陶源酒家

營業中

休息中

由於工作關係，很久沒有和女兒聚局，今天決定相約在這兒午膳，這個傻瓜，經常留連於朗豪坊一帶，竟不知豉油街，真的是。訂了11：45，準時到達，但知客小姐顯然是沒有預先安排，東找西望才給了一張小檯；這也難怪，做生意的耶！女兒放飯時間有限，點菜為先，鮑汁鳳爪怎可缺？味道是欠了一丁點，個人口味，濃一點更好，但是火侯掌握不錯，淋而不爛，再來荷葉飯，這個可能長期置於蒸爐，有著黏口的感覺，似糯米飯多一點，再來的是鮑粒腸粉，通透軟滑，內涵豐富，小籠包肉汁豐盈，牛肉球味鮮有牛味，叉燒包------囡囡至愛，個人不好，她說好好味就是，鮑魚雞粒酥---鬆侍應小姐要求打包，忘(忙)了，之後不斷致歉，唔緊要，明解！結帳$363，接受。之後女兒傳來短訊-------好好味嘅午餐，多謝！傻豬，下次再來晚膳，活著，只因有妳！唯一要彈的是洗手間衛生紙過硬，希望改進。

見佢出左個魚翅鮑魚套餐, 每位 $268, 睇黎好抵, 專登喺生日果晚訂位試下.間酒家喺酒店裡面既地庫, 有條樓梯行落去, 未到已經覺得好 grand, 人唔多, 樓底好高, 覺得冇揀錯地方慶祝.叫左套餐兩位, 另外加左兩隻冰鎮活海螺.好快黎左個生拆蟹肉翅, 份量啱啱好, 夠杰足料, 湯底味好, 有好明顯既蟹肉, 翅係翅仔, 但夠多, 整體個翅幾好, 唔使落紅醋.佢地好細心, 會另上一小杯楊桃檸檬汁, 比你喺食鮑魚前飲, 話可以解左之前食野既口味, 可以試真D 鮑魚咁話.飲完個汁, 慢慢嘆佢個二十頭中東鮑併鵝掌西蘭花, 亞女話未食過咁鮮既飽魚.... 我相信係因為杯楊桃檸檬汁既配搭, 我就覺得未有糖心, 不過咁既價已經係超值.跟住係食海螺, 清爽, 正路淋D檸檬汁, 點芥末豉油, 不過不失.個砵酒蚝唔錯, 面頭好似酥炸皮咁, 食落味清唔"漏".义燒併鴨胸, 义燒仲暖既, 有D 油係面仲郁緊, 好林好好味.最後黎既石班球, 濃湯浸莧菜芹菜, 由於已經好飽, 所以心理上只係希望食得哂, 所以未算細心品嘗... 味道清爽, 所以都可以清哂佢.個餐飲可以揀紅酒同果汁先生, 最後會有生果. 可以

其實間野都黎左飲茶好多次,最近去左一次比較深刻,趁機分享一下.今次想講多d服務~味道:整體黎講,雖然唔係話極度突出,但做到樣樣都唔錯,都幾有交待.......叉燒包,蝦餃,燒賣,蘿蔔糕,珍珠雞,蝦米腸等等大路野全都冇問題~另外發現有個比較ge係鮑魚腸,下次試左會補番話番比大家知~要講較有印象會係個花枝餅,因為向其他酒樓比較少食,但都幾油下.雞絲春卷會係小數唔掂ge野食........過份淡口ge炸食物.......又唔香口.....奶皇千層糕甜甜地,Size岩岩好(分左4件),值得推薦.牛肝菌金腿帶子炒飯,翡翠蝦球炒河E 2個炒粉面會係比較好GE其中2個.2個都幾特別,前者,食完成堆肉食再食岩岩好,因為主要ge材料都唔係肉類,食落幾香口.後者,比較濃味,有dd似波菜面,蝦球數目適中,唔驚唔夠分.以前有個叫廚皇炒飯都亦不錯,但e+好似冇左了.茶方面,因為都係正常水平,所以冇刻意講了.服務:最後要俾3分真係好難俾......因為話佢好又唔係,差....又唔話可以咁講.....只能夠話係超越左足夠.....佢地係好殷勤...有禮貌,又幾肯解釋......又好樂意幫你針茶.....但係就太鐘意

今日一行七人去飲茶.有兩層.平時都唔會好多人.9成唔洗等位.今日叫左好多點心.鮑汁雞腳,牛肉,春卷,蘿白糕.叉燒包.千層奶皇糕.番紅花餃.燒腩仔.紅白飯同龍蝦伊麵.千層奶皇糕好香滑又唔會太甜.推推推推!番紅花餃係第2度食唔到嫁.口感味道都好好.飯同麵既質素用料都比出面既酒家高.但portion就比較細.環境唔會好迫同好噪.係難得傾到計既茶樓.價錢自己比較貴.但我覺得物有所值.

