陳儀興玫瑰餐廳

營業中

休息中

本來想去食個蟹煲，要早一日預訂，但上午打去訂到，晚上去食啦，諗住實新鮮，點知水蟹肉又梅，成煲到腥到呢，最後叫多個雞煲，其他嘢都新鮮嘅，但係畀呢隻蟹嚇到我都唔敢來了

天寒地凍打邊爐最好不過，想暖身當然要食下羊腩煲啦！此店朋友極為推薦，有著陳儀興品牌，質素有保證。無論食材定味道都無得彈，而價錢都好老實，無加一茶價。場內一到７點近乎滿座，人氣十足。枝竹羊腩煲 $398羊腩煲足料，羊腩肉軟腍入味，配料仲有枝竹、冬菇、馬蹄、冬筍等。南乳湯底呈深啡色味道香濃，但就唔會好咸，味道剛剛好。配埋唐生菜索下汁食十分美味。招牌手切肥牛(細) $218肥牛手切厚薄適中，油脂分佈均勻，色澤鮮艷，肉質鮮嫩柔軟，牛味濃郁。美國桶蠔 $178蠔身飽滿肥美，烚完冇縮水，一啖咬落去相當滿足。蠔肉鮮嫩，無腥味好正，火煱必食。粒粒章魚丸 $57食落有濃郁的章魚鮮香，混有章魚粒增添口感味道層次。響鈴卷 $57即炸響鈴趁熱食有脆薄口感，浸湯索汁食更美味。魚皮餃 $53口感煙韌彈牙，魚肉鮮美，正。自家手包韭菜餃子 $53餃子超大粒，菜肉餡料十足，爽口帶甜，有八粒相當抵食。竹蔗茅根水 $20羅漢果茶 $20

今日老公揸車帶我黎新蒲崗搵食，天氣凍又到左食羊腩煲嘅好時機😁⭐️古法羊腩煲羊腩足料唔羶，羊皮爽彈，羊肉都腍湯底藥材味幾濃郁幾好食，我哋食左唔夠一半既羊肉已經忍唔住開始打邊爐😂❤️招牌手切肥牛一嚟到見到色水同紋路勁靚！煮完之後肉質柔軟嫩滑有油香但又唔會太肥😋❤️野生竹笙索湯底首選！所以無論打邊爐定雞煲定食雲南米線都係必點😁❤️鮮淮山我打邊爐必點嘅健脾之選😂可以代替主食👍 煮得唔太耐嘅話口感好爽，個人嚟講都幾鍾意食

呢間火鍋店真係非常唔錯，我哋叫咗豬肚雞鍋，個湯好鮮甜，店員仲會為客人浸熟雞件，雞件啱啱熟，口感滑溜，非常美味。其他食材亦非常高質素，肉類同蔬菜都好新鮮，西洋菜同萵筍都好清甜，蝦滑條同爆汁牛丸都好鮮味。佢哋自家出品嘅竹蔗茅根馬蹄清甜美味。餐廳環境整潔，餐具亦非常乾淨，令用餐體驗更加舒適。最重要係，服務人員親切有禮，令客人感受到賓至如歸嘅款待。而且唔算太貴，非常值得推介，下次一定會再嚟 😃😃👍🏻👍🏻

近日天氣轉冷，同屋企人做冬決定食羊腩煲，滋補保暖而且健脾益腎，有助平時手腳寒冷，我當然大力支持。枝竹羊腩煲$398羊腩煲的湯底濃郁，配上新鮮的枝竹，馬蹄、冬菇、春筍及幾片薑片，讓整道菜品充滿了層次感。羊肉燉煮得軟嫩入味，湯汁的香氣滲透每一塊肉，份量充足，足夠3-4人享用。送生菜一份。招牌手切肥牛$218手切肥牛絕對是餐廳的招牌之一。肉質鮮嫩，油花分布均勻，煮熟後散發出誘人牛肉香氣。不需任何醬汁也非常討人喜歡。美國桶蠔$178新鮮的美國桶蠔，乾淨而大隻，肉質彈牙。烚5分鐘後進食充份展現了海鮮的鮮味。一份大約7隻。鮮魚雲（半隻）$118家人是魚雲控，魚雲已經經過處理切好細細件，經過烚滾，肉質鮮美，雖然份量不算大，但味道卻讓人印象深刻。唐蒿$36每次火鍋必食的唐蒿，非常鮮嫩，為整餐增添了健康元素。免茶芥， 免加一，免醬油費。（記得提前book 位）

