陳儀興尚潮樓 (太子道西)

餐廳位於活化後嘅唐樓，裝修懷舊雅致，有兩層。不過面積唔算大，環境比預期嘈。👌🏼滷水鵝片：質感同口感都OK，未算最嫩滑。滷水鵝肝 切得好薄，口感非常嫩滑，唔會粉粉嘅口感，滷水汁都好入味。唔係5粒星減左一粒星係因為d 顏色好奇怪，賣相唔討好，但係味道係好味嘅。👌🏼魚露浸花甲大部份都冇沙，偶然有一兩粒有少少沙。魚露汁係滷水味同埋少少花雕味，汁料調得唔錯。不過稍嫌花甲嘅size頗細，如果大隻啲口感會有滿足感多啲。💯頭抽鷹鯧魚片 價錢好貴嘅手工菜。原本點嘅時候內心都有啲肉赤，但係食落又好滿意。魚肉大大嚿，質地爽滑，配以頭抽同喼汁嘅味道，好惹味。👌🏼汕頭煎蠔烙：炸得頗鬆軟，唔錯。🤔炸普寧豆腐豆腐炸得好脆，不過就冇豆香味，味道好淡，麻麻地。附送左一碟青醬，係微微嘅酸味。👌🏼沙茶牛肉炒芥蘭：正常味道。:(糖醋麵：普普通通，外層唔夠脆。👌🏼青橄欖排骨湯：青橄欖帶來少少鹹鹹酸酸嘅味道。整體嚟講，大部分菜式都okay，特別鍾意鵝肝同煎鷹鯧魚片。不過上菜速度好快，枱面又好細又好迫，整體感覺食得好趕。…查看更多

14/6/2025📍陳儀興尚潮樓同屋企人食父親節飯 揀咗間潮州菜館 呢間好似都幾出名 環境又幾企理 就book 咗嚟食晚飯啦😽⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨滷水鵝片拼墨魚（$228）滷水本身唔會太鹹 想要清爽啲可以再點醋食鵝肉好腍好易咬 墨魚幾爽口 底下仲有啲豆腐 都好入味👍🏻 不過份量就比較少✨芋頭焗飯（$138）與其話係焗飯 不如叫炒飯 炒得幾香口 夠鑊氣加咗好多芋頭 芋頭嘅口感好軟綿綿👍🏻✨沙茶牛肉炒芥蘭（$148）牛肉幾滑身 一啲都唔韌沙茶醬好香花生味 芥蘭好爽口 幾好食😋✨糖醋煎麵（$118）冇想像中煎得咁脆 以為會好似脆麵咁一夾起就散 加糖加醋一齊食 都幾好食😋✨香煎韮菜粿（$48）個饀只係得韮菜 冇咩味 外皮厚到不得了 勁難食🤢一份三件 我哋嗌咗兩份 伏到食唔晒✨汕頭煎蠔烙（$128）我哋一致覺得蠔餅好腥🤢未至於腥到食唔落 但唔好食咯✨普寧灌漿（$138）原來係炸蘿蔔絲餅 蘿蔔好甜 新鮮炸起外脆內軟 一份有六件 每件都好大舊 好抵食😻⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$1176（連加一）毎人茶位$15部分野食真係唔掂 連應該係最好食嘅蠔餅都做得咁差 真係有啲失望😿推薦指數🌟：3/5📍太子太子道西179號地舖及1樓…查看更多

