陳通記

營業中

休息中

今日同朋友入長洲，之前上網見到有人介紹長洲呢間陳通記好食，所以我就決定一試。因為我地唔熟長洲，跟住google map 去到門口😂 企左一陣，見到有店員出出入入都冇人理我地，同埋因為係大排檔咁，幾間舖share 一堆枱櫈，所以我地唔敢亂坐。迷茫左幾分鐘，終於有個哥仔係舖入面問我地將幾多位同埋係咪食陳通記😅😅😅坐低左menu 都唔洗睇就知自己食咩─ 沙嗲牛肉米通🤤😋米通即係長條形既通粉，中間穿窿，啲沙嗲湯係曬入面，啖啖都有湯同米通擺到入口😍 佢個湯落重花生，所以好香濃，同行朋友唔食得辣，佢地覺得越食越辣，但我覺得冇乜野，所以唔食辣既朋友就自行斟酌啦～我地仲叫左杯凍檸茶，我中意佢個茶底夠濃😋 用個鋼杯裝又夠凍，冇得輸👍🏼

唔係我踩openrice d食評，真心一般嘢，沙嗲只係正常香，牛肉是新鮮的（因為有d un ）麵用最cheap果隻，賣相亦差味道求其，咁都捧為長洲名物，對得起你樓下茶餐廳嗎？老遠跑入來食呢d貴夾唔抵食（没餐全部單點 ）記得食葯啊！

陳通記嘅沙嗲牛肉米通好出名，入到去長洲就一定要去試吓。沙嗲牛肉米通 $34 上次食唔到米通🥲，今次試到啦🤩米通同通粉兩者都索湯，分別係米通較長身，通管較窄。米通質感Q彈，份量都唔少，都夠飽。沙嗲味道濃郁，牛肉鮮嫩，食嘅時候將碗底嘅花生醬撈起，同沙嗲拌匀，好香好惹味，可以食到粒粒花生🥜碎，食到沙嗲嘅同時又有陣陣嘅花生香，每粒米通都沾滿了沙嗲湯，啖啖都有香濃沙嗲，推介😻而佢嘅凍檸茶都幾好飲，茶底都唔錯，大熱天飲杯冰凍檸茶真係幾正！

個幾月前係外國讀完書返嚟，好掛住香港嘅美食。果頭同班朋友去完camping，之後果日就即刻入咗長洲掃街同影相。陳通記，以前入親嚟都叫沙嗲牛肉通。但今次嚟佢地話通粉賣哂🥺所以轉咗米粉！但係好野始終係收唔埋，個沙嗲仲係好香，花生味仲好濃郁🤤絕對無因為轉咗米粉而影響到個體驗👹另外想叫嘅就係咖央多，因為好耐無得去星馬果邊食正宗嘅咖央多😫但係⋯佢地又賣哂呀！唯有食返西多😌個皮炸到好金黃脆口，食完呢餐覺得好邪惡🤪但超滿足！

難得入到黎長洲，當然要搵好野食，相信有做資料蒐集既朋友仔對「陳通記」一定唔會陌生，應該係入長洲清單入面既其中一項。因為疫情關係，佢地只準每枱坐兩個客人，所以唔想要等位既話，記住要預早少少去，因為果時11點幾去都等左10分鐘，但食食下就已經開始好多人排隊。必點既一定係沙嗲牛肉，另外自己仲加左鮮魷，麵底揀左出前一丁。一開始其實因為朝早太熱既關係無咩胃口，但碗野黎到既時候，食完仲想食多碗😂因為個沙嗲真係好香，濃度岩岩好，唔會滯。牛肉都唔會hea你，份量多之餘肉質口感係鬆軟。自己覺得一定要加埋鮮魷，大隻得黎夠鮮味，出前一丁更加係吸曬啲湯既味，正！個人評分（滿分為5）味道：😉😉😉😉😉環境：😉😉😉員工友善度：😉😉😉CP值：😉😉😉😉😉

