陶源酒家

營業中

休息中

晚餐來說, 通常比較少選擇酒樓, 除了飲宴只有大時大節一大班親戚朋友才會到來。難得家人在陶源飲早茶的時候獲贈了200蚊晚餐優惠券, 應該是為催谷晚市生意, 唔用浪費。沙薑豬手, 個人在陶源飲茶必吃的, 口感冰涼兼彈牙。鹽酥樟茶鴨(半隻), 煙燻味重, 稍咸, 送飯還不錯。鐵板粉絲龍蝦, 龍蝦都算惹味, 不過肉不多, 粉絲比較多而且有點乾。濃湯海味雜菜煲, 菜蔬吸收了濃湯, 味道鮮甜。埋單600幾, 用埋禮券實付400幾, 都算是滿意的晚餐。

父親節當天一家人到觀塘區成業街7號東廣場2樓201至204號舖的陶源酒家飲茶， 家人早已點了很多點心 ， 每一樣都很好吃。 蝦餃、燒賣、牛肉球梗係唔少得， 蝦餃皮薄餡靚， 燒賣即叫即蒸好新鮮， 牛肉球肉質紮實。 牛肉腸和鮮蝦腸粉都是即叫即蒸， 腸粉入口嫩滑。這裏的炸物都唔錯， 鹹水角和炸春捲全部香口好味， 還有鯪魚球和棉花雞， 都算有水準。其實之前到過好幾次， 點心是有水準的， 每次家人約到觀塘區飲茶都會揀陶源酒家。陶源酒家地址: 觀塘成業街7號東廣場2樓201至204號舖

各樣食物都中規中矩, 唔差。鮑汁鳯爪不錯吃。位置坐得也舒適，茶也好飲。員工辦事迅速, 食物也來得幾快。就是不滿他們等位的方式是知道你東西已到齊並吃完, 就會立即請下一轉的人直接站在你旁邊等! (剛好下午荼時間) 第一次仲問都沒問直接就拉張櫈想叫個陌生人坐下來! 疫情期間，這家的等位方式未必適合。因為你一食完, 就會立即迫你走! 個女人沒坐下來, 換了個男人, 站在旁邊仲要冇帶口罩一直講電話! 各部長員工郤視若無睹。

又到星期日家庭日聚會， 上個月到陶源酒家飲茶覺得幾好所以今次又再來。 家人點了很多點心，秘製妙齡王子鴿$84， 燒賣$26.8，鮮蝦豆苗餃$23.8，北菇棉花雞$25.8，菜脯肉碎炒飯$58，xo醬豬頸肉烏冬$68，紅棗糕$10.8，牛肉球$12.8，香煎蘿蔔糕$15.8， 馬蹄牛肉腸$15.8，芋絲春捲$18.8，懷舊鳳爪蒸排骨$18.8， 燒鵝皇米線$32.8，古法馬拉糕$16.8，京式菜肉包$16.8， 豉蒜煎茄子$19.8。🥢乳鴿～非常入味，肉質嫩口。 🥢燒賣～ 賣相和味道普通。🥢鮮蝦豆苗餃～ 入面的餡料太鬆散。🥢北菇棉花雞～ 一般。🥢菜脯肉碎炒飯～ 炒得夠鑊氣， 菜脯好惹味。🥢xo醬豬頸肉烏冬～ 上次食過覺得幾好食，但今次失水準， 豬頸肉太硬。🥢紅棗糕～ 即叫即蒸，濃濃的紅棗味， 入口軟熟。🥢牛肉球～ 牛肉球口感紮實， 味道唔錯。🥢香煎蘿蔔糕～ 沒有蘿蔔味道。🥢馬蹄牛肉腸～ 腸粉質地軟骨。🥢芋絲春捲～ 味道沒有特別。🥢懷舊鳳爪蒸排骨～ 鳳爪和排骨都蒸得很入味。🥢燒鵝皇米線～ 味道中規中矩， 燒鵝唔夠香。🥢古法馬拉糕～做得很鬆軟， 甜味適中。 🥢京式菜肉包～ 味道普通。🥢豉蒜煎

