陶源中菜

營業中

休息中

【 團年蟹嚐鮮。相約在康城「陶源·中菜」 】 🪭新春佳節又到喇！團年飯、開年飯、公司晚宴聚餐大家book咗枱未呀？我哋一家人最鍾意就係齊齊整整坐埋一齊食飯傾偈，上年冬至飯係「陶源酒家」個個都食到舔舔脷！🍵新春團年飯我哋當然會再去啦！今次揀選康城分店的「陶源·中菜」，因為好鍾意酒樓的設計風格，環境清幽雅緻，用餐環境悠閒舒適，好啱家庭朋友茶聚呢！而且酒樓位於The LOHAS 商場內，地鐵站直到，可以行完街先去食飯，好方便。🦀我哋今次訂咗一圍 #團年蟹嚐鮮，係長腳蟹團年餐，勁正呀！主打係呢隻足足有四斤重的 #原隻白烚挪威長腳蟹 ，原隻蒸更能保留蟹的原汁原味，蟹肉鮮甜美味，啖啖肉非常滿足。🥙 #即燒脆皮乳豬 十分香脆，#紅燒蟹肉生翅帶有香濃蟹香氣，每啖都有湯水鮮美。 #黃金蒜香雞 肉質軟嫩，雞皮薄脆，蒜香香味突出，味道豐富。最後飲番碗又香又滑的 #蛋白杏仁茶 ，潤肺養顏，最啱冬天食用。10道中菜份量都好足料，食材矜貴又高級，大人小朋友都食得好滿足，好開心呢！ #團年蟹嚐鮮鴻運乳豬襯金衣原隻白烚挪威長腳蟹（約四斤）發財好市大利碧綠珊瑚遼參生拆蟹粉扒豆苗紅燒蟹肉生翅地中海鹽蝴蝶沙巴黃金蒜香雞臘味

同過屋企人一齊去呢一度食飯, 佢嗰個位置就比較偏個角落, 所以有時候真係要搵一搵先見到！入面地方都算大, 一般酒樓有嘅嘢佢都有,個人手好似唔算多, 有時如果你要叫個服務員過嚟嘅話都要啲時間..味道中規中矩, 正正常常.

今年聖誕大餐無去食西餐，而去咗陶源食中菜因為聽講最近除咗買一送一位每位小朋友仲送 西班牙黑毛豬叉燒飯 同小禮物🎁平均都係$284一位，就可以一家大細坐得舒舒服服嘆 鮑魚燕窩豪華餐🥢🔹冰燒五層肉拼黑醋高山木耳開胃冷盤前菜🔹五頭鮑魚伴百靈菇豪華五頭鮑魚配 大大隻冬菇🔹野竹笙鳳風燴燕窩食得到睇得到，啖啖燕窩🔹鹽酥小黃魚炸得香脆可口🔹秘制妙齡乳鴿外脆內嫩好Juicy🔹濃湯珍菌泡菜苗上湯浸嘅豆苗好清甜🔹紅米小珍珠健康嘅紅米版本珍珠雞🔹生磨蛋白杏仁茶滋潤養顏糖水仲有果汁🍹紅酒🍷除夕到新年前都有做推廣

秋冬🍂又係食大閘蟹嘅好時機，最近輪到蟹公當造啦⋯ 食一兩隻唔夠爽，咁如果一個價錢可以任食大閘蟹🦀片皮鴨🦆中菜、小食、糖水、甜品係咪正到爆😍呢個 <大閘蟹放題> 兩小時⏱️任點任食🥢無限追加三款大閘蟹 ：🧡清蒸🧡油鹽焗🧡太雕蒸今期係白膏多口感濃郁👍🏻仲有片皮鴨任食，兩個仔就最鍾意，不停包不停包，脆卜卜外皮，有皮有肉、肥瘦均勻唔會太油更送贈每位顧客，金湯小米燴遼參、鮑汁扣原隻鮑魚、蟹粉扒豆苗真材實料，高質食材！自助區更有多款小菜點心糖水，仲有小朋友最鍾意嘅楊枝甘露、芒果布甸🤣follow佢哋社交平台 更即時贈送蟹粉小籠包或乳鴿

