陳儀興牛什粉麵 (鴻祥大廈)

營業中

休息中

🔮招牌淨牛坑腩   廚師將整條坑腩每件都切得好平均,每一件都清楚看到薄薄的一層油脂連著牛腩還帶點反光,未入口都已經覺得好正!講真識食牛腩,一定要食牛坑腩,因其肥瘦均勻,肉汁軟腍,廚師每朝一早以秘製冷腩汁炆煮牛腩數小時,非常入味,牛脂肥而不漏,又有牛香,入口非常軟滑又不孩口,加分位還有墊底的生菜都吸收了濃郁的腩汁,阿芳食到更加讚不絕口啊！ 🔮炸醬麵 這個炸醬面味道偏濃,帶鹹香的炸醬入面的豬肉條,肉身偏粗,比起平時出面的肉絲更有口感, 通常炸醬麵都會配有一小碗例湯,小店這碗例湯真的不可講笑,細問一下,原來這個是大地魚湯底用了10幾斤的魚頭魚美魚骨熬成奶白色,入口非常清甜有魚鮮甜味,剛剛平衡了較濃味道的炸醬 🔮炸魚皮所有麵食都可以$20 追加與蔬菜或鯊炸魚皮.炸魚皮入口非常香脆,一點腥味也沒有,反而有微微的咸香,簡直係潮式粉麵小食的錯配搭 🔮 腐乳通菜自家調味的腐乳汁十分惹味一定要追加啊 🔮我要哂   喺Menu見到了一個小食拼盤 個名好得意叫“我要哂”,即係小店所有炸物小食都要一件實行滿足哂你咩都試下嘅慾望,.小食拼盤有炸魚旦 ,炸魚皮,炸雲吞,炸墨魚丸,炸魚片頭 炸豬肉丸, 即叫即炸(除

#陳儀興牛什粉麵之前有唔少網友都話依間係旺角既牛雜粉麵店質素幾好，所以今日特登過海試吓。中午十二點前到，仲有好多位，但冇幾耐已經接近滿座。店唔算好大，裝修唔錯。慣例叫牛雜麵多蔥，$40，係食過最貴一間。份量正常唔算大碗，餐牌上寫到明牛雜有乜野冇花假。整體牛雜都幾唔錯，金錢肚比較淋身，牛膀牛肺都係正常水準。牛腸都帶肥，唯一係食落有少少苦味，可能處理得未太好。麵質都係正常，湯底夠濃夠味唔會過咸，有少少口乾但冇叫野飲，加埋要$50就唔太值。感覺講得最多兩個字就係正常，因為真係正常冇特別。可能之前食得太多牛雜麵，而家食落覺得間間差唔多，單計食物$40係有點貴，當然地區租金係唔同。我覺得行過旺角想食吓冇所謂，但就唔需要特登去試。陳儀興牛什粉麵 (鴻祥大廈)旺角煙廠街1-3號鴻祥大廈地下E號舖@foodiehck2022 #港飲港食平靚正 #旺角 #牛雜麵 #午餐

陪同事去好景買完game就喺附近搵野食見到出名嘅潮州菜陳儀興喺度開左間粉麵店裝修都幾搶眼 行過門口已經好香喇一於食佢啦牛三寶河粉（牛筋 牛腩 牛肚）牛腩好嫩滑重牛味 脂肪位夠甘香牛肚好爽口 牛筋腍得嚟又有彈性 勁好食加埋個靈魂辣油真係冇得頂澄海肉扎魚皮餃牛丸米除左牛腩牛雜 佢嘅潮州丸類都好出色魚皮餃層皮超煙韌 牛丸超濃味 咬落去有肉汁落單時店員主動問洗唔洗加腩汁 好nice魚蛋牛丸河魚蛋真係好爽口彈牙有魚味食完見到仲可以當火鍋料買走下次打邊爐一定要嚟幫襯先我要晒！個名真係叫我要晒 炸爆佢系列各一件最出色係炸木丸 即係正宗墨魚丸 超多墨魚粒粒好出色 各款粉麵仲可以加20蚊升級套餐包飲品同油菜/炸魚皮 淨叫油菜或魚皮麵要20蚊所以叫套餐真係抵啲 魚皮超脆口又唔太咸價錢係貴過好多旺角嘅粉麵店但食落就知真係唔同level 我覺得呢個價係值嘅