早排去咗長洲玩，除咗掃街之外，呢間陳通記都可謂長洲必食嘅checklist之一✅去到weekend假日就非常爆，呢日星期日即使未夠12點去到都係無晒位，就算等位都要等一段時間。呢度嘅環境就唔係好乾淨，不過就係幾有大排檔嘅地道香港風味。沙嗲牛肉米通呢度嘅招牌作，相信9成嚟呢度嘅人都係為咗佢嘅沙爹牛而嚟🤣之前睇過報導知道佢嘅沙爹唔係自己調較，係用綿香，不過老闆每日都會親自去醃。食得出沙嗲醬味道好濃郁，湯底唔算杰身，食到最後都唔會好漏，幾鍾意入面有好多花生碎，令到湯底好香口😗牛肉份量幾多，肉質實淨唔鞋，唔會食到有鬆肉粉嘅感覺，都算有肉味，整體嚟講真係幾好食，果然係沙嗲牛關注組嘅人氣之選👍🏻👍🏻凍奶茶少甜茶味同奶味幾平衡，茶味偏澀，幾啱我口味。人均消費：$50推介指數（10分為滿分）：8分

10月19日下午02:30入到長洲第一餐就係食陳通記，老公同我講D人話好好味架，抱住一個8級肌餓狀態，抱有期望食個好味沙嗲牛米線，由叫餐到送餐時間為25分鐘，但我仍然很耐心等待，心態上好野係要等的！終於有得食喇，真係好餓既關係，我食左兩啖之後，我醒覺要影相，因為我覺得唔係外間講得咁好食，只係湯底係沙嗲味，有色但好（希）味道唔濃厚，牛肉唔覺得有沙嗲味，但牛肉一定係新鮮牛肉，因為冰鮮同雪藏既牛肉食落去口感是不一樣的！我個人係對呢碗野失望的，絕對唔係用好味，正，去形容！我不是一個專業食評家，我只係覺得返工已經好辛苦，如果食物可以帶給我歡樂，我亦希望食到一D好味既食物同大家去分享，而非隨波逐流，人云亦云！純分享，不喜勿插

入到嚟長洲，當然要試返啲地道野啦！今次唔係食海鮮，而係去食舊式茶檔☕️呢間茶檔book mark左好耐，今次難得入到嚟長洲就試吓先～～沙嗲牛肉米通• 茶走米通唔係周圍都食到，係香港都比較少有，沙嗲湯底濃郁，重花生味同蒜蓉味，少少辣，比起平時出面食嘅沙嗲湯底較濃郁！！重口味人士一定會鐘意😋😋米通口感好彈牙，索晒啲沙嗲湯汁，無得頂，呢碗米通粉量都幾多下，一個女仔食應該未必食得晒🙈🙈茶底都算濃～加上煉奶好飲！偏甜人士表示若果煉奶再多少少就perfect 😝😝😝咸牛肉蛋治 烘底呢個三文治🥪正！多士烘到啱啱好，仲要飛埋邊，值得一讚😗蛋牛料真係同多士面積一樣咁大，上枱熱辣辣，一流😎👌🏻原本想試埋西多士，但太飽食唔落，唯有下次嚟再試過啦～～

今次去咗長洲陳通記度食嘢，聽講係啲沙嗲好出名。去到大排檔，都幾多人，都等左大約二十分鐘先有位，禁我地就叫左沙爹雞翼通，雞翼就叫左另上，雞翼好入味同脆口，沙爹有方榮記禁濃，普普通通啦。我地重叫左個鮮魷魚面，反而呢個有驚喜，魷魚好彈牙新鮮，聽d ee 講唔係日日有嫁，如果你地去個日有記得試下！我地仲叫咗腐皮卷不過都係唔係次次有我朋友話我地好好彩，個腐皮卷整到脆卜卜，加埋d,醋食真係正呀,咁啲嘢飲就一般啦普通大排檔嘅味道，叫左少甜都幾甜。

📍陳通記 @ 長洲ღ 沙嗲牛肉通粉 $34ღ 西多士 $24ღ 凍奶茶 $18長洲超出名冰室～～～但竟然好失策 記錯大家推薦嘅配搭 叫咗通粉😂沙嗲湯底花生味好出 亦都有好多花生碎但配通粉唔夠濃郁 叫米通/出前一丁應該出色好多西多就正常喇 嫌佢塊包太薄唔夠厚⊂((・⊥・))⊃咖央醬就係奶皇餡 唔算好重奶皇味我都係鍾意花生醬多啲哈哈回頭指數😼3/5（幾好食嘅茶餐廳(´∀｀*)

