影片
更多
2014-02-22
4325 瀏覽
又來到與小學同學晚飯gathering既時間，我們以往都係食西餐、泰國菜、越南菜比較多，今次我們一於來個突破 --- 食中菜。今次我們有6個人，原本想去試試其他中菜館，但因為其他心水都一早 full booking，所以最後就選擇來陶源酒家了。陶源酒家出名食鮑魚! 但因為我們資金有限，所以就沒有食鮑魚，反而叫了其他餸菜。哈哈第一碟，是「小食」炸素鵝。別以為小食就是細細碟份量很小，但這碟素鵝就很大大碟! 除了份量大，味道亦好好! 我本身好鍾意食素鵝，但有些地方的素鵝炸得比較乾身、餡料亦唔足夠。 但這裡的素鵝就炸得好鬆脆可口，餡料亦好足，啖啖都好香好滿足! 跟接素鵝上場的，是另一款「小食」炸茄子。這碟炸茄子就比較似小食的份量，不是很大碟，但味道都是幾好的。茄子切到細細粒，食起來就好方便，而且每粒都炸得好香口，外表脆、內裡是茄子肉，好味!之後，就開始來到主菜了! 首先是菠蘿咕嚕肉。 菠蘿咕嚕肉在很多地方都可以食到，但要煮得好味就唔係咁容易。 這裡的菠蘿咕嚕肉就中規中矩。 醬汁的甜、酸比例調校得OK，唔會太甜或太酸。 其次，菠蘿亦唔會太酸，而豬肉就好嫩、沒有根，亦唔覺有好厚的炸粉，味道幾好!
今次我們有6個人，原本想去試試其他中菜館，但因為其他心水都一早 full booking，所以最後就選擇來陶源酒家了。
陶源酒家出名食鮑魚! 但因為我們資金有限，所以就沒有食鮑魚，反而叫了其他餸菜。哈哈
第一碟，是「小食」炸素鵝。
別以為小食就是細細碟份量很小，但這碟素鵝就很大大碟! 除了份量大，味道亦好好! 我本身好鍾意食素鵝，但有些地方的素鵝炸得比較乾身、餡料亦唔足夠。 但這裡的素鵝就炸得好鬆脆可口，餡料亦好足，啖啖都好香好滿足!
跟接素鵝上場的，是另一款「小食」炸茄子。這碟炸茄子就比較似小食的份量，不是很大碟，但味道都是幾好的。茄子切到細細粒，食起來就好方便，而且每粒都炸得好香口，外表脆、內裡是茄子肉，好味!
之後，就開始來到主菜了! 首先是菠蘿咕嚕肉。 菠蘿咕嚕肉在很多地方都可以食到，但要煮得好味就唔係咁容易。 這裡的菠蘿咕嚕肉就中規中矩。 醬汁的甜、酸比例調校得OK，唔會太甜或太酸。 其次，菠蘿亦唔會太酸，而豬肉就好嫩、沒有根，亦唔覺有好厚的炸粉，味道幾好! 但如果菠蘿可以再多一些就更好了! (因為這碟只有3、4塊菠蘿)
主菜繼續來! 這煲是濃湯雜菜煲，就算我現在過了咁多日，回想起這個煲，仍然覺得個濃湯好香好好飲! 而雜菜款式亦好多，唔會煮到啲菜太「林」，並且吸收晒濃湯的精華，好好食! 這個煲份量亦唔小，我們6人每人都食了很多，還有剩，所以我就唔客氣把剩下的濃湯及雜菜通通飲/吃掉了! 哈哈，實在太滋味啦!
接著，係我們好期待的賽旁蟹! 這碟菜的設計幾精緻，賽旁蟹煮得好入味，配埋唔太酸的醋一齊食，我覺得味道啱啱好! 這碟賽旁蟹用來送飯就一流啦。
以下這碟餸，亦好適合用來送飯的! 就是雜菌炒雞柳。我亦好鍾意這碟菜，因為一來雜菌的份量有很多，亦好入味。而雞柳亦一樣入味，唔會太咸，而且肉質幾嫩的。唯一不足是如果雞柳的份量可以再多些就更好，因為只有幾塊，我們6個人都唔夠分。
哈哈，剛剛提及過這些餸用來送飯就一流，那我們又點會唔叫飯呢? 但我們不是叫白飯，而是叫了這碟鮑魚粒雞粒炒飯。我們首先搵搵鮑魚粒，但真係唔容易搵，最後就每人都搵到一小粒! 哈哈，味道其實像鮑魚菇。 而雞粒、冬菇粒就有唔少，但這個飯滲滿了醬汁，我們都覺得過咸了。
這餐飯味道算唔錯，但以這個價錢，我們應該唔會再來這裡食小菜…除非我們想食鮑魚啦，或者會考慮來這裡試。(因為我見到差不多每檯食客都有叫原隻鮑魚呢! 哈哈)
題外話/補充資料：
食飯途中，有幾粒塵由天花板吹落到我們的檯面，懷疑是來自天花板的冷氣出風口。幸好我們當時都已食飽…這裡的衛生情況有待改善!
(以上食評乃用戶個人意見 , 並不代表OpenRice之觀點。)
張貼