📍 陳儀興牛什粉麵🌍 旺角煙廠街1-3號鴻祥大廈地下E號舖Shop E, G/F, Hung Cheung Building, 1-3 Yin Chong Street, Mong Kok📝 整體評分：8／10新開張，有店員好積極招攬客人，一個人唔知食咩好就入左去~🥢淨五香牛筋牛腩🥢 $120 雙拼+15呢到既腩汁清甜不濁牛腩肉爛軟韌牛筋爽滑富彈性似啫哩既口感底下有腩汁浸生菜，青脆又掛汁，正~🥢大蓉河粉🥢 $38 自家製鮮蝦雲吞雲吞大小中規中矩但勝在皮薄，湯底清清地加左青蔥同炸乾葱提香。可轉餐+$20有油菜/炸魚皮+紫菜湯/奶茶或咖啡，都幾抵。

座落在旺角的陳儀興牛什粉麵，用料高級，店家非常推薦這個崩沙腩，筋膜、油脂均勻牛味十足，肉質軟腍也不痴牙~搭埋雙拼沙瓜，是比金錢肚更罕有的牛胃部份，口感層次再昇華，不錯！+$20 可以轉套餐，配炸魚皮或油菜，見店家都落力推薦自家魚皮，果然不俗，很清脆的香酥炸感！惹味！再加自家製事頭婆涼茶都幾特別，店家推介圓肉紅棗薏米水，這個配搭不普遍，清甜少糖，推介！再來店家推介八寶麵，八款自家製丸，墨魚丸、魚角、蝦肉丸、豬肉丸等，味道很鮮甜爽口，口感層次不錯！

雲吞麵、牛腩河、牛筋米⋯ 這些耳熟能詳的港式粉麵在油麻地一向不乏好選擇，不過最近發現一家在別區已經蠻有名氣的潮州菜館，在旺角「踩過界」開設一間港式粉麵店，這天就跟朋友來試試五香牛雜撈粗 $40朋友愛吃牛雜，特意點一份來吃看看，一碗有齊牛肚、牛腩、牛膀、牛大腸跟粉腸，份量不少，鋪得差不多看不到麵條；不得不讚店家將牛雜處理得很好，每款只有剛好的調味而沒有任何怪異味道！牛肚爽口牛腩腍身，牛大腸肥美，牛膀跟粉腸的質量同樣不錯～ 粗麵煮得軟硬適中，份量蠻大的，再拌著蠔油吃感覺很好崩沙腩拼沙瓜河 $70（單點）+$20 （轉套餐）本來想點蝴蝶腩可惜賣光了，就來吃崩沙腩吧！店家非常推薦這個，肥瘦均稱的崩沙腩牛味十足，肉質軟腍但不硬，每件都切得不厚不薄，最好吃的是帶點筋膜跟油脂，豐腴香口！因這次是點了雙拼粉麵，當看到這店有沙瓜供應，從未吃過的我特意點一份來吃～ 沙瓜又名「傘肚」，跟金錢肚同屬牛胃，只是沙瓜size偏小，所以特別矜貴，不是有太多地方可以吃到！沙瓜口感特別，入口爽脆而不失嚼勁，像吃厚身的豬肚，又滿滿牛香，好吃到不得了，如果喜歡吃金錢肚的爽口，這個會比金錢肚多一分滋味，絕對有驚喜！腐乳通菜

旺角呢間粉麵由潮州菜（打冷）陳儀興集團主理嘅全新牛雜粉麵店舖🍜主打正宗潮州方法牛什同埋各款稀有部位（崩沙腩、牛坑腩、沙瓜）價錢合理，啱晒一眾牛魔王呀😝🐮崩沙腩米線$55🐮崩沙腩果然名不虛傳牛味香濃，油脂分布均勻😝肉質爽脆，食落有少少甜味而且份量好多，CP值超高👍🏻牛坑腩/牛肺牛肚河粉🐮牛坑腩相對崩沙腩較瘦食落比較乾身啲😻肉嘅側邊有一條薄薄嘅筋膜🤏牛肺牛肚都好軟䭃👍🏻抵食加配😝每碗粉麵加$20即可配🔸油菜加飲品 (菜心/生菜/芥蘭)🔸脆魚皮加紫菜湯🐟魚皮真係幾香脆，唔會好咸而且比較薄身啲😘放落湯浸幾秒仲有渣渣聲陳儀興牛什粉麵 (鴻祥大廈)旺角煙廠街1-3號鴻祥大廈地下E號舖

