陶源酒家

營業中

休息中

準備過年又點小得食盤菜，由於疫情關係，今年夜市冇得堂食，唯有外賣回家吃⋯今日試吓陶源酒家嘅盆菜，一向好喜歡去飲茶，佢點心真係唔錯，不過一般我都係去尖沙咀 isqaure，今日因為外賣，所以選擇近屋企附近嘅旺角分店⋯$468 另外+ $8有沙薑豬手，咁嘅價錢應該冇得輸！雖然唔係起級足料，例如冇海蕊，亦欠發菜，但都係果句$468，有鮑魚、有花膠、有大蝦、同超級厚肉嘅冬菇、當然鷄/鴨/豬手/豬肉丸/西蘭花/蓮藕/蘿蔔又點小得⋯4人份真係4個都食到飽飽，而個$8沙薑豬手更加係冇得彈！今年第一個盆菜，真係冇嘢可以投訴⋯

網上見到陶源做緊晚市小菜外賣套餐，好抵食網上上佢地官網訂購的，叫左虎蝦自選小菜套餐 4位用 $388/免加一 3餸一湯一飯好豐富，人均$100有找花膠老雞湯 飲落黏黏雞味好濃郁，用花膠再加入大量雞腳熬煮，充滿骨膠原！陣陣胡椒香，適合冬天補補～椒鹽豬扒，全是肉，份量都幾多，調味都惹味！蟲草花野菌泡菜苗 一肉一菜、一濃一淡，營養非常平均！上湯虎蝦伊麵一人一隻大大隻虎蝦，爽彈新鮮！伊麵吸滿上湯湯汁都夠濃味！廚皇炒飯 炒飯炒得夠乾身，粒粒分明，仲有大量炸到香脆嘅瑤柱舖面

姐姐推介呢個外賣3~4人餐，有湯有飯有虎蝦伊麵，仲可以自選2款小菜，都幾抵食❤️紅燒花菇豆腐 係酒樓先食到既味道，有鑊氣，而且勁多舊豆腐，仲有d小白菜係底🧡菠蘿咕嚕肉 一打開盒已經聞到咕嚕肉陣酸酸甜甜既香味，好香好有鑊氣，咕嚕肉份量仲幾多添！💛虎蝦伊麵 虎蝦真係超大隻，肉質結實，d 蝦肉大舊到好似食龍蝦咁！💚廚皇炒飯 有蛋 菇仔 櫻花蝦 翠玉瓜等等配料，炒到好乾身，好一粒粒！💙花膠老雞湯 非常足料既雞湯，好大隻雞脾，仲有好多花膠，好香好濃雞味但又唔會太油膩P.S 社交平台 見到原來個set可以online 訂定，唔洗去到等

受疫情影響冇得出街晚市堂食，唯有買外賣返屋企。最近旺角陶源酒家新推出咗「虎蝦伊麵自選小菜4人餐」，價值$388，包咗伊麵、炒飯、湯品同自選兩款小菜上湯老虎蝦伊麵伊麵偏軟身，吸收晒上湯嘅精華～虎蝦有四隻，勁大隻，爽口彈牙，鮮蝦味濃廚皇炒飯炒飯粒粒分明，好有鑊氣！材料有雞蛋、香蔥、翠玉瓜、瑤柱等等，味道同口感都好豐富呀花膠老雞湯湯底火候十足，清甜唔油膩。湯裏面有嫩滑雞件同花膠，好足料哦菠蘿咕嚕肉色香味俱全嘅咕嚕肉，每粒都沾滿醬汁，酸甜開胃，外脆內軟，啖啖肉，肥瘦適中，豬味濃郁鹹魚雞粒豆腐豆腐同雞粒口感都好嫩滑，加咗鹹魚同冬菇粒一齊炆煮，味道濃郁，鹹香滋味，佐飯一流