康城區內獨一無二酒樓餐廳裝修豪華，環境寬敞舒適，適合一家大小，有老有嫩的家庭聚會。小菜的選擇多樣，各有特色最近有兩小時大閘蟹放題蟹新鮮美味，肉質鮮嫩，蟹黃醇厚，搭配醬油別具風味，有三種煮法配合食客喜好，性價比高，值得一試！片皮鴨都係任叫任食，外皮酥脆，肉質嫩滑，搭配京蔥、青瓜和甜醬，風味獨特甜品方面，有凍有熱，芒果布甸，楊枝甘露足料多芒果，薑汁湯丸餡夠多，食完大閘蟹飲一碗暖身。店長娜姐服務好好，會照顧小朋友需要

糯米卷皮厚冇味QR code 叫餐不能用又凍 唔好食座位唔好坐 椅子太小服務其怪 員工服務一般成日大聲叫 問其他枱飲乜茶台上收嘢又唔出聲冇笑容餐具衞生有問題 送錯餐又當我錯重用蠟燭煲茶 蠟燭味好臭應該轉用電什麼大集團？

好耐冇去日出康城商場，同屋企人去行下，一行4大1小，見西餐好多都要等位，但見陶源中菜有位及晚飯優惠精選就試下！😌見個晚飯優惠精選有六個餸，都只係優惠價$498 (原價$708) 都幾抵食，大家唔想諗就揀四人餐，雖然唔知大唔大碟，打算唔夠先再加餸。平時去食中餐都怕點普洱茶，因為飲親都比較苦澀，但估唔到今次家人叫普洱，飲落好香醇及有少少回甘，一點都唔苦，下次可以再叫！上菜見四人餐其實都幾大碟，仲越上越有，食極都未食完…四人餐包括鮮人參燉水鴨湯、蘚茄粒粒泡菜苗、香煎一夜情馬友、柚子蜜蝦球、秘製樟茶鴨(半隻)及菠蘿雞粒炒飯六個餸。個人比較喜歡柚子蜜蝦球、秘製樟茶 鴨(半隻) 及菠蘿雞粒炒飯。蝦球層皮雖然唔脆，但上枱時入面仲係熱及彈牙，感覺新鮮，加上柚子蜜酸酸甜甜好開胃！秘製樟茶鴨覺得幾特別，個人比較少食到呢種味道，層皮估唔到有少少脆，而肉質係算幾嫩，下次可以再食！而水鴨湯、香煎馬友本人覺得比較鹹，但馬友可以煎到咁香脆都值得一讚！而蘚茄粒粒泡菜苗都鮮甜，食得出材料新鮮！而菠蘿雞粒炒飯其實都幾開胃，小朋友都好鍾意食！由於唔係本人叫餐，而且侍應落左餐後就攞埋張餐紙走左，一路上菜一路食都冇為意其實四人

很差的體驗 ，很差的服務首先食物等得很耐 ，我大概7:30去到叫野食 ，啲野食8:30先到 ，期間都催過幾次 ，一直都係話就得就得 ，然後野都未食完差唔多9:15就要我地埋單。咁我對一對單 ，發現個冬瓜盅落左正價(佢做梗優惠) ，問個短頭髮女職員 ，佢大大聲話落單哦個係替工 佢冇幫你寫優惠就冇 。我話但你地張餐牌寫到明做梗優惠點解收我正價 ？同埋我之前叫都係收我優惠價，佢又唔出聲 。咁既處理方式令到我覺得咁大間連小小錢都要呃 ，唔會再去

