雞駅花膠雞米線專門店

營業中

休息中

同太太叫左一個花膠雞，一個胡椒豬肚雞再加一個蟹餅小食，兩碗雞都非常之<鞋>，個湯有冇任何特別之處，杯凍檸茶啲檸檬篤到爛晒，都飲唔到有檸檬味，好似飲緊茶餐廳用嚟俾你洗筷子個杯茶咁，唯獨係個蟹餅叫做正正常常，咁樣收二百幾蚊，送餐嗰個我以為自己去左大排檔，兩碗米線幾乎係「飛」落嚟張枱度，到埋單俾錢，收錢嗰個講完個銀碼之後靜音，連尾音都冇，仲要單手找錢，其實都已經唔期望同我講多謝，但係都唔好咁冇禮貌吖，由食物、飲品、價錢到服務態度，都好差好差，唔會再幫襯

呢間小店主打雞米線, 款式選擇都幾多, 亦可以轉配米粉、白飯🍚、上海麵, 小食方面我哋就試咗金磚豆腐同明太子釀雞翼～🍜招牌花膠雞米線 好欣賞佢用石鍋上, 食到最後一啖, 啲米線都仲保持到暖笠笠♨～ 湯頭呈奶白色, 有着鮮甜嘅雞味, 花膠同雞件嘅份量都好多, 花膠質地爽滑彈牙, 雞肉幾鮮, 裏面仲有木耳同蟲草花, 用料十足, 係養顏嘅選擇！🍚藥膳黃酒花膠雞配飯湯汁有着清香嘅藥膳味, 裏面有一啲養生嘅食材, 例如紅棗、蟲草花, 用嚟送飯一流！

介紹返💁🏻‍♀️。。🇭🇰 雞全部都係雞 在觀塘 🇭🇰。雞駅花膠雞米線專門店 。駱駝漆大廈3座1樓I室。招牌花膠雞米線 Chicken & Fish Maw Noodles 。HKD68沙薑雞濃湯米線 Steam Chicken with Sand Ginger Noodle。HKD52蜜糖雞翼 Deep Fired Chicken Wings with Honey。HKD42 @ 4 pcs椒鹽粟米 Fried Corn with Salt & Pepper 。HKD38凍柚子梳打 Iced Honey Citron Soda跟餐加 HKD12正價。HKD18白桃烏龍冷泡茶 Peach Oolong Cold Tea跟餐加 HKD18正價。HKD25🤫 朋友仔沈沈終於歐遊歸來啦～我去完旅行就到佢去旅行..搞搞吓都差唔多成個Quarter冇見過面咁滯..梗係要即刻約佢出嚟食飯吹水啦～今次我哋揀咗喺相當之就腳而且相當之多嘢食嘅觀塘駱駝漆大廈搵食🤫 我哋最後決定去呢一間食客滿滿嘅雞駅開餐..雞駅雖然地方唔大但係都有三十個位左右..感覺都唔算太迫夾..QR code落單之後我哋兩條友仔急不及待瘋

今日同大家黎到觀塘e邊嘅工廠大廈搵野食😆e次餐廳位於駝駝漆大廈😆超方便，同埋位於1樓，唔洗等𨋢，可以行樓梯都可以到🫶🏻餐廳裝修都幾靚，同埋一入門口已經好香雞湯味😍睇下餐牌先，話明花膠雞米線，緊係主打花膠雞🤓不過都有超多唔同款嘅湯底😋🌸藥膳黃酒花膠雞上海麵，黃酒煮雞我就最鐘意食，因為雞件帶酒香又唔會膩🤤肉質仲好嫩🤩上海麵係幼身嘅，條條都掛到汁🤓湯底夠香👍🏻🌸姬松茸竹笙花膠雞米線，姬松茸湯底好香藥材味，超足料🙌🏻竹笙吸哂湯汁，好入味😋🤩同埋2碗入面都有好多花膠😍🌸蜜糖雞翼，焗得香脆帶蜜糖甜味😆🌸凍咖啡&熱檸檬茶

今日又嚟駱駝漆覓食，每次都搵到隱蔽嘅好餐廳，呢一間主打雞湯米線都係打工仔唔錯嘅選擇😆😆✿ 招牌花膠雞米線 ($68)呢款招牌菜餸料有雞肉、花膠、木耳，份量都好夠。雞肉部位係隨機嘅，但食落雞背、胸都好嫩滑唔乾唔鞋👍🏻 雞湯飲落好鮮，最好嘅係唔會好多油～ ✿ 胡椒豬肚雞米線 ($60)用上一樣嘅雞湯再加胡椒煮過，湯底帶啲胡椒嘅香辣幾惹味～ 豬肚都有好多塊，咬落好軟淋，整體幾好味～✿ 麻香蛋 ($28)呢個醬油溏心蛋有好香麻油味，唔錯幾好味～ 係期間限定嘅菜式，只有app下單先見到～✿ 金磚豆腐 ($42)見到呢個小食都幾受歡迎，又叫嚟試下😝 軟滑豆腐粒粒炸得好香脆，加上椒鹽調味，好香口嘅小食！