小編今日來到太子一間潮州菜館「陳儀興尚潮樓」，首間餐廳早於1963年於新蒲崗創立，選址政府保育歷史建築中，品嚐到地道潮州風味，彷彿走進五六十年代的懷舊潮州老店🙌🏻 餐廳走古樓客棧風，佈滿精美刺繡與傳統壁畫，陶瓷餐碟呈現出中國山水畫特色，營造出濃厚的中國古典氛圍✨餐廳主打 「原汁原味，不時不食」 理念，還原經典潮州打冷菜式與傳承多年的滷水美食，講究食材新鮮與手工烹製，喜愛潮州風味與氛圍的吃貨們不能錯過🧡招牌「滷水鵝三寶（鵝肝、鵝肉、鵝腸）」潮州滷水的經典組合🥇 鵝肝細膩滑嫩，入口即化✨ 鵝肉緊實入味，帶鵝肉油脂香，鵝腸爽脆彈牙，滷水香氣濃郁，滲透每一寸肉質，鹹香中帶點微微的藥材香氣，口感豐富有層次，是潮州打冷中的經典代表，非常推薦給喜歡濃郁滷味的食客👍🏻「魚露浸花甲」花甲新鮮肥美，以潮州特式魚露浸製，味道帶甘甜，花甲肉嫩滑多汁，無沙不腥 🐚 吸滿魚露的鮮味，簡單食材卻鮮甜極致🧡「汕頭煎蠔仔烙」外皮香酥，蠔仔鮮甜多汁，煎得剛剛好，蘸上魚露提鮮，潮州菜的經典美食，一口咬下滿是潮汕風味🦪「新鮮大墨魚」墨魚選料新鮮，經過潮州式滷水浸製，雪白外皮呈彈牙有韌性，滷香入味，墨魚鮮甜，推介海鮮之選🦑 「潮州鮮拆蟹棗」手工精製的蟹棗，外皮炸得酥脆，內餡是人手鮮拆的蟹肉，滿口都是海鮮的鮮甜，蘸上蜜糖醬增鮮減膩🍯 是潮州點心中的高級之選，「潮式咕嚕肉」炸至外酥內嫩，酸甜汁調味得宜，加入新鮮菠蘿、蕃茄及馬蹄🍅🍍，講究肉質與醬汁的平衡，配上白飯一流🍚 「潮式椒鹽九肚魚」外皮輕薄香酥，魚肉超級嫩滑，比豆腐還要嫩滑🧡 搭配香氣撲鼻的椒鹽，鹹香惹味，推介前菜之選🙌🏻「反沙芋」潮州甜品中的經典，芋頭香甜粉糯，外層裹上糖霜，經過反覆炒製處理後形成一層薄薄的糖晶，香甜不膩，是潮式晚餐後完美的甜品💜🍽 ：滷水鵝三寶；魚露浸花甲；汕頭煎蠔仔烙；潮州鮮拆蟹棗；新鮮大墨魚；潮式咕嚕肉；潮式椒鹽九肚魚；反沙芋👅 好味指數：8.5/10；8.25/10；8.25/10；8.25/10；8.0/10；8.0/10；8.5/10；8.5/10💰 消費：HK$298；HK$198；HK$128；HK$145；HK$168；HK$128；HK$188；HK$118📍 地址：陳儀興尚潮樓 (太子) — 九龍太子道西179號 Hotel 1936 地舖及1樓…查看更多

原來樓上都有，的確好多人，係好食嘅，不過有啲貴，性價比唔算太高，我哋三個人平均每人$1000落樓，唔算食咗一啲特色嘅嘢，不過每人食咗個翅，我覺得個次可以啦，但係下次可以食平嗰隻就可以啦呢間潮汕米芝蓮餐廳雖然好有名，但試完之後真心覺得ok la。首先，餐廳環境同裝修都算ok，但冇乜特別feel，唔係嗰種會令你印象深刻嘅地方,而且仲有啲嘈，至於食物，食材雖然新鮮，但味道就真係好普通，冇嗰種「嘩！」嘅感覺，甚至啲招牌菜都覺得好一般，可能我對米芝蓮有期望，服務方面，啲員工態度ok，但效率一般，特別係人多嘅時候，成日要等好耐。大家記得訂枱，最關鍵係，呢度價錢唔平，以呢個質素嚟講，性價比真係唔高。整體嚟講，呢間餐廳有啲噱頭，但話係米芝蓮水準，感覺係靠名氣多過實力囉。…查看更多

招牌滷水鵝三寶 $298 ：滷水味啱啱好唔重唔淡，鵝腸非常有口感，鵝片肉質軟嫩。魚露浸花甲 $198：魚露味重，但唔會掩蓋咗花甲原本嘅鮮味🥰生醃膏蟹 $時價：非常新鮮，好多蟹膏😍蟹肉似啫喱咁q彈，非常出色🌟不過上面鋪左勁多生蒜，較重口生醃瀨尿蝦 $時價：肉質新鮮肥美，非常入味。不過同膏蟹一樣上面都鋪勁多生蒜🧄略為重口。👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻今次特登黎試佢地嘅生醃，冇諗過味道咁出色😍除左啲生蒜重口左啲之外真係冇得頂，而且每樣都多凍。真係食得好滋味😚不過生醃都系要提前book，所以鐘意食生醃嘅唔好錯過喇☺️…查看更多

今次去食咗間餐廳嘅招牌花甲，真係令人回味無窮！花甲處理得好乾淨，冇沙，肉質又鮮嫩。金不換嘅香味同花甲嘅鮮味完美融合，一啖落去，滿嘴都係香氣。個汁調得啱啱好，唔會太鹹或者太淡，仲帶住微微嘅辣味，好開胃。花甲排列得好整齊，上面仲撒咗好多金不換葉同紅辣椒，賣相十分吸引。配菜方面，白飯同個菜好夾，可以蘸埋個汁一齊食，簡直正到爆。餐廳環境都唔錯，服務周到，上菜速度都幾快。總之呢道花甲真係好正，值得推介畀大家。下次再去，我一定會再點呢個菜！…查看更多

