陳儀興尚潮樓 (太子道西)

餐廳位於活化後嘅唐樓，裝修懷舊雅致，有兩層。不過面積唔算大，環境比預期嘈。👌🏼滷水鵝片：質感同口感都OK，未算最嫩滑。滷水鵝肝 切得好薄，口感非常嫩滑，唔會粉粉嘅口感，滷水汁都好入味。唔係5粒星減左一粒星係因為d 顏色好奇怪，賣相唔討好，但係味道係好味嘅。👌🏼魚露浸花甲大部份都冇沙，偶然有一兩粒有少少沙。魚露汁係滷水味同埋少少花雕味，汁料調得唔錯。不過稍嫌花甲嘅size頗細，如果大隻啲口感會有滿足感多啲。💯頭抽鷹鯧魚片 價錢好貴嘅手工菜。原本點嘅時候內心都有啲肉赤，但係食落又好滿意。魚肉大大嚿，質地爽滑，配以頭抽同喼汁嘅味道，好惹味。👌🏼汕頭煎蠔烙：炸得頗鬆軟，唔錯。🤔炸普寧豆腐豆腐炸得好脆，不過就冇豆香味，味道好淡，麻麻地。附送左一碟青醬，係微微嘅酸味。👌🏼沙茶牛肉炒芥蘭：正常味道。糖醋麵：普普通通，外層唔夠脆。👌🏼青橄欖排骨湯：青橄欖帶來少少鹹鹹酸酸嘅味道。整體嚟講，大部分菜式都okay，特別鍾意鵝肝同煎鷹鯧魚片。不過上菜速度好快，枱面又好細又好迫，整體感覺食得好趕。…查看更多

14/6/2025📍陳儀興尚潮樓同屋企人食父親節飯 揀咗間潮州菜館 呢間好似都幾出名 環境又幾企理 就book 咗嚟食晚飯啦😽⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨滷水鵝片拼墨魚（$228）滷水本身唔會太鹹 想要清爽啲可以再點醋食鵝肉好腍好易咬 墨魚幾爽口 底下仲有啲豆腐 都好入味👍🏻 不過份量就比較少✨芋頭焗飯（$138）與其話係焗飯 不如叫炒飯 炒得幾香口 夠鑊氣加咗好多芋頭 芋頭嘅口感好軟綿綿👍🏻✨沙茶牛肉炒芥蘭（$148）牛肉幾滑身 一啲都唔韌沙茶醬好香花生味 芥蘭好爽口 幾好食😋✨糖醋煎麵（$118）冇想像中煎得咁脆 以為會好似脆麵咁一夾起就散 加糖加醋一齊食 都幾好食😋✨香煎韮菜粿（$48）個饀只係得韮菜 冇咩味 外皮厚到不得了 勁難食🤢一份三件 我哋嗌咗兩份 伏到食唔晒✨汕頭煎蠔烙（$128）我哋一致覺得蠔餅好腥🤢未至於腥到食唔落 但唔好食咯✨普寧灌漿（$138）原來係炸蘿蔔絲餅 蘿蔔好甜 新鮮炸起外脆內軟 一份有六件 每件都好大舊 好抵食😻⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$1176（連加一）毎人茶位$15部分野食真係唔掂 連應該係最好食嘅蠔餅都做得咁差 真係有啲失望😿推薦指數🌟：3/5📍太子太子道西179號地舖及1樓…查看更多

同朋友一齊嚟咗呢間潮州菜菜館食午餐🤣$138「招牌滷水鵝肝半份」：一共有四片鵝肝，片片都大大片，鵝肝幾滑，滷得幾入味🤣，仲有兩大片滷水豆腐可以食🤣$88「欖菜肉碎四季豆」：四季豆新鮮，幾爽脆，加埋欖菜同肉碎一齊炒，味道夠晒濃郁，要嚟撈飯食或者送粥食都好啱🤣$88「招牌小炒皇」：材料包括《新鮮爽脆嘅韭菜、腰果、蝦乾、魷魚、蒜頭、紅燈籠椒、黃燈籠椒、脆脆》等，材料都幾豐富，炒得好香口😆$15 白飯 同埋都係 $15 嘅 白粥，配潮州食品一齊食好夾🤣…查看更多

潮州菜館裝修係古樓客棧風，有兩層1️⃣滷水鵝肝 切得好薄，口感非常嫩滑，唔會粉粉嘅口感，滷水汁都好入味。底下豆腐再索哂d滷水汁,好入味😋😋💰HKD$1382️⃣魚露浸花甲花甲新鮮肥美，以潮州特式魚露浸製，味道帶甘甜，花甲肉嫩滑多汁，無沙不腥 ,吸滿魚露的鮮味👍🏻💰HKD$883️⃣滷水雙拼墨魚片爽口彈牙,豬手嫩滑,肥膏剛好,底下都有豆腐,餸飯一流💰HKD$88小菜有好多款選擇,又可以揀粥或飯…查看更多

今次同朋友食lunch, 餐廳位於太子地鐵站附近好方便。室內裝修傳統乾淨，座位舒服，服務都好到位。芋香酥鵝：外皮炸得香脆鬆化，入面芋頭綿密，配鵝肉嘅油香，一啖落去好有層次感，而且唔會太油膩。菜肉碎四季豆：炒得夠香，四季豆爽脆入味，肉碎啖啖肉香，岩晒配飯。招牌鵝肝：鵝肝嫩滑細膩，冇腥味，醬汁調味啱啱好，食落去毫無膩感。仲有滷水豆腐，好入味。適合朋友聚會同埋家庭飯局，特別推薦啲鵝鴨類、鑊氣小炒。下次都想試下其他小菜。…查看更多