同朋友嚟觀塘apm同駱駝漆大廈行街，行到差唔多晚飯時間就直接搵嘢食，係呢層見到有間米線logo隻雞仔幾得意，行去睇下見有椰子雞米線就諗都唔洗諗入去試下！朋友就揀左姬松茸竹笙花膠雞米線，我哋仲加咗一份小食椒鹽粟米。米線都唔算等得耐，貌相非常吸引。雞份量超多，椰子雞湯底奶白色再有一層薄雞油，睇到落晒口水！飲落非常清甜，椰子味十分香濃。雞肉食落好夠晒嫩滑，連雞皮平時少食都忍唔住要食埋，QQ好滑溜！姬松茸湯底烹調得非常濃郁而且姬松茸特別香，味道獨特，湯底飲落係好滋潤嘅感覺，好滑喉舒服，配埋竹笙同花膠，足料好味，女仕們必食。 加錢改配上海麵，同米線食落又有不同口感，同樣配埋滋味嫩滑雞脾部位，就更加係大滿足！個椒鹽粟米好有驚喜，預期以外嘅好味道，椒鹽風味自然係夠晒香口惹味，配粟米食甜甜地又唔會覺得椒鹽咁鹹，而且粟米亦都夠爽口，估唔到咁好味！

見到網上好多好評走去食，原來係一般質素…米線好似未煮熟係硬嘅…食兩啖就唔想食諗諗下係似桂林米粉口感…湯底亦都好一般得個鹹味…雞同花膠都不錯嘅唯一好食係個麻藥溏心蛋，但就唔會再encore補充:同行兩人最後返到屋企都肚痛，唔知係溏心蛋問題定衞生質素啦….都可能係個人腸胃唔好嘅

📍雞駅花膠米線專門店上網見好多人都話好食放工尊登約左個勁鐘意食米線既friend一齊黎試下勁顛囉，無諗過8點上到黎都仲有成10幾人排緊隊真係超勁隻雞勁得意🤩藥膳黃酒花膠雞米線 $68⭐️⭐️⭐️⭐️藥材味濃沃，黃酒味低調得黎又好入味，米線軟硬適中，啲雞份量好多，成磅米線口感好豐富姫松茸竹笙花膠雞米線 $78⭐️⭐️⭐️⭐️啲竹笙勁入味，啲雞都有滿滿既松茸味，個湯底完全飲到係真材實料既味道金磚豆腐$42⭐️⭐️⭐️⭐️⭐️勁勁勁勁勁勁好食呀，炸起即上檯，咬落去係外脆內軟，外表金黃色炸得勁靚真心推薦泰泰雞翼$42⭐️⭐️⭐️⭐️酸酸甜甜，勁開胃，個雞翼勁嫩凍檸檬薏米水 跟餐加$18⭐️⭐️⭐️⭐️見人人都飲，就叫左杯試下，同平時既薏米水好唔同，好新奇，唔錯

觀塘駱駝漆大廈有好多食肆，今日有機會試這間雞駅花膠雞米線專門店，覺得好好味，既補身又養顏🧡健康又抵食之食店。黃酒藥膳花膠雞米線米線用咗石鍋碗盛載，故保溫很好。份量一啲都唔細，亦十分足料，一碗有4-5件花膠，蟲草花，木耳，5-6件鷄件。當歸味極重，帶微微酒香，沒有加味精之下湯底都十分清甜👍🏻雞件亦很新鮮，肉質結實沒有一點雪味🤭另外試左麻藥旦，是很重麻油帶點藥膳香味嘅唐心旦，味道很特別👍🏻日本芝士年糕做得很好，個皮薄薄而脆身，一咬開啲芝士爆曬出嚟。柚子蜜亦都好足料，味道濃郁且多多柚子肉😋

駱駝漆又開新餐廳! 今次有雞湯米線，鐘意食米線終於有多個選擇啦。黎到一定要試下佢招牌花膠雞湯米線! 雞件大大件，份量都幾多，仲有蟲草花! 個湯有好濃既雞湯味，但又唔會去到味精咁死咸。花膠大細岩岩好，吸曬湯汁味。米線屬於比較幼身個款，食落都算有咬口。食食下好快清埋碗湯。另外叫左胡椒豬肚雞湯，胡椒味好突出，感覺多左個層次。豬肚易咬開! 估唔到呢個湯配米線都咁好食! 小食叫左雞翼，出黎似炸雞翼同好重孜然粉味，好香口，幾好食!

