個食得辣就會食麻辣雞米線~ d 雞肉煮到勁入味, 辣得黎又唔會食得好辛苦, d 洋蔥就最吸味, 又甜, 真係無得彈!!小食方面, $5一份, 以炸豬扒/炸豆腐最搶手, 豬扒炸得好香口, 炸豆腐再配華鹽, 唔怕熱氣就一定要試下, 另外雞翼尖都唔錯...環境就真係麻麻, 舖頭細, 坐位少, 所以成日坐到出門口... 不過見佢經常坐滿哂就知有幾好味價錢好平... 分大中細, 唔怕唔夠食/食唔哂, 細碗通常都唔過$20, 加都只係$3/$5服務方面... 老細都幾talk 得架, 人客少個時都會出黎同d 客吹下水~ 有一次見到有個客唔食得辣, 阿姐都即刻拎隻碗仔出黎, 幫佢整走d 炸醬, 幾細心!!

我已經是雲南風味的常客。這兒的環境很普通，是典型的街坊地茂feel，但裡面不時都坐滿街坊食客至店外。第一次可試水餃米線--有美味九菜餃2隻+ 少少棘的炸醬。吃得棘的要試試麻棘雞，細細件的雞胸不覺粗糙。我本人的至愛是涼拌米線，夏天吃可避免滾滾熱湯導至汗流滿面；還有我愛吃的炸醬及栗米火腿。涼拌米線好吃的特色是裡面的醋，不妨試試。很多人也喜愛吃這兒的半煎炸豬扒，很有home feel，沒有一般茶餐廳的香粉。遇著剛煎好的豬扒你會一試難忘。我愛散叫豬扒或麻棘雞，每樣也只是$5，很化算。有機會到馬鞍山要試試呀！^_^

跟四川與譚仔不同的另類風味，酸菜肉碎米線內的酸味主要由他們自製的酸菜而引出，美味程度不下於酸辣米線，此種米線受歡迎程度相當高，估計十個食客三個點此米線。另豬扒米線的豬扒較鬆化，黑胡椒帶出點點微辣，香口。以外買為主，但阿姐教路可先致電預訂，証明細心。