陶源中菜

營業中

休息中

去年十一月初的時候，康城大型商場開幕，我們便駕車駛至日出康城，我和老公寶寶決定到陶源中菜喝個早茶，聽說是此處環境寬闊舒適且設計精緻。餐廳裝潢以搶眼多色的不規則圖案砌拼成地板，配搭上藍橙色座椅和多棧不規則吊燈，並再使用上數棵大盤紅色植物為客廳作點綴，整體感覺高貴大氣。而其窗邊落地大玻璃的設計，令整體視線更為廣闊，且於用膳同時亦可欣賞窗外景觀。入座後職員便先為我們奉上一壺熱茶以供飲用，並特意使用茶包分隔茶葉泡浸，底部亦使用上燃燒的小蠟燭保持溫度，可見服務相當細心。而且整套用具皆是透明玻璃設計，顯得格外精緻高級。飲用時清香潤喉，茶味濃郁。極品鮑魚燒賣鮑魚燒賣一籠兩顆，外觀可見餡料飽滿充足，且每件燒賣頂部均放置有原隻鮑魚和蟹籽作點綴，賣相甚為吸引。燒賣食用時肉嫩多汁，爽脆彈牙，鹹香鮮味。沙巴鮮蝦燒賣鮮蝦燒賣奉上時熱騰騰的，餡料同樣製得甚是飽滿，頂層用上來自沙巴的鮮蝦和蟹籽作配料，令味道增添清脆微鹹，鮮味十足，整體口感則是香嫩滑溜。筍尖原隻鮮蝦餃蝦餃外觀摺紋量多，色澤晶瑩剔透，幾乎看見內餡，賣相是甚為美觀。夾起時外層皮薄柔韌，不會輕易破爛，口感軟糯微黏，而內裏餡料是用上筍尖配搭原隻鮮蝦，咀嚼時清

我打电話想訂位,怎知對方說話太沒有禮貌,她說餐廳訂位是給VlP貴客預訂,每位VlP有自已知客電話所以至電是沒有預訂,我反問這電話用來有怎麼用途,她說公司資源富厚所以這電話是裝模作用,和它們知客打交道是貴客,如想得到VlP訂位不仿去1次作客然後打賞便有日後訂位便利(所以我個人認為桃園各位股東,你們要認真處理你們低級知客的文化,本人也是位商人)

中午飲茶，攞飛超過40分鐘，叫咗5張枱。但又有好多熟客自出自入。另有一本簿叫名叫電話，唔洗叫號碼。有人投訴，仲聲大夾惡！俾錢食飯，好似乞佢咁。睇番之前留言，原來服務一直都咁差。幸好商場有其他選擇。

枱布冇洗一樣，仲有食物係到，呀姐冇禮貌，仲覺得冇問題😂😂呀姐既衞生意識都幾差，枱腳頂腳呀姐又話佢冇依個問題，成餐飯頂住隻腳都話冇問題，唔會再有下次，希望服務多多改善

早茶價錢可以，環境也蠻好，食物很一般，但服務態度是真的差。比較值得一試的是小梨子鹹水角，其他東西味道都不能說好。服務員幾乎不聞不應，早上的出菜時間也稍慢。其中有個穿西裝的女士，服務態度惡劣，其他員工的態度也冷淡。

講真野食其實正常，但服務真係差到無人有！ 真係嬲到要特登黎開 acc. 寫差評。。。想埋單，無人理。自己走去搵人埋單，叫我番埋位等。 等左10分鐘唔對路，走出櫃面想正接埋單。櫃台阿姐黑住面話我做咩走出黎，叫我番埋位等。Ok 當你唔夠人手我又番埋位等多十分鐘都係無人。最後嬲左走出去同櫃台阿姐講叫佢即刻幫我埋單，阿姐係不停發脾氣同我嘈完先幫我埋單。。。真係痴線。。。 其實之前叫外賣，哩個櫃台阿姐已經試過落錯 order 收多過錢，跟住又係一句唔好意思都無。無咩事真係唔會再幫襯！