今日同朋友聚會，想搵個唔錯嘅地方食吓嘢傾吓偈， 朋友推介食潮州食物，所以嚟在這一間試試。首先，環境不錯，可能星期一至四，所以唔算太多人，但系都有訂枱的人入座。整體環境優雅乾淨所以同朋友傾偈這個地方不錯，不會太嘈吵。食物方面的味道也算不錯，中規中矩咁啦，叫了一個「鵝肝」鹵水鵝肝，這個口感跟法式的鵝肝很不相似。這個就會清新少少，沒有這麼膩，但口感很嫩滑，肝味就唔會太濃。鵝肉都不錯，正常。魚露浸花甲 這個花甲，味道不是太濃，但是很鮮味也不錯。煎蠔餅香香脆脆，而且有很多蠔仔肉，幾香口幾惹味。「炸普寧豆腐」這個炸得很香脆，外脆內軟滑，口感不錯。但要很快的食，凍咗就冇咁好食。話梅豬手，呢個就有咬口，嗰醬汁酸酸甜甜幾開胃， 肉質偏爽。 整體嚟講算唔錯，因為空間唔係好大，所以枱數唔係好多， 分得比較散，所以環境好適合聚會同，同朋友傾偈。…查看更多

因為屋企人生日決定帶佢去試吓新嘢搵咗陳儀興食潮州菜Book位嗰陣都無特別mention係食生日飯Book咗六點 我哋早咗十分鐘去到門口仲掛住「準備中」嘅牌不過佢哋都好好人帶我哋入去坐低先環境唔錯去到第二層安排我哋坐低驚訝地成間餐廳無人但係被安排坐喺廁所門口我哋都有詢問過可唔可以調枱調番入去餐廳位置但係收到嘅回覆都係座位已經安排好晒我哋就以為因為有人擺幾圍所以安排唔到最後都坐低咗喺廁所門口位叫咗鵝片（例）👌🏼普通嘢 無乜鵝味新鮮大墨魚👎🏼一啲都feel唔到新鮮……二十年老菜甫燉鮮豬肚👎🏼胡椒鹹菜鮮豬肚湯👎🏼兩碗湯都係得個鹹字汕頭煎蠔烙👍🏼煎得好香脆 蠔仔好新鮮荔芋香酥鴨👎🏼油膩+油膩 味道完全唔出 芋頭又無芋頭味魚露浸花甲👍🏼花甲被魚露帶咗啲鮮味出嚟超好食 推介蠔仔方魚肉碎粥👍🏼水準之作一行四人食飽飽其實我一路食成餐飯一路都睇緊有咩人會經過我哋而行入餐廳範圍其實又唔係我想像中咁有人擺幾圍食飯諗唔明點解有位嘅情況之下會安排我哋早到嘅坐喺廁所門口唯一一樣美中不足嘅地方就係呢樣安排得有啲差令到成餐飯扣咗好多分希望餐廳可以正視一下呢個問題…查看更多

在繁忙的太子區之中，尚潮樓如同一個世外桃源，讓人瞬間沉浸在古典的中國風情中。餐廳的內部設計優雅，以木質桌椅為主，融入了傳統的潮州元素，令人感受到濃厚的文化底蘊。兩層樓的寬敞空間，為三五好友或者家庭聚餐提供了絕佳的場所，環境雅致，氣氛輕鬆自在。功夫茶🫖食飯前後飲杯功夫茶，味道甘香，開胃解飽！梅子蕃茄🍅 $68以新鮮蕃茄為基底，搭配酸甜適中的梅子醬汁，清爽開胃。蕃茄多汁鮮甜，梅子帶來微微的酸味，使整體味道層次豐富。汕頭煎蠔洛🦪 $128金黃酥脆的外層包裹著鮮美的蠔肉，煎得恰到好處，香氣四溢。蠔肉鮮嫩多汁，咬下一口滿是海洋的鮮味，外層酥脆，口感豐富。梅汁鱔球🐟 $298鱔球新鮮，搭配微酸的梅汁，增添一份清新感。梅汁的酸味與鱔魚的鮮甜完美融合，味道層次豐富，令人回味無窮。鵝三寶🧆 $298這道菜包括鵝肝、鵝肉和鵝腸，經過精心烹調，肉質香嫩，口感豐富。鵝肝入口即化，鵝掌軟爛入味，整體滋味濃厚，展現出濃郁的潮州風味，家鄉炒潮州麵線🍜 $128細滑的潮州麵線配以豐富的配料，如蝦仁、豬肉片、蔥花等，炒至入味，麵線吸收了各種醬汁，味道濃郁且層次分明。方魚炒芥蘭🥗 $118新鮮的方魚搭配爽口的芥蘭，快炒至剛好熟透，魚肉細嫩鮮甜，芥蘭保持脆嫩，福清心丸綠豆爽🫕 $45綠豆製成的甜品，經過細心熬煮，口感細膩且帶有天然的甜味。冰涼的綠豆爽清熱解暑，甜而不膩太子尚潮樓以其優雅的環境、親民的價格和精緻的菜式，無疑是一個適合聚餐的理想場所，值得再次光顧。🌟推薦指數：8/10💰人均消費：$400📍地點位置：太子太子道西179號地舖及1樓…查看更多