🎀觀塘。座無虛席的工廈出色花膠雞專門店🐔😋🎀🪄店名* #雞駅花膠雞米線專門店🔮地址*觀塘開源道60號駱駝漆大廈3座1樓I室 🔮🗾分店地區🗾 沒有分店💰價錢$132 (1人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_觀塘剩系食呢一類👉食物類型搜尋🔍🍜#pickyme_港式➖➖➖➖➖➖➖➖➖➖➖➖➖🎵餐廳環境🎵又比我發掘到一間超好食既花膠雞專門店😍黎觀塘食野既大家勿錯過 真係超級好食！不過由於受歡迎原因 都係要等翻一段時間的😂我夜晚去到一個人獨食 都要等左30分鐘先入到去🕐無得提前book位架 想食好野要等下拉😫店鋪位於工廈1樓 店鋪出面已經聞到香味 店鋪空間唔算好大 有bar枱及普通座位 以及用QRcode落單 十分方便😊🍽️食物質素🍽️店鋪出面有介紹曬甘多款熱門雞湯米線及小食 樣樣都好吸引 佢真係圖文不符拉 因為圖片睇到啲雞好似好瘦好薄甘 但實質系超肥美😍份量又多 超級推介💕👀評分💖💖💖💖💖🪄姬松茸竹笙花膠雞米線$78上到黎賣相超吸引 份量多不在話下 呢個價錢黎講 可以做到甘足料真係好顛 入面有木耳,蟲草花,雞,花膠,松茸,竹笙😙😙樣樣都係勁好食 第一淡當

見到網上評價不錯，諗住試吓。一入到去完全冇人理會，後來過了2分鐘店員才掉張QR code 落單紙係枱面。叫咗一個花膠雞米線，一個沙薑雞擔擔麵。味道方面：花膠雞米線，雞份量幾多。不過啲雞好鞋，啲米線仲要勁硬，好似未煮熟咁😅沙薑雞擔擔麵，未食已經發現有鋼絲，而且個面底結成一團，未煮熟咁，後來店員換了一碗。不過擔擔麵味道真的很普通，而且沙薑雞有幾舊是帶血，明顯是不熟。服務態度方面：雖然沒有收取+1服務費，但並不代表可以掉鐵碗在枱面比客裝骨😅嗰女店員掉嗰刻，我係嚇親。

米線控主要有兩個派別，分別是無辣不歡的麻辣系和偏愛溫和的養生系，喺觀塘返工嘅朋友inbox叫我去試吓呢間位於駱駝漆的花膠雞米線專門店，大約七點去到入座，率已經超過九成，感覺上幾受歡迎一個人食隨便點了一款小食和招牌花膠雞米線$68，特別欣賞佢用上石鍋碗，米線keep住唔會攤凍晒，花膠份量都唔少，真材實料湯頭用上大量雞骨熬煮，味道鮮甜，而且吃完不會口渴，下次好想試吓椰子雞米線，而且相對麻辣米線比較健康—————————————————雞駅花膠雞米線專門店 (觀塘)觀塘開源道60號駱駝漆大廈3座1樓I室—————————————————#hkfood #hkfoods #hkfoodstagram #hkfoodshare #hkfoodlover #hkfoodie #hkfoodieblogger #hkfoodies #hongkong #hongkongfood #香港 #紀念日 #點贊 #互贊 #福利 #香港美食 #吃貨 #美食攻略 #美食 #觀塘美食 #米線關注組 #花膠雞 #駱駝漆美食___🥇Follow @eathkgirls #eathkgirls #食港女

去駱駝漆大廈搵食，見到這間新食店，當然要試一試。看看餐牌，食物都是大路的，都是沒甚難度的。套餐跟一杯飲品，不過要加錢，視乎選取什麼。我們2人分別點了貴妃鷄米線和牛頸脊上海麵，心想這兩款應該較為保險，不會難食吧😅對的，兩碗都説不上是難食，但是貴妃雞和牛頸脊兩者都是沒有味道的；看來貴妃鷄和牛頸脊都沒有醃，所以無味😒😒 是大廚不夠時間準備，還是想偷懶呢😂新開張要先儲客，看來大廚要加把勁了😂午飯時間仍有少量空位。

當我到達這家小店時，看到外面排了很多人，我就知道這裡的食物一定很受歡迎。進入店內，發現店內空間不大，但裝修簡潔舒適，氣氛熱鬧，顯示著這家餐廳的受歡迎程度～藥膳黃酒花膠雞湯米線這道湯非常濃郁，花膠的香味和黃酒的味道讓湯更加美味。米線也很有彈性，入口有嚼勁，非常好吃😋胡椒豬肚雞米線這道菜的賣點是豬肚和胡椒，滾燙的湯底滿滿胡椒香味，辣味也很適中。豬肚很嫩，口感非常好～蜜糖雞翼炸雞翅肉質鮮嫩多汁，淋上一層蜜糖，搭配非常棒，是一道很不錯的小吃🔥