陳儀興尚潮樓 (太子道西)

餐廳位於活化後嘅唐樓，裝修懷舊雅致，有兩層。不過面積唔算大，環境比預期嘈。👌🏼滷水鵝片：質感同口感都OK，未算最嫩滑。滷水鵝肝 切得好薄，口感非常嫩滑，唔會粉粉嘅口感，滷水汁都好入味。唔係5粒星減左一粒星係因為d 顏色好奇怪，賣相唔討好，但係味道係好味嘅。👌🏼魚露浸花甲大部份都冇沙，偶然有一兩粒有少少沙。魚露汁係滷水味同埋少少花雕味，汁料調得唔錯。不過稍嫌花甲嘅size頗細，如果大隻啲口感會有滿足感多啲。💯頭抽鷹鯧魚片 價錢好貴嘅手工菜。原本點嘅時候內心都有啲肉赤，但係食落又好滿意。魚肉大大嚿，質地爽滑，配以頭抽同喼汁嘅味道，好惹味。👌🏼汕頭煎蠔烙：炸得頗鬆軟，唔錯。🤔炸普寧豆腐豆腐炸得好脆，不過就冇豆香味，味道好淡，麻麻地。附送左一碟青醬，係微微嘅酸味。👌🏼沙茶牛肉炒芥蘭：正常味道。糖醋麵：普普通通，外層唔夠脆。👌🏼青橄欖排骨湯：青橄欖帶來少少鹹鹹酸酸嘅味道。整體嚟講，大部分菜式都okay，特別鍾意鵝肝同煎鷹鯧魚片。不過上菜速度好快，枱面又好細又好迫，整體感覺食得好趕。…查看更多

因為屋企人生日決定帶佢去試吓新嘢搵咗陳儀興食潮州菜Book位嗰陣都無特別mention係食生日飯Book咗六點 我哋早咗十分鐘去到門口仲掛住「準備中」嘅牌不過佢哋都好好人帶我哋入去坐低先環境唔錯去到第二層安排我哋坐低驚訝地成間餐廳無人但係被安排坐喺廁所門口我哋都有詢問過可唔可以調枱調番入去餐廳位置但係收到嘅回覆都係座位已經安排好晒我哋就以為因為有人擺幾圍所以安排唔到最後都坐低咗喺廁所門口位叫咗鵝片（例）👌🏼普通嘢 無乜鵝味新鮮大墨魚👎🏼一啲都feel唔到新鮮……二十年老菜甫燉鮮豬肚👎🏼胡椒鹹菜鮮豬肚湯👎🏼兩碗湯都係得個鹹字汕頭煎蠔烙👍🏼煎得好香脆 蠔仔好新鮮荔芋香酥鴨👎🏼油膩+油膩 味道完全唔出 芋頭又無芋頭味魚露浸花甲👍🏼花甲被魚露帶咗啲鮮味出嚟超好食 推介蠔仔方魚肉碎粥👍🏼水準之作一行四人食飽飽其實我一路食成餐飯一路都睇緊有咩人會經過我哋而行入餐廳範圍其實又唔係我想像中咁有人擺幾圍食飯諗唔明點解有位嘅情況之下會安排我哋早到嘅坐喺廁所門口唯一一樣美中不足嘅地方就係呢樣安排得有啲差令到成餐飯扣咗好多分希望餐廳可以正視一下呢個問題…查看更多

這間潮州菜館的裝修風格為中國風，古色古香，配有木製桌椅。食物方面，最喜愛汕頭煎蠔烙和碧綠川燒雞，還有每次去潮州菜館，飯後甜品必會吃芋泥及反沙芋頭😋🥢碧綠川椒雞，嫩滑的雞肉帶有香濃的川椒味，微麻口感，搭配輕盈薄脆的珍珠葉，十分惹味。🥢汕頭煎蠔烙，蠔烙的外層粉漿薄而脆，蠔仔鮮嫩，美味。🥢反沙芋頭外脆內嫩，外層裹著糖沙，內餡則是順滑的芋頭，淡淡的芋香味。🥣福果甜芋泥，芋泥口感軟棉，又香又滑。高質素食物，食返童年回憶既味道😋…查看更多