每到星期日都會同家人飲茶， 因為apm太多人了， 又要排隊入停車場， 所以今次屋企人決定到陶源酒家。 我們一行七人點了很多點心， 每一樣都做得有水準， 有幾款點心我覺得唔錯：乳鴿～非常入味，肉質嫩口。鹹水角～ 賣相精美， 皮脆餡正！安格斯牛肉酥～ 外層酥脆，餡料惹味。古法馬拉糕～ 做得很鬆軟， 甜味適中。蒸鳳爪～ 又林又入味。牛肉腸和叉燒腸～ 腸粉軟滑。其實仲叫了很多點心， 燒賣，牛肉球，菜苗餃，蜆介鯪魚球和蘿蔔糕，多到不能盡錄。 第一次到這裏飲茶， 酒樓環境舒適， 價錢適中， 點心和炒粉麵飯都做得唔錯， 下個星期又可以再來了！

平時都好少係依度飲茶，不過偶然都想轉下新地方，今次依一間嘅菜苗餃真係好驚喜，所以都好想同大家分享下。好少嘅地方可以將菜苗餃整到好好食，呢一間嘅特點就係喺佢個皮，佢嘅皮好通透，而且咬落去一啲都唔粉。其次就係一定要試吓佢嘅飽汁鳳爪，如果你有叫炒粉麵飯，仲可以撈飽汁食添！鳳爪好大隻，而且好滑，煮得好入味，都只係$28一碟，抵食！另外叫咗一個豬頸肉炒烏冬，四個人食每人一兩啖就食晒，份量就一般，但係勝在好香豉油味！

平時都會喺香港觀塘飲茶，APM實在太多人，要等位等好耐，今日試下東廣場嘅陶源酒家。實在係非常高質，喜出望外嘅水平。牛肉腸粉比一般茶樓出品有肉味，而不單單是由粉漿混成的口味。燒乳鴿有肉汁，而且有手套提供，十分貼心，而且價錢相宜也不超過$40。最推介的是鹹水角他的皮炸得十分酥脆，而且也不厚。好吃的東西就是凍了也不會難吃。由餐具到碟子也十分精緻，最重要的是假日不會太多人，很闊落，坐得很舒服，不太嘈，不用等位。

細個最鍾意去觀塘既陶源酒家飲茶，覺得d野食美味價錢又合理，稔唔到佢搬左之後，食物質數同服務態度越黎越差，廉價酒樓既食物品質，硬要收高檔酒樓既價錢。蒜片炒牛肉d肉冇牛味，鮮蝦腸d蝦有陣怪味，燒腩仔又乾又硬，咬極都咬唔開，岩岩黎個籠燒賣仲利害，我從來未見過咁自由奔放既燒賣.....

今日同阿媽去觀塘行街，行到累了就坐低飲茶，唔想老人家等，就去就腳嘅陶源酒家可能早去唔算太多人, 入邊大堂可能數埋都係10位枱, 一來就可以坐下，好開心😃例牌都叫下燒賣，叉燒包、腸粉，味道普通啦，不過不失，金錢肚都算淋，叉燒包個賣相普通，但味道OK🤗腸粉嘅肉和粉嘅比例，恰到好處，也算不錯👍🏻兩個人食咗三四碟嘢，飲個茶，食個包，都算好飽，餐廳酒樓侍應嘅態度都算好嘅，埋單每人係$80，以呢個價錢係觀塘來講，食得飽，坐得舒服，其實也是不錯嘅選擇🤗