陳儀興品牌越嚟越多副線，以前食過牛腩麵覺得唔錯，今次就試試朋友介紹嘅火鍋店。好好彩，冇book位嘅情況之下5分鐘就入座。✅胡椒豬肚 x 潮州沙嗲湯底呢兩款都係店舖推薦，試過之後果然冇介紹錯👍🏻胡椒豬肚湯有大量鹹菜和豬肚，胡椒湯好暖胃，如果可以加入枝竹就更加好！沙嗲湯內有豆卜，吸晒湯底嘅精華。兩款湯都越滾越入味，但係食落又唔覺得鹹。✅招牌手切肥牛（大）肉質細軟，有油香，牛味突出。侍應話係用安格斯牛小排，好味！✅西洋菜餐廳得意將較老嘅根部切除，只保留大部份鮮嫩嘅菜葉，好細心🫰🏻✅豬粉腸粉腸洗得乾淨，冇好大浸內臟味，冇一條係苦嘅。✅脆皮午餐肉煎封厚切長條型嘅午餐肉，份量十足。不過味道略鹹，似乎係來貨問題。👋🏻炸魚皮粉漿好厚，感覺一般。✅素生根正常發揮。✅潮州手打魚麵爽口又有魚肉味，感覺好似食緊白魚蛋嘅長條版！👋🏻蟹籽墨魚滑口感爽口彈牙，不過墨魚味欠奉。👋🏻新鮮黑柏葉似係用急凍嘅柏葉，雖然爽口，但跟真正新鮮黑柏葉還有距離。侍應服務殷勤，熱心介紹有咩好食但唔hard Sell。幾欣賞呢度大部份嘅菜式可以雙拼，啱晒d 食得唔多，但係乜都想試嘅客人😌 餐廳越夜越多人，而且多數都係一大班人幫襯。雖然今

陳儀興玫瑰餐廳🌹位於#新蒲崗，啟德站附近，陳儀興潮州野就食得多，今次食玫瑰火鍋🍲訂左個海鮮濃湯黃金甲，好吸引既料同賣相，生海鮮上，煮滾左先飲湯，第一次打邊爐飲咁鮮既海鮮濃湯，好有海水海鮮既感覺🧜🏻‍♂️鮮甜好味💟有兩款蜆，都好鮮甜，主角既蟹超厚肉，甜得黎肉好嫩，食得好滋味🥰連鉗都大大隻啖啖肉，好新鮮！🦀加湯打邊爐，安格斯牛肉(細)，好靚擺盤，牛脂同牛味都好夠，好味👍🏻雞件幾厚肉，夠滑，鮮滑牛口感幾唔錯，性價比高🤩啤啤佢再食，唔啤既依度仲有好多茶記特飲，凍檸茶都大大杯！🍻自家手包韮菜餃，好大粒，食落皮好滑，韮菜餡好味😋雙拼左獨門菠菜餃🥟綠色好吸引好飽滿，食落爆汁，非常菠菜好好味🥳 脆鯇魚腩，大大件好好肉，爽身，配海鮮濃湯好夾👍🏻彈牙鮮蝦丸，成隻蝦係粒丸入面，彈到呢😳非常新鮮，食埋皇帝菜，正🤤淨係個海鮮濃湯已經值回票價😮‍💨好想試埋佢既雞煲，大半個場既枱都叫，整體非常高質既邊爐店🤞🏻推推推推推😇

上星期知道今日要去新蒲崗做嘢，第一時間已經喺玫瑰餐廳陳儀興預訂了鮑魚花膠冬瓜盅，這裡最吸客的地方是性價比非常高，不用加一、不用茶芥、不用醬油費，抵食又有水準，地方整潔，服務員態度又好，係打邊爐的好選擇！鮑魚花膠冬瓜盅$248，除了鮑魚、花膠、海參和冬瓜，還有雞件，所以湯底非常鮮甜，淥火鍋配料之前，每人已經先飲兩碗😋美國桶蠔$178，比起平時在街市買的大很多，飽滿肥美無腥味。脆鯇魚腩$88，咬落爽脆彈牙。彈牙鮮蝦丸$98，一碟有8粒，滿滿的芫茜香氣。炸魚皮$57，又香又脆，咬落「卜卜」聲，放入湯鍋裏面索滿湯汁同樣好味， 兩種食法各有特色。蜂巢凍豆腐$42，索滿湯汁食都係好正。圓肉紅棗薏米水$20，餐廳自家製飲品，祛濕補血益氣，好足料，甜度剛好。