朋友食過再介紹，今次 一行13個人晚飯，除了一星期前電話訂位之外，部分手工菜還要電話預約一早訂好。手工菜有炸普寧豆(必食），汕頭煎蠔烙(推介），古法糯米酥雞，清金鯉蝦 (人頭計, 一人一隻）店舖環境較為擠迫，較古色古香，睇得出有歷史味道 。茶介每人$15一位，其中炸普寧豆腐實在太多人喜愛，最後叫咗 4碟 。部份餸菜例牌，人多就可能叫多一份或半份。由於今次order不小餸菜，確實價錢比較貴，但每一道菜味道好出色，難怪閒日都滿座 。…查看更多

陳儀興尚潮樓 (太子道西)呢間餐廳係潮州菜老字號立足香港超過半世紀而陳儀興唔單止有潮州菜，其他區既分店仲主打等等今次我就同屋企人到訪太子分店舖頭裝修古色古香餐桌坐位闊落，可以舒舒服服同親朋好友聚餐試左以下幾款菜式:1. 鵝三寶 (鵝肉、鵝肝、鵝腸) $298份量唔算多，每款大概有5片左右滷水夠入味，鹹鹹香香我最鍾意食鵝肝!口感綿密肥美鵝腸夠爽脆、鵝片咬落啖啖肉唔錯~底層既滷豆腐都好入味2. 汕頭煎蠔烙 $118食打冷點少得蠔餅陳儀興呢款煎蠔烙用料足蠔夠新鮮同大隻但可惜唔夠酥脆，有蠔既部分會腍左3. 魚露浸花甲 $198浸花甲係煮熟左再凍食全部花甲都好大粒一D沙同腥味都冇每隻花甲上面都配上蒜頭加辣椒夾埋魚露既鹹香一流4. 新鮮大墨魚 $145大墨魚都係煮熟左再凍食食落好彈牙同爽口底層同樣都會配有滷豆腐唔錯!5. 家鄉炒潮州麵線 $128潮州麵線我以為會係好似米線既質地原來係似炒米粉多D味道比較普通同偏油6. 炸普寧豆腐 $78炸豆腐外脆內軟配埋特製醬汁好特別7. 傳統炸蝦棗 $148食落似炸蝦膠 夠彈牙👍🏻8. 古法炸粿肉 $128味道好特別好重豬肉既香味值得一試！9. 反沙芋頭 $88潮州菜經典甜品軟糯芋頭外面包上一層砂糖糖衣表層既糖衣夠哂脆口而且係完美覆蓋哂每一舊芋頭食得岀師傅既功架10. 落湯錢 食落似擂沙湯丸走芝麻餡版本花生粉好香 口感煙煙韌韌但唔會好痴牙好食🤤陳儀興比平時既打冷比的確價錢偏貴而且份量比較少但環境舒適 菜式精緻夠精緻味道都唔錯👍🏻 值得一戰…查看更多