又到食大閘蟹🦀嘅季節啦！今年我就率先去咗陶源酒家任食大閘蟹🩷我會揀喺度食嘅原因係呢度嘅食物種類好多！除咗3款任食蟹（清蒸、太雕、鹽焗），仲有片皮鴨🦆、鮑魚、金湯小米燴遼參、蟹粉扒豆苗；任食甜品🍮（楊枝甘露、布甸等）；主食（壽包、糯米飯等）；小食（避風塘雞中翼、手拍青瓜🥒）我多數喺屋企都係食清蒸大閘蟹，估唔到原來鹽焗都咁好食㗎，鹹鹹地咁！而其他小食都好夠滋味，椒鹽海中蝦、香辣萵筍絲等，送啤酒就一流啦❗️而甜品方面，楊枝甘露、杏仁茶、紅棗糕嘅質素都好高，我全部都好鍾意食❤️我今次淨係得兩個人嚟，下次我要約埋其他屋企人嚟先得，咁先可以再食得多啲，同埋有人生日嘅話（4位以上），仲有得升級啤酒汽水任飲添😋

已經踏入了秋天，是大閘蟹當造的季節，搶先去了「陶源酒家」食大閘蟹放題$528/位，2小時任飲任食，無限追加大閘蟹、北京片皮鴨、多款小菜主食和甜品😋大閘蟹有三款煮法可選 - 清蒸、太雕蒸和油鹽焗，每款點了4隻，味道各有特色，仲送埋薑茶湯圓驅驅寒，片皮鴨水準都唔錯。另外，每位顧客仲送一份特盛三式：1.鮑汁扣原隻鮑魚伴椎茸 - 醬汁唔錯，鮑魚幾鮮甜。2.金湯小米燴遼參 - 色澤金黃，好香南瓜味道，遼參切成細混在湯中，爽滑有嚼勁。3.蟹粉扒豆苗 - 蟹粉鋪滿了整碟豆苗，食到薑蒜嘅香味，味道唔錯。主食：生炒糯米飯 小菜：點了椒鹽豬小排和椒鹽海中蝦，兩款都非常惹味。甜品：點了楊枝甘露和生磨蛋白杏仁茶，楊枝甘露非常足料，芒果味道香甜；杏仁茶就滑溜，杏仁味道濃厚。📍🎂生日優惠當月生日者可享全枱免費升級啤酒汽水任飲 (*四位或以上適用)

大閘蟹季節開始喇！陶源酒家推出兩小時大閘蟹放題，最年最期待當然要第一時間去食！😍🦀大閘蟹放題(週一至四 $528/位；週五至日及假期 $588/位) (另收茶芥$15及原價加一服務費)大閘蟹放題有三款煮法，分別係清蒸、太雕蒸、油鹽焗，隻隻都黃脥膏鮮✨今批全部蟹乸 (個人最愛😍)，質量不錯，雖然大細約3-4兩但隻隻都多膏～先食清蒸，最食到蟹嘅鮮甜味；而太雕蒸嘅酒香更能突出鮮味；最後油鹽焗鹹香十足好有風味～除咗大閘蟹任食之外，仲有京式片皮鴨同多款主菜、小食、甜品都係任叫😍一定可以食到回本🤣每位更奉送一份特盛三式，非常豐富！Btw有手套提供唔使驚整污糟手～🥢特盛三式⟐ 鮑汁扣原隻鮑魚伴椎茸鮑魚都有返咁上下大細，爽口彈牙，鮑汁味香濃🥰⟐ 金湯小米燴遼參味道甜甜地，有少少似南瓜西米露，有啲小米咬下好似西米咁🤣口感幾特別，配埋切粒遼參一齊食幾爽口～⟐ 蟹粉扒豆苗蟹粉多到瀑布咁好豐富，食落蟹黃味濃 (可能因為冇豆苗，俾咗白菜仔，但都一樣好夾)，清甜得嚟又有啲蟹黃調味幾正～🥢京式片皮鴨片皮鴨任食，呢個價錢有大閘蟹又有片皮鴨，都幾抵食🤣一份嘅份量算幾多，只要你唔係眼闊肚窄，其實都值得一試～片皮鴨新鮮出爐