我好友預訂左玫瑰鍋煲（消暑冬瓜盅），我今日放工後便直接去位於新蒲崗爵祿街33A-37A號百勝工廠大廈地舖的玫瑰鍋煲掂食火鍋，環境舒適，坐得舒服。因為已經預訂左消暑冬瓜盅 $248，我地就再點左：蟹籽墨魚滑 $98，安格斯牛肉（大）$238，脆鯇魚片 $68，脆鯇魚腩 $88，飲品係金銀花茶$20。消暑冬瓜盅有鮑魚花膠和大大餅冬瓜，店員告知湯底是用雞熬成的，真材實料的靚雞湯，一定要先飲碗靚湯（好清甜）和食左花膠鮑魚先，才開始打邊爐呀。墨魚滑好鮮味，牛肉味濃好食，脆肉鯇的魚肉爽脆好味，自家製的金銀花茶好飲。

啟德站步行五分鐘，就到新蒲崗。玫瑰餐廳陳儀興主打港式火鍋，自家精心熬製的湯底，一直令我心心念念。今次已經第三訪，價錢合理，性價比高，適合多人聚餐😋✨鮑魚花膠冬瓜盅以雞肉熬煮，濃郁的雞湯作基底，加上原隻冬瓜盅，越煮越清甜，鮑魚和花膠更添矜貴。一開頭每人各飲兩三碗湯😋 之後再正式進入火鍋環節！✨蝦 $88 (每日價錢不同,請向店員查詢)蝦肉新鮮彈牙，肉質飽滿，好食！✨蒙古羊卷肉 $98 羊肉比較羶，肉味十足，適合羊肉愛好者。✨招牌手切肥牛 $218 同樣肉味突出，口感剛剛好，不會太軟，也不會太柴，是我喜歡的口感😋最後叫兩杯充滿港式風味的鹹檸樂和龍鳳檸樂，清爽消暑🔥

入秋啦，又係打邊爐既熱門季節，呢日就同朋友去左新蒲崗嘅陳儀興玫瑰餐廳小廚，餐廳唔洗加一、唔洗茶芥、唔洗醬油費，好抵食，性價比極高。咁抵食，所以餐廳都好好生意，非常有氣氛。餐廳有多款招牌火鍋湯底，今次點咗鮑魚花膠冬瓜盅湯底，湯底用上鮑魚同埋花膠，非常高級，而且亦都好養生。火鍋料方面，餐廳有好多選擇，我哋揀咗招牌手切肥牛，非常新鮮，肉味香濃，而且好抵食。仲點左蟹籽墨魚滑、粒粒章魚丸、響鈴、蜂巢豆腐、萵筍片等，非常豐富。

呢排開始涼涼哋就想打邊爐，呢間唔收加一唔收茶芥仲要服務態度好，好難得湯底選擇好多，今日想食清清地，叫左鮑魚花膠冬瓜盅 $248！冬瓜清甜消暑，入面仲有四隻鮑魚、花膠、海參團雞，好足料！煲滾咗個湯可以飲一碗先，好鮮甜叫左安格斯牛肉 $178，肉質非常幼嫩，就咁放落湯底淥一淥就食得，仲有啲肉汁同牛味濃郁黃金炸魚皮$72，即叫即炸，仲要好大碟。鹹香嘅蛋黃岩岩炸好嘅魚皮，無論就咁食定係放落湯底度都係咁好味粒粒章魚丸$57，食落彈牙，入面仲咬到章魚好有口感鬼馬墨魚膠$98，原來係一堆蟹籽墨魚膠配落油炸鬼度，油炸鬼煮極都唔會淋， 熟咗之後仲食到油炸鬼嘅香脆，又會食到鮮甜味味嘅墨魚膠同蟹籽野生竹笙 $62，好大舊，放落湯底吸收晒精華非常好食飲品試左金銀花茶 $20，飲落回甘，功效消暑解毒，啱晒打邊爐依間火鍋雖然唔係任食，但係都係性價比之選！

