陶源酒家

大閘蟹季節又到了，這次來到陶源酒家食大閘蟹放題，價錢$528，限時2小時任食大閘蟹，另外還有片皮鴨，更加送特色三盛：▪️鮑汁扣原隻鮑魚伴椎茸▪️蟹粉瀑布搭配上海麵•窩巴•手抓餅▪️蟹肉椰菜粉絲等還有多款前菜、小菜、主食和甜品可任食🦆片皮鴨2人份都好大碟，皮脆肉嫩，搭配香蔥、青瓜絲和餅皮，鹹鹹甜甜好惹味🦀大閘蟹主角大閘蟹約3-4両，煮法可選擇4種▪️清蒸大閘蟹▪️鹽焗大閘蟹▪️太雕蒸大閘蟹▪️花雕熟醉我最鍾意清蒸，可以保持到原汁原味，隻隻都好多蟹膏，鮮甜又甘香當晚整體上菜速度都尚算快，最後當然要食埋甜品，除了必吃嘅薑茶配湯圓、還叫咗香芒布甸、楊枝金露、奶皇千層糕，食得好滿足🎁優惠全攻略🧑‍🧑‍🧒‍🧒家庭優惠 - 買2位，免費1位1.2米或以下小童🧑‍🎓學生優惠 - 全檯可免$58.8加一服務費🎂生日優惠 - 全檯免費升級可任飲啤酒汽水👴樂悠卡優惠 - 持卡者可免茶芥及3位或以上贈送太雕一壺*以上4個優惠更可同時享用，需出示有效證明*…查看更多

今年第三年幫襯陶源酒家大閘蟹放題，而旺角店反而係第一次幫襯。唔係因為呢間特別好食，所以連續三年幫襯，而係覺得呢間服務都幾好，啲蟹中規中矩過得去，但今次係最失望嘅一次，已經決定永久Blacklist。先講啲大閘蟹，佢有四款味道可以選擇，但食落去，完全食唔出有分別。而且所有蟹味道都係凍嘅。失望非常，記得上年食嘅大閘蟹，都有大閘蟹嘅蟹膏香味，今年嘅蟹完全冇香味，完全唔覺得自己食緊大閘蟹，唯一抵讚嘅，係冇死蟹（上年去觀塘店好多死蟹）。另外，今年啲蟹嘅size細到飛起，之前嗰兩年，我哋都會食埋啲蟹腳，但今年啲蟹可以瘦到+細到，完全唔想食埋佢再來片皮鴨，完全乾爭爭，當然又係凍晒啦。完全唔想encore。記得上年喺觀塘店食嘅叉燒好好味，嚟到呢度，啲叉燒係全瘦，今次唔係凍啊，係溫暖的，但因為根本太瘦，啲肉亦都係鞋到飛起。再來獅子頭，我諗呢個係今日最好食嘅一樣嘢，因為佢只係牛肉球嘅味道，裏面再加有少許嘅蟹粉味道。蟹粉瀑布先係最恐怖，佢所謂嘅蟹粉瀑布，應該係用水溝咗，完全冇蟹肉味，附送嘅手抓餅，只係食到油及粉味，當然又係全凍啦，好恐怖。至於佢嘅鮑魚，我真係唔知佢點做鮑魚專門店，韌到完全咬唔入。自助枱上嘅雞翼、豬扒、蝦等等，又係嗰句啦，唔怕凍食嘅，你都可以繼續出去拎。芒果布甸，你完全覺得落咗好多魚膠粉，硬晒。想飲一杯薑茶，當然又係用水溝稀晒啦。我完全覺得五百幾蚊，真係比一堆垃圾我食。我相信，呢一世唔會再幫襯，因為今日嘅體驗，係非常恐怖。…查看更多

kkday買咗大閘蟹片皮鴨任食，食完第一次之後話要加片皮鴨，年老男員工（應該是經理）話只係大閘蟹任食，片皮鴨係定食，就算我哋出示相片證明我哋購買嘅係大閘蟹片皮鴨任食套餐，佢依然堅持我哋個套餐係冇包含片皮鴨。相片清楚可以看見套餐是大閘蟹＆片皮鴨任食，經理態度惡劣，說：「如果你哋想食我”可以俾你哋”食，本身其實係定食。」即係當真金白銀比二千幾蚊食嘢嘅食客係乞兒？施捨俾我哋食咁多謝你啊。咁想請問到底係違反商品說明條例，定係你哋經理根本唔清楚套餐？另外該名男士亦多次大聲呼喝員工，非常影響用餐氛圍。最後，獅子球，米餅等等除咗用嚟填飽個胃真係唔知有咩用，唔建議大家去試伏，除非食量好大，真係淨係食大閘蟹就夠。…查看更多

狂食大閘蟹的季節又到喇🥳 今次朋友係網上訂左位帶我嚟咗「陶源酒家」可以任食大閘蟹，好滿足🦀✂︎ 每位食客送特盛三式🥢𓏲𓏲 鮑汁扣原隻鮑魚伴椎茸𓏲𓏲 蟹粉瀑布搭配上海麵、窩巴、手抓餅𓏲𓏲 蟹肉椰菜粉絲最鐘意鮑汁扣原隻鮑魚，鮑魚煮得好軟腍😻✂︎ 主角大閘蟹有四款口味：𓏲𓏲 清蒸大閘蟹𓏲𓏲 鹽焗大閘蟹𓏲𓏲 太雕蒸大閘蟹𓏲𓏲 花雕熟醉蟹每款大閘蟹都爆晒膏🦀 同朋友最鐘意清蒸大閘蟹🤤 蟹膏軟滑，清蒸做法更加食到蟹肉嘅鮮甜，加啲蟹醋令到大閘蟹嘅鮮味再次提升👅✂︎ 除咗大閘蟹外，仲有唔少主食、小菜、甜品都係任食😋 𓏲𓏲 黑毛豬叉燒肉質好腍、小籠包熱辣辣小心辣親個嘴巴𓏲𓏲 手拍青瓜、川味牛柏葉等小菜酸酸地又清爽，好開胃🥒 𓏲𓏲 最後，梗係要一碗薑茶湯圓軀寒，薑汁辣辣地飲到成個身暖晒🫚 紅棗糕Q彈又有紅棗香，好好味😻…查看更多

幾乎每枱都食緊大閘蟹放題兩小時任點任食大閘蟹、片皮鴨仲有各款小菜甜品～星期一至四會係 $528/位​🦀 無限追加大閘蟹 ✨清蒸·大雕蒸·油鹽焗·花雕熟醉調味輕輕點綴唔會蓋過蟹本身嘅鮮味個人最喜愛清蒸，原汁原味🫶🏻媽媽就最鍾意花雕熟醉，帶點酒香​大閘蟹整體質素係新鮮好食！蟹膏軟糯鮮甜店員上菜快手，實現大閘蟹自由呢個價錢我無野要挑剔了～​－:+:－:+:－:+:－:+:－:+:－:+:－​🦀套餐特盛三色（每位一份）✨鮑汁球原隻鮑魚拌椎茸✨蟹粉瀑布·上海麵·手抓餅·鍋巴蟹肉✨蟹肉椰菜粉絲​🦀其他主食西班牙橡果黑毛豬叉燒朱古力奶黃鴛鴦包鳳城雞包仔三色蟹粉小籠包蟠桃大壽包​另外有個小小嘅自助區可以任食小菜同糯米飯每樣夾少少，呢個安排都幾好😌​…查看更多