壯男兵團飯局早就訂於八月尾遠赴太子，品嚐老字號近年蛻變成嘅「陳儀興尚潮樓」。由於訂位改期都有難度，七子無懼颱風蘇拉襲港，三號風球都照過海，醫飽咗個肚肚先算。據悉，1963年乃「陳儀興」祖店創業之年，新掌門人為咗不忘家族品牌跨世紀嘅歷練，新集團母店專登揀選喺同樣咁有歷史性嘅第三級保育建築物Hotel 1936內。餐廳正門嘅玻璃窗身後可見師傅備製靚鵝，門外亦有展出餐牌供食客參閱。兩層高嘅潮州菜館樓底高高，光鮮衛生，餐桌間有適當嘅距離，感覺十分舒適。店子中央長長嘅樓梯相信係保育嘅唐樓設計，簡單以荷葉燈飾及觔斗雲點綴，時尚秀逸得黎透出中國色彩。樓上雅座設有大圓枱，適合多人派對。近窗一排散座有個小露台，相信最受煙民歡迎。厚本餐牌中英對照，並附插彩圖。首兩頁先介紹功夫茶及潮汕飲品。其他汽水、啤酒等飲品則印於尾頁。由於開瓶費設於合理嘅$100/樽，食客大多都係自己帶酒，壯漢們當然亦不例外。傳統滷水菜式唔計相相共有兩頁。接著嘅四頁海鮮大多都係時價貨色，所以懶得上載。湯湯有自己一頁。魚翅海味又有一頁。其餘嘅潮州手功菜則有八頁之多。另有大廚時令推介。及精選套餐可選。人多食飯慣性已點定菜。每位席上都擺有齊備嘅自用及公用餐具。鵝肝（$228）：滷水鵝肝每件都一樣咁厚身，咬落柔潤軟滑，完全冇好似荷包咁有硬化嘅痕跡。鵝六寶（$488）：拼盤所含嘅六款滷味分別為鵝肉、鵝肝、鵝腸、鵝掌、鵝翼、鵝蛋。有骨嘅部位一向唔會同人爭，切成條條嘅鵝肉鬆爽入味，鵝腸亦爽脆非常！小肥都係第一次食鵝蛋，感覺其韌韌嘅質感好似橡皮筋咁膠膠地，只可以話唔係自己杯茶囉。翅翅共有三款選擇，一率$438/位，壯男好胃口又要補，一人一碗絕無難度！下圖中奶白色嘅為「濃湯豬腳翅」，左下方清湯底嘅為「菜膽燉鮑翅」，餐牌上兩款都標明足三両翅。潮州紅燒翅（$438/位）：XO仔好傳統地點咗碗潮州紅燒翅。潮州靚翅腍滑香濃，都好足料。汕頭煎蠔烙（$118）：招牌蠔餅鬆化香脆，入面啲蠔仔脹卜卜、肥嘟嘟，送酒一流！傳統普寧灌醬拼傳統炸蝦棗：因菜式內含花生，細佬就冇試到。普寧炸豆腐（$88）：炸至金黃嘅普寧豆腐外層脆薄乾巧，熱辣辣嘅豆腐心軟嫩滑溜。名菜精髓在於伴配嘅韮菜秘汁，幼嫩嘅韮菜成功為豆腐添上清新嘅咸香，絕對係神來之筆！哥哥仔強調普寧特產乃天天由普寧直送香港，新鮮正菜必吃推介也！潮式胡椒鹹菜浸鮮鮑片（$298）：切得夠薄嘅鮑片鮮甜脆巧，滲出嘅胡椒香亦相當惹味。糖醋煎麵（$118）：兩面黃煎得夠乾身，麵條外脆內煙韌，唔會一夾就散，因應個人口味塗點砂糖及醋汁，酸甜消滯不膩口。福清心丸綠豆爽（$45/位）：糖水清潤可口。反沙芋頭（$88）：反沙芋嘅糖衣外皮好酥香，香芋亦粉嫩尤甚。潮州月餅（早鳥價$238/盒；原價$288/盒）：經理哥哥真係識做生意，飯後專登請大家試咗個潮州月餅應吓節。潮州月餅以豬油造出，其酥皮好似老婆餅咁酥潤，中間個蛋黃芋泥餡醇香柔滑。老號新營嘅「陳儀興尚潮樓」環境優雅大方，可於保育建築內用餐確真別具一格！服務生好客落力，傳統潮州菜餚質高味佳，價格合理。XO仔飯後即場仲買咗幾盒潮州月餅做禮，實際地用行動支持，夠哂捧場啦！…查看更多

潮州菜食得多，食過先知咩叫正宗⭐️評分：9/10⭐️地道傳統，味道出色🤫但注意，呢間因為食埋環境同服務，另外同品牌的相對性價比更高--✳️鵝三寶 💕必點👍👍👍鵝肝，鵝腸，鵝肉，滷水豆腐濃濃滷水鹹香滑溜綿綿鵝肝爽身鵝腸反而較鵝肉普通--✳️汕頭煎蠔烙👍👍👍好大一個！！大大隻珍珠蠔粉醬炸得好酥脆--✳️沙茶牛河👍👍👍乾炒牛河的朋友河粉掛住濃郁醬汁牛肉軟滑柔軟--✳️香煎本地英䱽魚 (應該是）❌反而最貴的海鮮沒驚喜味道也可以，也挺香像鹹魚🤣🤣--✳️梅汁炆豬手👍👍酸甜醬汁去骨，入口膠質勁濃郁彈口滑溜肥膏🤤🤤🤤🤤--✳️方魚炒芥蘭❌方魚好香但芥蘭偏硬--⭐味道 9/10⭐️性價比 7/10⭐️環境 9/10⭐️賣相 9/10--值得推介！！！！特別適合長輩可電話預約 (樓上樓下層）…查看更多