尋日帶隻狗仔Momo去勝利道睇醫生，順便就黎飲茶。上年3月我響度結婚擺酒都仲係德福軒，而家已經係陶源，真有d失望！不過一場來到就去試試啦。環境︰比舊時光鮮企理整齊。服務︰一般啦，不過見好多熟客仔幫襯，d侍應笑到見 牙唔見眼。食物︰1.都唔錯喎，當日叫左壼水仙，d茶好靚好香。 2.翡翠大蝦炒河 (簡直正呀！翠綠既波菜汁清得來又鮮甜，配 上大蝦球啖啖肉，再淋上已炒過既河粉，食落 香口唔笠口，又唔會油淋淋，好味！) 3.蝦餃(d皮淋bad bad) 4.唔知咩富貴海鮮腸(d海鮮好似d魚乾咁，到而 家都唔知係咩黎) 5.金網生煎飽(好味，d肉料夠新鮮) 6.叉燒飽(有好多叉燒汁湧出黎)

好多時都會星期日黎飲早茶, 呢間野的黑衫部長要十一點後先上班, 十一點前就係女侍應們的世界, 班女侍應完全唔知咩叫服務性行業, 叫又唔應, 問又唔答, 就算佢答你, 你都唔會聽到佢講咩, 埋單要等十五分鐘, 我今日去飲茶, 短短個零鐘, 已經聽到好多不同的客係到投訴, 埋單要等廿分鐘, 計錯茶錢...我本人呢, 今日遇到包括叫侍應開茶, 佢好煩咁叫我等陣, 叫佢寫野, 佢明明見到, 但係里埋入茶水房, 埋單等左五分鐘, 我叫佢睇睇, 佢答都唔答, 我大聲再問, 佢話: 等等啦, 我見到有人埋緊, 我話我要追呀, 佢就掉頭行左去, 唔明又唔係咁爆, 點解埋單要食叠咁埋, 仲要主動問你有冇一百蚊紙, 咁唔駛等找錢...我情願出去櫃面比錢囉...我唔明呢間野點賣鮑魚做高級食府... 完全無譜, 茶餐廳咁, 不過茶餐廳唔駛收加一茶錢醬介喎...

本來係唔應該來吃的, 之後仲有一局, 但又實在想同大家一齊傾傾講講玩玩聊聊, 最後又來了這裡飲茶.當然, 主力繼續係八九十, 也不再評了, 但是日又吃了兩款特別食物.荷葉飯: 8分, 因為那日要來個大加班, 大家都係要吃個飯頂一頂肚, 要了這個荷葉飯, 一打開係荷香飄至, 飯粒唔會太濕, 也足料的, 我們十個人分, 一個人也有兩碗, 不錯.炸腸粉: 8分, 炸成金黃色的腸粉皮脆脆的, 比一般的煎腸粉多一層口感, 點上甜麻醬, 正.食物有水準, 也經濟的, 也坐得舒服. 唔知幾時來吃個鮑魚做早餐?

小肥:陶源飲茶就飲得多, 晚飯就第1次, 上次o係呢間分店飲早茶時送o左好多張乳豬仔coupon, 都知呢度晚飯唔平, 但計落應該都有so, 所以今次同朋友飯局即管一試.呢度環境幾好, 同埋坐得幾舒服, 不過埋面間房度有人唱k, 所以有少少嘈, 但到中途都冇再唱, 清靜晒!我地一共4人, 但有1個遲到, 加上明知送隻豬, 所以都prefer叫d 清淡少少o既先. 但我地叫4個餸, 有2個冇, 跟住個經理就sell我地叫個龍蠆骨湯, 我地都冇諗住叫湯.. 跟住又叫我地叫另1個徧貴o既小菜, 我地都覺得呢度可能叫貴價o野就有, 平o野就冇咁lo, 不過我地冇理佢, 落住咁多先! 先上隻豬仔, 真係成隻上冇欺場喎! 隻豬仔真係好的式, 佢介紹話係未戒奶o既豬仔, 佢唔同平時食o既d, 係連肉食, 會較厚身同比較多脂肪, 食兩件我都停o左手啦, 不過係好味喎, 趣卜卜又熱辣辣, 雖然在座3位男士都唔細食, 但最終都食唔晒, 後來諗住加多個餸, 又係賣晒, 搞到大家都冇心機再叫其他, 之後食甜品算! 最終我地只係叫o左個百頁豆腐同菜, 2個都好好味呀! 我地坐到人地差唔多打烊先走, 雖然我地幫襯

每星期日十點幾, 都要為食頭痛. 附近的選擇實在太少, 來來去去都係個幾間.見這裡轉了手, 馬上想來試試, 轉轉口味, 等埋文迪放假, 就終於過來了.來到時差不多全滿, 剛好有一張臺給我們八人. 環境都幾好, 不太嘈雜. 見有特價點心, 大喜, 連忙叫了一大堆.翡翠牛肉球$7.8: 7分, 其實不太喜歡牛肉球, 不過這個的肉質算不錯.香煎蘿蔔糕$7.8: 8分, 應該係即煎的, 都等了好一輪先有得食. 蘿蔔糕煎得熱辣辣, 好香口.蜆蚧鯪魚球$7.8: 8分, 金莎的包裝, 入面當然唔係朱古力, 係鯪魚球. 鯪魚球唔腥, 點上蜆蚧, 相當香口, 一眼瞬間就被大家清掉.羊城雞包仔$8.8: 8分, 鬆化的飽, 再加上味道都幾好的料, 味道吸引的雞包仔.蠔皇鮮竹卷$8.8: 7分, 鮮竹卷一向以來都係比較杰身的, 這個也不例外, 杰杰的汁, 不過熱辣辣, 都收貨的.珍菌滑雞粥$9.8: 8分, 以這價錢來說, 都相當大碗. 粥煲得幾綿, 雞都叫做係滑雞, 唔會太老, 仲有珍菌, 加在一起口感都幾豐富.蜜汁叉燒腸$9.8: 8分, 腸粉幾滑, 加上點點麻油香, 同埋叉燒, 不錯的配搭.仲叫了兩