陳儀興呢個名相信好多朋友都聽過佢係一間食潮州嘢好出名嘅老字號最近佢喺旺角開咗一間新餐廳主打潮州牛什粉麵🍜作為牛魔王一定要去試吓🔸牛坑腩河粉 $55🔸崩沙腩河粉 $55陳儀興嘅牛腩真係好出色，有款叫蝴蝶腩未食過，可惜當日售馨。我哋今次就試咗牛坑腩同崩沙腩河粉，牛坑腩比起普通牛腩有更多脂肪，牛脂味更香，食落口感更軟腍。一碗牛坑腩河都有好多件牛坑腩，相當之有誠意，陳儀興嘅牛坑腩肥瘦適中，炆得好淋身，好高質。河粉亦都好香滑，配牛坑腩食真係絕配🤤我哋仲加咗$20轉做套餐，套餐包魚皮或油菜，仲有埋飲品，真係好抵食我哋仲叫埋崩沙腩河粉，崩沙腩食落就比較爽口，口感非常豐富，我個人就覺得崩沙腩嘅牛味更香，非常惹味😋不得不提佢哋嘅自家製魚皮，食落非常香脆，推介‼️

旺角新寶戲院煙廠街街角新開陳儀興牛什粉麵係嘅，旺角街頭好多牛腩粉麵但我覺得陳儀興比起其他鋪更專更精連平時食唔到的部位都有好似坑腩爽腩蝴蝶腩仲有沙瓜呢d部位一隻牛都唔係得好多想食的確要襯早＾＾-呢到的牛腩牛什可以散叫可以配粉麵飯而且加埋套餐的價錢都唔算貴秘製牛腩飯 超多份量，牛腩入味唔會死咸啖啖肉夠鬆化跟餐配芥蘭及熱奶茶就超最適合不過--另外叫左肺膀米線 牛肺牛膀都炆得淋而入味牛肺切得厚入口啖啖肉牛膀也是我愛的質感跟餐要魚皮同 凍檸茶無得輸最後仲叫左剩食大蓉自家製鮮蝦雲吞果然都唔錯入口蝦肉大隻，仲食得出有落大地魚粉大愛。

#fafafoodblog旺角 #fafafoodblog粉麵 🍴牛三寶河粉 60 蚊🐂加配牛沙瓜 15 蚊 😃再配墨魚丸 10 蚊🦑首先成碗既河粉份量都算多 夠爽口 湯底帶 d牛味但唔太濃 清得黎夠牛味 牛三寶有牛腩 牛根同牛肚 牛肚應該係金錢肚黎 夠爽口彈牙 牛腩偏向似坑腩 但 d爽既肥膏喺出名牛油味香 入面牛腩肉 juicy ,而最後一寶牛根夠入味軟林 最開心係食平時好少食到既牛沙瓜 沙瓜叫扇瓜 外面帶 d爽 入面扇形狀好有口感 🐂 最後墨魚丸落足料 墨魚食得出夠彈牙 好味🦑 🍴我要哂 40 蚊包炸爆佢系列 炸雲吞 豬肉丸 炸魚蛋 木丸 魚片頭 炸魚皮🐂🔥🐟 最鍾意炸雲吞 雲吞入面既蝦肉夠彈牙新鮮 🦐 炸魚皮大大舊冇得輸 就甘食同連湯食都正 魚蛋 豬肉丸都落足料用心之作 魚片頭食得出炸得有鑊氣而具魚味濃 整體好正配事頭婆涼茶涼茶佢應該成日唔同 今日就揀左羅漢果 就算唔係天然冇糖都係極少糖 全羅漢果味 夠哂健康 👍🏻#涼茶 #羅漢果 #炸魚皮 #雲吞 #豬肉丸 #魚蛋 #魚片頭 #牛腩 #牛肚 #牛筋 #河粉 #沙瓜Score 平均分 <7.9/10>Taste

  牛腩鮮嫩肉味濃,旺角美食攻略2022新店美食介紹今期多了很多新店,40蚊起牛什牛腩麵,仲有小食推介呢!八寶丸,一次可以滿足你味覺,手工肉丸鮮味有肉汁夠彈牙,麵份量又夠大碗,好食牛腩粉麵肉質軟夠入味,河粉索曬湯牛腩無渣,肉味濃厚,份量夠多,滿意口感味濃肉鮮,一流仲有炸小食 小食炸得脆口!! 雲吞肉丸魚蛋炸完味道完全唔同質感別有風味,好惹味~牛腩炆到夠入味,軟嫩無渣,食牛腩最怕有渣又柴,呢度出品有水準牛腩專門店手打肉丸涼拌小菜當然最主打都係牛類粉麵牛腩嫩有肉香,仲有牛沙瓜,下次要試埋仲有各式各樣自家手打肉丸八寶丸麵,每日唔同,有機會換款鮮肉打丸,特別香濃肉彈雲吞皮薄餡鮮,同一般雲吞麵專門店相近加20蚊有包飲品\及小食~可選魚皮或通菜魚皮又脆又香一流通菜仍然脆綠加埋醬食味道更突出另外仲有涼茶添喎~平均消費$40起,套餐加20蚊有菜或魚皮加飲品水準高,服務好,環境好,貴少少但味道出色好多~旺角煙廠街1-3號鴻祥大廈地下E號舖Shop E, G/F, Hung Cheung Building, 1-3 Yin Chong Street, Mong Kok港鐵旺角站 E2 出口, 步行約6分鐘