十幾年前喺山林道 “潮州名廚” 試過潮州翅同埋滷水鵝肝, 大開眼界, 一試難忘. 從那天起, 鍾意咗潮州菜. 記得幾個月前去老友 “意大利長介” 屋企搞飯局, 佢叫我一齊搭車去攞滷水外賣, 就係新蒲崗 “陳儀興飯店”, “長介” 真係識飲識食. 自此家庭飯局都幫襯過幾次外賣, 主攻滷水鵝片鵝肝. 一直希望試下太子 “陳儀興尚潮流”. 神推鬼㧬, 今日嚟開飯.🍽 餐廳裝修古樸典雅, 地下樓層以2-4人方枱為主, 沿樓梯上二樓, 設有多張圓枱. 氣氛一流! 今日點咗潮州翅, 荷包鱔, 蠔餅, 鵝肉鵝肝.🤗 潮州紅燒翅. 結構似 “飲宴魚翅”, 當然呢個真材實料, 湯底唔會 “渴撻撻”. 大大碗, 味道不俗, 讚!🐟 清燉荷包鱔. 聽講平時要預訂的. 用鹹酸菜葉包住去咗骨嘅白鱔, 有趣! 白鱔已經煮腍晒. 湯夠熱, 微酸, 好飲.🦪 汕頭煎蠔烙. 蠔新鮮大隻, 啱啱炸起好好食. 論粉槳, 唔夠酥脆, 食到中途腍哂, 食四份一已經好滯. 相比之下, “將軍澳陳儀興” 嘅蠔餅明顯優勝.🦢 鵝三寶. 鵝肉, 鵝肝, 鵝腸. 陳儀興嘅滷水非常靠得住, 甘香入味. 鵝肉OK, 唔會太韌. 鵝腸爽口, 唔算多肥膏. 鵝肝最出色, 入口溶化. 呢個三拼抵讚, 留番個肚試其他菜式.🤗 總結: 服務OK, 員工殷勤有禮. “陳儀興尚潮流” 提供多款傳統潮州手工菜式, 睇餐牌已經十分吸引. 滷水繼續出色, 潮州紅燒翅值得推介, 清燉荷包鱔甚有驚喜. 有機會試下其他手工菜式.…查看更多

前兩星期開始諗定母親節去邊度食飯，咁啱老公朋友岩岩食完呢間潮州菜，對它讚不絕口；就決定試下。我地避開咗正日，booked左正日前一日既午飯時間。餐廳係花墟近旺角警署個邊既斜對面，花園街尾賣舊式花生涼果店既隔離-我地被安排左坐樓下近門口的四人枱，坐位舒適-老公朋友推介生醃賴尿蝦、螄蛤等餸菜；但我地四個都唔多鐘意食呢類生醃野，所以冇叫到。其實我黎食之前都已經做左功課，已經諗左叫咩，再等阿爸阿媽ok(通常都無意見)就叫得～第一道菜係魚露浸花甲-花甲清甜，喜歡它的蒜頭，好惹味～之後上鵝三寶 (鵝肝、鵝腸、鵝肉) -我唔食鵝既，只係食左底既滷豆腐; 根據其他三人既comment, 呢碟好食，同好快清哂～阿爸阿媽各自叫咗一客湯，個護國菜湯得到阿媽既讚賞-到梅汁炆豬手-我又係唔食既😅，叫呢個係因為阿爸鐘意食豬手，同之前睇咗食評決定要叫的～佢地三人評語：睇落好油，但食落唔覺，炆到好淋，個汁仲可以用來撈飯～再黎蠔餅-佢地既蠔餅唔會有太多脆醬，感覺不會太油膩及熱氣，好味～油泡鮮魷-呢碟係臨時想叫的餸菜，帶蝦醬味，都惹味～豆醬黃花魚-魚好滑、豆醬汁唔會太咸；老公唔食魚，阿媽又好飽，結果我同阿爸清哂～原本仲想試潮州粿，但太飽；最後只叫了半份反沙竽作甜品，竽頭炸得剛好，不會太粉又不會太爽～埋單千六蚊度，母親大人對食物很滿意；呢度既服務亦十分好，店員態度有禮，亦不時過來換碟及斟茶，難怪老公友人會推薦～…查看更多