性價比高的香港地道茶餐粉麵小店有三文治各式粉麵 ,最出名係牛肉通粉沙嗲鮮牛肉米通 ($33)一般少見的米通 帶點煙韌中間部分通空 沙嗲湯底非常香濃  食到加入了大量的花生碎 牛肉的份量都相當多, 口感嫩滑 肉鮮同沙爹汁配合得岩岩好!仲有招牌既咸牛肉蛋治 烘到好脆口既麵包夾住煎香既咸牛肉蛋入口時麵包帶脆身入口嫩滑蛋混著惹味牛肉碎消費$66長洲海傍街熟食中心13號舖

去到長洲就一定要試吓呢度嘅沙嗲牛肉公仔麵，呢度嘅沙嗲牛肉公仔麵一向已經好出名。我自己唔鍾意食通粉，雖然通粉會掛汁啲，但係我自己都係選擇左公仔麵。佢個湯底好濃郁，甚至乎你係會食到有啲花生碎喺入面，呢個水準今時今日已經好難食得到。

🎈山長水遠去到長洲，除左大魚蛋同芒果糯米糍，你會諗起咩？我會諗起 𝕗𝕒𝕔𝕖𝕓𝕠𝕠𝕜 #香港金黃沙嗲牛肉群組介紹過10萬9千次嘅⭐️陳通記⭐️。🎈我地叫左出面比較少有嘅米通，每一粒米通都充滿濃濃花生味嘅湯汁；同出面嘅沙嗲汁有啲唔同嘅係，呢度嘅湯真係充滿住花生味💛牛肉唔會好靭，咬得開，份量一般，唔算好多🍜

陳通記喺由碼頭旁既熟食中心，去左咁多次長洲，真係唔知有間出名沙嗲牛肉既老字號大排檔。我地星期日lunch time去無可能唔使等位，我地好好彩企岩位，一陣就有枱。除左馳名既沙嗲牛肉，配料仲有本地漁民去捕捉既鮮魷，不過唔一定有貨，我去當日就冇貨。🥢沙嗲牛肉米通沙嗲牛肉米通係必食沙嗲牛湯底味道濃，好重花生味，唔會太咸。牛肉都唔係茶記成日出現既發水牛，牛肉份量都多。🥢羅漢齋米通羅漢齋米通既齋湯底非常清甜，配料有冬菇、蘑菇、枝竹同粟米芯，係健康之選。

週末來到在沙嗲牛肉麵關注組聲名大噪的長洲陳通記，品嚐一下良心的離島風味💛從碼頭落船轉右直行，走到熟食中心第一個路口進去尾鋪就是陳通記，但招牌上只寫著通記就是了👋 .正值盛夏萬里無雲☀️入面冷氣座位早已滿座，但慶幸外面遮陽的設備足夠，加上大風扇猛吹下不覺炎熱。陳通記每檯只限2️⃣位，一家大細過來就會比較麻煩。 餐牌只有一張兩頁📃簡潔易明，一面是上湯粉麵，翻轉就是三文治和飲品，沒有分什麼常餐快餐茶餐。點了最著名的沙嗲牛肉米通($34) 和咸牛肉蛋治烘底($18)🔥 不消一會就送上了三文治🥙經過烘烤後帶點焦香，夾實了頗厚的咸牛肉煎蛋，入口時麵包帶脆身但不會過乾刮喉，鹹牛肉已先搗爛煎成一塊，入口嫩滑蛋混著惹味牛肉碎😋 接著就是漫長的等待，從下單起計20分鐘才端上來🍜但吃完後也覺得值得等待，始終週末比較旺場。沙嗲濃香撲鼻，看見不少花生碎粒，味道適中微辣不會偏鹹。米通直身幼長，較意粉通粉更煙韌彈牙，中間的孔洞留存了湯汁，每一口都夠味👍