因為睇左右youtube有人介紹話呢間舖頭嘅炸醬麵有9.5分，我抱住好大期望來試，坦白講有啲失望，佢嘅味道係ok既，但係真係冇好大驚喜亦都冇9.5分咁高，加上太多汁比較重口味咸左d，可能因我期望太高，但可以一試!而介紹嘅凍奶茶亦都唔係好飲，我覺得有啲澀，完全唔需要專登試。另外，我仲試咗佢個牛腩河，因為下午茶平啲，牛腩個纖維幾好食(即係米白色嗰塊)，但係啲牛肉真係有d鞋口，但河粉同個湯底都可以，實情係真係唔使專登去食。因為本身冇諗住寫呢篇食評，所以冇影相，可能係我唔好彩，今日佢嘅食物質素冇講得咁正。至於牛雜及牛內臟，因為下午茶時段冇特價所以冇試，可能好食都唔定。唔知有冇人同我有同感呢？如果有可以留言畀我。

今晚黎到旺角周圍都好多人，天氣凍凍地想食湯麵，見到哩件餐廳唔洗等位就入黎試下啦🤭牛雜拼手打魚蛋米粉牛雜包曬牛肚、牛腩、牛膀、粉腸、大腸，牛腩肥瘦剛好，唔會太韌，粉腸同大腸油香味十足😋手打魚蛋夠彈牙又有魚味，應該幾新鮮😆腐乳通菜幾大兜，腐乳醬都比得足，不過不失啦～炸魚皮脆卜卜浸落牛雜麵度食，索曬啲湯汁，正啊👍🏻見佢推介有唔少牛嘅特別部位食 例如崩沙腩、牛沙瓜等等 大家有興趣嘅話都可以黎試下😆

陳儀興做潮州野起家，試過太子過陳儀興尚潮樓，d潮洲菜好有傳統味道，仲有出面少有既手工菜，上星期竟然見到陳儀興牛什粉麵開左係旺角，太好啦咁就腳😋粉麵店新開張乾淨企理，無我最驚既麵店簡水味～ 客飯同粉麵都可以加$20轉餐，就可以揀油菜/魚皮，+紫菜湯/飲品，幾抵👍🏻牛肚邊米 $68店員推介，話牛肚邊少之有少，唔係成日有貨！上枱心諗咪又係牛肚，但入口真係食得出同平時食開既唔同，比平時既更入味，口感軟熟Q彈。湯底好重腩汁味，米粉索哂好食😋崩沙牛腩飯 $85崩沙腩份量多，爽滑軟腍，唔會過多脂肪，比例岩岩好牛脂味香濃，我中意點少少辣椒油，整碗白飯已經好正👍🏻跟餐既腐乳通菜同炸魚皮都好好食，如果二讚一就揀炸魚皮啦，係自家製，浸一浸湯會聽到魚皮發出滋滋聲，係新鮮既魚皮先有，食落特別鬆脆香口，好食❤️

一路都知道呢間幾好味, 你見到佢新開張即刻幫襯啦，點知就即刻中伏呢間真係好孤寒，$65 一個牛坑腩飯啲牛腩少得可憐超級薄，博到好似一開2咁樣，有冇咁孤寒㗎，俾多少少都唔會死啫，下邊有張相你哋自己去睇吓多少你自己判斷啦。我見隔離叫牛腩$55 ，個個人都係差唔多咁少。味道只係好普通，牛腩係幾滑嘅，但係真係超級咸，如果血壓高人士千祈唔好食啊行過啲去油麻地有間食牛腩好味好多。真心唔推薦大家去，呢間只係掛個名。千祈唔好嘥錢，入去係咁叫你upgrade做套餐，菜都得好少幾條，完全搵笨！