時常聽人講食打冷就要去陳儀興, 咁啱今日有朋友邀請我們到太子陳儀興尚潮樓用餐. 餐廳是位於舊式大廈配新裝修, 格局精美. 坐低後, 問問服務員新蒲崗陳儀興與這間店有沒有關係, 他們回答是同一個老闆, 格局層次不同. 這麼真是一分錢一分貨😅 訂座時, 餐廳已說明用餐時間90分鐘潮式鹵水拼盤當然唔少得叫啦! 鵝六寶$388, 分別有鵝肉, 鵝肝, 鵝腸, 鵝掌, 鵝翼, 鵝蛋, 底層有豆腐. 這個鹵水拼盤份量也算多, 味道都不錯. 最深刻印象是鵝肝及鵝蛋的味道, 因為我是第一次食鵝蛋, 蛋白質地偏硬, 蛋黃味道很濃, 食完覺得味道幾特別😋鹵水墨魚$138鹵水墨魚當然有鹵水味啦! 墨魚質素好入, 質感也很彈牙, 爽口👍 底層也有豆腐魚露浸花甲(凍食)$158魚露都知道它的味道偏鹹, 平時加少少是提升食物味道. 不過這個浸花甲, 只吃得到鹹味. 份量也很少一碟只得14隻生醃瀨尿蝦$288味道與魚露浸花甲一樣, 只是主角由花甲變了瀨尿蝦. 瀨尿蝦看似著了一件透明的衣裳, 視覺幾特別😍 不過這道菜的味道&口感不懂太欣賞梅汁炆豬手$158非常濃郁的梅味, 不過豬手亦有好大陣豬味😕 食物味道覺得少少鹹肚肉苦瓜煲$128肚肉即是腩肉苦瓜煲, 每件腩肉都有分層次, 有肥有瘦. 苦瓜味道正常, 內有冬菇&蒜子. 整體味道都不錯😋普寧豆醬生焗走地雞半隻$190普寧豆醬也是鹹的調味料, 雞肉質素都可以汕頭煎蠔烙$118樣貌幾吸引, 不過蠔仔有陣怪味🥴, 不懂怎樣形容這味道. 本人覺得麻麻地😑家鄉炒潮州麵線$108本人覺得是一碟普通的炒麵線, 味道偏淡, 要加少少辣椒醬來進食方魚肉碎粥$68粥底似是用日本米煮成, 不似一貫的潮州粥口感若然我再一次去陳儀興食打冷, 我會選擇去新蒲崗飯店格局這間. 我相信更食到潮州打冷店的味道, 價錢亦較便宜, 性價比相對高一些…查看更多

太子近花園街有間潮州菜，裝修得好靚，食物方面都比較精緻同好多海鮮選擇，當然滷水鵝就係主打之一。生醃瀨尿蝦：我都係第一次食生瀨尿蝦，醬汁有小小酒味，醃左落去好開胃仲食得到個種鮮味。魚露浸花甲：呢碟野我真係食唔停口，魚露整得好好味😋花甲熟度啱啱好，真心正我個人覺得必叫。鵝肉拼豬大腸：鵝肉肥瘦均勻，佢d滷水唔太鹹啱啱好👍🏻👍🏻👍🏻大腸好淋身一d羶味都冇，豆腐吸晒d滷水汁好正。汕頭煎蠔烙：炸到卜卜脆成件滿滿都是蠔仔🦪老藥桔：我覺得有小小似涼茶味😂😂😂…查看更多