相約舊同事午飯，地點選在觀塘陶源酒家。紅燒乳鴿熱辣辣，賣相不俗，亦做到皮脆肉嫩。一口咬下，肉汁豐富。豉椒牛肚非常腍，味道濃郁冶味，芋頭吸收豉汁後食之，非常好味。燒賣size算大，食落蝦、冬菇及豬肉比例恰到好處，口感及味道不錯。义燒腸粉前者份量頗多，腸粉亦有咬口，但米香則欠奉。腸粉外觀有點透明，似乎做法同一般有分別。山竹牛肉屬大路貨色，味道普通，但size頗大。义燒飽則熱辣辣，𧐢油汁豐富，叉燒份量適中。整體水平可以，價錢亦可接受。

今天一家吃團年飯，整間酒家只有兩，三個侍應，服務超差。餸菜來了一部份後完全停頓！叫天不應叫地不聞！以後也要考慮去不去！勁失望！不值一提！差，差，差！荷葉飯變炒飯！當客人白痴

觀塘一向都有好多茶樓 有啲排隊搭𨋢上去食都有排等 所以想搵間唔駛等位嘅酒樓食飯 之前都嚟過呢間酒樓飲早茶 今晚就嚟試吓佢嘅晚飯🤤酒樓樓面好大好光猛 侍應都幾多 但係平日嘅晚飯就真係比較少人嚟食啦 望落得大概十檯客😥先叫咗一碟餐前小食 鴨舌海蜇 海蜇份量幾多 都ok爽口嘅 但係鴨舌就比較細隻啦👅沙爹金菇粉絲肥牛煲 呢個同我所認識嘅沙爹相差太遠 佢嘅味道係似咖哩多啲 食埋啲粉絲 我直頭覺得佢似星洲炒米😮醬燒茄子四季豆 呢碟個調味幾好 不過茄子有啲啲硬 但係貼心嘅係茄子皮已經去咗 淨係食啲茄子肉好正😂紅燒豆腐煲 正正常常嘅一碟 至少豆腐都滑嘅大澳炸排骨 蝦醬味幾香 排骨都炸到脆脆地 幾好⭐️小菜嘅味道係可以接受嘅 但係價錢就略貴喇 下次會食過第二間

差唔多休息咗個多月，都係忙上堂，同朋友，舊同學，同事一聚，今日就約咗個舊街坊食午餐，剛她有事到官塘，就約咗我去陶源，呢間我都飲過早茶同下午茶，最初比我印象就係高級酒樓，後來先知喺富臨的集團，但價錢當然比富臨貴，還境都算坐得舒服因為唔多人，我就未試過食午餐，今次呢度有時間睇下有咩食，見有個套餐話做特價，覺得好似幾底，朋友呢度同她講，她就話一人計$198，本來$398而家做優惠就198，睇落食自助午餐低啲，咁朋友就散叫，叫咗6－7樣點心，反而午餐啲水準又唔同，好好多，可能一分價錢一分貨掛，連茶壺都靚過人忘了影相，點心賣相同味道都幾好，埋單$270比我相像中平，都算低食

蒜片和牛，但其他配菜多過牛，$148得8粒，味度又一般，服務態度麻麻，成間酒樓好似唔休做咁。三個字，差爛貴。 食過其他陶源都唔會咁，水又無人加，食晒送先黎飯。。。唔會再食

今日屋企有喜慶諗住俾多少少錢食得開心d, 點知食到一肚氣！$5000 幾蚊得6個餸 (我媽咪去落單擺明蝦佢)，條魚同我碎上，兩條油浸菜心，無料炒飯！本身媽咪話想要上湯龍蝦，佢又寫錯左芝士 (咁我地又有d 責任，應該睇清楚）。不過最嬲係佢仲要話係上湯黎，唔係芝士！😡😡即係我地10個大人分唔出咩叫芝士？叫個部長黎，等成半個鐘都仲未有人黎，黎到仲要話如果你要食新鮮，就要早d 落單，一係叫我地d 套餐，唔好手寫菜單！我俾錢嗰時你唔講？價錢同質素差太遠，離晒譜！最衰食到中段先諗起影相....