平時都係係街外買新鮮大閘蟹返屋企煮，今次就試下大閘蟹放題啦😂首先，係open rice 買左優惠卷先👸🏻，之後再打電話去各分店預約。好啦，而家講下放題包括咩💁🏻‍♀️，呢個放題係包大閘蟹任食兩小時，不過當晚去， 就完全冇計時間。所有大閘蟹都係即叫即蒸，所以去到就要第一時間落單啦，都要蒸20分鐘，而大閘蟹有三款口味可選擇，包括清蒸、太雕蒸、油鹽焗，我就覺得油鹽焗最好食啦。另外 ，片皮鴨、主食飯類、糖水甜品🍮都係無限添加。每位都會附送鮑汁扣原隻鮑魚伴翡翠、金湯小米燴遼參、蟹粉扒豆苗 各一客。🙋🏻‍♀️試食感受：蟹係任食既，當晚一人就食左20隻蟹左右，唔可以預左d 蟹質素好好，因為當中都會有出現d 蟹唔新鮮既情況，不過可接受，始終一分價錢一分貨，同埋我一見到唔新鮮就冇食🤭。而個片皮鴨都幾好食😂，我攞左好多份，甜品剩係試左個薑茶湯圓，個薑茶好濃，我覺得唔錯 ，有機會去食既朋友仔可以試下。另外附送既三款菜式就冇咩特別。 酒樓員工都幾有禮貌，值得一讚。 （此乃純屬個人意見）一次過叫左好多隻， 有d 唔新鮮就冇食到放題附送既個片皮鴨可以任食， 但要出去攞， 有d 麻煩呢個薑茶湯圓唔錯

陶源酒家，無下次，d人無禮貌，等蟹等得耐，個傳菜呀姐話要蒸15-20分鐘，佢話唔熟你夠唔夠膽食🤔。我哋叫咗二十隻，8，9個字後嚟得10幾隻，問佢邊隻清蒸，邊隻花鵰，佢竟然話我都未食過，你食完咪知🥺，鬼唔知咩，如果我哋有人酒精敏感，那怎辦？仲有d係死蟹嚟，個糯米飯同奶黃包等咗2個鐘，仲要3催4請先來到。芒果布丁問我哋仲有無欠，問完佢自己都唔記得咗，再問個布丁，佢就話無晒好在可以同d朋友吹水，但528唔值呢個價

這間酒樓是經典中的經典，沒有最差，只有更差！由一開始帶位已經出現問題，下午茶時段沒有安排先後入座，我們在下午茶時段20分鐘前已經到達酒樓，但反而要等多半小時才能入座！沒有人手負責安排所坐的位置，場面一片混亂。下單點心時，侍應對供應的點心一無所知，馳名的乳鴿也沒有供應。我們唯有吃其他點心，我們店的點心也沒有來，反而他們隨便給幾碟點心給我們。侍應簡直廢人一堆！我們想向其中一個經理投訴，但他也不願意理會我們。所以我們無從申訴差不多更50年來，我所見聞的最差一間茶樓，實在不明白為何仍可以營業，請各位廣大市民，千萬不要去這間茶樓，中伏中伏！最大的問題是，酒樓充滿着一大堆師奶侍應，沒有一個男經理在管理他們，他們好像在街市營業一樣，隨意隨心，完全沒有系統地去做一件事。請各位千萬注意，如果去了，請請盡快離開現場，否則後悔莫及。😡😡😡😡😡😡😡😡😡😡😡😡. ☝️☝️☝️☝️☝️☝️☝️☝️