今日相約咗一個潮州朋友食lunch，佢推介呢間喺太子嘅潮州菜館，話坐得舒服味道又正宗，所以帶我嚟試吓。餐廳環境清幽，可能加上限聚令嘅關係，入面非常寬敞，完全冇侷促嘅感覺，仲可以同朋友靜靜哋傾吓偈享受一下寧靜嘅環境。餐牌嘅相影得好靚，睇見都吸引，加上朋友推介呢間陳儀興，令我充滿期待。杯碟等餐具都非常精緻，而且全部都印有同一個風景圖案，相信就係潮汕一帶嘅風景啦！先來一個前菜生醃賴尿蝦，帶微酸嘅汁醃製嘅賴尿蝦感覺非常清新，有少少似泰式生蝦刺身咁，食落好開胃！食潮州菜其中一樣主打就係食鵝片，所以我哋揀咗鵝片拼墨魚，估唔到佢嘅份量超多，下面仲有滷水豆腐，鵝肉嫩滑肥美，墨魚亦非常彈牙，我認為可以一試再試！潮州菜嘅第二主打就非蠔餅莫屬啦，呢個蠔餅充滿蛋香，啖啖蠔仔肉，而且做得好乾身，完全無油膩嘅感覺，真係好高質嘅蠔餅！就咁食餸有啲重口味，所以叫咗碗潮州白粥，雖然完全冇任何調味，但都食到有米香，感覺唔錯！店員推介我哋夏天最好飲番杯老藥桔，開頭聽到有個「藥」字以為會好重藥材味，但其實飲落去甜甜哋，有啲似夏枯草之類咁，生津止渴！最後食個潮式甜品，原本想叫反沙芋，但朋友話唔鍾意外邊一層砂糖嘅感覺，所以最後我哋叫咗福果甜芋泥，呢個對我來講比較甜少少，但勝在芋泥打得非常滑口，白果好淋，正！呢餐真係食得好飽，以前喺九龍城食過潮州菜，環境比較舊式傳統同埋好有家鄉嘅感覺，而呢度就係一個充滿格調嘅潮州菜館，能夠享受正宗潮州風味之餘環境亦特別舒適高尚，令人非常享受滿足！…查看更多

約左好耐冇見的閏蜜W見面同傾計，知道佢一直都大愛潮州菜，所以就特登上OPENRICE找找資料，見到呢家在太子既陳儀興，見D食評都寫得好好，所以就決定來呢到試下LA，大家都未食過，最有新鮮感。呢到既環境好古典，予人高貴的氣氛，唔似一般印象中既大牌檔打冷店。今次可以坐得舒舒服服地享受潮州美食，感覺真好!甫一坐下侍應生就送上經典的功夫茶，哇非常好飲，甘而且潤喉。花生也好脆好好食，停唔到口呀~打冷一定要食鵝三寶$228，呢碟非常大堆頭既潮州經典食物，味道好不在話下，用料食得出好新鮮，而且份量仲好大呢。我最愛的美味鵝腸，又香又爽口，每條都大大條，大滿足~!!!!仲有豆腐都係非常入味，而且每件好靚也有豆味。汕頭煎蠔烙$98  名不虛傳的美味蠔烙，其中有好多大大粒的蠔仔，非常之香脆，加上新鮮炸起所以真係香嘳嘳~質地做得剛好，而且又唔會太油膩，脆得來又爽口。大讚~!!!梅汁炆豬手$138，呢個味道比較咸同濃味，不過配埋潮州白粥，就真係剛剛好。豬手好林，肉質新鮮而且骨都食到，食得出係炆左好耐，而且用心既一道菜。普寧豆醬蒸海魚$198 好滑的海魚，食完以上既小菜之後再食呢一味，感覺清一清都係好。普寧豆醬的確係有一股獨特香味，可以帶出海魚的鮮甜味。再來一杯烏豆水，酸酸地又消滯~VERY GOOD整體覺得呢到真係好好食，而且又可以舒舒服服享受，仲有好飲的茶。下次一定要再來。…查看更多