新蒲崗工廠區卧虎藏龍，經朋友介紹，陳儀興既火鍋新鮮抵食，所以專程過新蒲崗試一試。打邊爐最緊要湯底，花膠鮑魚花膠冬瓜盅賣相吸引。冬瓜盅黎到仲要煮一陣，好足料，有原隻鮑魚､花膠､海參､魷魚等，湯底鮮甜，鮑魚有一隻手掌甘大，花膠好大塊。打邊爐點可以無丸食！自家制手打三寶丸絕對驚喜 ！墨魚丸鮮味濃郁、蝦丸惹味可口 、鯪魚球爽口彈牙!蝦肉丸外皮金黃酥脆，一口咬下滿口蝦仁的香味!手打魚麵由新鮮魚肉細緻揉製而成，口感鮮嫩有彈性，足見店家功架!安格斯牛口感自然、柔嫩、肥美、多汁、微甘，是世界公認的頂级牛肉品種，有"肉中之王"的美譽，火鍋必備，回味無窮!

見天氣岩岩轉涼入秋，又到打邊爐季節 收工近近地去新蒲崗陳儀興，唔洗加一、唔洗茶芥、唔洗醬油費 最緊要係有我想食既冬瓜盅🤭 無錯！ 就係用冬瓜盅打邊...-原個冬瓜盅呈上，加上4隻新鮮大鮑魚，仲有海蔘、花膠等矜貴食材，雞件香嫩肥美，仲記得第一次黎陳儀興就係比佢既黃油雞深深吸引住！湯底每啖都好香濃，原汁原味又滋補☺️飲咗好幾碗湯，完食大半個冬瓜盅後， 職員幫忙加湯打邊爐-因為我地得兩個人，所以招牌手切肥牛點咗細份但原來細份都相當大份，一上枱擺盤相當吸睛，牛肉上既油脂分佈均勻，色澤鮮艷，肉質嫩滑，牛味香濃！下次黎都一定會點手切肥牛🥩-火鍋配料新鮮，戈荀份量多，而且超級爽脆蝦丸卷同墨魚卷好彈牙，水魷魚好爽口-每次黎都會必點大大杯凍飲🥤真材實料巨杯檸檬茶今次仲試埋圓肉紅棗薏米水又潤一潤～

又到打邊爐季節已經好幾次係地道港式小店陳儀興玫瑰餐廳打邊爐除咗食物高質之外，呢度嘅服務人員全部都好有禮貌，而且全部都好好態度有求必應，上菜同埋單都好快手，又會主動問需唔需要加湯同有冇乜需要，所以我哋幫襯幾次都係呢個原因啦。推薦呢度嘅海蝦真係好新鮮而且好大只，咬落口啖啖肉質感非常好，蝦肉好鮮甜超新鮮豬潤都係唔錯嘅打邊爐食物，肉質都好鮮嫩好易入口，唔會好鞋極品黑豚肉係店長推薦，超大塊的黑豚肉而且份量亦好多，叫咗一碟都好大份，淥一淥就食得肉質口感都係唔錯獨門菠菜餃同魚皮餃都係好推薦大家食嘅，魚皮餃係店長推薦，菠菜餃連個餃子皮都係綠色超靚，而且好足料餡料超多，影相都見到係超大隻。我哋揀咗鮑魚花膠冬瓜盅做湯底，我覺得好啱女士飲，有花膠做湯底可以養顏，我哋首先飲咗個湯個湯好鮮甜，鮑魚都有幾隻，真係好足料啊，仲有啲海參同花膠，冬瓜都有好多，湯底裏面仲有雞，全部材料我哋都食曬，這一款湯底打邊爐真係唔錯，淥出嚟嘅食物都好美味，因為真係好少有鮑魚花膠做湯底，就算有都好貴而且好少見，但呢度食到嘅係非常足料而且性價比都好高。蔬菜我哋都揀咗幾款有苦瓜，勝瓜，皇帝菜同油麥菜蔬菜都非常新鮮，而且每一份都唔少，打邊爐