影片
港鐵旺角站 E2 出口, 步行約6分鐘
繼續閱讀
電話號碼
60239939 (WhatsApp)
營業時間
今日營業
10:30 - 01:00
星期一至日
10:30 - 01:00
以上資料只供參考, 請與餐廳確認詳情
今日去開旺角行街，有啲肚餓。 既然旺角有咁多美食，就找吓有乜好嘢值得試行到去近花園街豉油街煙廠街附近，見到有間叫陳儀興潮式牛雜面之前試過一間叫陳義興打冷店，食物幾有水準 唔知係咪同一間集團，走過去問老細話係同一集團，一於入去試下店鋪雖然唔係好大，但勝在有香港情懷，食品款式都多，除左牛雜牛腩，魚蛋粉、水餃雲吞面，還有其他小食炸物 我哋叫咗個牛三寶淨食，本來想試牛沙瓜，因為唔係間間店有得賣，好可惜沽清所以轉咗同樣比較稀有嘅海參腩河粉，另加$26轉做餐，有碟油菜或炸魚皮和有杯飲品。牛三寶淨食：份量大大碟有牛腩，牛筋同牛肚。 牛腩一層筋膜一層肉，食到濃濃嘅牛味 牛筋入口膠質豐富，口感軟滑 牛肚炆得非常入味入口好腍唔使用力咬 碟底還有厚厚生菜墊底，生菜索咗腩汁非常美味海蔘腩河粉：湯底幾好味，飲左唔會口乾。 河粉粗幼適中，滑滑嘅口感。 海蔘腩比牛腩更瘦全無肥膏，但入口都唔鞋，而且牛味比牛腩更濃腐乳通菜：長短適中，鮮嫩爽口炸魚皮：入口鬆化脆薄鹹檸七同龍鳳可樂，兩款都好好飲 但比較鐘意龍鳳可樂，因為鹹寧加鮮檸檬撞埋一齊個感覺好正。最後結論係，我覺得潮式牛腩係濃味d鹹d。可能分别在一個用鹵水一個用花椒八角來炆牛腩題外話如果大家想試到一些稀有部分最好提早啲去，因為我哋中午去嘅時候好多都賣晒，而且坐無虛席，還有個辣椒油幾惹味
繼續閱讀
好耐沒有做身體檢查，今日和男朋友二人同行去旺角做體驗，空腹了十多小時，又抽血又空腹，超餓…店子招牌是牛，正好補血。設有數張長枱和圓枱，地方不大，但環境骨子企理。餐牌精美，有招牌之寶、潮洲風味、潮洲粉麵、小食、飲品等，而加$26就轉成餐，可揀油菜/炸魚皮+紫菜湯/飲品。牛類選擇多，有牛三寶、沙瓜、牛坑腩、崩沙腩、牛雜等，而淨海參腩（$145）巿面上甚少見，一於試試。雖沒有一點肥肉，較為瘦身，但好腍嫩，還連住啲爽口筋膜，口感佳，且牛味濃，亦弄得入味，推介！牛三寶河（$65）有邊三寶？就係牛腩、牛肚和牛筋。牛筋有少許肥膏，油潤黏滑，富有膠質；牛腩啖啖肉連筋膜，有咬口亦腍嫩，牛味幾香；牛肚就夠晒爽滑。河粉白滑，連牛腩湯同食，再加少許辣醬油更美味！腐乳通菜 (套餐價)一向是最佳拍檔，腐乳放在菜旁，唔會因過多而太鹹，貼心！色澤翠綠，上層係爽口的莖部，而下層全是幼嫩的菜葉。只喜歡蘸上少許腐乳，鹹香惹味。芥蘭（套餐價) 大大碟，粗壯翠綠，爽嫩無渣，蘸少少旁邊的蠔油，添上鹹鮮，不錯！炸魚條 ($30)黃金不油膩，非常彈牙，蘸上泰式甜酸醬更美味！圓肉紅棗薏米水 (套餐價 +$2)有圓肉、紅棗和薏米，煲到腍身，落足料，甜美滋潤。熱檸茶 (套餐價)茶底香濃，加了兩片檸檬，有助消化解膩。
繼續閱讀
久唔久都會想食吓牛腩麵，呢間位於旺角，主打多款牛什粉麵，連罕有部位都有提供，例如沙瓜、牛坑腩、崩沙腩，限量供應，想食嘅要趁早去，因為都幾多人幫襯。牛三寶淨食份量唔少，牛腩牛筋牛肚各有差唔多10件，煮至軟身，超級入味，個人最鍾意牛腩，一咬即化，牛筋少膩，牛肚帶點咬口，下面仲有生菜，新鮮又鮮甜，性價比高。湯麵要咗崩沙腩，表面有一層橫膈膜連住腩肉，肥瘦適中，軟腍味香，係牛腩中嘅極品。麵條吸滿湯汁，不過要趁早食，如果唔係會發脹，一碗都幾多，細食嘅可以兩個女仔Share。小食有菜有炸物，健康少少嘅可以要菜，好綠好鮮，生菜比起菜心更甜，見旁邊嘅炸魚皮都好吸引，值得試試。飲品方面有驚喜，自家製，清涼解渴，試試無妨。
繼續閱讀
旺角人美食攻略 #旺角美食 #香港美食 #港生活 #香港旅遊 #美食點評今日遇到人生既一個轉折點但仍要吃飯,吃飽飯,滿足人先有力量走落去講返餐廳,今日呢次係食潮式牛腩粉麵店佢同平時食既有少少分別,佢既湯同味底層次係更濃更突出招牌牛三寶 牛肚爽口,唔會太軟身無口感,個汁係偏濃,但呢種湯汁反而係令人對佢特別有印像牛筋軟淋入味,牛腩帶少少筋有咬口味但無渣,一份淨食夠2個人分可以叫多份淨河粉或牛什粉配埋岩岩好,或者配油菜,腩汁撈菜食都一絕牛腩選用帶筋位,食起味道口感更佳,最重要煮得入味唔會又唔肥排隊約5分鐘#陳儀興牛什粉麵地址 旺角煙廠街1-3號鴻祥大廈地下E號舖Shop E, G/F, Hung Cheung Building, 1-3 Yin Chong Street, Mong Kok港鐵旺角站 E2 出口, 步行約6分鐘
繼續閱讀
放假出去西洋菜街睇電器，睇到咁上下就等埋喺附近返工嘅朋友一齊食晚飯，朋友提議食陳儀興牛什粉麵，陳儀興自己都有食過佢嘅潮州菜館同打邊爐，不過佢嘅牛什粉麵就真係未試過。餐廳雖然唔係好大，不過都唔算太逼，而且服務員非常有禮貌，餐牌除咗有粉麵仲有飯及小食提供。招牌牛丸河 ($38) : 河粉份量好大碗，要同朋友share食先搞得掂，因為牛丸係手打關係，口感清爽又彈牙，牛味濃郁又多汁。牛三寶 ($173) : 呢個應該都算係鎮店之寶，三寶分別有牛腩、牛筋、牛肚，淨食每款份量都好多，三寶裏面自己最鍾意就係牛腩，自己一向對牛都有要求，呢個牛腩無得頂肥瘦適中，入口一啲都唔韌，而且煮得夠淋夠入味 ; 牛筋同牛肚洗得好乾淨少少腥味都無，牛筋經過長時間烹煮之後軟化變成膠質，口感淡嫩不膩，質地猶如海參。同朋友都各自加咗 $26 蚊轉套餐。
繼續閱讀