📍陳儀興尚潮樓太子太子道西179號地舖及1樓陳儀興尚潮樓係一間以正宗潮州菜聞名嘅高質餐廳 🥢。環境古色古香，帶有濃厚嘅中式情懷，座位寬敞舒適，適合家庭聚會或朋友飯局 😊。餐廳以傳統手工菜為主打，菜式精緻，令人一試難忘 ✨。首先試咗「汕頭煎蠔烙」，😍 蠔烙外層煎得香脆金黃，蠔仔好大粒，肥美鮮甜 🦪。「魚露浸花甲」同樣出色，花甲大隻新鮮，肉質爽滑，浸喺特調魚露中，鹹香中帶出花甲嘅天然鮮甜，絕對係必點！🔥「滷水鵝片拼鵝腸」係招牌菜，滷水香氣濃郁，鵝片切得厚薄適中，肉質軟嫩，帶點鵝油香 🦢；鵝腸爽脆無腥味，滷汁入味，底層嘅豆腐仲吸晒滷水精華😋。「荔芋香酥鴨」係手工菜嘅代表，外皮酥脆，芋蓉軟綿香甜 🦆，鴨肉嫩滑，配上酸甜醬汁，層次豐富，解膩又開胃🌟整體而言，陳儀興尚潮樓嘅菜式無論味道、賣相定手工都一絲不苟，價格稍高但物有所值，係潮州菜愛好者嘅不二之選！👍 下次一定再試其他招牌菜！💰人均~$400😋總評分: 8/10  #foodlab太子 #foodlab新蒲崗 #foodlab 將軍澳 #foodlab鰂魚涌…查看更多

朋友外國回來. 想食返潮州嘢. 網上做下功課 睇下現行邊啲值得食. 見到陳儀馨 comment幾好. 訂位試吓可惜 各過其實 完全唔掂坐低就sell我食魚翅. 未試過質素梗係唔會食貴嘢先啦. 叫咗幾種潮州代表嘢1）鹵水鵝三寶 鵝肉/鵝腸/鵝肝 緊合格啦 鹵水味唔夠味2）煎蠔餅 屬於傳統 淋身啲 呢個就幾唔錯3）香酥鵝 完全唔合格 芋頭蓉成寸口. 以為好矜貴 但香酥鴨香酥鵝 就係要薄身先好 4）普寧豆腐 仲話係普寧直送香港. 不知所謂 個脆皮同個豆腐係離身嘅, 個皮 偏韌 豆腐唔係入口溶 有啲似布包豆腐. 懶係特色唔係點鹽水 自家製韭菜蓉醬汁 根本就唔係普寧豆腐 又食唔返潮州菜嘅味道4）兩面黃 呢個炒麵 個底淋 調味太濃 返到屋企仲口乾5）大眼雞凍魚 真係幾大條. 完全冇魚味，不及街邊檔 但係個黃豆醬幾香嘅6）蠔仔粥 勉強合格 冇特別 7）反沙芋 都未炒夠. 感覺好似 糖霜芋頭. 一上菜見到個顏色已經唔掂. 係唯一個芋頭質地幾靚一坐低淨係特別花生已經唔多對版， 鹹酸菜都唔畀一碟四位 咁就千六蚊我們四個都話唔好食. 真係難怪那麼多香港人北上消費…查看更多