📍大閘蟹季節準備開始，屋企人鍾意食大閘蟹，但係又想出邊食嘅話最抵一定係揀任食。而家呢間餐廳做緊大閘蟹放題，$528/位就可以任食大閘蟹同多款酒樓小菜。大閘蟹用咗三款整法，分別係清蒸、太雕蒸同鹽焗，最鍾意就係清蒸，食到蟹嘅原汁原味仲加埋薑醋點就更加鮮。每位仲會附贈一份鮑汁扣原隻飽魚伴百靈菇、金湯小米燴遼參同蟹粉扒莧菜。估唔到莧菜面頭嘅蟹粉份量咁多，夠哂每條菜都可以撈勻嚟食。任食方面嘅話片皮鴨係任食，仲有唔少小菜，有椒鹽豬扒同海蝦都係熱辣辣即叫即整。唔夠飽仲可以叫埋流沙包同大壽包都有。到最後仲可以嗌唔少甜品，揀咗紅棗糕同奶黃千層糕，同埋最後一定要飲返碗薑茶地瓜驅寒！

又到左一年一度，引頸以待嘅大閘蟹季節😍知道陶源酒家已經推出了大閘蟹放題套餐，急不及待約埋班朋友同蟹公🦀會面😋-放題套餐除了可以無限追加大閘蟹、片皮鴨、小食、主菜、甜品，每位亦奉送三款特色佳餚，性價比相當高。而且朋友今個月生日，全枱免費升級啤酒汽水任飲🍻 (四位或以上適用)-♥️三款特別佳餚🔸鮑汁扣原隻鮑魚伴百靈菇鮑魚厚肉彈牙，配上濃郁鮮香的鮑汁-🔸金湯小米燴遼參 濃郁的湯汁配上Q彈的小米，還有啖啖海參-🔸蟹粉扒豆苗新鮮蟹肉和清爽的豆苗，是最純樸的原味又健康的結合-♥️大閘蟹可以任食大閘蟹，簡直是人生中的小確幸🍀大閘蟹有三款風味：清蒸、太雕蒸、油鹽焗。每款各有特色！而我就最鍾意酒醇香氣息的太雕蒸蟹；而朋友則最愛鹽焗，很是惹味。很享受拆蟹的過程，過程開心又減壓。 一打開看見滿滿的金黃蟹黃及橘紅色的蟹膏，有種莫名的興奮感覺。 蟹肉蟹膏入口鮮味細膩，綿密濃郁-放題還有多款滋味小菜、即叫即蒸糕點、甜品無限供應。例如叫片皮鴨、椒鹽蝦、避風塘雞翼、脆鹵豆腐、生炒糯米飯、原隻大壽包、楊枝甘露、香芒布甸、蛋白杏仁茶等等🔸片皮鴨肉味香濃且油份適中🔸糯米飯粒粒分明色澤均勻，臘味香氣撲鼻🔸椒鹽蝦、避風塘雞翼十分惹

說蒸飯要等15分鐘，但是出來的蒸飯卻是用冷飯蒸熱的。環境污糟，地氈有飯粒及其他垃圾。他的暖水保溫壺極高污糟，外面銹跡花痕非常多（絕無誇張），明顯看到10分嘔心，極之影響食慾。食物非常一般，不值得一試。

買券book左去到無留位，要即場拎飛等位。最後都等左超過30分鐘先有位。呢間酒樓服務差而又混亂。擺位時成對筷子插落我眼下，好彩低少少唔係就直插我隻眼！啲人做嘢急得來又亂，但係又做得唔好。食物上檯散哂，水準差。鴛鴦腸粉啲蝦係好梅嘅，而且味道好怪。另外和牛酥超級咸，入邊啲口感奇怪，而且個和牛酥又散散地，有浸油益味，入邊仲有一條唔知咩。子薑皮蛋春卷味道都好奇怪。個鮑魚餃嚟到散鬼晒。睇得出極度混亂基本上呢間嘢唔會再嚟。差差差