當我到了之後,開始晴天霹靂! 先不是地下, 而是換了1樓, 雖然有𨋢, 但是, 是餐廳"最入嗰一張枱, 即是"摩西過紅海”
, 要所有坐近走廊位置嘅客人, 全部起身！拍埋張凳！輪椅人士才可通過所有人, 走到通道盡頭, 還要我自己搬走茶幾, 才到枱邊！輪椅人士更是不能拍進枱底的, 因為膝頭哥頂住枱的裙邊, 即是要離枱三尺進食！最離譜,"經理"一直在樓下沒有上來為我們開路, 樓上侍應亦完全不知怎算 (請細心查看閉路電視), 我親自要雙手合十, 說對不起, 叫每位客人要整個人起身拍埋張凳, 不是向前少少就可以！當然有食客非常不滿說: 等一陣啦, 你睇唔倒我倒緊茶咩!
我講起碼十多個“對不起”先入到 貴餐廳所安排的餐枱,如果將心比已, 你及你的家人是這樣才可開始食一頓節日飯, 請問心情會怎樣???
落order時,貴餐廳侍應更突然行開咗四次(請細心查看閉路電視), 因為佢不斷用walkie talkie叫人上來話唔夠人, order又落錯, 浸花甲, 就落多咗一個花甲湯! 人手不足夠, 枱放得太迫, 是這樣賺錢嗎？無能力賺錢就不要那麼多枱; 錢是賺倒了, 聲譽完全受損!
最後, 非常之不開心叫埋單,因為要預再次摩西過紅海
, 所有坐近走廊的食客再次起身, 所以我一埋單, 隔離枱已經有食客主動起身了, 侍應氣沖沖攞部機行過嚟畀我, 亦都是沒有任何員工開路 (請細心查看閉路電視),都是媽媽自己講對不起叫客人起身讓路, 沒有任何工作人員幫忙開路, 走時才見倒有其他客人的枱上有功夫茶及生果, 同事亦都冇拎給我們或提示我們還有功夫茶及生果！(請細心查看閉路電視),落到地下層還是見倒經理無所事事的站著, 我說：點解今日安排到咁？佢話搞錯咗啲嘢, 唔好意思！我話你知唔知我哋有幾難過呀？呢一餐係人生最慘最淒慘嘅一餐？經理再次講唔好意思就沒有說話了！
由屯門出來, 坐了來回接近$800 鑽的Diamond Cab, 就是想家人開心在大節日中秋節試下潮州菜, 不知所謂到呢個地步??? 我真的真的人生未嘗過咁差劣的餐廳, 包括:
1. 人手不夠, 不專業;
2. 要求講了安排樓下,竟變了樓上一樓, 還要是最入最入露台的一張枱;
3. 落ORDER落錯;
4. 落ORDER時, 侍應可隨時走開起碼達4次;
5. 自行叫其他客人起身,開路完全沒有任何 貴餐廳員工幫忙;
6. 埋單時沒有拎或提示有功夫茶及生果;
7. 經理不是經理,完全沒有解決問題的能力,亦不打算面對自己或公司的過錯 (如果我是他, 點都要硬著頭皮上來和客人面對面道歉, 不是過份吧???????!!!)
總括: 我夠膽講句, 貴餐廳已經到達九流到不能再九流的地步, 比茶餐廳更要差劣。如想繼續生存下去, 香港人留港消費, 收得呢個價錢, 不太奢望高水準, 起碼也要做回基本水準吧? 黎得既客人, 期望應該不是茶餐廳服務那麼低。但如果能力不夠, 只是想盡賺錢, 就不如打消傳承的理念了, 無謂越做越衰! 令陳億桐先生失望, 做壞招牌!