話說老公喺網上見到一個飲食集團有一個大閘蟹放題，於是就好友興趣咁樣去訂位，點知係一個中伏嘅開始話說一入到去見到地方都唔錯，心諗啲大閘蟹質素應該都唔錯啦，好啦一開波，佢先來一個青菜鮑魚，鮑魚口感唔錯，再加啲蟹粉菜苗，樣樣都好似有啲小驚喜咁，再加個類似海參既金米湯做前菜，之後就滿心歡喜開始準備叫大閘蟹，首先叫咗四隻油鹽焗大閘蟹，質素未算最好，但係頭兩隻都食得落肚，但之後惡夢就嚟啦，第二輪叫清蒸四隻，誰不知四隻打開入邊所有嘅嘢都係黑蚊蚊，之後就同侍應投訴，之後叫佢落多四隻清蒸，老公話老婆你唔好食住，我打開晒睇吓先，誰不知驚喜陸續嚟，入面依舊黑萌萌，仲傳來一陣少少腥臭的味道，原來其他嗰幾台同我哋一樣，越食越差，仲要隻隻都係死蟹，滿心歡喜去探大閘蟹㗎嘛，點解會係咁㗎，完全想像唔到，超級唔開心超級失望，點解會咁㗎，想喊出嚟

屋企有老人家生日，五位大人，兩位老人家，total 7人，book 左半圍陶園酒家，加左半打壽包。份量好足夠，d壽包好大，我地只食到三個。今次係我第一次幫襯，之前都冇睇過Menu，一直以為陶園酒家係食傳統既粵菜，點知原來佢甘中西合璧，整體來講佢嘅味道都係好，用料都唔錯，例如佢既老虎蝦同燉湯的村料，都好好。不過有幾道菜，我就我唔太識欣賞，可能我唔太中意中西合璧，忽然來個牛助排伴天使麵，有少少九唔搭八...

同屋企人一齊食飯，諗住食個片皮鴨，點知話要訂先有，隔離2枱就係咁上隻鴨，但係餐牌都沒寫要訂，沒定就沒得食（訂左仲有優惠價）。部長先生，你係間酒店basement同我講要訂先有得食，你同酒店的住客講吖!

今日星期日係family day就一家人去飲茶 喺油麻地附近唔知飲邊間好最後就決定咗去陶園酒家 桃園酒家食鮑魚就聽得多飲茶真係第一次 都好大期望㗎 點知都係差唔多喺酒店落一層 樓底唔算太高 個地方都唔係好大我哋幾個人企左係到好耐 但明明就有好多枱都無人執員工太少 又冇乜人執嘢之後我哋見到四個人無啦啦坐咗係張枱度我哋都是但揀左張坐低等 真係奇怪嘢食嘅選擇不過不失 唔係去到好多叫咗蝦餃燒賣蝦腸鳳爪金錢肚馬拉糕叉燒酥叉燒包腐皮卷 仲叫咗個唐生菜鳳爪金錢肚都好入味 燒賣好多肉 馬拉糕都好軟熟蝦餃入邊啲蝦太大浸冰鮮味叉燒酥OK 整體來講冇乜特別 啲員工個個都好似唔係好想做咁又慢 又叫極都唔黎 下次都係去第二度飲茶算啦

前幾日諗住同屋企人去飲茶，去到門口等咗接近四到五分鐘都冇人招呼。 等待期間已經越來越多食客入咗嚟， 個侍應仲用啲好唔友善嘅口吻 問有幾多個人， 同埋邊個食客入嚟先。 雖然我和家人先入嚟，但係侍應仲係畀咗枱我哋後面先。 好認真講呢度已經扣曬分，喺食飯之前已經感受到比屋邨酒樓更差嘅服務態度。