真係好冇服務，完全唔知自己做緊乜。一早兩日前打嚟落盤菜,羊腩煲柯打,你話要check下有冇先，好似好多人book咁，好，我又等一陣再打嚟。打嚟又話明天至落柯打都得。好我第二日打嚟，你又話一定有咖，你當天再打嚟留啦。喂我一定要比生意你做？講到好似係我問題，係呀我早咗打嚟呀，咁你部長上次又叫我早D打嚟？一定要幫襯你咩而家咁多選擇。而家疫情下我仲有冇必要容忍呢啲咁嘅服務態度。你唔想接單咪出聲囉好似強迫你洗我D錢咁。

服務：啲確如樓上幾位所講，差，完全冇服務，門口知客，目無表情，問兩句，答一句，收銀阿姐，問十句，都唔想答你一句，好似欠左佢好多錢咁。叫左個午餐外賣，魚肚粟米“根”，味道不過不失，海參冬菇炆伊麵，好大油煙味，啲麵好淋好淋，食完個胃好唔舒服。總括，唔會再幫襯佢。

第一次去，之前已經聽聞呢一間陶源好出名⋯⋯出名服務差😓但係作為街坊，都要親身試吓🧐星期六下午，過了午飯時間，試吓下午茶，問門口知客係咪有點心，佢話有。入到去嗌完茶之後跟住就問你買唔買年糕蘿蔔糕, 跟住就冇再喺附近出現過😓，寫完點心紙之後舉手成10分鐘都冇人理🤬，附近最少有四五個侍應周圍走，但係「都好專心去收拾」，最後只可以用高八度的聲線去嗌唔該。個侍應過到嚟第一句唔係話唔好意思，而係話：「快啲落單啦就嚟接單喇！」（大姐，我都舉手舉左10分鐘啦，喺門口問佢有冇點心嗰陣時又唔同我講話就嚟截單點心嚟到就記起有句金句，千祈唔好喺點心截單前落單⋯⋯春卷— 唔脆，已經有一半係軟咗豆苗餃— 都幾肯定係翻叮，個皮😰乾炒牛河— 算係合格，都炒得算乾身小籠包— 比較似Yeung一件點心，裏便係有肉汁嘅，不過好奇怪唔知點解剩係得三粒？齋腸— 不過不失總結一句，逆境自強，唔好成日話疫情點樣影響生意，逆境未到的時候，最先被淘汰肯定係不思進取的一群！

自從第四波疫情都好少出去喝茶食飯，於是咪試下商場間走樓，聽朋友講個羊腩煲okay, 叫左個外賣試下，去到見到佢地小菜套餐外賣又有7,8折，一於試下，叫左個4人餐有龍蝦，藍梅骨，豆鼓雞煲加多個羊腩煲，$700唔洗埋單，返到去睇，份量有surprise 到我，個龍蝦D伊麵淋左少少，藍梅骨好脆，加上有藍梅汁，香口得黎幾fresh 下，豆鼓雞出面食一係好鞋D雞肉，一係唔夠香滑惹味，佢又反而幾好，最重要少油😍😍，羊腩煲真係冇介紹錯，過幾日又要翻桌🤤

1.金瓜小米燉遼參 好食。2.安格斯天鵝酥 好食。3.中央空調好凍。4.腸粉同春卷由廚房推到餐桌上嘅距離太遠，係呢種天氣下食入口已經凍佐。5.服務人手太少，起餐嘅姐姐忙到雞手鴨腳，如果唔係我地提醒，腸粉連豉油都冇。果兜燙碗筷嘅水，由坐低到走人都一直係檯度 冇人收。6.買單時亦非常尷尬，將隔離檯嘅order都入埋我地度，無緣故地需要多收我接近300蚊。向店員提出後，居然又拿錯佐另外一檯嘅單俾我地埋單。7.一句唔好意思都冇講過。8.我知道疫情期間所有嘅餐廳都好艱難，但如果因人手太少而導致服務質素咁差嘅話，之後只會失去所有回頭客。

very rude staff！terrible service. Very chaotic management. super not organized!! 等上菜等了很久，服務好差勁，唔會再來吃。叫買單和拿打包盒等了足足三十分鐘 催了三四次每次都很不耐煩。等買單的時間比吃的時間還長，真係離晒譜！外面買單的女人態度極其惡劣，質素太差了！！沒有半點服務意識！完全不把客戶放在眼裡。可以看得出來管理非常混亂。來過一次就夠了，不會再光顧！