四個人，卜枱午市時間去。叫咗古法糯米酥雞$588，魚露浸花甲$198，鵝三寶$298👌🏻，金不換魚露炒花竹蝦$392，炸普寧豆腐$88👌🏻，方魚炒芥蘭$118。賣單$1916，連茶介服務費。古法糯米酥雞上到嚟，真係有「嘩！」一聲嘅感覺，但係食落去就一般般。佢只不過係攞啲松子花生同糯米去塞滿隻雞，啲雞肉完全唔知去咗邊，剩係得喺個皮連住嗰少少，仲要糯米係生生地。🤡個花竹蝦係梅嘅，方魚炒芥蘭，其實係方魚浸芥蘭。（呢碟餸完全有影過相）差到第二日都要打返個一般評價，因為佢環境同佢服務係好嘅，所以一般評價係俾人見到樓面員工嘅努力，食物真係Cannot。啲相已經個別upload 再評價過，出多篇文警世。…查看更多

這間潮州菜館的裝修風格為中國風，古色古香，配有木製桌椅。食物方面，最喜愛汕頭煎蠔烙和碧綠川燒雞，還有每次去潮州菜館，飯後甜品必會吃芋泥及反沙芋頭😋🥢碧綠川椒雞，嫩滑的雞肉帶有香濃的川椒味，微麻口感，搭配輕盈薄脆的珍珠葉，十分惹味。🥢汕頭煎蠔烙，蠔烙的外層粉漿薄而脆，蠔仔鮮嫩，美味。🥢反沙芋頭外脆內嫩，外層裹著糖沙，內餡則是順滑的芋頭，淡淡的芋香味。🥣福果甜芋泥，芋泥口感軟棉，又香又滑。高質素食物，食返童年回憶既味道😋…查看更多

次次團年飯幾乎都係食傳統廣東菜，舊年試咗酒店上海菜，今年有人建議嚟呢度食潮州菜，真係幾新鮮喎。😂 聽講呢度都幾難搵位，於是提早打電話嚟訂坐第二輪晚上8:15。幾年前同朋友喺地下嗰層食過晚飯，今晚張枱喺二樓，不過餐廳員工見到我哋有老有嫩，就叫我哋坐𨋢。原來餐廳入面有專𨋢。👍🏼👍🏼我哋睇緊餐牌嗰陣，有位餐廳員工向我哋推銷龍蝦，話千零蚊隻凍龍蝦好抵食，仲攞埋隻龍蝦俾我哋睇。隻龍蝦都幾大隻又未試過凍食，我哋叫咗，果然買相同味道都真係唔錯。😋凍烏頭魚點豆醬就試得多，今晚豪啲食凍馬友，果然唔同食法，條魚啲肉又嫩又滑，雖然貴啲，都值得試試。😋😋😋碧綠川椒雞啲雞鮮嫩，味道帶少許麻辣，珍珠葉炸得香脆但唔會好油膩。我哋叫咗鵝六寶，入面有鵝肉、鵝肝、鵝腸、掌、翼、鵝蛋。我哋再叫鹅肝嗰陣，職員提我哋六寶入已經有鹅肝。我哋13人幾片一定唔夠食，所以叫多個例牌。😂個單點鵝肝厚切兼嫩滑，一向唔係好食內臟嘅我都覺得好正。😋呢間餐廳嘅汕頭煎蠔烙，睇相都見到好多蠔，仲要粒粒脹卜卜，出邊食嗰啲有時睇起嚟係似蠔仔煎蛋，但係呢度就真係蠔仔係主角。加少少胡椒粉喺上面先食係味蕾嘅享受。😋😋😋我一直都覺得「沙嗲」係潮州話「沙茶」，尋根究柢終於發現原來係有分別嘅😅，今晚呢碟啲牛肉好嫩，沙茶醬唔會好鹹，佢哋用咗芥蘭苗，所以啲菜都好嫩，最後成碟清晒。😋😋😋苦瓜排骨煲啲苦瓜唔苦，啲排骨又滑又大槐。蒸嘅粿就食得多，炸嘅我都係第一次食，我個人唔覺得佢特別好食。😂其實我哋仲有叫到甜品，但係掛住食唔記得影相。整體嚟講都係唔錯，我最欣賞條馬友夠嫩滑、牛肝口感非常好，蠔烙啲蠔仔好多同好肥美。可能喺近年尾，好多人食團年飯，坐得唔係太舒服。食物味道唔錯，不過價錢偏貴。但係團年飯食潮洲菜好特別、加上餐廳入面有專𨋢，都適合一家大細嚟食。…查看更多

完全無抱期望去試食,點知極大驚喜,滷水三拼阿媽細佬食到舐舐脷,老人家嫌鵝腸韌,改了大墨魚,超好食,勁推介蠔仔粥足料,最好加了方魚塊吊味,大大碗好滿足午餐較少人,晚餐最好訂位…查看更多