星期六晚同男朋友出街食飯，由於我下午食左好多野仲好飽，所以就冇去到食放題，而選擇黎呢度食。呢間舖係係酒店下面，地點比較隱蔽，所以一落到去見到得幾枱客，有好多吉枱，感覺裡面環境普通，有d唔夠專業既感覺。桌椅放得有d亂，有一兩張枱全部用黎放碗，疊左幾層高，但好明顯係放係食客既枱面上，證明平日晚市一般較靜。一坐低就即刻有員工過黎服務我地，但點知餐牌都未睇就係咁推銷，問食唔食魚，我地話唔食又問飲唔飲湯，我地話睇下先，又問飲唔飲啤酒。。。心諗可唔可以比我地靜靜地睇一陣先？感覺有d hard feeling。。係我地不斷話睇下先不斷拒絕下佢先行開左。到我地點左2個菜，又重覆上面既對白一次😂 真係聽到滴晒汗。。上菜速度都算快水煮牛肉都唔錯，辣度適中，牛肉都算冧雲耳勝瓜浸魚肚個湯都幾鮮甜，應該係用左濃雞湯去配，魚肚索晒個汁好好味😋2個人點知2個餸+一碗好細碗既白飯，連茶位加一服務費食左200幾。總括而言，食物味道可以，係有d hard sale。

昨晚家人宴開兩大席慶生，食物有鮑參翅肚，味道一般，不覺驚喜！今次最想講的係服務真的很差！ 昨晚是星期五晚，全場數埋十檯客都無。 侍應的數目唔算多但亦唔算少， 但服務真的唔提唔做囉！首先酒席的醬油小碟- 大家都知晚飯酒席唔同的小菜會跟唔同的醬油，例如翅會跟醋，炒西蘭花西芹配蠔油等等⋯ 但侍應們完全無意識要跟呢d. 分晒翅，每人一碗，我地唔問都唔醒覺要拎比我地！叫可樂，又係要提幾時至拎比我地！另外用具安排 - 每人只有刀叉，筷子及圓碟， 並沒有提供碗或匙。 當食海參炒西芹，上菜又唔跟大鐵匙，到我地要求侍應提供，搵左5分鐘都只係無。 最後只可比兩隻湯匙。 咁大間酒樓，明知當晚有兩圍十幾人既酒席，點解都唔會準備好？食炒飯時，又係唔提唔會派碗，我地幾時變左食西餐咁，全程只得一隻碟？咁既服務質數，陶源的好名聲都比呢班侍應令我地bad list 無下次！

由於以前住喺我們隔離屋嘅Uncle同Auntie話最近好耐都無見過我們兼一齊飲茶食飯，所以Uncle特意一早約咗我們今日中午一齊去旺角仕德福酒店嘅「陶源酒家」請我們一家飲中午茶！我們叫咗廚師長推介：濃湯海斑球泡米線「一窩」嘅米線麵質好軟滑，海斑球嘅肉質相當鮮甜彈牙，而且份量十足，我們每人都可以有一至兩件，仲有啲爽甜嘅勝瓜同黑木耳，真係好足料抵食呀！一哥靚叉燒拌黑木耳嘅叉燒絕對唔係靚叉燒，因肉質又乾又硬實，好似食緊一「嚿」用嚟煲完湯，質感好硬實實淋咗啲蜜汁喺表面嘅瘦肉咁，認真嚇人！懷舊蜜汁叉燒酥嘅外層好酥脆，蜜汁嘅味道好香甜，但叉燒嘅份量唔算太多！醬皇豉蒜蒸鳳爪醃得好入味，質感亦好腍身！陶源鮑汁叉燒包嘅包質好軟熟，鮑汁嘅味道都幾惹味，而叉燒粒嘅肉質都幾鬆軟！山竹牛肉球嘅肉質好鮮嫩多汁，牛肉味都幾香濃，芫茜嘅味道亦都幾清香！香滑馬蹄牛肉腸粉嘅腸粉皮好晶瑩薄身，可以好清晰咁睇到入面份量十足嘅牛肉餡料！別有洞天鴛鴦脆皮腸係用黑色皮同白色皮嘅腸粉組合而成，軟滑嘅腸粉皮包著炸得好香脆嘅脆皮，再包著爽甜彈牙嘅蝦膠，食落層次感非常豐富，而且諗到用「黑白配」呢個組合，真係相當有創意同新意！脆皮金勾鹹水角